28 C
Phnom Penh

អនុរដ្ឋ​​​មន្ត្រី​​​ការ​​​បរទេស​​​អង់គ្លេស​​​​​​នឹង​​​​​​ជួប​​​ពិភាក្សា​​​​​​បញ្ហា​​​​​ធុរកិច្ច​​​​​​និង​​​​​​នយោបាយ​​​ជាមួយ​​​​​​លោក​​​ ហ៊ុន​​​ សែន​​​

ដោយ ឌឹ ខេមបូឌា ដេលី

បទវិភាគ

លោក​​​ ហ៊ូហ្គោ ស្វាយអឺ (Hugo Swire) អនុ​​​រដ្ឋ​​​មន្ត្រី​​​ការបរទេស​​​​​​​​​ទស្សនកិច្ច​​​របស់​​​​​​អង់គ្លេស​​​ ទទួល​​​បន្ទុក​​​​​​កិច្ច​​​ការនៅ​​​​​​តំបន់​​​អាស៊ី​​​អាគ្នេយ៍ នឹង​​​ចូល​​​ជួប​​​សវនាការ​​​ជាមួយ​​​លោក​​​​​​នាយក​​​រដ្ឋ​​​មន្ត្រី​​​ ហ៊ុន​​​ សែន និង​​​​​​​​​មេដឹកនាំ​​​គណ​​​បក្ស​​​ប្រឆាំង​​​នៅ​​​ថ្ងៃ​​​នេះ​​​ ដើម្បី​​​ពិភាក្សា​​​អំពី​​​បញ្ហា​​​ធុរកិច្ច​​​​​​និងបរិយាកាស​​​​​​នយោបាយ​​​នា​​​ពេល​​​បច្ចុប្បន្ន​​​ ដែល​​​​​​បាន​​​រង​​​ផល​​​ប៉ះពាល់​​​ដោយ​​​​​​សារ​​​ការ​​​ជាប់​​​គាំង​​​ចាប់​​​តាំងពី​​​ការ​​​បោះ​​​ឆ្នោត​​​ជាតិ​​​កាល​​​ពី​​​ខែ​​​កក្កដាមក​​​។

នេះ​​​គឺ​​​ជា​​​​​​ដំណើរ​​​ទស្សនកិច្ច​​​លើក​​​​​​ដំបូង​​​មក​​​​​​កាន់​​​ប្រទេស​​​កម្ពុជា​​​សម្រាប់​​​លោក​​​ ហ៊ូ​​​ហ្គោ ស្វាយអឺ ដែល​​​​​​ដំបូងឡើយ​​​គ្រោង​​​​​​មក​​​​​​ដល់​​​ប្រទេស​​​កម្ពុជា​​​​​​កាលពី​​​ល្ងាច​​​​​​​​​ម្សិលមិញ​​​។លោក​បាន​​​លើក​​​ឡើង​​​នៅ​​​ក្នុង​​​សេចក្ដី​​​ថ្លែង​​​​​​ការ​​​ណ៍​​​មួយ​​​ចេញ​​​​​​ដោយ​​​ស្ថានទូត​​​អង់​​​គ្លេស​​​​​​កាលពី​​​ម្សិលមិញ​​​​​​ថា “ខ្ញុំ​​​មក​​​ទី​​​នេះ​​​​​​ដើម្បី​​​ស្វែង​​​យល់​​​ឲ្យ​​​កាន់តែ​​​​​​ច្បាស់​​​អំពី​​​ទិដ្ឋភាព​​​ និង​​​ឧបសគ្គ​​​នយោបាយ​​​នា​​​ពេល​​​បច្ចុប្បន្ន​​​ ដើម្បី​​​ធានា​​​​​​ឲ្យ​​​បាន​​​​​​នូវ​​​​​​អនាគត​​​ប្រកប​​​ដោយ​​​សន្ដិភាព​​​ សុវត្ថិភាព​​​ និង​​​លទ្ធិប្រជាធិបតេយ្យ​សម្រាប់​​​​​​កម្ពុជា​​​។ ខ្ញុំ​​​ក៏​​​ចង់​​​ស្វែង​​​រក​​​​​​សក្ដានុពល​​​ ដើម្បី​​​បង្កើត​​​​​​ទំនាក់​​​ទំនង​​​​​​ធុរកិច្ច​​​រវាង​​​​​​ប្រទេស​​​របស់​​​យើង​​​ទាំង​​​ពីរ​​​ជា​​​មូលដ្ឋាន​​​សម្រាប់​​​​​​កំណើន​​​សេដ្ឋកិច្ច​​​​​​នាពេល​​​អនាគត​​​”។

កាល​​​ពី​​​ថ្ងៃទី​​​១០ ខែ​​​មករា លោក​​​ ហ៊ូ​​​ហ្គោ​​​ ស្វាយអឺ បាន​​​ចេញ​​​សេចក្ដី​​​ថ្លែង​​​ការណ៍​​​មួយ​​​រិះគន់​​​​​​បម្រាម​​​ថ្មី​​​មួយ​​​លើ​​​​​​បាតុ​​​កម្ម​​​​​​និង​​​​​​ការ​​​ប្រើ​​​ប្រាស់​​​កម្លាំង​​​​​​ហួស​​​ហេតុ​​​​​​ពី​​​សំណាក់​​​មន្ត្រី​​​កង​​​រាជ​​​អាវុធ​​​ហត្ថ​​​នៅ​​​មួយ​​​សប្ដាហ៍​​​មុន​​​នោះ ដើម្បី​​​បង្ក្រាប​​​បាតុកម្ម​​​​​​ទាមទារ​​​ដំឡើង​​​ប្រាក់​​​ខែ​​​គោល​​​សម្រាប់​​​​​​វិស័យ​​​​​​កាត់​​​ដេរ​ ដែល​​​នាំ​​​ចេញ​ដោយ​​​​​​​​មិន​​​ជាប់​​​កាតព្វកិច្ច​​​ពន្ធ​​​ទៅ​​​កាន់​​​តំបន់​​​អឺរ៉ុប​​​​​​ក្រោម​​​គម្រោង​​​​​​ធុរកិច្ច​​​​​​សម្រាប់​​​​​​បណ្ដា​​​ប្រទេស​​​​​​កំពុង​​​អភិវឌ្ឍ​​​ន៍​​​។

នៅ​​​ក្នុង​​​សេចក្ដីថ្លែង​​​ការណ៍​​​នោះ ​​​លោក​​​ ហ៊ូ​​​​​​ហ្គោ ស្វាយអឺ បាន​​​លើក​​​ឡើ​​​ង​​​ថា ប្រទេស​​​អង់គ្លេសមាន​​​ការ​​​​​​​​​ព្រួ​​​យ​​​បារម្ភ យ៉ាង​​​ខ្លាំង​​​ចំពោះ​​​ការ​​​ប្រើប្រាស់​​​កម្លាំងបង្ក្រាប​​​​​​ហួស​​​ហេតុ​​​​​​ពី​​​សំណាក់​​​​​​កង​​​កម្លាំង​​​សន្ដិសុខ​​​” ហើយ​​​បាន​​​លើក​​​​​​ឡើង​​​ថា កម្ពុជា​​​ “ត្រូវ​​​គោរព​​​​​​​​​​​សិទ្ធិ​​​សេរី​​​ភាព​​​​​​ក្នុង​​​ការ​​​ជួប​​​ជុំ​​​ដោយ​​​សន្ដិវិធី​​”។

ដោយ​​​​​​គណបក្ស​​​សង្គ្រោះ​​​ជាតិ​​​នៅ​​​តែ​​​មាន​​​​​​ជំហរ​​​ច្រាន​​​ចោល​​​មិន​​​ទទួល​​ស្គាល់​​​​​​ជ័យ​​​ជម្នះ​​​​​​​​របស់​​​គណបក្ស​​​ប្រជាជន​​​កម្ពុជា​​​នៅ​​​ក្នុង​​​ការ​​​បោះ​​​ឆ្នោតជាតិ​​​​​​ និង​​​​​​ធ្វើ​​​ពហិការ​​​មិន​​​ចូល​​​​​​សភា​​​នោះ​​​ លោក​​​​​​​​​​​​ក៏​​​បាន​​​ជំរុញ​​​ឲ្យ​​​​​​គណបក្ស​​​ទាំង​​​ពីរ​​​​​​បន្ត​​​ចរចា​​​​​​គ្នា​​​ឡើង​​​វិញ​​​​​​ក្នុង​​​ពេល​​​​​​ឆាប់​​​ៗ​​​នេះ​​​។

ស្ថានទូត​​​អង់គ្លេស​​​បាន​​​លើក​​​ឡើ​​​ង​​​ថា ពេល​​​នេះ​​​ខ្លួន​​​​​​មិន​​​អាច​​​បញ្ជាក់​​​បាន​​​​​​ថា តើ​​​លោក​​​ ហ៊ូ​​​ហ្គោ​​​ ស្វាយ​​​អឺ នឹង​​​លើក​​​ឡើង​​​​​​ពី​​​ក្ដី​​​បារម្ភ​​​ដដែល​​​​​​ទាំង​​​នោះ​​​​​​​​​ដោយ​​​ផ្ទាល់​​​​​​ជាមួយ​​លោក​​​ ហ៊ុន សែន នៅ​​​​​​ពេល​​​លោក​​​ទាំង​​​ពីរ​​​ជួប​​​គ្នា​​​នៅ​​​រសៀល​​​នេះ​​​ឬ​​​យ៉ាង​​​ណា​​​ទេ​​​។ លោក ហ៊ូហ្គោ ស្វាយ​​​អឺ ក៏​​​គ្រោង​​​​​​ជួប​​​​​​ជា​​​មួយ​​​លោក​​​ កឹម សុខា អនុប្រធាន​​​គណបក្ស​​​សង្គ្រោះ​​​ជាតិ​​​ និង​​​លោក​​​ យឹម សុវណ្ណ តំណាង​​​រាស្ត្រ​​​គណបក្ស​​​នេះ​​​ផង​​​ដែរ​​​។

លោក យឹម សុវណ្ណ បាន​​​មានប្រសាសន៍​​​ថា “យើង​​​នឹង​​​ជម្រា​​​ប​​​គាត់​​​អំពី​​​អនុសាសន៍​​​របស់​​​យើង​​សម្រាប់​​​​​​ការ​​​បោះឆ្នោ​​​ត​​​ឡើង​​​វិញ​​​ និង​​​ជំហរ​​​នយោបាយ​​​របស់​​​គណបក្ស​​​សង្គ្រោះ​​​ជាតិ​​​ ដើម្បី​​​ស្វែង​​​រក​​​ដំណោះ​​​ស្រាយ​​​បញ្ចប់​​​វិបត្តិ​​​នយោបាយ​​​នេះ​​​”។ លោក​​​ថ្លែង​​​ថា គណបក្ស​​​ប្រឆាំង​​​​​​ក៏​​​នឹង​​​ជំរុញ​​​ឲ្យ​​​លោក​​​ ហ៊ូហ្គោ ស្វាយ​​​អឺ អនុវត្តតាម​​​សេចក្ដី​​​សម្រេច​​​មួយ​​​​​​ដែល​​​សភា​​​អឺរ៉ុប​​​បាន​​​អនុម័ត​​​​​​កាលពី​​​ដើម​​​​​​ខែ​​​នេះ​​​ ដែល​​​​​​អំពាវនាវ​​​ឲ្យ​​​លោក​​​ ហ៊ុន​​​ សែន​​​ ធ្វើ​​​កំណែ​​​ទម្រង់​​​ប្រព័ន្ធ​​​បោះឆ្នោត​​​​​​​​​និង​​​​​​ធ្វើ​​​ការ​​​ស៊ើប​​​អង្កេត​​​​​​គួរ​​​ឲ្យ​​​ជឿ​​​ទុក​​​ចិត្ត​​​បាន​​​លើ​​​ការ​​​បោះ​​​ឆ្នោត​​​​​​កាលពី​​​ខែ​​​កក្កដា និង​​​​​​ការ​​​បាញ់​​​សម្លាប់​​​​​​​​​កម្មករ​​​កាត់​​​ដេរ​​​​​​ប្រាំ​​​នាក់​​​​​​​​​។ គណបក្ស​​​សង្គ្រោះ​​​ជាតិ​​​បាន​​​លើក​​​ឡើង​​​ថា សហភាព​​​អឺរ៉ុប​​​គួរ​​​តែ​​​ពិចារណា​​​​​​កាត់​​​ផ្ដាច់​​​ជំនួយ​​​​​​ជួយ​​​​​​ដល់​​​កម្ពុជា​​​ ប្រសិន​​​បើ​​​លោក​​​នាយក​​​រដ្ឋ​​​មន្ត្រី​​​​​​មិន​​​អនុវត្ត​​​​​​តាម​​​ទេ​​​នោះ​​​។

លោក ហ៊ូហ្គោ​​​ ស្វាយអឺ នឹង​​​​​​ចូល​​​ជួប​​​សវនា​​​ការ​​​ជាមួយ​​​លោក​​​ ហោ ណាំហុង​​​ រដ្ឋ​​​មន្ត្រី​​​ការ​​​បរទេស​​​នៅ​​​ព្រឹក​​​នេះ​​​ ហើយ​​​​​​នឹង​​​ធ្វើ​​​ទស្សន​​​កិច្ច​​​​​​នៅ​​​សារមន្ទីរ​​​ប្រល័យ​​​ពូជ​​​សាសន៍​​​​​​នា​​​ពេល​​​​​​រសៀល​​​មុន​​​ពេល​​​ចូល​​​ជួប​​​សវនាការ​​​ជាមួយ​​​លោក ហ៊ុន សែន​​​៕ សុខុម

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស