28 C
Phnom Penh

សាល​តាំង​បង្ហាញ​រថយន្ត​​ Jaguar Land Rover ដំបូង​គេ​នៅ​ប្រទេស​កម្ពុជា​​ចាប់​ផ្តើម​បើក​នៅ​រាជ​ធានី​ភ្នំពេញ​

ដោយ ឌឹ ខេមបូឌា ដេលី

បទវិភាគ

កាល​ពី​ម្សិល​មិញ​ ក្រុមហ៊ុន RMA Cambodia ​បាន​បើក​សាល​តាំង​រថយន្ត​​ Jaguar Land Rover ដំបូង​គេ​នៅ​ក្នុង​ប្រទេស​​កម្ពុជា​​ ហើយ​ក្រុម​ហ៊ុន​​​​​េនះ​នឹង​ក្លាយ​ជា​ក្រុមហ៊ុន​ចែក​ចាយ​​ផ្តាច់​មុខនូវ​​រថយន្ត​ម៉ាក​ដ៏​ល្បី​របស់​ប្រទេស​អង់​គ្លេសនេះ​​​​ ដែលក្រុមហ៊ុន ​Tata Motors របស​​់​ប្រទេស​ឥណ្ឌា​បានទិញយក​​កាល​ពី​ឆ្នាំ​២០០៨​។

ភ្នាក់​ងារ​​ចែក​ចាយ​ផ្តាច់​មុខ​របស់​ក្រុមហ៊ុន RMA Cambodia នេះ ដែល​​មាន​ទី​តាំង​នៅ​តាម​​​បណ្តោយ​មហា​វិថី​សហ​ព័ន្ធ​រុស្ស៊ី​ ហើយ​នៅ​មិន​ឆ្ងាយពី​សាល​តាំង​បង្ហាញ​រថយន្ត​ម៉ាក​ Ford ដែល​​ជា​របស់​ក្រុមហ៊ុន​ក្នុង​ស្រុក​ RMA Cambodia ដែរនោះ​ នឹង​លក់​រថយន្ត Jaguar ក្នុង​តម្លៃ​​ចន្លោះ​ពី​​១៤៥​.០០០​ ដុល្លារ​ដល់​ ១៦៥.​០០០​ដុល្លារ​ នេះ​បើ​តាម​ការ​ឲ្យ​ដឹង​ពី​លោក​ ហិន​ សុភាព អគ្គនាយក​រង​ទទួល​បន្ទុក​ផ្នែក​រថយន្ត​របស់​ក្រុមហ៊ុន​ RMA Cambodia ។​

លោក​ សុភាព​ បាន​មាន​ប្រសាសន៍​ថា      “ យើង​​​សង្ឃឹម​ថា​ នឹង​អាច​ទាក់​ទាញ​អតិថិជន​ ដែល​ចូល​ចិត្ត​ប្រើ​រថយន្ត​ម៉ាក​ទំនើប​ៗ​ ដោយ​កំណត់​តម្លៃ​មធ្យម​ដែល​យើង​ធ្លាប់​បាន​កំណត​់​សម្រាប់​រថយន្ត​ម៉ាក [Ford] ហើយ​យើង​​សង្ឃឹម​ថា នឹង​សម្រេច​គោល​ដៅ​របស់​យើង​ដែល​ចង់​ក្លាយ​ជា​ក្រុមហ៊ុនលក់រថយន្ត​​នាំមុខ​គេ​នៅ​ក្នុង​ទី​ផ្សារ​រថយន្ត”។

លោក ស្ទីវ​ ម៉ាទីន (Steve Martin) ​នាយក​ប្រចា​​ំ​តំបន់​របស់​ក្រុមហ៊ុន​ Guava International Ltd. ជា​ក្រុមហ៊ុន​តំណាង​ឲ្យ​រថយន ្ត​Jaguar Land​​ Rover  បាន​ឲ្យ​ដឹង​ថា  ចំណុច​សំខាន់​ដែល​អាច​ធ្វើ​​​​​ឲ្យ​​​ការ​លក់​រថយន្ត​ម៉ាក​ Jaguar នេះ​ទទួល​បាន​​​ជោគជ័យ​នៅ​ក្នុង​ប្រទេស​មួយ​ដែល​មាន​​​រ​​ថ​យន្ត​​​​ជា​ច្រើន​ត្រូវ​បាន​នាំ​ចូល​តាម​ច្រក​របៀង​​​គឺ​ត្រូវ​ផ្តោត​​លើ​សេវា​កម្ម​​ថែទាំ​រថយន្ត​ក្រោយ​ការ​លក់​។

រថយន្ត​ Jaguar  គឺ​ជាចំណូល​​ថ្មី​នៅ​ក្នុង        ​ទី​ផ្សារ​រថយន្ត​របស់​ប្រទេស​កម្ពុជា​ ប៉ុន្តែ​ Land Rover មិនមែនទេ ហើយ​ការ​លក់​​ចែក​ចាយ​ផ្តាច់​មុខ​នូវរថយន្ត​ស៊េរីថ្មី​​របស់​ក្រុមហ៊ុន RMA នេះ​ ដែល​នឹង​ចូល​ប្រឡូក​ជាផ្លូវ​ការ​នៅ​​​ដំណាច​់​ខែ​នេះ​ ត្រូវ​រង់​ចាំ​ក្រុម​ហ៊ុន Envotech Co. Ltd., ដែល​ធ្លាប់​ទទួល​បាន​សិទ្ធិ​ផ្តាច់​មុខ​លក់​រថយន្ត​ម៉ាក​ Land Rover អស់​សិទ្ធិសិន។

ក្រុមហ៊ុន​ Guava International Ltd. បាន​ផ្តល់​សិទ្ធិ​ផ្តាច់​មុខក្នុង​ការ​លក់​រថយ​ន្តម៉ាក​ Land Rover ​​ទៅ​ឲ្យ​ក្រុមហ៊ុន​ Envotech Co. Ltd., កាល​​​​​ពី​ឆ្នាំ​២០០៥​។

តែ​ទោះ​ជា​យ៉ាង​ណា​ ចាប់​តាំង​ពី​ក្រុម​​ហ៊ុន​​ RMA Group បាន​ទិញយក​​ក្រុម​ហ៊ុន Guava International Ltd. កាល​ពី​ឆ្នាំ​២០០៧​មក ក្រុម​​ហ៊ុន​ Envotech Co. Ltd., នឹង​បាត់​បង់​សិទ្ធិលក់​រថយន្ត​ម៉ា​ក​ Land Rover របស់​ខ្លួន​ជា​ផ្លូវ​ការ​ នៅ​ពេល​កិច្ច្​សន្យា​ដែល​មាន​រយៈពេល​ជិត​មួយ​ទស​វត្ស​រ​៍​របស់​ខ្លួន​ ​អស់​សុពលភាព​នៅ​ដំណាច់​ខែនេះ​។

លោក ហ្វីន​ វិហ្គោ ហ្គាន់​ដឺសេន (Finn Viggo Gundersen) អគ្គនាយក​របស់​ក្រុមហ៊ុន Envotech Co. Ltd., បាន​មាន​ប្រសាសន៍​​កាល​ពី​ម្សិល​​​​​មិញ​ថា“ ជា​ការ​ពិត​ណាស់យើង​មិន​សប្បាយ​​​​​ចិត្ត​ទេ​ ប៉ុន្តែ​ទោះ​ជា​យ៉ាង​ណា​ក៏​ដោយ​យើង​នៅ​​​តែ​ទទួល​បាន​សិទ្ធិ​លក់​គ្រឿង​​​​​បន្លាស​​់​រថយន្ត​ម៉ាក Land Rover និង​អាច​ផ្តល់​សេវា​កម្ម​​ក្រោយ​ការ​លក់​បាន​្ត”។

ទោះ​បី​ជា​ក្រុមហ៊ុន​ Envotech Co. Ltd., បាត់​បង់​សិទ្ធិ​លក់​រថយន្ត​ម៉ាក​ Land Rover ក៏​ដោយ​ ក៏​ទី​ផ្សារ​លក់​រថយន្ត​ទំនើប​ៗ របស់​ក្រុម​​ហ៊ុន​នេះ​មិន​ទាន់​​ចប​់​​នោះ​ទេ​ ព្រោះ​ក្រុម​ហ៊ុន​​នេះ​កំពុង​ទាក់​ទង​ក្រុមហ៊ុន​ King Long ដែល​ជា​​​ក្រុម​ហ៊ុនលក់​រថយន្ត​ទំនើប​ៗ​របស់​ប្រទេស​ចិន​ ដើម្បី​នាំ​រថយន្ត​ទំនើប​ៗ​​មក​លក់​នៅ​ក្នុង​ប្រទេសកម្ពុជា​។

លោក ហ្គាន់​ដឺសេន​ បាន​លើក​ឡើង​ថា ការ​​​នាំ​ចូល​រថយន្ត​​ Jaguar Land Rover ស៊េរី​ថ្មី​នេះ​​​នឹង​បន្ថែម​រថយន្ត​សេ៊រី​​ថ្មី​នៅ​ក្នុង​ទី​ផ្សារ​រថយន្ត​របស់​ប្រទេស​កម្ពុជា​ ដែល​មាន​រថយន្ត​ម៉ាក​ទំនើប​ៗ​ដូច​ជា មា៉កAudi  មា៉ក​BMW  មា៉ក​​Mercedes និង មា៉កPorsche។ ហើយ​​រថយន្ត​ម៉ាក​ថ្មី​ទំនើបៗ​ទាំងនេះ​កំពុង​ប្រកួត​ប្រជែង​​ដើម្បី​យក​ចំណែកទីផ្សារ​​នៅ​ក្នុង​ទី​ផ្សារ​ដ៏តូច​របស់​ប្រទេស​កម្ពុជា​ ដែល​គួរឲ្យទាក់​​ទាញ​មួយ​នេះ។​

លោក​បាន​មាន​ប្រសាសន៍​ថា “ខ្ញុំ​គិត​ថាទី​ផ្សារ​​វា​ពិ​ត​ជា​មាន​ ប៉ុន្តែ​គ្រាន់​តែ​វា​តូច​។ កាល​​​ពី​មុន​មិន​សូវ​ជា​មាន​អ្នក​វណ្ណៈក ណ្តាល​នោះ​ទេ​ ប៉ុន្តែ​ឥឡូវនេះ​វា​មាន​ហើយ”​៕ ស៊ុយឈាង

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស