40.9 C
Phnom Penh

សាក្សី​​​បញ្ជាក់​​​ថា បាតុករ​​​ជាប់ឃុំ​​​ទាំង​​​២៣​​​នាក់​​​គឺ​​​ជា​​​ជន​​​រងគ្រោះ​​​​​​នៃ​​​ការ​​​ប្រើ​​​អំពើ​​​ហិង្សា​​​ពី​​​​​​សំណាក់​​​​​​យោធា​​​​​​

ដោយ ឌឹ ខេមបូឌា ដេលី

បទវិភាគ

មន្ត្រី​​​បាន​​​លើក​​​ឡើ​​​ង​​​​​​ថា កាលពី​​​ម្សិលមិញ​​​សាលា​​​ដំបូង​​​រាជធានីភ្នំពេញ​​​បាន​​​សាក​​​សួរ​​​​​​​​​សាក្សី​​​បួន​​​នាក់​​​ដែល​​​​​​ឃើញ​​​កា​​​រ​​​វាយ​​​ដំ​​​​​​យ៉ាង​​​ព្រៃផ្សៃ​​​​​​និង​​​​​​ការ​​​ឃាត់​​​ខ្លួន​​​បាតុករ​​​១៥​​​នាក់​​​ពី​​​សំណាក់​​​ទាហាន​​​​​​ឆត្រ​​​យោង​​​​​​អង្គភាព​​​លេខ​​​៩១១​​​​​​នៅ​​​ខាង​​​ក្រៅ​​​​​​រោងចក្រ​​​កាត់​​​ដេរ​​​​​​​​​យ៉ាក​​​ជីន​​​ កាល​​​​​​ពី ថ្ងៃ​​​ទី​​​២ ខែ​​​មករា​​​។

បុរស​​​១០​​​នាក់​​​ក្នុង​​​ចំណោម​​​​​​បុរស​​​ទាំង​​​១៥​​​នាក់​​​​​​ដែល​​​ត្រូវ​​​បាន​​​ទាហាន​​​ឆត្រ​​​យោង​​​ឃាត់​​​ខ្លួន​​​​​​នៅ​​​រោងចក្រ​​​កាត់​​​ដេរ​​​យ៉ាក​​​ជីន​​​ ពេល​​​នេះ​​​កំពុង​​​​​​ជាប់​​​ឃុំ​​​ឃាំង​​​​​​នៅ​​​ក្នុង​​​ពន្ធនាគារ​​​មួយ​​​​​​ដែល​​​មាន​​​ការ​​​រឹត​​​បន្ដឹង​​​​​​ខ្ពស់​​​នៅ​​​ក្នុង​​​ខេត្ត​​​កំពង់​​​​​​ចាម​​​ រួម​​​ជាមួយ​​​នឹង​​​បុរស​​​១៣​​​នាក់​​​ផ្សេង​​​ទៀត​​​​​​ដែល​​​ត្រូវ​​​បាន​​​ឃាត់​​​ខ្លួន​​​នៅ​​​ថ្ងៃ​​​បន្ទាប់ នៅ​​​ពេល​​​​​​កង​​​រាជអាវុធ​​​ហត្ថ​​​បាន​​​​​​​​​សម្លាប់​​​បាតុករ​​​ប្រាំ​​​នាក់​​​និង​​​ធ្វើ​​​ឲ្យ​​​របួស​​​មនុស្ស​​​ជាង​​​៤០​​​នាក់​​​ផ្សេង​​​ទៀត​​​​​​នៅ​​​លើ​​​​​​កំណាត់​​​ផ្លូវ​​​វេង​​​ស្រេង​​​ក្នុង​​​ខណ្ឌ​​​ពោធិ៍​​​សែន​​​ជ័យ​​​ រាជធានី​​​ភ្នំពេញ​​​​​​ អំឡុង​​​ពេល​​​ប្រឈម​​​​មុខ​​​ដាក់​​​គ្នា​​​ជាមួយ​​​ក្រុមយុវជន​​​​គប់​​​ដុំ​​​ថ្ម។

លោក​​​  ហម​​​  ស៊ុន​​​រិទ្ធ​​​  មេធាវី​​​នៅឯ​​​មជ្ឈ​​​មណ្ឌល​​​អប់រំច្បាប់​​​សម្រាប់​​​សហគមន៍​​​បាន​​​​​​មាន​​​ប្រសា​​​សន៍​​​ថា “យើង​​​​​​បាន​​​​​​នាំខ្លួន​​​បុរស​​​ពី​​​រ​​​នាក់ និង​​​ស្ត្រី​​​ពីរ​​​នាក់​​​ឡើ​​​ងតុលាការ​​​​​​ក្រោយ​​​ពី​​​ពួក​​​យើង​​​បាន​​​ស្នើ​​​សុំ​​​កាល​​​ពី​​​សប្ដាហ៍​​​មុន​​​ ដើម្បី​​​បញ្ជាក់​​​​​​អំពើ​​​ហិង្សា​​​ដែល​​​បាន​​​កើតឡើង​​​​​​អំឡុង​​​​​​បាតុ​​​កម្ម​​​នៅ​​​​​​រោងចក្រ​​​​​​យ៉ាកជីន”។

លោក​​​ ហម ស៊ុនរិទ្ធ បាន​មាន​​​ប្រសាសន៍​​​បន្ត​ទៀត​​​ថា “តុលាការ​ ​​​កំពុង​​​តែ​​​ខំប្រឹង​​​ប្រែង​​​យ៉ាង​​​ខ្លាំង​​​​​​ដើម្បីសាក​​​សួរ​​​សាក្សី​​​ ហើយ​​​យើង​​​សង្ឃឹម​​​​​​ថា ពួក​​​គេ​​​ [សាក្សី​​​]  នឹង​​​ជួយ​​​តុលាការ​​​​​​ស្វែង​​​រក​​​ការ​​​ពិត​​​​​​​​​ ហើយ​​​​​​ផ្ដល់​​​យុត្តិធម៌​​​នៅ​​​ក្នុង​​​សំណុំ​​​រឿង​​​នេះ​​​”។

លោក​​​ មឿន តុលា ប្រធាន​​​គម្រោង​​​​​​កម្ម​​​វិធី​​​​​​ការងារ​​​​​​នៅ​​​មជ្ឈម​​​ណ្ឌល​​​អប់​​​រំ​​​ច្បាប់​​​សម្រាប់​​​​​​សហគមន៍​​​បាន​​​មាន​​​ប្រសាសន៍​​​ថា ពីរ​​​នាក់​​​​​​ក្នុង​​​ចំណោម​​​សាក្សី​​​ទាំង​​​បួន​​​នាក់​​​ គឺ​​​ជា​​​បុគ្គលិក​​​​​​របស់​​​មជ្ឈមណ្ឌល​​​អប់​​​រំ​​​ច្បាប់​​​​​​សម្រាប់​​​​​​សហគម​ន៍​ដែល​​​បាន​​​​​​ផ្ដល់​​​ភ័ស្ដុតាង​​​​​​បញ្ជាក់​​​​​​ថា បាតុករ​​​ជាប់​​​ពន្ធនាគារ​​​​​​​​​ទាំង​​​​​​១០​​​នាក់​​​រួ​​​មទាំង​​​​​​​​​មេដឹកនាំ​​​សហ​​​ជីព​​​ គឺលោក វ៉ន​​​ ពៅ​​​ ដែលជា​​​ប្រធាន​​​​​​សមា​​​គម ប្រជាធិបតេយ្យ​​​ឯករាជ្យ​​​​​​នៃ​​​​​​សេដ្ឋកិច្ច​​​ក្រៅ​​​ប្រព័ន្ធ​​​ផង កំពុង​​​​​​ធ្វើ​​​ជា​​​អ្នក​​​សម្រប​​​សម្រួល​​​​​​ នៅ​ពេល​អំពើហិង្សា​​​​​​បាន​​​​​​ផ្ទុះ​​​ឡើង​​​​​​។

លោក​​​ថ្លែង​ថា “មាន​​​ទាំង​​​ភ័ស្ដុតាង​​​​​​ មាន​​​ទាំង​​​សាក្សី​​​ ដែល​​​អា​​​ច​​​បញ្ជាក់​​​បាន​​​ថា មនុស្ស​​​ទាំង​​​២៣​​​នាក់​​​​​​ [ដែល​​​ជាប់ឃុំ​​​] គឺ​​​ជា​​​ជន​​​រង​គ្រោះ​​​​ ដូច្នេះ​​​ប្រសិន​​​បើ​​​តុលាការ​​​ឯក​​​រាជ្យ​​​ តុលាការ​​​​​​នឹង​​​ដោះ​​​លែង​​​​​​ពួក​​​គេ​​​​​​ ហើយ​​​​​​ដក​​​ការ​​​ចោទ​​​ប្រកាន់​​​លើ​​​​​​ពួកគេ​​​ជា​​​មិន​​​ខាន​​​”។​​​សុខុម

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស