32 C
Phnom Penh

នគរបាលប៉ុស្តិ៍​ភ្នំ​​ពេញ​ថ្មី ខណ្ឌ​ សែន​សុខ ​ស្វែង​រក​ការជួ​យ​ឧបត្ថម្ភ​ស្រាបៀក្នុង​ពិធី​បុណ្យ​ចូល​ឆ្នាំ​ចិន​

ដោយ ឌឹ ខេមបូឌា ដេលី

បទវិភាគ

ដោយពិធីបុណ្យ​ចូល​ឆ្នាំ​ចិន​ជិត​មក​ដល់​ អំ​​ណាចច្បាប់​បាន​ចេញ​ម្តងទៀត​សម្រាប់​​ក្រុម​ហ៊ុន​អាជីវកម្ម​នា​នានៅ​ក្នុង​សង្កាត់​យ៉ាង​តិច​មួយ​ក្នុង​រាជធានី​ភ្នំពេញ ដោយ​សុំ​​​ជួ​យ​​ឧបត្ថម្ភ​ដល់​នគរបាល​នូវ​ស្រា​បៀ​​ក្នុង​ការ​ចូល​រួម​ពិធី​បុណ្យ​ចូល​ឆ្នាំ​មមី។


យោង​តាម​លិខិត​ស្នើ​សុំ​ផ្លូវ​ការ​មួយ​ច្បាប់​ចុះ​ថ្ងៃ​ទី​២៥ ខែមករា លោក ព្រំ សារឿន នាយ​​រង​ប៉ុស្តិ៍​នគរបាល​ភ្នំពេញ​ថ្មី​ ខណ្ឌ​សែន​សុខ​ បាន​ស្នើ​សុំ​ម្ចាស់​អាជីវកម្ម​នានា​ដែលស្ថិត​ក្រោម​ការ​ត្រួត​ត្រា​របស់​គាត់ ​ដើម្បី​បង្ហាញ​ពីការ​ដឹង​គុណរបស់​​​​ពួកគេ​ ចំពោះ​ការ​ងារ​របស់​មន្ត្រី​នគរ​បាល ​ដោយ​ជួយ​ឧបត្ថម្ភ​ស្រា​បៀ​ខ្លះ​។

លិខិត​ដែល​មាន​អាសយ​ដ្ឋាន​ផ្លូវ​ការ​មាន​​ខ្លឹម​សារ​ថា “ ដើម្បីអបអរក្នុង​ពិធី​​ចូល​ឆ្នាំ​ចិន-វៀតណាម​ដែលប្រព្រឹត្តទៅ​នៅ​ថ្ងៃ​ទី​៣១ -០១-០២ខែ​មករា​ ឆ្លងខែកុម្ភៈខាងមុខនេះ​​ នគរបាល​សង្កាត់​ភ្នំពេញថ្មី​ មា​ន​​​ផែនកា​រ​ការពារ​ឱកាសនេះឲ្យមាន​សុវត្ថិភាព​ល្អ ប៉ុស្តិ៍​​ស្នើ​សុំ​លោក លោកស្រី មេតា្ត​ជួប​ឧបត្ថម្ភ​ជា​ស្រា​បៀ​ចំនួន​បី​កេស ដល់​កង​កម្លាំង​របស់​យើង​ខ្ញុំ​ដោយ​​អនុគ្រោះ​”។

លោក កែវ សុន្ធោតន៍ មេប៉ុស្តិ៍​បាន​បដិ​សេធ​ថា សំណើ​សុំ​ស្រាបៀ​មិនមែន​ជា​គោល​​នយោ​បាយ​ផ្លូវ​ការ​របស់​នគរបាល​ទេ​ ហើយ​ថា អនុប្រធាន​របស់​លោក​បាន​ផ្ញើ​លិខិត​នេះ​ទៅ​ក្រុម​ហ៊ុន​អាជីវកម្ម​ដោយ​លោក​មិន​បាន​ដឹង​សោះ​ឡើយ​។ លោកមេប៉ុស្តិ៍​ កែវ សុន្ធោតន៍ បាន​លើក​ឡើង​អំពី​អនុប្រធាន​ប៉ុស្តិ៍​របស់​លោក​ថា “ ខ្ញុំ​​ទើប​តែ​ដឹង​ [អំពី​រឿង​នេះ​] នៅ​ថ្ងៃ​នេះ ហើយ​​ខ្ញុំ​បាន​អញ្ជើញ​គាត់​មកបញ្ជាក់​ ក៏​ប៉ុន្តែគាត់ធ្វើ​នេះ​​ដោយ​ខ្លួន​ឯង​​ ដូច្នេះ​គាត់​ជា​អ្នក​ទទួល​ខុស​ត្រូវ​”។

លោក សារឿន​ បាន​បញ្ជាក់​កាលពី​ម្សិល​មិញ​ថា លោក​បាន​ផ្ញើ​លិខិត​នេះ​មែន​ ក៏​ប៉ុន្តែ បាន​បញ្ជាក់​ថា លោក​មិន​បាន​បញ្ជា​ឲ្យ​ក្រុម​ហ៊ុន​​ រោង​ចក្រ​ សិប្បកម្ម​នានា​ ផ្តល់​ស្រា​បៀ​នោះ​ឡើយ​ ប៉ុន្តែ ជា​ធម្មតា​សុំ​ឲ្យ​ពួកគេ​ជួយ​ឧបត្ថម្ភ​ប៉ុណ្ណោះ។

លោក​ សារឿន បា​ន​មា​ន​ប្រ​សាស​ន៍​​ថា “ ខ្ញុំ​មិន​បាន​បង្ខំ​ឲ្យ​ពួកគេ​ផ្តល់​ស្រាបៀ​ឲ្យ​ខ្ញុំ​នោះ​ទេ​” ។ លោកបា​ន​បន្ថែម​ថា លោក​​គ្រាន់​​តែ​ចែក​ចាយ​លិខិត​ដល់​​អាជីវកម្ម​​ចំនួន​១៥​ប៉ុណ្ណោះ។​ លោក​បាន​បន្ត​ថា “ ខ្ញុំ​មាន​ផែនការនេះ​សុំ​​ឲ្យ​ក្រុម​ហ៊ុន​នានា​ឧបត្ថម្ភ​ស្រាបៀ​អំឡុង​ពិធី​បុណ្យ​ចូល​ឆ្នាំ​ចិន​ ដូច្នេះ យើង​អាច​រួម​ចំណែក​ចូល​រួម​អប​អរ​សាទរ​ពិធី​បុណ្យ​នេះ​ទាំង​អស់​គ្នា​ ប៉ុន្តែ នេះ​អាស្រ័យ​លើ​ឆន្ទៈ​របស់​​ពួកគេ​ទេ”។

លោក ឡុង ឌីម៉ង់ អ្នក​នាំ​ពាក្យ​សាលា​រាជ​ធាន​ី​ភ្នំពេញ​មិន​អាច​ទាក់​ទង​បាន​ដើម្បី​ធ្វើ​អត្ថា​​ធិប្បាយ​បាន​ទេ ប៉ុន្តែ ​លោក​បាន​មាន​ប្រសាសន៍​​​​​​កាលពី​ឆ្នាំ​ទៅថា​ សំណើ​សុំ​ស្រាបៀ​ប្រហាក់​ប្រហែល​គ្នា​នេះ​​ផ្ញើ​ជូន​ដោយ លោក កែវ សាកល មេប៉ុស្តិ៍​នគរបាល​សង្កាត់​វាលវង់​​ ខណ្ឌ​៧មករា​ អាច​​ជា​ការ​ខុស​ច្បាប់​ មា​ន​​​ន័យ​​​ថា​ស្មើនឹង​ការ“ គំរាម​ទា​រប្រាក់​ពីក្រុម​ហ៊ុន​អាជីវកម្ម​”៕ប៊ុននី​

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស