កាលពីថ្ងៃសុក្រ អង្គការសិទ្ធិមនុស្សចំនួនពីរបានអំពាវនាវឲ្យលោក ស ខេង រដ្ឋមន្ត្រីក្រសួងមហាផ្ទៃជួយអន្តរាគមន៍ បន្ទាប់ពីអគ្គនាយកដ្ឋានពន្ធនាគារដែលជាផ្នែកមួយនៃក្រសួងមហាផ្ទៃបានបដិសេធមិនព្រមអនុញ្ញាតឲ្យតំណាងមកពីអង្គការរបស់ពួកគេជួបជាមួយសកម្មជនសហជីព និងអ្នកតវ៉ាដែលត្រូវបានចាប់ខនកាលពីដើមខែមករាទាំង២៣នាក់។
នៅក្នុងលិខិតបើកចំហមួយមជ្ឈមណ្ឌលសិទ្ធិមនុស្សកម្ពុជា និងអង្គការការងារកម្ពុជា បានសួរថា តើហេតុអ្វីបានជាការចង់ជួបរបស់ពួកគេជាមួយលោក វ៉ន ពៅ ប្រធានសហគមប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធកម្ពុជា និងអ្នកដែលត្រូវបានចាប់ខ្លួនផ្សេងៗទៀត ត្រូវបានបដិសេធ។
លិខិតនេះមានខ្លឹមសារថា “ចៅក្រមស៊ើបសួរមិនបានកំណត់ថា អង្គការ ឬក៏សមាជិកណាម្នាក់របស់យើងគួរតែត្រូវបានរារាំងមិនឲ្យចូលទៅសួរសុខទុក្ខទេ ហេតុដូច្នេះអគ្គ នាយកដ្ឋានពន្ធនាគារគួរតែផ្តល់ការអនុញ្ញាតឲ្យយើងបានចូលទៅសួរសុខទុក្ខមិត្តភក្តិ និងអ្នករួមការងាររបស់យើង”៕ ស៊ុយឈាង