35 C
Phnom Penh

ការ​សម្លាប់​​​អ្នកកាសែតត្រូ​វ​​បា​ន​គេ​​ចាត់​​​ទុ​ក​ថា​​​​​ជា “ការ​សង​សឹក” ​ចំ​ពោះ​​សេចក្តី​រា​យ​​កា​រ​​ណ៍​​​

ដោយ ឌឹ ខេមបូឌា ដេលី

បទវិភាគ

និយោ​​ជក​​បា​ន​ឲ្យ​ដឹង​កា​ល​​​ពី​ម្សិល​មិញ​ថា ​​លោក សួ​ន ច័ន្ទ ​​អា​យុ​៤៤ឆ្នាំ ​​​ដែល​បម្រើការឲ្យ​សារព័ត៌​មា​ន​ មាគ៌ា ​​ដែល​​ចេញ​ផ្សាយ​​​យូរៗម្តង ​និ​ង​មិន​សូ​វ​​​ជា​​​ល្បី​ល្បាញ​ ​​បា​ន​​ស្លាប់​​​ដោ​យ​​សារ​​មុខ​​របួស​​​របស់​​​ខ្លួន ​បន្ទាប់​​​ពី​​​​លោ​ក​​ត្រូ​វ​បា​ន​​​បុរស​​ពី​រនាក់​​​វាយ​​ប្រហា​រ​​ដោ​យគល់​ឫស្សី​​កា​ល​​ពី​​យប់​ថ្ងៃ​​​សុក្រ ​​នៅ​ក្នុ​ង​​ស្រុ​ក​ ជលគិរី ​ ខេត្ត​កំ​ពង់​ឆ្នាំ​ង​។

​​លោក សៀង សេង ​​ដែល​បោះ​​ពុ​ម្ព​ផ្សាយ​​​កាសែត​មាគ៌ា​​យូរ​​ៗ​ម្តង​ ​បា​ន​មា​ន​​ប្រ​សាស​ន៍​ថា លោ ក​ សួ​ន ច័ន្ទ ​​ទំ​នង​​ជា​​​គោល​​​ដៅ​វា​យ​ប្រហារ​ បន្ទាប់​​ពី​​​ចេញ​ផ្សា​យ​​អត្ថ​​បទ​ស្តី​​​ពី​​​កា​រ​​នេ​សាទ​​​ខុស​​​ច្បាប់​​​នៅ​ក្នុង​តំ​បន់​នោះ​។

លោក ប្រាក់ វុទ្ធី ​ស្នង​កា​រ​​រង​នគរបាល​​ខេត្ត​​បា​ន​​​មា​ន​​ប្រ​សាសន៍​កា​ល​​ពី​ម្សិល​មិញ​ថា នគរបាល​​កំ​ពុ​ង​​ស៊ើប​​អង្កេត​​​ករណី​​នេះ​នៅ​ឡើយ​ ​និ​ង​ដើ​ម​ហេតុ​​នាំ​​ឲ្យ​មា​ន​កា​រ​​វាយ​​​​​ប្រហារ​​នេះ ។ លោក​បា​ន​ឲ្យ​ដឹ​ង​ថា “នគរបាល​​​ព្រហ្ម​ទណ្ឌ​​​កំ​ពុ​ង​តែ​​ស្វែ​ង​រក​​​ជ​ន​សង្ស័យ​​”។

យោង​តា​ម​លោក សៀង ​សេង ​​បា​ន​ឲ្យ​ដឹង​ថា ​​លោក ​សួ​ន​ ​ច័ន្ទ ​​ត្រូ​វ​បា​ន​​វាយ​ប្រហារ​នៅ​ក្បែរ​ផ្ទះ​​​របស់​​គាត់​។ ​​នៅ​ពេល​​​ឮ​សំឡេងស្រែ​ក​​របស់​​​គាត់​ឲ្យ​​​ជួ​យ​ ​ប្អូ​ន​​ប្រុស​​​របស់​​គាត់​ឈ្មោះ ​​សួ​ន ឈឹ ម ​​អា​យុ​២២ឆ្នាំ ​​និ​ង​អ្នក​ភូមិ​ម្នាក់​​ទៀត ឈ្មោះ ​​អែន ​កូ ​​អា​យុ​២៧​ឆ្នាំ​ បា​ន​រត់​ទៅ​​ជួ​យ​​​គាត់​ ​ប៉ុន្តែ​ក៍​ត្រូ​វ​​​បុ​​រស​​​ទាំង​ពីរនាក់​​នោះ​​​​វា​យ​នឹង​គល់ឫស្សី​​​​ដែរ​។ ​លោក សួន ច័ន្ទ បា​ន​ស្លាប់​​​ដោ​យ​សារ​​មុខ​របួស​​​​របស់​​​​គាត់​​​តា​ម​ផ្លូ​វ​ទៅ​កា​ន់​​​មន្ទីរ​​​ពេទ្យ ​រីឯ​លោក​ ឈឹម និ​ង​ លោក កូ ​​បា​ន​​ធូ​រ​ស្រា​ល​ឡើង​វិញ​​​កា​ល​​​ពី​ល្ងាច​ម្សិល​​មិញ​ ​នៅ​ឯ​មន្ទីរ​​​ពេទ្យ​​​បង្អែក​ខេត្ត​។

លោក សៀង សេង ​​បា​ន​​មា​ន​​ប្រ​សាស​ន៍​ថា “លោក ច័ន្ទ ​​ធ្វើ​ការ​​ឲ្យសារព័ត៌​មា​ន​ មាគ៌ារយៈពេ ល​​បី​ឆ្នាំ​ហើយ​​​”។ ​​គាត់​​ជា​សកម្មជន​​ដែល​​ថត​​យក​​​រូប​​ភាព​ និ​ង​ខ្សែ​​​វី​ដេអូ​​​អំ​ពី​ការ​​នេសាទ​​​ខុស​​ច្បាប់​​នៅ​ក្នុង​​តំ​​បន់​​​​អ​ភិ​រក្ស និ​ងកា​រ​​​កាប់​​ព្រៃ​​​ឈើ​​​​ខុស​​ច្បាប់​នៅ​ក្នុ​ង​​ដែន​ទឹក​​​ជម្រក​​ត្រី​ពង”។ លោក​បា​ន​​ចាត់​​​ទុ​ក​ថា ​​កា​រសម្លាប់​នេះ​​​គឺ​​ជា​ “​ការ​សង​សឹក​”។

លោក សេង ​​បា​ន​ឲ្យដឹង​ថា ​​លោក សួ​ន ច័ន្ទ ​​មា​ន​អត្ថបទ​​​​ចំ​នួ​នបី​ចេញ​ផ្សាយ​​កា​ល​ពី​ខែ​មុ​ន​​​អំពី​បុ​រស​​ដែល​លោក​បាន​​ឃើញ​ប្រើ​ឧប​ករណ៍​​ឆក់​ត្រី​​​បា​ន​​ចំ​នួ​ន​ច្រើន​។​ លោក សុខ សុ​​វណ្ណ ប្រធា​ន​​ក្រុ​ម​​ប្រឹក្សាសារ​​​ព័ត៌​មា​ន​កម្ពុជា​​​កាល​​​ពី​ម្សិល​​មិញ​​​បា​ន​ជម្រុញឲ្យ​នគរបាល​​ស្វែ​ង​រក​​​ឃាត​ករ។ លោក​​បា​ន​មា​ន​​ប្រ​សាស​ន៍​ថា “​ខ្ញុំ​​​​អំ​​ពាវ​​នាវ​ឲ្យ​​​នគរបាល​​ខេត្ត​កំពង់​​ឆ្នាំ​ង​​​ចាប់​​ខ្លួ​ន​​ជនដៃ​​​ដល់​​​ទាំង​នោះ និ​ង​ផ្តន្ទាទោស​​​ពួក​​គេ។ នគរបាល​​ស្គាល់​​​ជន​សង្ស័យ​ ប៉ុន្តែ​​​ពួក​គេ​នៅ​​មិន​​ទាន់​​​ចាប់​ខ្លួ​ន​​បាន​នៅ​ឡើយ​”៕ ​ប៊ុននី​

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស