27.5 C
Phnom Penh

​សាលាដំបូង​រាជ​ធានីភ្នំពេញ​ចោទ​ប្រកាន់​ជន​ជាតិ​តៃវ៉ាន់បីនាក់ពីបទ​ជួញ​ដូរ​ថ្នាំ​ញៀន​អ៊ិចស្តាស៊ី

ដោយ ឌឹ ខេមបូឌា ដេលី

បទវិភាគ

កាលពី​ម្សិលមិញ សាលាដំបូង​រាជ​ធានី​ភ្នំពេញ​បាន​ចោទ​ប្រកាន់​ជន​ជាតិ​តៃ​វ៉ាន់​បី​នាក់​ពី​បទ​​ជួញ​ដូរ​ថ្នាំ​ញៀន​បន្ទាប់​ពី​ពួកគេ​ត្រូវ​បាន​ចាប់​ខ្លួន កាល​ពី​ថ្ងៃ​សុក្រ នៅ​ក្នុង​បន្ទប់​សណ្ឋាគារ​មួយ​ក្នុង​រាជធានី​ភ្នំពេញ ហើយ​នគរបាល​បាន​រក​ឃើញថា ​បុរស​ទាំង​បី​នាក់​នេះ​មាន​ថ្នាំ​អ៊ិច​ស្តាស៊ី​ជាង​១០.០០០​គ្រាប់​។


លោក គង់ សំសារ៉េត ព្រះ​រាជ​អាជ្ញារង​អមសាលា​ដំបូង​រាជធានី​​បាន​មាន​ប្រសា​សន៍​ថា ជន​សង្ស័យ​ទាំងបី​នាក់​ឈ្មោះ លីន លុយ អាយុ​៣៣ឆ្នាំ ចិន យុង អាយុ​៣០ឆ្នាំ និង ឈ្មោះ ​ វូ ប៉ុស តាង អាយុ​២៧ឆ្នាំ​ត្រូវ​បាន​ចាប់​ខ្លួន​នៅ​សណ្ឋា​​​គារ​អាស៊ី​នៅ​តាម​មហាវិថី​ព្រះ​មុនី​វង្សបន្ទាប់​ពី​នគរ​បាល​​រាជធានី​បាន​ធ្វើការ​ស៊ើប​អង្កេត​។

លោកបាន​មាន​ប្រសាសន៍​ថា “ មនុស្ស​ទាំង​បី​នាក់​នេះ​សុទ្ធតែជា​ជន​ជាតិ​តៃវ៉ាន់​ ហើយ​ត្រូវ​​បាន​ចោទ​ប្រកាន់​បន្ទាប់ពី​នគរ​បាល​រឹប​អូស​​បាន​ថ្នាំ​ញៀន អ៊ិចស្តាស៊ី ​ប្រហែល​​៣គីឡូ​​ក្រាម​។​ លោក​បានមាន​​​ប្រសាសន៍​​​​បន្ថែម​ថា ពួកគេ​កំពុង​ត្រូវ​​ឃុំ​ខ្លួន​បណ្តោះ​អាសន្ន​នៅ​ពន្ធនាគារ​ព្រៃ​ស​។

ថ្នាំ​អ៊ិចស្តាស៊ី គឺជាថ្នាំ​ញៀន​ដ៏​ពេញ​និយម​ដែលមាន​នៅ​ក្នុង​ប្រទេស​កម្ពុជា​តិច​ជាង​ថ្នាំ​​​ញៀន​ប្រភេទ​ផ្សេងៗ​ទៀត ដូចជា ថ្នាំ​មេ​​​តំ​​​ហ្វេតាមីន​ជា​ដើម​។
ទោះជាយ៉ាង​ណា​ ប្រទេស​កម្ពុជា​គឺ​ជា​ប្រទេស​​​ផ្គត់ផ្គង់​សារធាតុ​គីមី​ដ៏​សំខាន់​ដែល​គេ​ប្រើ​សម្រាប់​ផលិត​ថ្នាំ​ញៀន​។

កាលពី​ខែ​ឧសភា ឆ្នាំ​២០១២ នគរបាល​បាន​ឆែក​ឆេរ​ទីតាំង​ប្រាំបី​កន្លែង​នៅ​ខណ្ឌ​ចំនួន​បួន​ ហើយ​រឹប​អូស​បាន​ប្រេង​ម្រះ​ព្រៅ​​ប្រហែល​៤.១៩០​លីត្រ ដែល​ចម្រាញ់​ចេញ​ពី​ដើមឈើនៅ​ភ្នំ​ក្រវាញ​ក្នុង​ប្រទេស​កម្ពុជា​ ហើយ​ត្រូវ​បាន​គេ​ប្រើ​​ដើម្បី​ផលិតគ្រឿង​ញៀន​ MDMA ដែល​ជា​សារធាតុ​ផ្សំ​សំខាន់​នៅក្នុង​​ថ្នាំ​ញៀន​អ៊ិច​ស្តា​​ស៊ី៕​សារុន​​​

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស