32 C
Phnom Penh

សេវា​​​រថយន្ត​​​ក្រុង​​​សាធារណៈ​​​ដែល​​​គេ​​​​​​រង់ចាំ​​​ជាយូរ​​​មក​​​ហើយ​​​ចាប់​​​ផ្ដើម​​​សាកល្បង​​​រយៈ​​​ពេល​​​មួយ​​​ខែ​​​

ដោយ ឌឹ ខេមបូឌា ដេលី

បទវិភាគ

រថយន្ត​​​ក្រុង​​​​​​សាធារណៈ​​​​​​ចំនួន​​​​​​១០​​​គ្រឿង​​​​​​​​​របស់​​​សាលា​​​រាជធានី​​​ភ្នំពេញ​​​​​​​​​គ្រោង​​​​​​នឹង​​​ចេញ​​​ដំណើរ​​​​​​នៅ​​​ព្រឹក​​​នេះ​​​ ដើម្បី​​​ចាប់​​​ផ្ដើម​​​កា​​​រ​​​សាក​​​ល្បង​​​សេវា​​​រថយន្ត​​​ក្រុង​​​​​​សាធារណៈ​​​​​​រយៈ​​​ពេល​​​មួយ​​​ខែ​​​​​​តាម​​​បណ្ដោយ​​​ផ្លូវ​​​តែ​​​មួយ​​​គត់​​​​​​ គឺ​​​តាម​​​មហាវិថី​​​ព្រះ​​​មុនីវង្ស​​​។

ប្រសិន​​​បើ​​​​​​ទទួល​​​បាន​​​​​​ជោគ​​​ជ័យ ​​​​​​ផ្លូវ​​​រថយន្ត​​​ក្រុង​​​នេះ​​​​​​​​​នឹង​​​ក្លាយ​​​​​​ជា​​​ជំហាន​​​​ដំបូង​​​នៅ​​​ក្នុង​​​ការ​​​បង្កើ​​​ត​​​ប្រព័ន្ធ​​​ដឹក​​​ជញ្ជូន​​​សាធារណៈ​​​​​​ដើម្បី​​​​​​សម្រួល​​​​​​ដល់​​​ការ​​​​​​កក​​​ស្ទះ​​​ចរាចរណ៍​​​កាន់តែ​​​ខ្លាំង​​​ឡើង​​​នៅ​​​ក្នុង​​​រាជធានីភ្នំពេញ​​​។

សេវា​​​រថយន្ត​​​ក្រុង​​​ប្រចាំ​​​ថ្ងៃ​​​ដែល​​​​​​អ្នក​​​ដំណើរ​​​ម្នាក់​​​ៗ​​​ត្រូវ​​​​​​ចំណាយ​​​ប្រាក់​​​១.៥០០​​​រៀល​​​​​​ដើម្បី​​​ទិញ​​​សំបុត្រ​​​​​​ជិ​​​ះ​​​នោះ​​​ នឹង​​​​​​ចាប់​​​ផ្ដើម​​​​​​រត់​​​ពីម៉ោង​​​៥​​​និង​​​៣០​​​នាទី​​​ព្រឹក​​​ រហូត​​​ដល់​​​ម៉ោង​​​៨​​​និង​​​៣០​​​នាទី​​​យប់​​​ ចេញ​​​ពី​​​ចំណុច​​​​​​រង្វង់​​​​​​មូល​​​ “ស្ដាត​​​ចាស់​​​” ក្បាល​​​ស្ពាន​​​ជ្រោយ​​​ចង្វារ​​​ ឆ្ពោះ​​​​​ទៅ​​​​​​ច្បា​​​រ​​​អំពៅ​​​ ដោយ​​ត្រូវ​​​ឈប់​​​ចំនួន​​​​​​៣៦​​​ចំណត​​​ពេល​​​ធ្វើ​​​ដំណើរ​​​​​​តាម​​​ផ្លូវ​​​នេះ​​​។

រថយន្ត​​​ក្រុង​​​សាធារណៈ​​​នេះ​​​​​​ គឺ​​​ជា​​​​​​គំនិត​​​ផ្ដួច​​​ផ្ដើម​​​​​​របស់​​​ទីភ្នាក់ងារ​​​សហប្រតិបត្តិការ​​​អន្តរជាតិ​​​ជប៉ុន​​​ ហៅកាត់​​​ថា JICA ដែល​​​​​​សង្ឃឹម​​​ថា លើក​​​នេះ​​​វា​​​នឹង​​​​​​ទទួល បាន​​​​​​​​​ការ​​​ពេញ​​​និយម​​​​​​ជាង​​​កាលពីឆ្នាំ​​​២០០១ ដែលនៅ​​​ពេល​​​នោះ​​​​ JICA បាន​​​ដក​​​​​​សេវាកម្ម​​​សាកល្បង​​​រថយន្ត​​​ក្រុង​​​សាធារណៈ​​​រយៈ​​​ពេល​​​​​​ពីរ​​​ខែ​​​​​​ដូច​​​គ្នា​​​នេះ​​​ដោយ​​​​​​សារ​​​សាធារណជន​​​មិន​​​សូវ​​​ចាប់អារម្មណ៍​​​។​​​

ក្នុង​​​រយៈ​​​ពេល​​​មួយ​​​ខែ​​​​​​កន្លង​​​មក​​​នេះ​​​ចំណត​​​រថយន្ត​​​ក្រុង​​​​​​តាមបណ្ដោយ​​​ផ្លូវ​​​នេះត្រូវបាន​​​​​​បាញ់​​​ថ្នាំ​​​ពណ៌​​​ស​​​ជា​​​សញ្ញា​​​សម្គាល់នៅលើ​​​គែម​​​ផ្លូវ​​​​​​អម​​​ជាមួយ​​​នឹ​​​ង​​​សញ្ញា​​​បង្ហាញ​​​ពី​​​ព័ត៌មាន​​​​​​ផ្លូវ​​​និង​​​​​​ពេល​​​ត្រូវ​​​ឈប់​​​ទាំង​​​ជា​​​ភាសា​​​ខ្មែរ​​​ ទាំង​​​ជា​​​ភាសា​​​អង់គ្លេស​​​ខណៈពេល​​​ដែល​​​យុទ្ធនាការ​​​​​​តាម​​​ប្រព័ន្ធ​​​ផ្សព្វផ្សាយ​​​​​​បាន​​​នឹង​​​កំពុង​​​ជំរុញ​​​ឲ្យ​​​សាធា​​​រណជន​​​ “សាកល្បង​​​អ្វី​​​ដែល​​​ថ្មី​​​នៅ​​​ខែ​​​​​​កុម្ភៈ​​​នេះ”។

ត្រង់​​​ចំណុច​​​ថា តើ​​​សាធារណជន​​​នឹង​​​​​​​​​ផ្ដោត​​​​​​ការ​​​យក​​​ចិត្ត​​​ទុក​​​ដាក់​​​លើ​​​សំណើ​​​នេះ​​​ ហើយ​​​ចាប់​​​ផ្ដើម​​​ជិះ​​​រថយន្ត​​​ក្រុង​​​សាធារណៈ​​​​​​នេះ  ឬ​​​ក៏​​​​​​មិន​​​អើពើ​​​​​​នឹង​​​​​​ការ​​​ព្យាយា​​​ម​​​បញ្ចុះ​​​បញ្ចូល​​​​​​ពួក​​​គាត់​​​កុំ​​​ឲ្យ​​​ប្រើប្រាស់​​​​​​សេវា​​​ដឹកជញ្ជូន​​​ឯកជន ឬ​​​ជិះ​​​​​​រ៉ឺម៉ក​​​ម៉ូតូ​​​កង់​​​បី​​​ និង​​​ម៉ូតូ​​​ឌុប​​​ជាថ្មី​​​ម្ដង​​​ទៀត​​​ឬយ៉ាង​​​ណា​​​នោះ​​​ វា​​​នឹង​​​បង្ហាញ​​​​​​ឲ្យ​​​ឃើញ​​​ច្បាស់​​​​​​ក្នុង​​​ពេល​​​ឆាប់ៗ​​​នេះ។

ប៉ុន្តែ​​​នៅ​​​តាម​​​ចំណត​​​តាមបណ្ដោយ​​​ផ្លូវ​​​រថយន្ត​​​ក្រុង​​​​​​សាធារណៈ​​​នេះ​​​កាលពី​​​ម្សិល​​​មិញ​​​ ប្រជាពលរដ្ឋ​​​​​​លើក​​​ឡើង​​​ថា ពួក​​​គាត់​​​មិនប្រាក​​​ដ​​​ថា​​​ តើ​​​ប្រព័ន្ធ​​​រថយន្ត​​​ក្រុង​​​​​​នឹង​​​​​​អាច​​​​​​ដោះ​​​ស្រាយ​​​បញ្ហា​​​កក​​​ស្ទះ​​​ចរាចរណ៍​​​នៅ​​​ក្នុង​​​​​​រាជធានីភ្នំពេញបាន​​​ ឬ​​​ក៏​​​គ្រាន់តែ​​​ជា​​​​​​ការ​​​បំផ្លើស​​​​​​នោះ​​​ទេ​​​។ នៅ​​​ជិត​​​ចំណត​​​លេខ​​​៩​​​ នៅ​​​វត្ត​​​កោះ​​​ អ្នក​​​ស្រី​​​​​​ រ័ត្ន ម៉ារិន​​​ អាយុ​​​៣៩​​​ឆ្នាំ​​​​​​ដែល​​​​​​បើក​​​បរ​​​ម៉ូតូ​​​ផ្ទាល់ខ្លួន​​​របស់​​​​​​គាត់​​​ទៅ​​​ធ្វើការ​​​ជា​​​រៀង​​​រាល់​​​ថ្ងៃ​​​​​​និយាយ​​​ថា អ្នកស្រី​​​មិន​​​ទាន់​​​ទទួល​​​បាន​​​ដំណឹង​​​​​​​​​ស្ដី​​​ពី​​​​​​សេវា​​​រថយន្ត​​​​​​ក្រុង​​​​​​នេះ​​​នៅ​​​ឡើយ​​​ទេ​​​ ប៉ុន្តែ​​​​​​គាត់​​​គិត​​​ថា ផល​​​អវិជ្ជមាន​​​ប្រហែល​​​​​​មាន​​​ច្រើន​​​​​​ជាង​​​ផល​​​វិជ្ជមាន​​​។

អ្នកស្រី​​​និយាយ​​​ថា “វា​​​នឹ​​​ង​​​ជួយ​​​សន្សំ​​​សំចៃ​​​ប្រាក់​​​របស់​​​ប្រជាពលរដ្ឋ​​​ ហើយ​​ខ្ញុំ​​​គិត​​​ថា វា​​​ជា​​​រឿង​​​ល្អ ដែល​​​សាលា​​​រាជធានី​​​កំពុង​​​ព្យាយាម​​​ផ្ដល់​​​រថយន្ត​​​ក្រុង​​​សាធារ​ណៈ​​​​ ប៉ុន្តែ​​​វា​​​​​​នឹង​​​​​​បង្កើន​​​បញ្ហា​​​ចរាចរណ៍​​​ មិន​​​មែន​​​ដោះ​​​ស្រាយ​​​​​​វា​​​នោះ​​​ទេ​​​ ហើយ​​​ប្រជាពលរដ្ឋ​​​នឹង​​​ត្រូវ​​​ចំណាយ​​​ពេល​​​រង់​​​​​​ចាំ​​​កាន់តែ​​​យូរ​​​​​​”។ អ្នកស្រី​​​ រ័ត្ន ម៉ារិន បាននិយាយ​​​បន្ថែម​​​ទៀត​​​ថា ប្រសិន​​​បើ​​​អ្នក​​​ស្រី​​​​​​ត្រូវ​​​ការ​​​ទៅ​​​ណា​​​ប្រញាប់​​​អ្នក​​​​​​ស្រី​​​នឹង​​​ជិះ​​​ម៉ូតូ​​​ឌុប​​​​​​ គឺ​​​មិន​​​​​​រង់​​​ចាំ​​​នៅ​​​ចំណត​​​រថយន្ត​​​ក្រុង​​​ទេ​​​។

លោក ឆន ខ្នា អាយុ​​​៤១​​​ឆ្នាំ​​​ ជា​​​អ្នកប្រកប​​​​​​មុខ​​​របប​​​​​​រត់​​​រឺុម៉ក​​​ម៉ូតូ​​​កង់​​​បី​​​ ដែល​​​កន្លែង​​​ដែល​​​គាត់​​​ធ្លាប់​​​តែ​​​ចត​​​​​​ត្រូវ​​​បាន​​​ជំនួស​​​ដោយ​​​ចំណត​​​រថយន្ត​​​ក្រុង​​​នៅ​​​ខាង​​​ក្រៅ​​​ស្ថានទូត​​​បារំាង​​​នោះ​​​ និយាយ​​​ថា គាត់​​​មិន​​​សូវ​​​​​​ព្រួយ​​​បារម្ភ​​​​​​ចំពោះ​​​​​​ការ​​​បាត់​​​បង់​​​អតិថិជន​​​ដែល​​​ងាក​​​ទៅ​​​ជិះ​​​រថយន្ត​​​ក្រុង​​​ប៉ុន្មានទេ​​​។ គាត់​​​បាន​​​និយាយ​​​ទៀត​​​ថា “តម្លៃ​​​​រាង​​​ថោក​​​ជាង​​​ធុកៗ​​​បន្ដិច​​​​​​ ដូច្នេះ​​​​​​ខ្ញុំ​​​នឹង​​​​​​ត្រូវ​​​រង់​​​ចាំ​​​​​​មើល​​​ ប៉ុន្តែ​​​ខ្ញុំ​​​គិត​​​ថា អ្នកដំណើរ​​​នឹង​​​ធុញ​​​​​​ទ្រាន់​​​​​​ក្នុង​​​ការ​​​រង់​​​ចាំ​​​ ពីព្រោះ​​​វា​​​ចំណាយ​​​​​​ពេល​​​យូរ​​​​​​ទម្រាំ​​​ទៅ​​​ដល់គោល​​​ដៅ​​​របស់​​​ពួក​​​គេ​​​”៕ សុខុម

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស