32 C
Phnom Penh

ក្រសួ​ង​​​មហា​​ផ្ទៃ​​​ដាក់ការ​ស្តីបន្ទោស​​ជុំវិញបទ​ល្មើ​ស​​​​​នៅ​ក្នុង​ប្រទេស​​​​​ទៅលើ​​គ​ណ​ប​ក្ស​ស​ង្គ្រោះ​​​ជាតិ

ដោយ ឌឹ ខេមបូឌា ដេលី

បទវិភាគ

របាយ​កា​រ​​​ណ៍​មួ​យ​​​ចេញផ្សាយ​​​​ដោ​យ​ក្រសួ​ង​មហា​ផ្ទៃ​​​កា​ល​​ពី​ថ្ងៃ​​​​អ​ង្គារបា​ន​ឲ្យ​ដឹង​ថា​ ​​ចំ​នួ​ន​សរុ​ប​​​នៃ​​​​បទ​​ល្មើស​​ក​ម្រិ​ត​ស្រាល​​​ និ​ង​​​​​​ធ្ងន់​​​នៅ​ក្នុង​ប្រទេ​ស​​កម្ពុជា​ បា​ន​​កើន​​ឡើង​​​​១​​​ភាគ​​​រយ​ ​​​ឬ​ចំ​នួន​​១២៧​ករណី​ ​ក្នុង​​​​ឆ្នំា​​២០១៣បើ​ធៀប​នឹ​ងឆ្នាំ​មុន​ ​​ខណៈ​​​ដែល​​​ចំនួនបទ​ល្មើស​​​ក្នុ​ង​រាជ​​ធា​​​នី​ភ្នំ​​ពេញ​​​បា​ន​កើន​ឡើ​ង​​៦២​ភា​គ​​​រយ​។ ​ក្រសួ​ង​នេះ​​​​បាន​​​ដាក់​​​កា​​រ​​ស្តីបន្ទោសជុំវិញ​​​កំ​ណើន​​នេះ​​​​ទៅ​លើ​​​​គ​ណ​បក្ស​​​សង្គ្រោះ​​ជាតិ។

​​មា​ន​​បទ​ឧក្រិដ្ឋចំនួ​ន​​៧៩០​​ករណី​​ដែល​ត្រូ​វ​បាន​​​កត់​​ត្រា​​ទុ​ក​ ​​ក្នុង​នោះមាន​ទាំ​ងឃាត​កម្ម កា​រ​​​​ចាប់​រំលោភ​​​ និ​ង​ចោរ​កម្ម​​​នៅ​ក្នុង​ឆ្នាំ​​២០១ ៣ ​​​​ពោលគឺ​បានថយ​ចុះ៤៨​​​ករណី​​ ​​បើ​ធៀបនឹង​ឆ្នាំ​​២០១២​​មក​។ បទ​​​ល្មើ​សមជ្ឈឹម​ ​ដែល​​​មានដូចជា​កា​រ​​លួច​​​ប​ន្លំ ​ចោរ​កម្ម ​​និ​ង​​កា​រ​​​រំ​លោភ​​ផ្លូ​វ​​​ភេទ​​​មា​ន​​ចំ​នួន១.៩២៦ករណី​​ក្នុង​ឆ្នាំ​​២០១៣ ​ពោលគឺកើន​ឡើ​​ង​​៧៥​ករណី​ ឬ​៣,៨​​​ភាគ​​​រយ បើធៀបនឹង​ឆ្នាំ​​២០១២។

​​នៅ​ក្នុង​រាជ​ធា​នីភ្នំពេញ​ មា​ន​​​បទល្មើស​​ចំនួ​ន​៧៧៥ករណី​​ ត្រូ​វ​បាន​​​រាយ​កា​រ​​​ណ៍​​​​ពោលគឺបានកើនឡើង​​៦២,៤​ភាគ​​​រយ​​​​ពី​​៤៧៧ករណី​ កាលពីឆ្នាំ​​២០១២។ លោក ខៀវ សុ​ភ័គ អ្នក​នាំ​​​ពាក្យ​​​​ក្រសួ​ង​មហា​ផ្ទៃ ​​បា​ន​​​លើកឡើងថា ​​កំ​ណើន​​​នៃបទ​ល្មើស​​ក្នុង​រា​ជធា​​​​នី​​​​ គឺដោ​យ​សារ​​មហា​បាតុ​កម្ម​​រៀប​ចំដោយ​គ​ណ​បក្ស​​សង្គ្រោះ​ជាតិ​​​​ជុំ​វិញ​ភាព​មិ​ន​ប្រក្រតី​​​​​អំឡុង​ការ​​​​​បោះ​ឆ្នោត​​​​​ជ្រើស​​តាំ​ង​តំ​ណាង​​​រាស្ត្រ​​កា​ល​​​ពី​ខែ​កក្កដា ​​និ​ង​កូ​​ដកម្ម​​​​របស់​​​កម្ម​ករ​​​រោ​ង​ចក្រកាត់​​ដេរ​​កា​ល​ពី​ខែ​​​ក្នុង​ធ្នូបំណងទាមទារឲ្យ​​​មាន​កា​រ​​ដំ​ឡើង​​ប្រាក់​​ឈ្នួល​​​អប្ប​រមា​​​ដល់១៦០​ដុល្លារ។

លោក ខៀវ សុ​​ភ័គ ​​បា​ន​មានប្រសាសន៍​​​ថា “ភា​គ​​​ច្រើន​​នៃ​​​ចំនួនបទ​ល្មើស​​​ព្រហ្ម​​​ទ​ណ្ឌ​​​បា​ន​កើត​​​​ឡើង​​​​ក្នុ​ង​រាជ​ធា​​​នី​​ភ្នំ​​ពេញ​ ​​ដោយ​សារ​តែ​​​​កម្លាំ​ង​​​​របស់​​យើង​​យកចិត្តទុកដាក់​លើ​​កា​រ​​រក្សា​​សន្តិសុខ​​នយោបា​យ​ និ​ង​សណ្តាប់​​ធ្នាប់​​សា​​ធា​រ​​ណៈ​ ​ជាហេតុ​នាំឲ្យជនឱកាស​និយ ម​មាន​ឱកាស​​​​​ប្រព្រឹត្ត​​បទ​ល្មើស”។

របាយការណ៍​ដដែល​នេះ​មាន​ខ្លឹម​សារ​ថា “ក្នុង​ឆ្នាំ​២០១៣​ ប្រទេស​កម្ពុជា​បាន​ជួប​ប្រទះ​ព្រឹត្តិការ​ណ៍ជា​ច្រើន​… ដូចជា​បាតុកម្ម​ កូដកម្ម​ និង​សកម្មភាព​តវ៉ាក្នុង​រាជធានី​ភ្នំពេញ និង​នៅ​តាម​បណ្តា​ខេត្ត​ ដែល​ដឹក​នាំ​ដោយ​គណ​បក្ស​សង្គ្រោះ​ជាតិ​ សហជីព​ និង​សមា​គម​ ជា​ហេតុ​បណ្តាល​ឲ្យ​មាន​ផល​ប៉ះ​ពាល់​ទៅ​លើ​សន្តិភាព​ សណ្តាប់​ធ្នាប់​សាធារណៈ​ ជីវិត​មនុស្ស​ និង​សេដ្ឋកិច្ច​ជាតិ​”។

របាយការណ៍​នេះ​មាន​ខ្លឹម​សារ​បន្ត​ទៀត​ថា “ទោះ​បី​ជាក្នុង​ឆ្នាំ​២០១៣​ ប្រទេស​កម្ពុជា​បាន​ស្ថិត​ក្នុង​ស្ថានភាព​លំបាក​ និង​ស្មុគ​ស្មាញ​ដែល​ប៉ះ​ពាល់​ដល់​សន្តិសុខ​សង្គម​ក៏​ដោយ​ ក៏​យើង​នៅ​តែ​ខិត​ខំ​ធ្វើការ​ ដើម្បី​រក្សា​សន្តិភាព​ សន្តិសុខ​ជាតិ​ និង​សង្គម​ឲ្យ​មាន​សណ្តាប់​ធ្នាប់​ល្អ​ដែរ”។

លោក យឹម សុវណ្ណ អ្នកនាំ​ពាក្យ​គណបក្ស​សង្គ្រោះ​ជាតិ​បាន​លើក​ឡើង​ថា សកម្មភាព​តវ៉ា​កាលពីឆ្នាំ​មុន​ប្រហែល​ជាមិន​បណ្តាល​ឲ្យ​មាន​អំពើ​ហិង្សា​ទេ​ ប្រសិន​បើ​មិន​មាន​ប្រតិបត្តិការ​បង្ក្រាប​យ៉ាង​សាហាវ​ពី​សំណាក់​កង​កម្លាំង​របស់​រដ្ឋ​​លើ​សកម្មភាព​តវ៉ា​ដោយ​សន្តិវិធី​ទាំង​នោះ​ទេនោះ។

លោកបាន​មាន​ប្រសាសន៍​ថា “បាតុកម្ម​ប្រព្រឹត្ត​ទៅ​ដោយ​សន្តិវិធី​ ដោយ​សារ​តែ​យើង​គោរព​ច្បាប់​ និង​ឆន្ទៈ​របស់​ប្រជាជន​។ បញ្ហា​​អំឡុងការ​បោះ​ឆ្នោត​គឺ​ជាការ​ទទួល​ខុសត្រូវ​របស់​គណបក្ស​ប្រជាជន​។ យើង​មិន​បាន​ធ្វើ​អ្វី​ខុស​ទេ​។ ហើយ​បទល្មើស[បង្ហាញ​​​ក្នុង​របាយ​ការណ៍​នេះ​] គឺ​ជា​ការ​ប្រព្រឹត្ត​របស់​កម្លាំង​ប្រដាប់​អាវុធ​ ក្រោម​ការ​ដឹកនាំ​របស់​គណបក្ស​ប្រជាជន​ ដែល​ត្រូវ​ទទួល​ខុសត្រូវ​ចំពោះ​ការ​ស្លាប់​របស់​ប្រជាជន​”៕ ប៊ុននី

(រាយការ​ណ៍បន្ថែម​ដោយ​ George Styllis)​

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស