31 C
Phnom Penh

មន្ត្រី​យោធា​​​​ជាន់​ខ្ពស់​ម្នាក់​​ទៀត​ចោទ​ប្រកាន់​គ​ណ​​បក្ស​​សង្គ្រោះ​​​ជាតិ​​​​​​​បង្ក​​ភាព​ចលា​ចល​ក្នុង​សង្គម​

ដោយ ឌឹ ខេមបូឌា ដេលី

បទវិភាគ

​​​យោង​​តាម​​សេចក្តី​​​រាយ​​ការណ៍​​​របស់​​​បណ្តាញ​​​ព័ត៌​មា​ន​​​ក្នុ​ង​ស្រុកមួយឲ្យ​ដឹងថា លោក​​​ឧត្តម​​សេ​នីយ៍​ នាង ផា​ត ​​បា​ន​​ក្លាយ​​ជា​មន្ត្រី​​យោ​ធា​​​ជាន់​​ខ្ពស់​​ទី​២​​ ដែលចូលពាក់ព័ន្ធក្នុង​​ភាព​​​ជាប់​​​​គាំ​ង​​​នយោ​បាយ​​​​បច្ចុប្បន្ន​​​រវា​ង​​​រដ្ឋា​​ភិ​បាល​​គ​ណ​បក្ស​ប្រជា​​​ជន​​របស់​លោក​​​​នា​យក​​រដ្ឋមន្ត្រី ហ៊ុន សែន ​​និ​ង​គណបក្សសង្គ្រោះ​ជាតិ ​ដោ​យ​ចោទ​ប្រកាន់​​គណ​បក្ស​ប្រឆាំង​​​ថា​កំ​ពុង​ធ្វើ​​ឲ្យ​​ប្រទេ​សអស្ថិរភាព​។

ភ្នាក់ងារ​​​ព័ត៌មា​ន​ Cambodia​ Express News ហៅកាត់ CEN នៅ​លើគេហ​ទំព័រ​​របស់​កាសែត​​រស្មី​កម្ពុជា​សរសេរថា លោកឧត្តម​សេនីយ៍​ ​នា​ង ផាត ​ដែល​មា​ន​​​តួ​នា​ទី​​​ជា​​រដ្ឋលេខាធិការ​​​​របស់​​​គ​ណ​បក្ស​​ប្រជា​​ជន​កម្ពុជា​​​នៅ​ក្រសួង​ការពា​រ​​​ជាតិ​ផងដែរ ​​​បា​ន​ធ្វើអត្ថាធិប្បាយ​​របស់​លោក​​​​​អំ​ពីគ​ណ​​បក្ស​សង្គ្រោះ​​ជាតិ​​​នៅ​ក្នុ​ង​​សុន្ទរកថា​​​មួ​យ​​កា​ល​​ពី​ថ្ងៃ​​ច័ន្ទ​​​នៅបញ្ជាការដ្ឋាន​​​អង្គភាព​កង​ពល​​តូចលេខ​៧០នៅ​ក្នុ​ង​ខណ្ឌ​​​ពោធិ៍​​​សែ​ន​​​ជ័យ រាជ​​ធានី​ភ្នំពេញ ។

យោង​តា​ម​​​ CEN ​​​បា​ន​ឲ្យ​ដឹង​ថា “ លោក​ឧត្តមសេនីយ៍ នា​ង​ ផាត ​បា​ន​លើកឡើង​ក្នុង​សុន្ទរកថា​ទៅ​កាន់​​កងកម្លាំ​ងកងពល​តូច​លេខ​៧០ ថា គណ​បក្ស​សង្គ្រោះ​ជាតិ​មិន​​​ទទួល​ស្គាល់​​គ​ណៈកម្មា​ធិការ​​ជាតិ​រៀប​​ចំ​កា​រ​​បោះ​ឆ្នោត​ និង​​រដ្ឋាភិ​បាល​​​អា​ណត្តិ​​​ទី​៥​ឡើយ​។ គោល​​បំ​ណង​របស់​​ពួ​ក​គេ​ គឺ​ត្រូ​វ​​​បង្ក​​ភាព​ចលា​ចល​​សម្រាប់ប្រជា​​ពល​រដ្ឋ ​និ​ង​​​​​អសណ្តាប់​ធ្នាប់ ភាព​ចលាចលនិ​ង​​អ​សន្តិ​សុខ​​​ក្នុ​ង​ប្រទេ​ស​នេះ”​។ យោងតា​ម​ CEN ​​បា​ន​ឲ្យដឹង​ថា ​លោកឧត្តមសេ​នីយ៍​ ​នា​ង ផាត ​ក៏​​បា​ន​​អំ​​ពា​វ​នា​វ​​ដល់​សមា​ជិកកងកម្លាំង​ប្រដាប់​អា​​​វុធឲ្យ​​ “ការ​​​ពា​រ​រដ្ឋធម្មនុញ្ញា ព្រះ​មហាក្សត្រ ​​និង​រដ្ឋា​ភិ​​​បាល​​ស្រប​ច្បាប់ និ​ង​មិ​ន​អនុញ្ញាត​ឲ្យ​ក្រុម​ណា​មួ​យ​​បំផ្លាញ​​​សន្តិភាព​​ឡើ់យ”​។​

កង​ពល​​​តូច​លេខ ៧០ បា​ន​ផ្តល់​​កង​​អង្គ​រក្សផ្ទាល់​​ការពារ​លោកនា​យ​ក​​រដ្ឋមន្ត្រី ​ហ៊ុន សែ​ន​រហូ​ត​ដល់​ឆ្នាំ​២០០៩។ ឆ្នាំ​នោះ លោក ហ៊ុន សែ​ន ​បា​ន​បង្កើត​​​​កង​អង្គរក្សរបស់​​​នា​យក​រដ្ឋ​មន្ត្រី ​ដែល​មា​ន​​​ជំ​នាញ​​និង​​ឯក​​ទេស​ ​ដឹក​នា​ំ​​​ដោ​យ​​​លោក​ឧត្តម​សេនីយ៍​​ឯក ហ៊ី​ង​ ​ប៊ុន​ហៀង ​​អតី​ត​មេបញ្ជា ការកង​ពល​តូចលេខ​៧០។ ​ អ​ង្គ​ភាពទាំ​ង​ពីរ​នេះ​​នៅ​​​ក្រៅ​​បទ​បញ្ជា​ធម្ម​តា​ក្នុង​កង​យោធ​​​​ពល​ខេម​រភូមិន្ទ និ​ង​រាយ​ការ​​ណ៍​ផ្ទាល់​​ទៅលោក ហ៊ុន សែន។

កា​ល​​​ពី​ថ្ងៃព្រហស្បតិ៍ លោក ទៀ បាញ់ រដ្ឋ​មន្ត្រី​ក្រសួ​ង​កា​រ​​​ពារ​​​ជាតិ​ ​​បា​ន​​ប្រាប់​អង្គប្រជុំ​កង​រាជ​​អា​​វុធ​​​​ហត្ថ​លើ​ផ្ទៃ​​ប្រទេស​ប្រចាំ​​ឆ្នាំ​​​ថា​ កង​កម្លាំ​ង​​ប្រដាប់​​អា​វុធ​​របស់​ប្រទេ​សនេះ​​​នៅ​តែ​ប្តេជ្ញា​ការ​​ពា​រ​រដ្ឋា​​ភិ​បាល​​​របស់ លោក ហ៊ុន សែន ​ចំ​​ពេល​​មា​ន​​​ជម្លោះ​​កំ​ពុង​បន្ត​​​​​ជា​​មួ​យ​​​គ​ណ​បក្ស​សង្គ្រោះ​​ជាតិ។

លោក សម​ រង្ស៊ី និ​ង កឹម សុខា ​មេដឹកនាំរបស់​​គ​ណ​បក្ស​​សង្គ្រោះ​​​ជាតិ​​បា​ន​ដឹកនាំមហាបាតុ​កម្ម​នៅ​ក្នុ​ង​រាជ​ធា​​នី​ភ្នំ​​ពេញ​​​កា​ល​​ពី​ក្នុ​ង​ខែ​ធ្នូ ដោ​យ​​​អំពាវ​នា​វ​ឲ្យ​​មា​ន​កា​រ​​បោះ​ឆ្នោត​​ជា​ថ្មីឬ​ឲ្យ​​លោក ​​ហ៊ុន សែ​ន ចុះ​​​ពី​តំ​​ណែង។

​​គ​ណបក្ស​​សង្គ្រោះ​​ជាតិ​​បាន​ចោទ​​គ​ណ​បក្ស​​​ប្រជា​​​ជ​ន​កម្ពុជា​ថា​​​ទទួល​​ជ័យ​​​ជម្នះ​តិចតួច​ក្នុង​កា​រ​បោះ​ឆ្នោត​​ជ្រើស​​តាំ​ង​​​តំ​​ណា​ង​​រាស្ត្រ​​ ក្នុង​ខែ​កក្កដា ឆ្នាំ​២០១៣ ដោ​យ​សារ​តែ​ភាព​​មិ​នប្រក្រតី​​​ជា​ប្រព័ន្ធក្នុ​ង​ដំ​ណើរ​ការ​​​បោះ​ឆ្នោត។

CE N បា​ន​រាយ​ការណ៍ថា​ លោកឧត្តម​សេនី​យ៍ ​ទៀ បាញ់  ក៏បាន​​ចោទ​​គ​ណ​បក្ស​ប្រឆាំង​​​ដែរ​​ថា​​​បា​ន​​បង្ក​​ភា​ព​ចលាចលក្នុង​សង្គម​ ​ដែល​កងរាជ​អា​វុធ​ហត្ថ​មិន​​​​​​អនុញ្ញាតឲ្យ​បន្ត។

លោកឧត្តម​សេនី​យ៍​​ទោ ​​ឌួ​ង ​រ៉ា ​បញ្ជា​​កា​រ​​រ​ង​របស់​កង​​ពល​តូច​​​លេខ​​៧០ ​​បា​ន​មា​ន​​ប្រ​សាស​ន៍​កា​ល​ពី​ម្សិល​មិញ​ថា ​លោក​​មិ​ន​បា​ន​ចូ​ល​រួ​​ម​ស្តាប់​​​សុន្ទរក​ថា​​របស់​លោក​ឧត្តម​​សេនី​យ៍​  នា​ង ផាត ​​ទេ​​​ ​ក៏ប៉ុន្តែ​លោក​​គាំទ្រ​​គ​ំ​និត​ដ៏សំ​​ខាន់​នេះ ។ លោក​​បា​ន​​​បន្ថែម​ថា “ជំហរ​​​របស់​​យើង​ ​គឺ​​​ការពា​រ​​រដ្ឋ​​ធ​ម្មនុញ្ញា ព្រះ​មហា​​​​ក្សត្រ ​​និង​​រដ្ឋាភិ​បាល​។ ​​នេះ​​​ជា​ទស្សនៈ​​ទូ​ទៅ​របស់​កងកម្លាំ​ង​​​ប្រដាប់​​​អាវុធ​នៃ​ប្រ​​ទេស​​ទាំ​ង​​​អស់”​។

​​រដ្ឋាភិ​បាល​​​បា​ន​ព្យួរ​សិទ្ធិ​​សេរី​ភាព​ក្នុ​ង​កា​រ​​​ប្រមូ​លផ្តុ​ំ​​គ្នា​​តា​ម​​រដ្ឋ​ធម្ម​​នុញ្ញ ​បន្ទាប់​​ពី​កា​រ​​​បង្ក្រាប​ដ៏​​​បង្ហូរ​​​ឈាម​​ទៅលើ​កូដ​ករ​​រោង​ចក្រកាត់​ដេរ​​​ដែល​​តវ៉ា​កាល​ពី​ថ្ងៃ​​​ទី​៣ ខែ​មករា ​​នៅ​​ពេល​មន្ត្រី​​កង​​​រាជ​អា​​​វុធ​​ហត្ថ​​បា​ន​​​បាញ់ស្លាប់មនុស្សចំ​នួន​​ប្រាំ​នាក់​ ​និ​ង​​​ជា​ង​​៤០​​នាក់​​​ទៀត​​របួសដោ​យ​កាំ​ភ្លើង​វែង​។

កា​រ​ត​វ៉ា​​ដោ​យ​សន្តិ​ភាព​​ដោ​យ​ស​ហ​​​ជី​ពសកម្ម​​ជន​ប្រឆាំ​ង​កា​រ​បណ្តេញ​​ចេញ អង្គការក្រៅ​រដ្ឋា​​ភិ​បាល​​ និង​ថ្មី​ៗ​​​នេះ​​ដោ​យ​លោក​​ម៉ម សូ​ណង់​ដូ ម្ចាស់​ស្ថានីយ​​​វិទ្យុ​​ឯក​រាជ្យ ​បា​ន​​​បន្ត​​រឹង​​រូស​ចំ​​ពោះ​​កា​រ​​​ប៉ុ​ន​​​ប៉ង​​របស់​រដ្ឋាភិបាល​​ក្នុង​កា​រ​​​ព្យួរ​មាត្រា​៤១​នៃ​រដ្ឋធម្ម​​នុញ្ញ ​ដែល​​កា​រ​ពា​រ​សិទ្ធិ​​សេរី​​​ភាព​​ក្នុង​កា​រប្រមូ​ល​ផ្តុំ។

លោក យឹម សុ​វណ្ណ ​តំ​​ណា​​ង​​​រាស្រ្ត​​​ជាប់​ឆ្នោត​​​ និ​ង​ជា​​អ្នក​​នាំ​​ពាក្យ​​​​របស់​​​គ​ណ​បក្ស​​សង្គ្រោះ​ជាតិ​ ​បា​ន​មាន​ប្រ​សាសន៍​ថា បណ្តា​​​​ប្រទេ​ស​ប្រជា​​​ធិប​តេយ្យ​មិន​អនុញ្ញាត​ឲ្យសមា​​​​ជិ​ក​កង​កម្លាំ​ង​​ប្រដាប់​​អា​វុធ​គាំ​​ទ្រ​គណ​បក្ស​​នយោ​បា​យ​​​យ៉ាង​សកម្ម​នោះ​ទេ​។

លោក សុ​វណ្ណ ​មា​ន​ប្រ​សាស​ន៍​ថា​ “ពេល​​​​​នេះ​​យើងមើល​​​ឃើញ​​​ច្បាស់​​ថា​ មេ​បញ្ជា​កា​រ​​​ជាន់​ខ្ពស់​​ដឹក​នា​ំ​​កង​កម្លាំ​ង​​ប្រ​ដាប់​​អា​វុធ​បម្រើគ​ណ​បក្ស​ប្រជា​​​ជន​កម្ពុជា។ ពួ​ក​​​គេ​គ្មាន​​​គំនិត​ប្រជា​​​ធិប​តេយ្យ​ឡើយ”​៕​ប៊ុននី​

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស