30.6 C
Phnom Penh

រដ្ឋមន្ត្រីសន្យា​​​នឹងជួយ​​​គ្រួសារ​​​ដែលរង​​​គ្រោះដោយ​​​សារ​​​ចម្ការ​​​អំពៅ​​​

ដោយ ឌឹ ខេមបូឌា ដេលី

បទវិភាគ

កាលពីថ្ងៃ​​​ច័ន្ទ​​​ រដ្ឋាភិបាល​​​បាន​​​យល់​​​ស្រប​​​តាម​​​ដំណោះស្រាយ​​​គ្រប់​​​ជ្រុង​​​ជ្រោយ​​​មួយ​​​សម្រាប់​​​គ្រួសារ​​​នៅ​​​ជន​​​បទ​​​ដែល​​​បាន​​​បាត់​​​បង់​​​ដីធ្លី​​​របស់​​​ខ្លួន​​​ដោយ​​​សារ​​​ក្រុម​​​ហ៊ុន​​​ចម្ការ​​​អំពៅ​​​​​​​​​មាន​​​ខ្នង​​​បង្អែក​​​ក្រាស់​​​ ដែល​​​​​​នាំ​​​ចេញ​​​ស្ករ​​​ស​​​ទៅកាន់​​​សហភាព​​​អឺរ៉ុប​​​ដោយ​​​មិន​​​ចាំ​​​បាច់​​​បង់​​​ពន្ធ​​​ ហើយ​​​​​​នឹង​​​ជួប​​​គ្នា​​​ម្ដង​​​ទៀត​​​នៅ​​​ដើម​​​ខែ​​​ក្រោ​​​យ​​​ដើម្បី​​​ពិភាក្សា​​​ពី​​​សេចក្ដី​​​លម្អិត​​​។

សេចក្ដីសម្រេច​​​នេះ​​​ធ្វើ​​​ឡើង​​​នៅ​ក្នុង​​​​ជំនួប​​​​​​​​មួយ​​​រវាង​​​រដ្ឋ​​​មន្ត្រី​​​ ឯក​​​អគ្គរដ្ឋទូត​​​សហភាព​​​អឺរ៉ុប​​​​​​​​​ប្រចាំ​​​ប្រទេស​​​កម្ពុជា​​​ និង​​​តំណាង​​​ក្រុម​​​ហ៊ុន​​​ចម្ការ​​​​​​​​​​​​​​​អំពៅ​​​ ហើយ​​​នេះ​​​គឺ​​​ជា​​​លើ​​​កទី​​​១​​​ហើយ​​​ដែល​​​​​​​​​​​​រដ្ឋា​​​​​​​​​​​​​​​​​​ភិបាល​​​យល់​​​ព្រម​​​ដោះ​​​ស្រាយ​​​​​​​​​​​​បញ្ហា​​​នេះ​​​ជា​​​សាធារណៈ​​​។ ​​​ប្រជា​​ព​​​​​​ល​រដ្ឋ​​​រាប់​​​រយ​​​គ្រួសារ​​​​​​ចាប់​​​ពី​​​ខេត្ត​​​កំពង់ស្ពឺ​​​ដល់​​​ខេត្ត​​​កោះ​​​កុង​​​ បាន​​​ចោទ​​​​​​ប្រកាន់​​​ក្រុម​​​ហ៊ុន​​​ចម្ការ​​​អំពៅ​​​ដែលទទួល​​​បាន​​​អត្ថ​​​

ប្រយោជន៍​​​ពីគម្រោង​​​ពាណិជ្ជកម្ម​​​សេរី​​​មួយ​​​របស់​​​សហ​​​ភាព​​​អឺរ៉ុប​​​ដែល​​​មាន​​​ឈ្មោះថា ទំនិញ​​​​​​​​​​​​​​​គ្រប់​​​យ៉ាង​​​លើក​​​លែង​​​តែ​​​អាវុធ​​​ (EBA) ដែល​​​អនុ​​​​​​ញ្ញាត​​​ឲ្យ​​​ប្រទេស​​​កម្ពុជា​​​នាំ​​​ចេញ​​​ស្ករស​​​ទៅ​​​កាន់​​​អឺរ៉ុប​​​ដោយ​​​មិន​​​ចាំបាច់​​​បង់​​​ពន្ធ​​​ថា បាន​​​​​​បណ្ដេញ​​​ពួកគាត់​​​ចេញ​​​ពី​​​ដីធ្លី​​​របស់​​​ខ្លួន​​​។ រហូត​​​មក​​​ទល់​​​ពេល​​​នេះ ទាំង​​​ម្ចាស់​​​ចម្ការ​​​អំពៅ​​​ ទាំងអាជ្ញាធរ​​​ដែល​​​ផ្ដល់​​​អាជ្ញាប័ណ្ណ​​​ដល់​​​​​​ក្រុមហ៊ុន​​​ចម្ការ​​​អំពៅ​​​ទំាងនោះ​​​ មិន​​​ដែល​​​ទទួល​​​​​​​​​ស្គាល់​​​ថា មាន​​​ការ​​​ចាប់​​​យក​​​ដីធ្លីនោះ​​​ទេ​​​។

សេចក្ដី​ថ្លែង​​​ការណ៍​​​មួយ​​​នៅ​​​ក្នុង​​​គេហ​​​ទំព័រ​​​របស់​​​ក្រសួង​​​សេដ្ឋកិច្ចមាន​​​ខ្លឹម​​​សារ​​​ដូច្នេះ​​​​ថា “អ្នក​​​ចូល​​​រួម​​​បាន​​​ពិភាក្សា​​​គ្នា​​​យ៉ាង​​​ស៊ីជម្រៅ​​​​​​​​​ស្ដីពី​​​បញ្ហា​​​ដែល​​​រង​​​ផល​​​ប៉ះពាល់​​​​​​ដោយ​​​សារ​​​ដី​​​សម្បទាន​​​ពាក់​​​ព័ន្ធ​​​នឹង​​​ក្រុម​​​ហ៊ុន​​​ចម្ការ​​​អំពៅ និង​​​​​​​​​រោងចក្រ​​​កែ​​​ច្នៃ​​​អំពៅ​​​​​​នៅ​​​ក្នុង​​​ខេត្ត​​​ខុស​​​ៗ​​​គ្នា​​​ ហើយ​​​បាន​​​ប្ដេជ្ញា​​​ធ្វើការ​​​ដោយ​​​យក​​​ចិត្ត​​​ទុក​​​ដាក់​​​ដើម្បី​​​ដោះ​​​ស្រាយ​​​បញ្ហា​​​ទាំង​​​នេះ​​​ធ្វើ​​​យ៉ាង​​​​​​​​​ណា​​​ឲ្យ​​​ភាគីទាំងអស់​​​ពេញ​​​ចិត្ត​​​។

សេចក្ដី​​​ថ្លែង​​​ការណ៍​​​នេះ​​​បន្ត​​​​​​ថា “គណៈ​​​កម្មា​​​​​​ធិការ​​​អង្គការ​​​អាដ​​​ហុ​​​ក​​​បាន​​​យល់​​​ព្រម​​​ជួប​​​គ្នា​​​ម្ដង​​​ទៀត​​​នៅ​​​ថ្ងៃ​​​ទី​​​៥ ខែ​​​មីនា ឆ្នាំ​​​២០១៤ ដើម្បី​​​​​​​​​​​​​​​ពិនិត្យ​​​​​​ដំណើរ​​​ការ​​​ និង​​​នីតិវិធី​​​ទាំង​​​នេះ និង​​​ដើម្បី​​​​​​​​​បង្កើត​​​ផែន​​​ការ​​​សកម្មភាព​​​រឹង​​​មាំ​​​សម្រាប់​​​ដោះ​​​​​​​​​​​​ស្រាយ​​​បញ្ហា​​​ដីសម្បទាន​​​ពាក់​​​ព័ន្ធ​​​នឹង​​​ក្រុម​​​ហ៊ុន​​​ចម្ការ​​​អំពៅ និង​​​រោងចក្រ​​​កែច្នៃ​​​អំពៅ​​​”។

លោក ស៊ុន ចាន់ថុល រដ្ឋមន្ត្រី​​​ក្រសួង​​​ពាណិជ្ជ​​​កម្ម ជា​​​អ្នក​​​ដឹកនាំ​​​កិច្ច​​​ប្រជុំ​​​​​​នេះ​​​ ដោយ​​​មាន​​​ការ​​​ចូល​​​រួម​​​ពីមន្ត្រី​​​ក្រសួង​​​កសិកម្ម បរិស្ថាន និង​​​ក្រសួង​​​រៀប​​​ចំ​​​ដែន​​​ដី​​​ នគរូបនីយកម្ម និង​​​សំណង់ អភិបាល​​​ខេត្ត​​​ ឬ​​​អភិបាល​​​រង​​​ខេត្ត​​​ចំនួន​​​ប្រាំមួយ​​​​​​​​​​​​រូប តំណាងក្រុម​​​ហ៊ុន​​​ស្ករ​​​ស​​​ និង​​​លោក ហ្សង់ ហ្វ្រង់​​​ស័រ កូតាំង (Jean Francois Cautain) ​​​ឯកអគ្គ​​​រដ្ឋទូត​​​​​​​​​សហភាព​​​អឺរ៉ុប​​​ប្រចាំ​​​ប្រទេស​​​កម្ពុជា​​​។

លោក កែន រដ្ឋា អ្នក​​​នាំពាក្យ​​​ក្រសួង​​​ពាណិជ្ជ​​​កម្ម បាន​​​មាន​​​ប្រសាសន៍​​​ថា លោក លី យ៉ុង​​​ផាត់ សមាជិក​​​សភា​​​មកពីគណបក្ស​​​ប្រជា​​​ជន​​​កម្ពុជា ដែល​​​​​​ជា​​​ម្ចាស់​​​​​​ក្រុម​​​ហ៊ុន​​​ចម្ការ​​​​​​​អំពៅ​​​យ៉ាង​​​ហោច​​​​​​​​​​​​ណាស់​​​មួយ​​​ក្នុង​ចំណោម​​​​ក្រុម​​​ហ៊ុន​​​​​ចម្ការ​​​អំពៅ​​​ទាំង​​​នោះ និង​​​ដែល​​​គេ​​​ជឿ​​​ថា មាន​​​ភាគ​​​ហ៊ុន​​​​​​ក្នុង​​​​​​ក្រុម​​​​​​​​​​​​​​​ហ៊ុន​​​ចម្ការ​​​អំពៅ​​​​​​​​​​​​ផ្សេង​​​ៗ​​​ទៀត​​​ក៏បាន​​​ចូល​​​​​​​​​​​​​​​​​​​​​រួម​​​កិច្ច​​​ប្រជុំនេះដែរ​​​។

លោក​​​ កែន រដ្ឋា បាន​​​មាន​​​ប្រសាសន៍​​​ថា ពាក្យ​​​បណ្ដឹង​​​ដែល​​​គ្រួសារ​​​នៅ​​​ក្នុង​​​ខេត្តកោះ​​​​​​​​កុង​​​ បាន​​​ដាក់​​​នៅ​ក្នុង​ទីក្រុង​​​ឡុង​​​ដ៍​​​​​​ ប្ដឹង​​​ក្រុម​​​ហ៊ុន Tate & Lyle របស់​​​អង់​​​គ្លេស​​​ ជា​​​ក្រុមហ៊ុន​​​មួយ​​​ដែល​​​ទទួលបាន​​​​​​ប្រយោជន៍​​​​​​ភាគ​​​ច្រើន​​​ពី​​​ស្ករ​​​ស​​​រួច​​​ពន្ធ​​​របស់​​​កម្ពុជា​​​ ហើយដោយ​​​សារ​​​ខ្លាច​​​​​​​​​​​​កម្ពុជា​​​បាត់​​​បង់​​​ឯក​​​សិទ្ធិ​​​ EBA នៅទីបំផុត​​​បាន​​​ជំរុញលើក​​​​​​ទឹក​​​ចិត្ត​​​ឲ្យ​​​រដ្ឋាភិបាល​​​ជួយ​​​គ្រួសារ​​​ដែល​​​រង​​​ផល​​​ប៉ះពាល់​​​ទាំង​​​នេះ​​​។​​​លោក​​​​​​​​​​​​​​​​​​​​​បាន​​​បន្ថែម​​​​​​ថា “បញ្ហា​​​ EBA មាន​​​សារៈសំខាន់​​​ណាស់​​​​​​សម្រាប់​​​រដ្ឋាភិបាល​​​ ដូច្នេះគោល​​​បំណង​​​របស់​​​យើ​​​ង​​​គឺ​​​ស្វែង​​​រក​​​ដំណោះស្រាយ​​​”។

នៅក្នុង​​​សេចក្ដី​​​ថ្លែង​​​ការណ៍​​​មួយ​​​ស្ដីពី​​​កិច្ច​​​ប្រជុំនេះ​​​ លោក ហ្សង់ ហ្វ្រង់​​​ស័រ កូតាំង បាន​​​​​​មាន​​​ប្រសាសន៍​​​ថា លោក​​​សង្ឃឹម​​​ថា ​​​នឹង​​​ឃើញ​​​​​​​​​ដំណោះស្រាយ​​​​​​សម្រាប់​​​គ្រួសារ​​​រង​​​​​​ផល​​​ប៉ះ​​​ពាល់​​​ “ឆាប់ៗ​​​តាម​​​ដែល​​​អាច​​​ធ្វើ​​​ទៅ​​​បាន​​​”។

លោក​​​ ហ្សង់ ហ្វ្រង់​​​ស័រ កូតាំង បាន​​​មាន​​​ប្រសាសន៍​​​ថា “​​​យើង​​​បាន​​​ចូល​​​រួម​​​កិច្ច​​​​​​ប្រជុំ​​​នេះ ហើយ​​​បាន​​​លើក​​​ឡើង​​​ជា​​​ថ្មី​​​ម្ដង​​​ទៀត​​​​​​ពី​​​ក្ដីបារម្ភ​​​របស់​​​ពួក​​​យើង​​​ថា រដ្ឋា​ភិបាល​​​គួរ​​​តែ​​​ស្វែង​​​រក​​​ដំណោះ​​​ស្រាយ​​​សម​​​ស្រប​​​ដោយ​​​គ្មាន​​​​​​​​​​​​ការ​​​ពន្យារ​​​ពេល​​​។ យើង​​​យល់ថា គំនិត​​​ផ្ដួច​​​ផ្ដើម​​​​​​​​​របស់​​​រាជ​​​រដ្ឋាភិបាល​​​នេះ​​​ គឺ​​​ជា​​​ឱកាស​​​មួយ​​​ដើម្បី​​​ស្វែង​​​រក​​​ដំណោះ​​​ស្រាយ​​​ដែល​​​​​​ភាគី​​​ពាក់​​​​​​ព័ន្ធ​​​ទាំង​​​អស់​​​អាច​​​ទទួល​​​បាន​​​អត្ថ​​​ប្រយោជន៍​​​ដូច​​គ្នា​​​។ យើង​​​សង្ឃឹម​​​ថា នឹង​​​ឃើញ​​​ដំណោះ​​​​​​ស្រាយ​​​ជាក់​​​ស្ដែង​​​កើត​​​ចេញពី​​​គំនិត​​​ផ្ដួច​​​ផ្ដើម​​​នេះ​​​ឆាប់​​​ៗ​​​តាម​​​ដែល​​​អាច​​​ធ្វើ​​​ទៅ​​​បាន​​​”។

ទោះបីជា​​​ស្ករ​​​ស​​​មានចំនួន​​​តែ​​​មួយ​​​ភាគ​​​​​​តូចក្នុង​​​ចំណោមទំនិញ​​​មាន​​​តម្លៃ​​​ជា​​​ទឹក​​​ប្រាក់​​​២,៣២​​​ពាន់​​​លាន​​​ដុល្លារ​​​ ដែល​​​ប្រទេស​​​កម្ពុជា​​​បាន​​​នាំ​​​ចេញទៅកាន់​​​សហភាព​​​អឺរ៉ុប​​​កាលពី​​​ឆ្នាំ​​​២០១២​​​ក្ដី​​​ ក៏ឥរិយាបថ​​​អាក្រក់​​​ និង​​​ខុស​​​ច្បាប់​​​​​​របស់​​​ក្រុម​​​ហ៊ុន​​​ចម្ការ​​​អំពៅ​​​ទាំង​​​នេះ​​​​​​ បាន​​​ធ្វើ​​​ឲ្យ​​​ប៉ះពាល់​​​មុខ​​​មាត់​​​នៃ​​​គម្រោង​​​ពាណិជ្ជ​​​កម្ម​​​សេរីនេះ​​​។

​​​សភាព​​​អឺរ៉ុប​​​បាន​​​ស្នើ​​​ពីរ​​​លើក​​​រួច​​​មក​​​ហើយ​​​​​​​​​ឲ្យ​​​ឧត្តម​​​ស្នង​​​ការ​​​​​​ទទួល​​​បន្ទុក​​​ពាណិជ្ជកម្ម​​​របស់​​​សហភាព​​​អឺរ៉ុប​​​ស៊ើប​​​អង្កេត និង​​​បញ្ចប់​​​អត្ថ​​​ប្រយោជន៍​​​ពាណិជ្ជកម្ម​​​ដល់​​​កម្ពុជា ប្រសិន​​​បើ​​​ការ​​​ចោទ​​​ប្រកាន់​​​​​​អំពី​​​ការ​​​រំលោភ​​​បំពាន​​​ដោយ​​​​​​​​​ក្រុម​​​ហ៊ុន​​​ចម្ការ​​​​​​​​​អំពៅ​​​​​​ត្រូ​​​វបាន​​​បញ្ជាក់ថា ជា​​​ការ​​​ពិត​​​មែន​​​នោះ​​​។ គ្រួសារ​​​ដែល​​​រង​​​គ្រោះដោយ​​​សារ​​​​​​ក្រុម​​​ហ៊ុន​​​ចម្ការ​​​អំពៅ​​​ទាំង​​​នេះ​​ចង់​​​បាន​​​សំណង​​​សម្រាប់​​​​​​ទ្រព្យ​​​សម្បត្តិ​​​​​​ដែល​​​ពួកគាត់​​​បាន​​​បាត់​​​បង់​​​ ចង់​​​បាន​​​​​​ដីធ្លី​​​របស់​​​ពួកគាត់មកវិញ​​​ឬចង់បាន​​​ដីបន្ថែម​​​ទៀត ប្រសិន​​​បើ​​​ពួកគាត់​​​ទទួល​​​បាន​​​ខ្លះ​​​រួច​​​ហើយ។

ទីភ្នាក់​​​ងារ​​​ព័ត៌មាន​​​ AKP របស់​​​រដ្ឋ​​​បាន​​​ធ្វើ​​​សេចក្ដី​​​រាយការណ៍​​​កាលពីម្សិលមិញ​​​ថា ​​​​​​សំណង​​​​​​​​​​​​​​​​​​កំពុង​​​ស្ថិត​​​លើ​​​តុចរចា​​​ ហើយ​​​ប្រហែល​​​​​​​​​ជា​​​ត្រូវ​​​​​​​​​ការ​​​ “ភាគីទី៣” ដើម្បី​​​វា​​​យតម្លៃ​​​ប្រព័ន្ធ​​​នេះ​​​ដែល​​​នៅ​​​ទីបំផុត​​​រដ្ឋាភិបាល​​​យល់​​​ស្រប​​​តាម​​​ដើម្បីសម្រេច​​​ថា តើ​​​គួរ​​​ផ្ដល់​​​សំណង​​​ប៉ុន្មាន​​​ដល់​​​គ្រួសារ​​​នីមួយ​​​ៗ​​​។ ទីភ្នាក់​​​ងារ​​​ព័ត៌មាន​​​ AKP ក៏បាន​​​ធ្វើ​​​សេចក្ដី​​​រាយការណ៍​​​ផង​​​ដែរ​​​ថា “មាន​​​ភាព​​​ខុស​​​គ្នា​​​រវាង​​​​​​​​​តួលេខ​​​​​​របស់​​​រដ្ឋាភិបាល​​​ និង​​​សហភាព​​​អឺរ៉ុប​​​​​​ដែល​​​បង្ហាញ​​​ថា ប្រជា​​​ពល​​​រដ្ឋ​​​ប៉ុន្មាន​​​គ្រួសារ​​​ដែល​​​គួរ​​​តែ​​​រាប់​​​បញ្ចូល​​​នៅ​​​ក្នុង​​​គម្រោង​​​ផ្ដល់​​​សំណង​​​នេះ​​​។

លោក ប៊ុន ឡឺត អភិបាល​​​ខេត្ត​​​កោះ​​​កុង ដែល​​​បាន​​​ចូល​​​រួម​​​កិច្ច​​​ប្រជុំ​​​កាលពី​​​ថ្ងៃ​​​ច័ន្ទ​​​នេះ​​​ដែរ​​​បាន​​​មាន​​​ប្រសាសន៍​​​ថា អាជ្ញាធរ​​​មូល​​​ដ្ឋាន​​​នឹង​​​ប្រមូល​​​ព័ត៌មាន​​​បន្ថែម​​​ទៀត​​​ស្ដីពី​​​សហ​​​គមន៍​​​ដែល​​​រង​​​ផល​​​ប៉ះពាល់​​​ដោយសារ​​​​​​ក្រុម​​​ហ៊ុន​​​ចម្ការ​​​អំពៅ​​​នៅ​​​ក្នុង​​​តំបន់​​​របស់​​​លោក​​​នៅ​​​ពេល​​​នេះ​​​ និង​​​នៅ​​​ក្នុង​​​កិច្ច​​​ប្រជុំ​​​លើក​​​ក្រោយ​​​របស់​​​គណៈ​​​កម្មាធិការ​​​អង្គការ​​​អាដហុក​​​។ លោក​​​មាន​​​​​​ប្រសាសន៍​​​ថា “ជា​​​​​​គោល​​​ការ​​​ណ៍​​​​​​យើង​​​នឹង​​​ស្នើឲ្យ​​​​​​អា​​​ជ្ញាធរ​​​មូល​​​ដ្ឋាន​​​ចុះទៅ​​​ពិនិត្យ​​​​​​​​​មើល​​​​​​តំបន់​​​ទាំង​​​នោះ ហើយ​​​សរសេរ​​​របាយ​​​ការណ៍​​​បញ្ជូនទៅ​​​ក្រសួង​​​ពាណិជ្ជកម្ម”។​​​

លោក អៀង វុទ្ធី នាយក​​​ប្រតិបត្តិ​​​អង្គការ​​​សមធម៌​​​កម្ពុជា​​​ ជា​​​អង្គការ​​​ក្រៅ​​​រដ្ឋាភិបាល​​​មួយ​​​​​​ក្នុង​​​ចំណោម​​​អង្គការ​​​ក្រៅ​​​រដ្ឋាភិបាល​​​ដែល​​​បាន​​​​​​​​​និង​​​កំពុង​​​​​​ជួយ​​​គ្រួសារ​​​ដែល​​​រង​​​ផល​​​ប៉ះ​​​ពាល់​​​ដោយសារ​​​​​​ក្រុម​​​ហ៊ុន​​​ចម្ការ​​​អំពៅ​​​​​​​​​​​​​​​មាន​​​ប្រសា​​​​​​​​​សន៍ថា ដំណោះស្រាយ​​​គ្រប់​​​ជ្រុង​​​ជ្រោយ​​​​​​​​​​​​មួយ​​​ក៏​​​គួរ​​​តែធានា​​​ដែរ​​​ថា ​​​ក្ដីក្ដាំ​​​តុលាកា​​​រ​​​​​​ប្រឆាំង​​​អ្នក​​​ភូមិ​​​ដែល​​​បាន​​​​​​រង​​​ការ​​​ប្ដឹង​​​ផ្ដល់​​​ដោយ​​​សារ​​​មាន​​​ជម្លោះ​​​ជាមួយ​​​ក្រុម​​​ហ៊ុន​​​ចម្ការ​​​អំពៅ​​​ទាំង​​​នេះ​​​​​​ត្រូវ​​​ដក​​​ចេញវិញ​​​ផង​​​ដែរ​​​។ លោក​​​បានមាន​​​ប្រសាសន៍អំពី​​​គណៈ​​​កម្មា​​​ធិការ​​​ថ្មីនេះ និង​​​ផែន​​​ការ​​​ខាង​​​មុខ​​​របស់​​​គណៈកម្មាធិការ​​​នេះថា “នេះ​​​គឺ​​​ពិត​​​ជា​​​ការ​​​វិវឌ្ឍ​​​ដ៏​​​ល្អ”៕ សុខុម​​​

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស