35 C
Phnom Penh

ឧត្តម​​​សេនីយ៍ត្រី​​​​​​កង​​​យោធពល​​​ខេមរភូមិន្ទ​​​នៅមណ្ឌលគិរី​​​បដិសេធ​​​ថា ខ្លួន​​​គ្មាន​​​ឈើ​​​ប្រណីតទេ​​​

ដោយ ឌឹ ខេមបូឌា ដេលី

បទវិភាគ

​​​ឧត្តម​​​សេនីយ៍ត្រី​​​មួយ​​​រូប​​​ក្នុង​​​ជួរ​​​កង​​​យោធ​​​​​​ពល​​​​​​ខេមរភូមិន្ទ​​​ ដែល​​​ផ្ទះនិង​​​ចម្ការ​​​កៅស៊ូ​​​របស់​​​​​​​​​គាត់​​​នៅ​​​ក្នុង​​​​​​ខេត្ត​​​មណ្ឌល​​​គិរី ត្រូវ​​​បាន​​​នគរ​​​បាល​​​​​​ឆ្មក់​​​ចូល​​​កាលពីចុង​​​សប្ដាហ៍​​​កន្លង​​​ទៅ​​​នេះ​​​​​​បាន​​​លើក​​​ឡើង​​កាលពីម្សិលមិញ​​​ថា គាត់​​​មិន​​​ទទួល​​​​​​​​​ខុស​​​​​​ត្រូវ​​​ចំពោះ​​​ឈើ​​​ប្រណីត​​​ខុស​​​ច្បាប់​​​រាប់​​​សិប​​​​​​​​​ដុំ​​​​​​ដែល​​​រឹប​​​អូស​​​បាន​​​អំឡុង​​​​​​ប្រតិ​បត្តិការ​​​​​​ចុះ​​​ឆែកឆេរ​​​​​​​​​ពី​​រ​​​ដាច់​​​ដោយ​​​ឡែកពីគ្នា​​​នៅ​​​ក្នុង​​​គេហ​​​​​​​​​ដ្ឋាន​​​របស់​​​គាត់​​​។

កាលពីថ្ងៃ​​​សៅរ៍ កង​​​រាជ​​​អាវុធ​​​ហត្ថ​​​ និង​​​នគរ​​​បាល​​​ខេត្ត​​​​​​ជាង​​​២០​​​នាក់​​​បាន​​​ឆ្មក់​​​ចូល​​​ផ្ទះ​​​​​​ដែល​​​ស្ថិត​​​នៅ​​​ក្នុង​​​ឃុំ​​​​​​ស្រែ​​​ខ្ទុំ ស្រុក​​​កែវ​​​សីមា​​​នេះ បន្ទាប់ពី​​​មាន​​​សេចក្ដី​រាយ​ការណ៍​​​​​​​​​ថា ឧត្តម​​​​​​​​​សេនីយ៍​​​​​​ត្រី​​​​​​ ឈិត ម៉េងស្រេង ដែល​​​ជា​​​ប្រធាន​​​អង្គភាព​​​កង​​​យោធពល​​​ខេមរភូមិន្ទ​​​​​​​​ប្រចាំ​​​ខេត្ត​​​មណ្ឌល​​​គិរី កំពុង​​​ដឹកឈើ​​​ខុស​​​ច្បាប់​​​​​​កាត់​​​តាម​​​ចម្ការ​​​​កៅស៊ូ​​​ពីក្រោយ​​​ផ្ទះ​​​របស់​​​គាត់​​​។

លោក​​​ ញ៉ែម វណ្ណី ស្នង​​​ការ​​​ខេត្ត​​​​​​មណ្ឌល​​​​​​គិរី​​​ បាន​​​មាន​​​ប្រសាសន៍​​​ថា ឈើ​​​ប្រណីត​​​ចំនួន​​​​​ប្រាំពីរ​​​ដុំ​​​ត្រូវ​​​បាន​​​រក​​​ឃើញ​​​​​​​​​​​​នៅ​​​ផ្ទះ​​​របស់​​​គាត់​​​កាលពីថ្ងៃ​​​សៅរ៍ និង​​​ពីរ​​​ដុំ​ទៀត​​​នៅ​​​ក្នុង​​​រថយន្ត​​​​​​របស់គាត់​​​ ចំណែកឯ​​​៤៨​​​ដុំ​​​ទៀត​​​​​​ត្រូវ​​​បាន​​​​​​រឹ​​​ប​​​អូស​​​អំឡុង​​​ការ​​​ឆែក​​​ឆេរ​​​តាម​​​ក្រោយ​​​​​​មួយ​​​ទៀត​​​កាលពីថ្ងៃ​​​អាទិត្យ ដែលមាន​​​ការ​​​ពាក់​​​ព័ន្ធ​​​​​​​​​នឹង​​​នគរ​​​បាល​​​ និង​​​កង​​​រាជ​​​អាវុធ​​​ហត្ថ​​​ជាង​​​៥០​​​នាក់​​​។ ហើយ​​​រហូត​​​មក​​​ទល់​​​ពេល​​​នេះ​​​មិន​​​ទាន់​​​​​​មាន​​​ការ​​​ចាប់​​​ខ្លួននរណា​​​ម្នាក់នៅឡើយទេ​​​។

កាលពីម្សិលមិញ ឧត្តមសេនីយ៍ត្រី ម៉េង​​​ស្រេង ​​​បាន​​​​​​ច្រាន​​​ចោល​​​ការ​​​អះអាង​​​​​​របស់កង​​​រាជ​​​អាវុធ​​​ហត្ថ​​​ដែលថា ​​​ពួកគេ​​​បាន​​​រក​​​ឃើញ​​​ឈើ​​​ប្រណីត​​​នៅក្នុង​​​រថយន្ត​​​របស់គាត់​​​​​​ ហើយ​​​​​​​​​​​​គាត់​​​និយាយ​​​ទៀត​​​ថា ឈើ​​​ប្រណីត​​​៤៨​​​ដុំ​​​ដែល​​​​​​​​​រឹប​​​អូស​​​បាន​​​កាលពីថ្ងៃ​​​អាទិ​​​ត្យ​​​មិន​​​​​​មែន​​​រក​​​ឃើញ​​​នៅ​​​លើ​​​​​​ចម្ការ​​​​​​ទំហំ​​​១០​​​ហិកតារ​បស់​​​គាត់​​​ទេ។​​គាត់​​​និយាយ​​​ថា “​​​នគរ​​​បាល​​​បាន​​​រក​​​ឃើញ​​​ឈើ​​​នៅ​​​ក្នុង​​​ចម្ការ​​​កៅស៊ូមួយ​​​ ប៉ុន្តែ​​​វា​​​មិន​​​មែន​​​ជា​​​ចម្ការ​​​កៅស៊ូរបស់​​​ខ្ញុំទេ វាស្ថិត​​​នៅ​​​ក្រៅ​​​ដី​​​របស់​​​ខ្ញុំ​​​ ដូច្នេះ​​​វា​​​ជាការ​​​ចោទ​​​ប្រកាន់ខុស​​​មក​​​លើ​​​ខ្ញុំ​​​” ប៉ុន្តែ​​​គាត់​​​ទទួល​​​ស្គាល់​​​ថា ឈើ​​​ប្រណីត​​​រក​​​ឃើញ​​​នៅ​​​ក្នុង​​​ផ្ទះ​​​គឺ​​​ជា​​​របស់​​​គាត់​​​មែន​​​។

គាត់​​​បាននិយាយ​​​ថា “ខ្ញុំទទួល​​​ស្គាល់​​​ថា នគរ​​​បាល​​​បាន​​​រក​​​ឃើញ​​​ឈើ​​​នៅ​​​ក្នុង​​​ផ្ទះ​​​របស់​​​ខ្ញុំ ប៉ុន្តែ​​​ខ្ញុំ​​​រក្សាទុក​​​ឈើ​​​នោះ​​​ដើម្បី​​​ធ្វើ​​​របង​​​នៅ​​​ខាង​​​មុខ​​​ផ្ទះ​​​របស់​​​ខ្ញុំ​​​”។ ឧ​​ត្ត​ម​សេនីយ៍​​​​​​ត្រី ឈិត ម៉េងស្រេង បាន​​​លើក​​​ឡើង​​​ថា គាត់​​​​​​មិន​​​បារម្ភ​​​រឿង​​​គេចាប់​​​ខ្លួន​​​គាត់​​​ទេ ពីព្រោះ​​​គាត់​​​គ្មាន​​​កំហុស​​​ ហើយគាត់​​​បាន​​​សហការ​​​ពេញទំហឹង​​​នៅ​​​ក្នុង​​​ការ​​​ស៊ើប​​​អង្កេត​​​នេះ ប៉ុន្តែ​​​គាត់​​​បាន​​​បដិសេធ​​​ថា នគរ​​​បាល​​​មិន​​​បាន​​​បង្ហាញដីកា​​​ឆែក​​​ឆេរ​​​ណាមួយ​​​ដូច​​​លោក ញ៉ែម វណ្ណី ស្នង​​​ការ​​​នគរ​​​បាល​​​បាន​​​រាយការណ៍​​​នោះទេ។

គាត់​​​និយាយ​​​ថា “ខ្ញុំ​​​ចង់​​​ដាក់​​​ពាក្យ​​​បណ្ដឹង​​​​​​ប្ដឹង​​​អាជ្ញាធរ​​​ ពីព្រោះ​​​ពួកគេ​​​បាន​​​បំផ្លាញ​​​កេរ្តិ៍​​​ឈ្មោះរបស់​​​ខ្ញុំ ប៉ុន្តែ​​​ខ្ញុំ​​​បានប្ដូរ​​​ចិត្ត​​​វិញ​​​ ពីព្រោះ​​​ខ្ញុំ​​​ចង់បញ្ចប់​​​បញ្ហា​​​នេះ​​​” ។ គាត់​​​និយាយ​​​ទៀត​​​ថា គាត់​​​​​​នឹង​​​ចេញថ្លៃទូរស័ព្ទ​​​ឲ្យ​​​អ្នកយក​​​ព័ត៌​​​មាន​​​ដែល​​​ទូរស័ព្ទ​​​ចុះ​​​ឡើង​​​សម្រាប់​​​ការ​​​សរ​​​សេរ​​​អត្ថបទ​​​គាំទ្រ​​​គាត់​​​។

លោក អេង ប៊ុនហៀង អភិបាល​​​ខេត្ត​​​មណ្ឌលគិរី បានមាន​​​ប្រសាសន៍​​​ថា អាជ្ញាធរ​​​កំពុង​​​ចាត់ការ​​​រឿង​​​នេះនៅ​​​ឡើយ​​​។ លោក​​​​​​បាន​​​មានប្រសាសន៍​​​ថា “ប្រសិន​​​បើ​​អាជ្ញាធរ​​​រក​​​ឃើញ​​​ថា គាត់​​​មាន​​​ទោស​​​កំហុស​​​ ឧត្តម​​​សេនីយ៍​​​​​​​​​ត្រី ឈិត ម៉េងស្រេង អាច​​​នឹង​​​ត្រូវ​​​ប្រឈម​​​ចំពោះមុខ​​ច្បាប់​​​៕ សុខុម

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស