28 C
Phnom Penh

សិស្ស​​នៅតែ​​​មានបញ្ហា​​​ប្រឈម​​​ ក្នុងក្តីសង្ឃឹមថា នឹង​​​បាន​​​ទៅ​​សិក្សា​​​កម្រិត​​​ឧត្តម​​​នៅសហ​​រដ្ឋ​​​អា​មេរិក​

ដោយ ឌឹ ខេមបូឌា ដេលី

បទវិភាគ

សិស្ស​​​ខ្មែ​រ​​ជា​ង​៤០០នាក់​​​ដែល​សង្ឃឹម​ថា នឹ​ងបាន​​ទៅ​សិក្សា​​​នៅ​​​សហ​រដ្ឋ​អា​មេរិក​ ​​បា​ន​​​នាំ​​គ្នា​មក​​ជួ​ប​​តំ​ណា​ង​​​មក​ពី​​​មហាវិទ្យា​ល័យ​​​អា​​មេរិ​ក​​ចំ​នួ​ន​​២៧​​​នៅ​​ក្នុង​​​ពិធីតាំ​ង​​​ពិ​ព័រណ៍​​អប់​រំអា​​មេរិក-កម្ពុជា ​​កា​ល​​ពី​ថ្ងៃ​​សៅរ៍​​​ ក្នុងរាជ​​ធា​​នីភ្នំ​​ពេញ​។

លោក ​អា​ដាំ ​ប៉ា​​​គ័រ (Adam Parker) ​​ទី​ប្រឹក្សា​​​​ផ្នែ​ក​​​ចុះឈ្មោះ​​​ចូលរៀន​​ប្រចាំ​​​​សាកល​​​វិទ្យា​ល័យ​ ​អា​យ​​​អូ​​វ៉ា (Iowa) ​​បា​ន​លើក​​​ឡើង​ថា​ “មានសិស្សច្រើន​​​ចង់​​​ទៅរៀន​​​នៅ​​​ទីនោះ។ ចំនួនប្រជាជន​​​មានប្រាក់ចំណូល​​​មធ្យម កើន​​​ឡើង​​​​​ខ្លាំ​ងគួរឲ្យកត់សម្គាល់ដោយគិត​​​ចាប់ពី​​​ពេលនះ​​​ទៅ​​៥ឆ្នាំ ​១០​ឆ្នាំ ​ទៅ​២០ឆ្នាំទៅ​មុខ។ ​​​ខ្ញុំ​​គិត​ថា ​​ពួ​ក​គេ​នឹ​ង​ចូលទៅកាន់​​​​ទី​ផ្សារ​​សំ​​ខាន់​​មួ​យកាន់តែច្រើនឡើង​​​ៗ​”។

មុនដល់ពេលនោះ  ​ប្រទេសកម្ពុជា​​​​​​​​​មាន​​​កិច្ចការ​​​មួយចំនួនដែលត្រូវធ្វើ​។ ក្រៅ​ពី​​​អា​​ហា​​រូ​​ប​ករណ៍​​ និ​ង​ជំ​​​​នួ​យ​​ហិរញ្ញ​វត្ថុ​ដែល​​​​​​ជា​​​ប្រធា​ន​​បទដ៏​សំ​​​ខាន់​ក្នុងចំណោម​​​សិស្ស​​​មានចន្លោះ​​​ប្រហោង​​​ជាច្រើន​​​ដែល​​​ត្រូវ​​​បំពេញ។

លោក រូ​វ៉ាន់​ ហ៊ូ​លូ​ហ្គាលី (Ruwan Hulugalle) ជាអ្នក​​​​​បង្កើត និង​រៀប​ចំ​​​ព្រឹត្តិ​​កា​រណ៍​ប្រចាំ​ឆ្នាំ​ ​ដែល​បា​ន​ចាប់​ផ្តើម​​​ក្នុង​ឆ្នាំ​២០១២ ​​នេះ បា​ន​​​លើក​ឡើង​ថា “និយាយ​​​ជាទូទៅ ​​អ្វី​​​ៗ​​​មិនល្អ​គ្រប់គ្រា​​ន់​​​នៅ ឡើយទេ​ ដូចជា​​​នៅមាន​​​បញ្ហា​​​ភា​​សា​​អង់​គ្លេស ជំនាញសិក្សា​​​ និ​ង​ចំ​​ណេះដឹង​ទូទៅជាដើម​”។

ទោះបីជា​​​សិស្ស​​​បាន​​​​​ត្រៀម​ខ្លួន​​​ទៅ​​​សហ​​​រដ្ឋអា​​មេរិ​ក​ក៏​ដោ​យ ក៏មិនមាន​ប្រព័​ន្ធ​សម្រាប់​​​​​​ទទួល​​​ពួ​ក​គេ​​ដែរ​។ នៅ​ក្នុង​​​ពិព័រណ៍អប់រំ​​​កា​ល​ពី​ឆ្នាំមុន ​​សិស្ស​​​ជា​ច្រើន​នាក់​​បា​ន​​​បង្ហាញ​ចំណាប់​អា​រម្មណ៍​​​ក្នុង​ការ​​ដាក់​​ពាក្យ​​​សុំ​​​អាហារូ​បករណ៍​​​ពេញ​​ទៅ​មហាវិទ្យាល័យ​គោល​​​នយោបា​យ​សាធា​រណៈ​​​នៃ សាក ល​​វិទ្យា​ល័យ ភិបភ័រ ​​ឌី​ន (Pepperdine Unibersity’s School of Public Policy​ )។

ប៉ុន្តែ​​ពួ​ក​គេ​​ចូលរួមធ្វើ​ តេស្តថូហ្វល (TOEFL) ជា​​​តេស្ត​​​​ភា​សា​​អង់​គ្លេសដែលមាន​​​ស្តង់ដារត្រឹម​ត្រូ​វ​ ​​ និងគិត​​​ត្រឹម​​​ពេល​​​ពិព័រណ៍អប់រំ​​​ត្រូវ​​​បាន​​​រៀប​​​ចំ​​​ឡើង​​​នោះ​​​​​​​ ​​ពួ​ក​គេបានមិន​​​បាន​​​ចុះឈ្មោះ​​ចូល​​​រួម​​​ធ្វើ​​​តេស្តដែលត្រូវ​​​បានរៀបចំ​​​តែ​​​​​ពីរ​លើក​​​ប៉ុណ្ណោះ​ក្នុងមួយឆ្នាំ។

លោកស្រី ​មេលីនដា ​វ៉ាន់ ហឺម៉ឺត​(Melida​​ Van Hemert)​ ជំ​​​នួ​​យកា​រ​​ព្រឹទ្ធ​បុ​រសទទួលបន្ទុក​​​ផ្នែក​​​ចុះ ឈ្មោះចូលរៀន និង​​​សេវាកម្ម​និស្សិត​​នៅ​សាកល​​​វិទ្យា​ល័​យ​ ភិបភ័រ ​​ឌី​ន បា​ន​លើក​ឡើង​​​ថា “មា​ន​កា​រ​​ចាប់​​អា​​រម្មណ៍​ទៅលើ​​​ការ​​​សិក្សា​​​កម្រិត​​​ឧត្តមសិក្សា​​​ ប៉ុន្តែ​​​ចំណាប់​​​អារម្មណ៍​​​នោះ​​​​​​​ មា​ន​​សភា​ព​យឺតៗក្នុង​​​ដំណើរ​​​ឈាន​​​ទៅ​​​ដល់ការដាក់ពាក្យ​​​”។

ប៉ុន្តែ​​លោកស្រី ​វ៉ាន់ ​ហឺម៉ឺត ​​បាន​​​កត់​​​សម្គាល់​​​ឃើញ​​ថា ចំណុច​​​​​ផ្លាស់​ប្តូរទាំង​នេះ​​​កើតឡើង​​​​នៅប្រ ទេស​​​ថៃ ហើយ​​​លោក​ស្រី ​ជឿ​ថា ​វា​​​គ្រាន់​​​​​​​​​តែជា​​​បញ្ហា​​​ពេល​វេលា​​​ប៉ុណ្ណោះ  ហើយ​​​កម្ពុជា​​​នឹង​​​អាច​​​សម្រេច​​​បានដូចគ្នា​​​។ ​លោក​​​ស្រី ​​បាន​​មក​​ប្រទេ​ស​កម្ពុជាកាលពី​​​​​ប្រាំ​បី​ឆ្នាំមុន ​ដែលនៅពេលនោះ​​​មាន​ពិ​​​ព័រណ៍​​​អ​ប់​រំ​មួយ​​​ត្រូវបាន​​​រៀបចំឡើង និ​ង​​អាចមើល​​​ឃើញ​​​ការ​​​ផ្លាស់​​ប្តូរ​​​​រួចទៅ​​ហើយ​។

លោកស្រី​​​ ​វ៉ាន់ ​ហឺម៉ឺត បា​ន​មាន​​ប្រ​សាសន៍​ថា “ចំណុច​​​ខុស​គ្នាស្ថិត​​​នៅត្រង់អ្នក​​​ចង់​​​ជំរុញ​​​វឌ្ឍន ភាព​សម្រាប់​ប្រទេ​​​ស​​​កម្ពុជា ​និង​​​​​អ្នក​ចង់​​​ក្លាយ​​​ជា​​​តួអង្គមួយនៅ​​​​ក្នុងពិភព​​​​លោក​​​ពិត។  ​ពួ​ក​គេ​មា​ន​​​​​​យុវ​ជន​ ​ដែល​ចង់​​​ទទួល​​​បាន​​​ការ​​​បណ្តុះ​​​បណ្តាល​​​​​​​​​ឲ្យ​​​មានសមត្ថភាព​​ប្រកួ​ត​​ប្រជែង​​​ជា​មួ​យ​​​​យុវជន​​​ដទៃ​​​ទៀត​​​នៅ​​​លើ​​​ពិភព​លោ​ក​​”៕ ​ប៊ុននី​

រាយការណ៍ដោយ: Emily Wilkins

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស