អ្នកភូមិ​​​បិទ​​​ផ្លូវ​​​នៅ​​​ខេត្ត​​​កោះ​​​កុង​​​​​​ដើម្បី​​​ទាម​​​ទារ​​​សំណង​​​​​​ពី​​​ក្រុមហ៊ុន​​​ចិន​​​ ដែល​​​បាន​​​ដុត​​​ផ្ទះ​​​របស់​​​ពួក​​​គាត់​​​

អ្នកភូមិ​​​ប្រមាណ​​​១៤០​​​នាក់​​​នៅ​​​ក្នុង​​​​​​​​​ខេត្ត​​​កោះ​​​កុង​​​​​​​​​បានលើក​​​គ្នា​​​តវ៉ា​​​​​​បិទ​​​ផ្លូវ​​​​​​ពីរ​​​ថ្ងៃ​​​ជាប់​​​គ្នា​​​​​​កាលពី​​​ម្សិល​​​មិញ​​​ ដើម្បី​​​ទាម​​​ទារ​​​សំណង​​​​​​ពី​​​ក្រុមហ៊ុន​​​ចិន​​​មួយ​​​ ដែល​​​ពួក​​​គាត់​​​និយាយ​​​ថា  បាន​​​​​​ដុត​​​​​​បំផ្លាញ​​​ផ្ទះ​​​សំបែង​​​របស់​​​ពួក​​​គាត់​​​ដើម្បី​​​បើក​​​ផ្លូវ​​​សម្រាប់ការ​​​បង្កើត​​​រមណីយដ្ឋាន​​​ទេសចរណ៍​​​មួយ​​​ដែល​​​មាន​​​ទំហំ​​​ទឹក​​​ប្រាក់ជា​​​ច្រើន​​​ពាន់​​​លាន​​​​​​ដុល្លារ​​​  នេះ​​​បើ​​​យោង​​​តាម​​​​​​ការ​​​លើក​​​ឡើង​​​​​​របស់​​​មន្ត្រី​​​សិទ្ធិ​​​មនុស្ស​​​​​​មួយ​​​រូប​​​និង​​​ក្រុម​​​អ្នក​​​​​​​​​ភូមិ​​​។

អ្នកភូមិទាំង​​​នេះ​​​បាន​​​​​​បិទ​​​​​​ផ្លូវ​​​​​​​​​ពី​​​ទីរួម​​​ខេត្ត​​​ឆ្ពោះទៅ​​​ទីស្នាក់​​​ការ​​​​​​ក្រុមហ៊ុន​​​ Union  Develop-​​​ment Group ដែល​​​ជាប់ពាក់ព័ន្ធ​​​​​​ក្នុង​​​វិវាទ​​​ដីធ្លី​​​មួយ​​​ជា​​​មួយ​​​អ្នក​​​ភូមិ​​​​​​​​​ចាប់​​​តាំង​​​ពី​​​ឆ្នាំ​​​២០០៨​​​មក​​​ ជុំវិញ​​​ផែន​​​ការ​​​របស់​​​​​​ក្រុមហ៊ុន​​​នេះ​​​​​​ ដើម្បី​​​ប្រែ​​​ក្លាយ​​​​​​តំបន់​​​ឆ្នេរ​​​ដ៏​​​ស្រស់ស្អាត​​​​​​របស់​​​ខេត្ត​​​​​​កោះ​​​កុង​​​ ទៅ​​​ជា​​​តំបន់​​​ទេសចរណ៍​​​មួយ​​​មាន​​​ទំហំ​​​ទឹក​​​ប្រាក់​​​៣,៨​​​ពាន់​​​លាន​​​ដុល្លារ​​​ ដែលរួម​​​​​​​​​មាន​​​​​​សណ្ឋា​​​គារ​​​ទីធ្លាវាយ​​​កូន​​​ហ្គោល​​​និ​​​ង​​​អាកាស​​​យាន​​​​​​ដ្ឋាន​​​មួយ​​​ផង​​​ដែរ​​​។

គម្រោង​​​នេះ​​​​​​មាន​​​ទីតាំង​​​​​​ស្ថិត​​​នៅ​​​ក្នុង​​​​​​ឧទ្យា​​​ន​​​ជាតិ​​​បទុម​​​សាគរ ទីដែល​​​ក្រុមហ៊ុន​​​​​​ Union Devlopment Group ទទួល​​​បាន​​​ការ​​​អនុញ្ញាត​​​ឲ្យ​​​កាប់​​​ឆ្កា​​​រព្រៃ​​​​​​​​​ទំហំ​​​៤៥.០០០​​​ហិកតា​​​ ឬ​​​ប្រហែល​​​១ភាគ​​​៤​​​នៃ​​​ឧទ្យាន​​​ជាតិ​​​នេះ។

លោក​​​ អ៊ិន​​​ គង់​​​ចិត្រ​​​ មន្ត្រី​​​ឃ្លាំ​​​មើល​​​​​​របស់​​​អង្គការ​​​សិទ្ធិ​​​មនុស្ស​​​លីកាដូ​​​​​​ប្រចាំ​​​ខេត្ត​​​កោះ​​​កុង​​​បាន​​​មាន​​​ប្រសាសន៍​​​ថា “ពួក​​​គាត់​​​បិទ​​​ផ្លូវ​​​នេះ​​​ដើម្បីរារាំង​​​រថយន្ត​​​របស់​​​ក្រុម​​​ហ៊ុន​​​មិន​​​ឲ្យ​​​ចូល​​​ទៅ​​​ការដ្ឋាន​​​របស់​​​ក្រុមហ៊ុន​​​។ ពួក​​​គាត់​​​កំពុង​​​ទាមទារ​​​សំណងចំពោះ​​ការ​​​ដុត​​​​​​បំផ្លាញ​​​ផ្ទះ​​​សំបែង​​​របស់​​​​​​ពួក​​​គាត់​​​”។ លោក​​​បានមាន​​​ប្រសា​សន៍​​​ទៀត​​​ថា​​​ ការ​​​បិទ​​​ផ្លូវ​​​​​​នេះ​​​បាន​​​ចាប់​​​ផ្ដើម​​​កាលពីថ្ងៃ​​​ពុធ​​​ ដែ​​​ល​​​នៅ​​​ពេល​​​នោះ​​​អ្នក​​​ភូមិ​​​ប្រមាណ​​​១០៥​​​នាក់​​​បាន​​​ប៉ះទង្គិច​​​គ្នា​​​មួយ​​​ប្រាវ​​​ជាមួយកង​​​​​​​​​សន្ដិសុខ​​​ក្រុម​ហ៊ុន​​​​​៤០​​​នាក់​​​ និង​​​ទាហាន​​​ប្រាំមួយ​​​នាក់​​​​​​ប្រដាប់​​​ដោយ​​​​​​កាំ​​​ភ្លើង​​​អាកា​​​៤៧ ដែល​​​ធ្វើ​​​ការ​​​ឲ្យ​​​ក្រុមហ៊ុន​​​​​​ Union Devlopment Group ។ តែ​​​ទោះ​​​ជា​​​យ៉ាង​​​ណា​​​  គ្មាន​​​​​​អ្នក​​​រងរបួស​​​ទេ​​​ក្នុង​​​ហេតុ​​​ការណ៍​​​នេះ​​​។​​​

ហើយ​​​កាល​​​ពីខែ​​​មុន​​​ អ្នក​​​ភូមិ​​​​​​បាន​​​អះអាង​​​ថា ក្រុមហ៊ុន​​​នេះ​​​បាន​​​បញ្ជូន​​​កម្លាំង​​​សន្ដិសុខ​​​និង​​​ទាហាន​​​៣០​​​នាក់​​​ទៅកាន់​​​ផ្ទះ​​​របស់​​​អ្នក​​​ភូមិ​​​ក្នុង​​​ឃុំ​​​កោះ​​​ស្ដេច​​​ ស្រុក​​​គិរី​​​សាគរ​​​ ដើម្បី​​​បណ្ដេញ​​​​​​ពួក​​​គាត់​​​​​​ចេញ​​​ពីដីធ្លី​​​របស់​​​ខ្លួន​​​ ពីព្រោះក្រុម​​​ហ៊ុន​​​​​​ Union Devlopment Group បាន​​​អះអាង​​​ថា ផ្ទះ​​​របស់​​​ពួក​​​គាត់​​​ទន្ទ្រាន​​​ចូលដី​​​របស់​​​ពួក​​​គេ​​​។​​​ នៅ​​​ពេល​​​​​​ពួក​​​គាត់​​​មិន​​​ព្រម​​​​​​ចាក​​​ចេញ​​​ កម្លាំង​​​សន្ដិសុខ​​​និង​​​ទាហាន​​​ទាំង​​​នោះ​​​ក៏​​​បាន​​​ដុត​​​បំផ្លាញ​​​ផ្ទះអស់​​​៤៥​​​ខ្នង​​​។

អ្នកភូមិ​​​ម្នាក់​​​ឈ្មោះ​​​ ស៊ុន​​​ គឹម​​​សឿន អាយុ​​​៥៨​​​ឆ្នាំ​​​​​​បាន​​​លើក​​​ឡើង​​​ថា ​​​កម្លាំង​​​សន្ដិសុខ​​​បាន​​​​​​ដាក់​​​ខ្នោះ​​​ដៃ​​​គាត់​​​រយៈ​​​ពេល​​​បី​​​ម៉ោង​​​​​​ខណៈ​​​ពេល​​​​​​ដុត​​​បំផ្លាញ​​​ផ្ទះ​​​របស់​​​ពួក​​​​​​គាត់​​​ ដែល​​​ស្ថិត​​​នៅ​​​លើ​​​​​​ដី​​​ស្រែ​​​​​​ទំហំ​​​ប្រាំ​​​ពីរ​​​ហិកតា កាលពី​​​ថ្ងៃ​​​ទី​​​២៤ ខែ​​​មករា​​​។

អ្នកស្រី​​​និយាយ​​​ថា “ពួក​​​គេ​​​បាន​​​មក​​​រើ​​​កកាយ​​​របស់​​​របរខ្ញុំ​​​ ហើយ​​​ដុត​​​បំផ្លាញ​​​ផ្ទះ​​​របស់​​​ខ្ញុំ​​​។​​​ នេះ​​​គឺ​​​ជា​​​ទង្វើ​​​ដ៏​​​ព្រៃផ្សៃ។ ខ្ញុំ​​​ឲ្យ​​​រដ្ឋាភិ​​​បាល​​​​​​កាត់​​​ដី​​​របស់​​​ខ្ញុំ​​​ចេញ​​​ពី​​​តំបន់​​​ដី​​​ក្រុមហ៊ុន​​​ ដើម្បី​​​ឲ្យ​​​ខ្ញុំ​​​អា​​​ច​​​បង្កបង្កើន​​​ផល​​​ដំណាំ​​​ស្រូវ​​​ ដើម្បី​​​ចិញ្ចឹម​​​កូន​​​ៗ​​​របស់​​​ខ្ញុំ​​​។ តើ​​​ខ្ញុំ​​​អាច​​​ទៅ​​​ណា​​​បាន​​​ប្រសិន​​​បើ​​​ខ្ញុំ​​​គ្មាន​​​ដី​​​ស្រែ​​​ទេ​​​នោះ​​​?”។ អ្នក​​​ស្រី​​​បាន​​​និយា​យ​​​បន្ត​​​ទៀត​​​ថា អ្នកស្រី​​​គ្រប់គ្រង​​​​​​​​​ដី​​​នេះ​​​ជា​​​ម្ចាស់​កម្មសិទ្ធិ​​​​​​ចាប់​​​តាំង​​​ពី​​​ឆ្នាំ​​​១៩៩៣​​​មក​​​ម៉្លេះ។ ពាក់ព័ន្ធ​​​នឹង​​​បញ្ហា​​​នេះ​​​ លោក​​​ ស៊ុន​​​ ដារ៉ា​​​ អភិបាល​​​រង​​​ខេត្ត​​​កោះ​​​កុង​​​​​​បាន​​​បដិសេធ​​​​​​មិន​​​​​​ឆ្លើយ​​​បំភ្លឺ​​​ទេ​​​៕ សុខុម​​​