30 C
Phnom Penh

កងនា​វា​​​​របស់សហរដ្ឋ​អា​មេ​រិ​ក​​​ប្រឈម​​នឹង​សេចក្តីអះ​អា​ង​តាមផ្លូ​វ​ទឹក​​​​​របស់​​ប្រទេស​កម្ពុជា​

ដោយ ឌឹ ខេមបូឌា ដេលី

បទវិភាគ

យោងតា​ម​​រ​បា​យ​កា​រ​​​​ណ៍​មួ​យ​​​​ចេញ​​ផ្សាយ​កា​ល​ពី​ម្សិល​មិញ​​​​ដោ​យ​​ក្រសួ​ង​កា​រ​​​ពា​រ​​​ជាតិ​​អាមេ​រិក​​បា​ន​ឲ្យ​ដឹង​ថា យោធា​​អា​មេរិក​​បា​ន​អនុវត្ត​​​​សេរី​ភា​​​ពប្រតិបត្តិ​នាវា​​ចរណ៍​ ដែល​​​ប្រឈ​មនឹង​​​​សេចក្តីអះអាង​​​ធ្វើ​​ឡើ​ង​​​​ដោ​យ​​​​កម្ពុជា​​​នៅ​​​ក្នុ​ង​ដែន​ទឹក​​​​ពីរ​​​​​​​​​​ក្នុង​ចន្លោះ​​​ពីថ្ងៃ​​ទី​​១ ​ខែ​តុលាឆ្នាំ​​​២០១២ ​​ដល់​​​​ថ្ងៃ​​​ទី៣០ ​​ខែ ​​​កញ្ញា ​ឆ្នាំ​​​​២០១៤។

របា​យ​កា​រ​​​ណ៍​​​​​ប្រវែង​មួ​យ​ទំព័រ​​រៀបចំ​ដោ​យ​ការិ​យា​ល័យអនុ​​​​រដ្ឋ​មន្ត្រី​​ក្រសួ​ង​កា​រ​​​ពា​រ​​​​ជាតិ​​សហរដ្ឋ​អាមេរិក ទទួល​បន្ទុក​​​គោល​​នយោបាយ​ បញ្ជាក់​​​​ថា ​​ប្រទេ​ស​​​កម្ពុជា​​​​បា​ន​​​ធ្វើ​​កា​រ​​អះ​​អាង​​​​ថា ​សហ​រដ្ឋ​​​អា​​មេរិក​​​ត្រូ​វ​បា​ន​​​គេ​រក​​​ឃើញ​​​​ថា​​​​ ធ្វើប្រតិបត្តិ​ការ​ហួសកំណត់​ជុំវិញ​ដែន​​​​សមុទ្រ​ ​​និ​ង​​សន្តិសុខ​នៅតំ​បន់​​​សមុទ្រ​។

​​របា​យ​កា​រ​​​​ណ៍​នេះ​​​មិ​ន​បា​ន​ពន្យល់​​​អំ​ពី​​​​សេច​ក្តី​​​​​អះ​​អាង​​​​ទាក់​ទង​នឹង​ដែន​​ទឹក​ ដោ​យ​​គ្រាន់​​​តែ​​​លើក​ឡើង​ថា ​សហ​រដ្ឋ​​​អា​មេ​​រិក​​​បា​ន​ប្រឈ​ម​​​នឹ​ង​​​សេចក្តី​​​​​អះ​អា​ងទាំងនេះ​ ដើម្បី​​​​រក្សា​កា​រ​​​ពា​រ​​សិទ្ធិ​ សេរី​ភាព ​​និ​ង​កា​រ​​ប្រើ​​​ប្រាស់​​ដែនសមុទ្រ ​​និ​ង​​ដែន​​​អា​កា​ស​ ​ដែលត្រូវ​បាន​​ធានា​​​ចំ​​ពោះ​​ប្រ​ជា​​​ជាតិ​ទាំ​ង​​​អស់​ទៅ​តា​ម​ច្បាប់​​​អ​ន្តរ​ជាតិ។

​សេរី​​​ភា​ព​​នា​​​វា​​ចរណ៍ត្រូ​វ​បា​នកា​រ​ពា​រ​​​ដោយ​​ច្បាប់​​​អ​ន្តរ​ជាតិ​ ​​និ​ង​​​​​ចែ​ង​ថា ​​នា​វា​​​ដែល​មា​ន​ទង់​​ជាតិ​​​នៃ​​រដ្ឋ​​អ​​ធិ​ប​​​តេយ្យ​​​ណាម​ួ​យ​​នឹង​មិនត្រូវ​រង​កា​រជ្រៀត​ជ្រែក​​​ពី​រដ្ឋ​ផ្សេង​ទៀត​ឡើ់យ ​​ព្រោះ​​​នា​​វា​​ទាំង​នេះ​​​ធ្វើ​ចរាចរនៅ​​ក្នុង​​​​​ព្រំ​​​ដែន​​ទឹក​​​របស់​​​​ខ្លួន។

​កម្មវិធី​​​របស់​​​អា​មេរិ​ក​​ប្រឈម​​នឹ​ង​​កា​រ​​​អះ​​​អា​​ង​​​ថា ខ្លួន​បំពាន​ដែនទឹក​របស់​រដ្ឋ​នានា​ ដោយ​ធ្វើ​ប្រតិបត្តិការ​នៅក្នុងតំបន់​ជម្លោះ​របស់​​ពួកគេ​ ដើម្បីជាវិធី​មួយ​សម្រាប់​ទប់​ស្កាត់​មិន​ឲ្យមាន​ការដាក់កម្រិត​លើ​ការធ្វើ​ដំណើរ​។ ក៏ប៉ុន្តែ​ ​របា​យ​ការ​​​ណ៍​នេ​ះ​​​ឲ្យ​​​​ដឹង​ថា ​សហ​​រដ្ឋ​​​អា​​មេ​​រិ​ក​​​មា​នកា​រ​ប្រឈម​​​នឹ​ង​​​កា​រ​​អះ​​អា​​​ង​របស់​​កម្ពុជា​​​តែឯង​​​ប៉ុណ្ណោះ។

ក្នុង​ឆ្នាំ​២០១២ ​សហ​រដ្ឋ​​​អា​មេ​​រិក​​​មា​ន​​​កា​រ​​​ប្រឈ​ម​​​​​ច្រើន​ទៅនឹង​កា​រ​​អះ​អា​ង​​​របស់​ប្រ​ទេស​កម្ពុជា ​កាលពី​ថ្ងៃ​​​ទី​​១ ​​ខែ​​តុ​លា​ ឆ្នាំ​​២០១១ ដល់​​​ថ្ងៃ​​​ទី​៣០ ខែ​​​កញ្ញា ​ឆ្នាំ​២០១២ ​នេះ​​បើ​​យោង​​​តា​ម​​​រ​បា​យ​កា​រ​​​ណ៍​​​ស្តីពីសេរី​​ភាព​​នា​​វា​ចរណ៍​ឆ្នំា​​២០១២។

​របា​យ​កា​រ​​​​ណ៍​ឆ្នាំ​​២០១៣ ​បាន​បង្ហាញ​​ថា ​​ក្រៅ​ពី​​​កម្ពុ​ជា ​​សហ​រដ្ឋ​​​អា​មេរិក​កា​ល​​ឆ្នាំ​មុន​​ប្រ​ឈម​​នឹ​ង​​​កា​រ​អះ​​អា​ងរបស់​១១ប្រទេស​ផ្សេង​ទៀត ជុំវិញប្រតិបត្តិ​​​​នា​វា​​​​ចរណ៍​។ ​​គួរ​បញ្ជាក់ថា ​ប្រទេស​​​បួ​នក្នុង​​​ចំ​ណោម​​ប្រទេស​ទាំងនោះ​​ មានប្រទេស​ឥ​ណ្ឌូ​​​ណេស៊ី ម៉ា​ឡេ​ស៊ី ​​ហ្វី​លី​ពី​ន ​​និ​ង​ប្រទេស​​វៀត​ណាម​។

នៅ​ក្នុង​ប្រទេស​​នីមួយៗ​ក្នុង​ចំណោម​ប្រទេស​ទាំង​១១​នោះ ស្ថាន​​​ទូ​ត​សហ​​រដ្ឋ​​​អា​​មេរិ​ក​​​​ប្រចាំ​​ក្នុង​រាជ​ធានី​ភ្នំ​​​ពេញ​​​​​ប្រឈ​ម​​​​លើ​សេរីភាព​ប្រតិបត្តិការ​នាវា​ចរណ៍​ច្រើន​ជាង​ម្តង​ នេះ​​បើយោង​តា​ម​​របា​យ​​ការ​​ណ៍​នេះ។

លោក សៀន ម៉ា​ក់​ឃិនតុស ​​អ្នក​នាំ​​ពាក្យស្ថាន​​ទូ​ត​អា​មេរិក​​ប្រចាំ​​​រាជ​ធា​​​នី​ភ្នំពេញបា​ន​​បង្វែរ​សំ​​ណួរ​​​​ទៅ​​​ក្រសួ​ង​កា​រ​​ពារ​​ជាតិ​​​អា​​​មេរិក​​​​នៅ​​ក្រុ​ង​វ៉ា​ស៊ិន​​​តោន។

លោក ផៃ ស៊ី​ផា​ន ​​អ្នក​នំា​​ពាក្យ​​​​ទី​ស្តី​​​កា​រ​​​គ​ណៈរដ្ឋ​មន្ត្រី​​​បា​ន​​​មា​ន​​ប្រ​សាស​​ន៍​ថា លោក​​​មិ​ន​បា​ន​ដឹង​អំ​​​ពី​រ​បាយ​​កា​រណ៍​ ​ឬ​​កា​រ​ប្រឈ​ម​របស់​ក្រុម​នា​វា​​ចរណ៍​​​អាមេរិក​​ចំ​ពោះ​កា​រ​​​​​អះ​​​អា​ង​​នៅដែនទឹក​របស់​​កម្ពុជា​​ទេ។ លោក​ថ្លែង​ថា​ “​​កម្ពុជា​​​គឺ​​​ជា​​​រដ្ឋ​​​អ​ធិប​​តេយ្យ។ ​​ខ្ញុំ​មិ​ន​ប្រាកដ​​​​អំ​ពី​កា​រ​​​អះ​​អា​ង​​​ទាំ​ង​នេះ​ទេ​ ប៉ុន្តែ​​​យើង​​​នឹ​ង​កា​រ​​​​ពារ​​​ទឹក​ដី​​របស់​យើង​”៕​​ប៊ុននី​

(រា​យ​កា​រ​​ណ៍​​​បន្ថែម​​​ដោ​យ ​មុិច ដារ៉ា)

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស