30 C
Phnom Penh

មេដឹក​នាំ​ការ​តវ៉ា​ថៃ​ម្នាក់​បន្ទោសខ្មែរ​ថា បាន​បាញ់​សម្លាប់​មេដឹក​នាំ​ការ​ត​វ៉ាប្រឆាំង​រដ្ឋាភិបាលថៃ

ដោយ ឌឹ ខេមបូឌា ដេលី

បទវិភាគ

លោក ស៊ូថេប ថងស៊ូបាន មេដឹកនាំ​ការ​តវ៉ា​ប្រឆាំង​រដ្ឋាភិបាល​ថៃ​បាន​អះ​អាង​ថា ខ្មាន់​​​​កាំភ្លើង​ម្នាក់​ដែល​បាន​សម្លាប់​សហ​សេវិក​ម្នាក់​នៅក្នុង​ក្រុង​បាង​កក​កាលពី​យប់​ថ្ងៃ​អាទិត្យ​​​​​​នោះ​គឺ​ជា​ជន​ជាតិ​ខ្មែរ។


កាល​ពី​ថ្ងៃ​អាទិត្យ ខ្មាន់​កាំ​ភ្លើង​ម្នាក់​បាន​​បាញ់​សម្លាប់​លោក ស៊ូទីន ថារ៉ាទីន មេ​ដឹក​នាំ​ម្នាក់​ក្នុង​ចំណោម​មេ​ដឹក​នាំ​សំខាន់​ៗ​នៃ​ការ​តវ៉ាប្រឆាំង​លោកស្រី យីងឡាក់ ស៊ីណា​​​វ៉ាត្រា ​​​នាយក​រដ្ឋ​មន្ត្រី​ថៃ​ ខណៈ​លោក​បាន​ថ្លែង​សុន្ទរ​​​​​​​​​កថាពី​ផ្នែក​ខាង​ក្រោយ​រថយន្ត​​ធំ​មួយ​គ្រឿង​​នៅ​ក្នុង​ក្រុង​បាង​កក​។

ភ្លាម​ៗ​បន្ទាប់​ពី​ការ​បាញ់​​សម្លាប់​​​នេះ​ លោក ស៊ូថេប មេ​ដឹក​នាំ​គណៈកម្មាធិការ​កំណែ​ទម្រង់​​​​​​​ប្រជា​ធិបតេយ្យ​ប្រជា​ជន​បាន​និយាយ​ថា លោក​ជឿថា ខ្មាន់​កាំ​ភ្លើង​នោះ​ជា​ជន​ជាតិ​ខ្មែរ ហើយ​ថា កម្ពុជា​បាន​រំលោភ​អធិបតេយ្យ​របស់​ថៃ។

លោក ស៊ូថេប បាន​និយាយ​នៅក្នុង​​សុន្ទរ​កថារបស់​លោក​ថា “ ខ្ញុំ​សូម​យក​ឱកាស​នេះ​ប្រាប់​ទៅ​មេ​បញ្ជាការ​កង​ទ័ព​ថៃ..​. ឲ្យ​ពិចារ​​​ណា ​ខ្លាច​មានខ្មាន់កាំភ្លើង​​មក​ពីប្រទេស​កម្ពុជា ដែល​មាន​ន័យ​ថា នេះគឺ​ជា​​ការ​រំលោភ​អធិ​​​ប​​​តេយ្យ​ភាព​របស់​ថៃ​​”។

កាសែត​បាង​កក​ប៉ុស្តិ៍​បាន​រាយការណ៍​កាល​​​​​​​​​​ពីម្សិលមិញ​ថា លោក ស៊ូថេប “ មាន​ចម្ងល់​​​ថា​តើ​ការ​បាញ់​នោះ គឺ​ជា​ស្នាដៃ​របស់​អង្គភាព​ទ័ព​ពិសេសរបស់​​កម្ពុជា ដែល​លោក​ជឿថា ត្រូវ​បាន​មន្ត្រី​នគរ​បាល​​​ជាន់​​​ខ្ពស់​នាំមក​​កាន់​ប្រទេស​ថៃ​ដើម្បី​វាយ​​​ប្រហារ​​​លើ​អ្នក​តវ៉ា​”។

លោក ផៃ ស៊ីផាន អ្នក​នាំពាក្យ​ទីស្ដី​ការ​គណៈរដ្ឋមន្ត្រី​នៅ​ប្រទេស​កម្ពុជា​បាន​មាន​ប្រសាសន៍​កាលពីម្សិលមិញ​ថា លោក​មិន​ដឹង​ពីវត្តមាន​របស់​អង្គភាព​ទ័ព​ពិសេស​អ្វីទេ ហើយ​បាន​មាន​ប្រសាសន៍​ថា កម្ពុជា​​មិន​បាន​លូក​​​ដៃ​​​ក្នុង​​នយោបាយ​ថៃ​ឡើយ​។

ដោយសំដៅ​ដល់​ប្រាសាទ​ដែល​ស្ថិត​នៅ​តាម​បណ្ដាយ​ព្រំដែន​កម្ពុជា​-ថៃ​ ដែល​តុលា​ការ​យុត្តិធម៌អន្តរជាតិ​ បាន​សម្រេច​ឲ្យ​កម្ពុជា​ឈ្នះ​កាលពីឆ្នាំ​១៩៦២នោះ លោក​ ផៃ ស៊ីផាន បាន​មាន​ប្រសា​សន៍​ថា “ ពួក​គេ​មាន​បញ្ហា​ផ្នែក​រដ្ឋបាល​របស់​ខ្លួន​ ហើយ​​ព្យាយាម​ទម្លាក់​កំហុស​​​​​​​មក​លើ​យើង​…​ដូចគ្នា​នឹង​រឿង​ប្រាសាទ​ព្រះ​វិហារ​ជាដើម​ ដែលពួកគេ​ក៏​បាន​បន្ទោស​មក​លើ​យើង​ផង​ដែរ​”។

បើទោះជា​លោក​នាយក​រដ្ឋមន្ត្រី​ ហ៊ុន សែន មាន​ទំនាក់​ទំនង​ជិត​ស្និទ្ធ​ជាមួយ​លោក​ ថាក់​ស៊ីន ស៊ីណាវ៉ាត្រា ដែលត្រូវ​ជា​បង​ប្រុស​របស់​លោកស្រី យីងឡាក់ នាយក​រដ្ឋមន្ត្រី​ថៃ​ក៏ដោយ ក៏​ប្រទេស​កម្ពុជា​បាន​សហការ​ជាមួយ​​គ្រប់​រដ្ឋាភិបាល​ថៃ​ជាប់​ឆ្នោត​និង​បាន​រក្សា​​​ទំនាក់​ទំនង​មិត្តភាព​ក្នុង​នាម​ជា​ប្រទេស​ជិត​ខាង​៕សារុន​

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស