35 C
Phnom Penh

កម្មករ​រោង​ចក្រ​កាត់​ដេរ​នៅខេត្ត​ព្រះ​សីហ​នុ​ធ្វើកូដកម្មដោយ​សារ​មានការ​កាត់​ប្រាក់​ឈ្នួល​កម្ម​ករ​

ដោយ ឌឹ ខេមបូឌា ដេលី

បទវិភាគ

កម្ម​ករ​រោង​ចក្រ​កាត់ដេរ​ប្រហែល​១.០០០​​​​ នាក់​មក​ពី​រោង​ចក្រ​ Galey Global (Cambodia) Co.,Ltd. បាន​ធ្វើការ​តវ៉ា​នៅ​ខាង​​​ក្រៅ​​​​រោង​ចក្រ​ កាត់​ដេរក្នុង​ស្រុក​ព្រៃ​នប់​ខេត្ត​ព្រះ​​​សីហនុ​កាល​ពី​ម្សិល​មិញ​ ទាម​ទារ​ឲ្យ​ក្រុម​ហ៊ុន​បណ្តេញ​​​​ ប្រធាន​រដ្ឋ​បាល​រោង​ចក្រ​ចេញ​ដោយ​សារ​បានកាត់​ប្រាក់​ឈ្នួល​របស់​កម្មករ​។

កម្មករ​ដែល​ធ្វើ​ការ​តវ៉ា​បាន​អះ​អាង​ថា លោក សុខ គង់ ប្រធាន​​រដ្ឋបាល​​បាន​កាត់​ប្រាក់​ឈ្នួល​កម្មករ​​នៅ​រោង​ចក្រ​កាត់​ដេរនេះ​​​ដែលស្ថិត​ក្នុង​ឃុំ​បិត​ត្រាង។ ក​ម្ម​ការិនី​ ប្រាក់​ វណ្ណនី អាយុ​២៣​ឆ្នាំ​បាន​និយាយ​ថា “យើង​ចង់​ឲ្យក្រុមហ៊ុន​បណ្តេញ​លោក សុខ គង់​ ចេញ ពីព្រោះ​គាត់​មិនមាន​តម្លា​ភាព​នៅពេល​គាត់​ដោះ​ស្រាយ​ប្រាក់​​​ ឈ្នួល​កម្មករ​ ហើយ​បាន​កាត់​ប្រាក់ឈ្នួល​ដោយ​មិន​ត្រឹម​ត្រូវ​”។

កម្មការិនី វណ្ណនី ក៏​បាន​អះ​អាង​ដែរ​ថា លោក សុខ គង់ មិន​បាន​បើក​លុយ​ថែម​ម៉ោង​ឲ្យ​កម្មករ​ដែល​​បាន​ធ្វើ​ការ​ថែម​ម៉ោង​ឡើយ​។ កាល​ពីម្សិលមិញ​ អ្នក​តវ៉ា​បាន​ទាម​ទារ​​ច្បាប់​ឈប់​សម្រាក​ប្រចាំឆ្នាំ​ដោយ​​មាន​ប្រាក់​ឈ្នួល​ពេញ​ រួម​ទាំង​ប្រាក់​សម្រាប់​ការ​ងារ​ថែម​ម៉ោង​ និង​​ការ​ធ្វើ​ការ​ថែម​ម៉ោង​ដោយ​ស្ម័គ្រ​ចិត្ត​ជាជាងបង្ខិត​បង្ខំ​។

ពួក​គេ​ក៏​បាន​ជំរុញ​ឲ្យ​ក្រុមហ៊ុន​គោរ​ព​ច្បាប់​​​​ការងារ​ដោយ​អនុ​ញ្ញាត​ឲ្យ​កម្មករ​ឈប់​​​សម្រាក​ ហើយ​ទទួល​យក​លិខិត​​លា​ឈប់ជា​​​ផ្លូវការ​ដោយ​​​ទទួល​បាន​ប្រាក់​ឈ្នួល​ពេញ​។ កម្មករ​បាន​ឈប់​ធ្វើ​បាតុកម្ម​បន្ទាប់ពី​ធ្វើ​បាន​​រយៈពេលប្រហែល​​២ម៉ោង​​​​​ បន្ទាប់​​ពីក្រុមហ៊ុន​អញ្ជើញ​តំណាង​ចំនួន​​ប្រាំ​ពីរ​នាក់​​ឲ្យ​ចូល​ទៅក្នុង​ដើម្បី​ធ្វើ​ការ​ចរចា។

លោក ម៉េត វណ្ណា អនុ​ប្រធាន​មន្ទីរ​ការ​ងារ​ខេត្តបាន​មាន​ប្រសាសន៍ថា ក្រុម​ហ៊ុន​បាន​​យល់​ព្រម​តាមកា​រទាម​ទារ​របស់​​កម្មករ ប៉ុន្តែ បាន​បដិសេធ​មិន​បណ្តេញ​លោក សុខ គង់​ ចេញ​ទេ​។ លោក ម៉េត វណ្ណា  បាន​មាន​​ប្រសាសន៍​ថា “ក្រុម​​​​​ហ៊ុន​ មិន​ព្រម​បណ្តេញ​ប្រធាន​រដ្ឋបាល​រូប​នេះ​ចេញ​ទេ ហើយ​បាន​លើក​ឡើង​ថា   ប្រសិន​​បើ​កម្មករ​ណា​មិន​ពេញ​ចិត្ត​នឹង​រូប​គាត់ពួក​គេ​អាច​សុំ​លា​ឈប់​បាន​”។

លោក​បាន​បន្ថែម​ថា “ម្ចាស់​ក្រុមហ៊ុន​បាន​​លើក​ឡើង​ក្នុង​កិច្ច​ប្រជុំ​ថា ប្រសិន​បើ​កម្មករ​១០០នាក់​ ឬ​ច្រើន​ជាង​នេះ​ចង់​ដាក់​ពាក្យ​សុំ​លាឈប់​ពីការ​ងារ​ លោក​នឹង​ចុះ​ហត្ថ​លេខា​ឲ្យ​ពួក​គេ​លា​ឈប់​បា​ន​។ កម្មការិនី វណ្ណនី បាន​និយាយ​កាល​ពី​ម្សិល​មិញ​ថា គាត់​មិន​ទាន់​ប្រាកដ​ថា តើការ​ចរចា​នេះ​​អាច​ធ្វើ​​ឲ្យគាត់​ចូល​ធ្វើ​ការ​វិញ​នៅ​ថ្ងៃ​នេះ ឬ​យ៉ាង​ណា​នោះ​ទេ​​។

គាត់​បាន​ប​ន្ថែម​ថា “យើង​តវ៉ា​…សុំ​ឲ្យ​ក្រុម​ហ៊ុន​ស្វែង​រក​ដំណោះស្រាយ​តាម​ការ​ទាម​ទារ​របស់​យើង​”។ គាត់​បាន​លើកឡើង​ថា “ក្រុមហ៊ុន​ស្នើ​ឲ្យ​យើង​ទាំង​អស់​គ្នា​ត្រឡប់​ចូល​ធ្វើ​ការ​វិញចាប់​ពីថ្ងៃ​នេះ​ទៅ ប៉ុន្តែ យើង​ចង់​ឃើញ​ដំណោះ​​​ស្រាយ​ពិត​ប្រាកដ​សិន ពី​ព្រោះ​ពួក​គេ​មិន​បាន​​​យល់​ព្រម​បណ្តេញ​លោក សុខ គង់​ ចេញឡើយ​”។

លោក វណ្ណា បាន​មាន​ប្រសាសន៍ថា “ខ្ញុំ​មិន​ដឹង​ថា តើ​កម្មករ​នឹង​ត្រឡប់​ចូលធ្វើ​ការ​វិញ​នៅពេលណា​នោះ​ទេ ប៉ុន្តែ ភាគី​ទាំង​ពី​រ​បាន​ឈានដល់ការ​​ព្រម​ព្រៀងគ្នា​អំឡុង​ការ​ចរចា​ហើយ​”។ លោក សុខ គង់ បាន​បដិសេធ​មិន​ធ្វើ​អត្ថា​ធិប្បា​យ​អំពីការ​ធ្វើ​កូដកម្មរបស់​កម្មករ ​​កាល ​ពី​ម្សិល​មិញ ឬការ​ចោទ​ប្រកាន់​លើ​រូប​លោក​ឡើយ​៕​សារុន​

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស