28 C
Phnom Penh

នគរបាល​​​ចាក់​​​បទ​​​ហ្គាង​​​ណាមស្ដាយ​​​ដើម្បី​​​រំខាន​​​វេទិកា​​​​​​របស់​​​គណបក្ស​​​សង្គ្រោះ​​​ជាតិ​​​នៅ​​​ព្រៃវែង​​​

ដោយ ឌឹ ខេមបូឌា ដេលី

បទវិភាគ

គណបក្ស​​​សង្គ្រោះ​​​ជាតិ​​​បានលើក​​​ឡើង​​​កាល​​​ពីម្សិលមិ​​​ញ​​​ថា វេទិកា​​​សាធារណៈ​​​មួយ​​​​​​ដែល​​​ខ្លួន​​​​​​រៀបចំឡើង​​​នៅក្នុង​​​ខេត្ត​​​ព្រៃ​​​វែង​​​​​​កាលពី​​​ថ្ងៃ​​​ពុធ​​​ បាន​​​បិទ​​​​​​ដោយ​​​សារ​​​តែ​​​កង​​​កម្លាំង​​​ប្រដាប់ អាវុធ​​​ចាក់បទ​​​ចម្រៀង​​​កូរ៉េ​​​ ហ្គាង​​​ណាម​​​ស្ដាយ​​​ដ៏​​​ពេញ​​​និយម​​​ និង​​​ចម្រៀងប្រជា​​​ប្រិយ​​​​​​ផ្សេង​​​ៗ​​​ទៀត​​​​​​តាម​​​មីក្រូ។

ជា​​​ការ​​​ឆ្លើយ​​​តប​​​​​​នឹង​​​ទង្វើ​​​នេះ​​​​​​ គណបក្ស​​​សង្គ្រោះ​​​ជាតិ​​​បាន​​​ចេញ​​​សេចក្ដី​​​ថ្លែង​​​ការណ៍​​​មួយ​​​គំរាម​​​​​​ផ្អាក​​​ការ​​​ចរចា​​​ទាំង​​​អស់​​​​​​ជាមួយ​​​គណ​​​បក្ស​​​ប្រជាជន​​​កម្ពុជា​​​ ប្រសិន​​​បើ​​​មាន​​​​​​ការ​​​រំខាន​​​​​​វេទិកា​​​របស់​​​ខ្លួន​​​ទៀត​​​។

នៅ​​​ឯ​​​សន្និសីទ​​​កាសែត​​​មួយ​​​ក្នុង​​​រាជធានី​​​ភ្នំពេញ កាល​​​ពីម្សិល​​​មិញ​​​ ​​​លោក​​​ សម រង្ស៊ី បាន​​​មាន​​​​​​ប្រសាសន៍​​​ថា “កង​​​ជីវពល​​​ នគរ​​​បាល​​​និង​​​​​កង​​​កម្លាំង​​​ប្រដាប់​​​អាវុធ​​​មួយ​​​ក្រុម​​​ទៀត​​​ដែល​​​អាច​​​ជា​​​ទាហាន​​​​​​ បាន​​​​​​ចូល​​​មក​​​ដល់​​​វេទិកា​​​​​​នេះ​​​ ហើយ​​​​​​​​​បាន​​​ប្រើ​​​ឧគ្ឃោសនសព្ទ​​​ធំមួយ​​​ចង​​​ពីខាង​​​ក្រោយ​​​រថយន្តពណ៌​​​បៃ​​​តង​​​មួយ​​​​​​គ្រឿង​​​ដើម្បី​​ឆា​​​ឆៅ​ធ្វើឲ្យ​​​ខូច​​​វេទិកា​​​នេះ​​​។​​​ យើង​​​រៀបចំ​​​វេទិកា​​​នេះ​​​មិន​​​កើត​​​ទេ​​​ ពីព្រោះ​​​​​​​​​វា​​​ថ្លង​​​់​​រក​​​តែ​​​ស្ដាប់​​​អ្វី​​​ក៏​​​មិ​​​ន​​​ឮ​​​ដែរ​​​”។

កន្លះ​​​ម៉ោង​​​ក្រោយ​​​មកលោក​​​​​​បាន​​​ព្យាយាម​​​ចរចា​​​ជាមួយ​​​​​​អ្នក​​​គ្រប់គ្រង​​​​​​មីក្រូ​​​នោះ​​​។  លោក​​​​​​ សម រង្ស៊ី បាន​​​មាន​​​ប្រសាសន៍​​​ថា “នៅ​​​ពេល​​​ព្យាយា​​ម​​​និយាយ​​​ជាមួយ​​​ពួក​​​គេ​​​ ពួក​​​គេ​​​​​​ធ្វើ​​​ប្ញក​​​សម្ញែង​​​កាំភ្លើង​​​គំរាម​​​កំហែង​​​ ធ្វើ​​​ឲ្យ​​​ស្ថាន​​​ភាព​​​កាន់តែ​​​តានតឹង​​​ ហើយ​​​យើង​​​មិន​​​ចង់​​​ឲ្យ​​​នរណា​​​ម្នាក់​​​មាន​​​គ្រោះថ្នាក់​​​នោះ​​​ទេ ដូច្នេះ​​​ហើយ​​​យើង​​​ក៏​​​បញ្ឈប់​​​វេទិកា​​​នោះ​​​”។

លោក​​​ ឌុច គន្ធា អភិបា​​​ល​​​ស្រុក​​​កញ្ជៀច​​​ កន្លែង​​​រៀបចំ​​​វេទិកា​​​​​​​​​មិន​​​បាន​​​សម្រេច​​​នេះ​​​ បាន​​​បដិសេធ​​​ថា អាជ្ញាធរ​​​មិន​​​បាន​​​រំខាន​​​​​​វេទិ​​​កា​​​ ដែល​​​បាន​​​ទាក់​​​ទាញ​​​អ្នក​​​ចូ​​​លរួម​​​ប្រហែល​​​១.០០០​​​នាក់​​​នេះ​​​ទេ​​​។

លោក​​​ ឌុច គន្ធា បាន​​​មាន​​​ប្រសាសន៍​​​បន្ថែម​​​ទៀត​​​ថា “អាជ្ញាធរ​​​ទៅទីនោះ​​​ ដើម្បី​​​រក្សា​​​សណ្ដាប់​​​​​​ធ្នាប់​​​សាធារណៈ…។ យើង​​​មិន​​​បាន​​​​​​រំខាន​​​ពួក​​​គេ​​​ទេ”។ នៅ​​​ឯសន្និសីទ​​​កាសែត​​​​​​កាលពីម្សិលមិញ​​​ លោក​​​​​​ កឹម សុខា អនុប្រធាន​​​គណបក្ស​​​សង្គ្រោះ​​​ជាតិ​​​បាន​​​មាន​​​ប្រសា សន៍​​​ថា គណបក្ស​​​របស់​​​លោក​​​នឹង​​​​​​មិន​​​ព្រម​​​ចរចា​​​ជាមួយ​​​គណបក្ស​​​ប្រជាជន​​​កម្ពុជា​​​ទៀត​​​ឡើយ​​​ ប្រសិន​​​បើ​​​បញ្ហា​​​នេះ​​​​​​កើត​​​ឡើង​​​ម្ដង​​​ទៀត​​​។​​​

លោក កឹម សុខា បាន​​​មាន​​​ប្រសាសន៍​​​ទៀត​​​ថា “យើង​​​បាន​​​ឈាន​​​​​​ដល់​​​ជំហាន​​​​​​បន្ទាប់​​​​​​ហើយ​​​នៅក្នុង​​​ការ​​​ចរចា​​​ ពេល​​​នេះ​​​យើង​​​ចាំបាច់​​​​​​ត្រូវ​​​នៅ​​​តុ​​​ចរចា​​​” នៅ​​​ពេល​​​លោក​​​មាន​​​ប្រសាសន៍​​​សំដៅ​​​ដល់​​​ការ​​​ចរចា​​​រវាង​​​គណបក្ស​​​ទាំង​​​ពីរ​​​ ដែល​​​ធ្វើឡើង​​​កាលពី​​​ថ្ងៃ​​​អង្គារ ដែល​​​ជា​​​ការ​​​ចរចា​​​លើក​​​ដំបូង​​​ចាប់​​​តាំងពី​​​គណបក្ស​​​សង្គ្រោះ​​​ជាតិបាន​​​​​​ផ្អាក​​​ការ​​​ចរចា​​​ ក្រោយ​​​ពី​​​ទាហាន​​​ឆត្រ​​​​​​យោង​​​កង​​​ពល​​​តូ​​​ច​​​លេ​​​ខ​​​៩១១​​​បាន​​​​​​​​​បង្ក្រាប​​​​​​ដោយ​​​​​​​​​ហិង្សា​​​លើ​​​កូដកម្ម​​​មួយ​​​របស់​​​កម្មករ​​​កាត់ដេរ​​​នៅ​​​ក្នុង​​​រាជធានីភ្នំពេញ​​​កាលពីថ្ងៃ​​​ទី​​​២ ខែ​​​មករា។​​​

លោក​​​ កឹម សុខា បាន​​​មាន​​​ប្រសាសន៍​​​ថា “ប៉ុន្តែ​​​តើ​​​ឲ្យ​​​យើង​​​ចរចា​​​ [ជាមួយ​​​ពួក​​​គេ​​​] ក្រោម​​​​​​​​​ចុង​​​​​​កាណុង​​​​​​​​​កាំភ្លើង​​​មិច​​​នឹង​​​​​​កើត​​​?”។ វេទិកា​​​មួយ​​​ទៀត​​​របស់​​​គណបក្ស​​​ប្រឆាំង​​​​​​រៀបចំ​​​ឡើង​​​កាលពីរសៀល​​​ម្សិល​​​មិញ​​​នៅ​​​ក្នុង​​​ខេត្ត​​​កំពង់​​​ឆ្នាំង​​​បាន​​​ប្រព្រឹត្ត​​​ទៅ​​​ដោយ​​​គ្មាន​​​​​​ការ​​​រំខាន​​​។​​​

លោក​​​ សម រង្ស៊ី បាន​​​មាន​​​ប្រសាសន៍​​​តាម​​​ក្រោយ​​​ថា “វា​​​បាន​​​ប្រព្រឹត្ត​​​ទៅ​​​យ៉ាង​​​រលូន​​​។ គ្មាន​​​នគរបាល​​​ គ្មាន​​​កម្លាំង​​​ប្រដាប់អាវុធ​​​ គ្មាន​​​កង​​​ជីវពល​​​ និង​​​គ្មាន​​​​​​ក្រុម​​​បង្ក​​​បញ្ហា​​​ទេ បើ​​​ប្រៀប​​​ធៀប​​​ទៅ​​​នឹង​​​ខេត្ត​​​ព្រៃ​​​វែង​​​ គឺ​​​មាន​​​ស្ថាន​​​ភាព​​​​​​​​​ខុស​​​គ្នា​​​។​​​ ពួក​​​គេ​​​ដឹង​​​ថា ខ្ញុំ​​​មឺុង​​​ម៉ាត់ ហើយ​​​ពិភព លោក​​​កំពុង​​​តែ​​​សម្លឹង​​​មើល​​​។​​​ ប្រសិន​​​បើ​​​ [គណបក្ស​​​ប្រ​​​ជា​​​ជន​​​] រំខាន​​​​​​យើង​​​ យើង​​​នឹង​​​​​​ឈប់​​​ចរចា​​​ ហើយ​​​ពួក​​​គេ​​​នឹង​​ទទួល​​​ការ​​​ស្ដី​​​បន្ទោស​​​”៕ សុខុម​​​

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស