28 C
Phnom Penh

​​​គោយន្ត​​​ធ្លាក់ចូលក្នុង​​​ស្ទឹង​​​បណ្តាលឲ្យមនុស្ស​ប្រាំនាក់​ស្លាប់​បន្ទាប់​​ពី​ត្រឡប់មក​​​ពី​​​ចូល​រួម​ពិធីមង្គល​ការ

ដោយ ឌឹ ខេមបូឌា ដេលី

បទវិភាគ

នគរ​បាល​​ចរាចរ​បាន​និយាយ​កាលពីម្សិល​មិញ​​​​ថា មនុស្ស​ប្រាំនាក់​បាន​ស្លាប់​ និង​ប្រាំពីរ​នាក​​​់​ទៀត​រង​របួស​​ក្នុង​គ្រោះថ្នាក់​ចរាចរណ៍​មួយ​ក្នុងស្រុក​មោង​ឫស្សី ខេត្តបាត់ដំ​បង។

យោងតាម​លោក សាត គឹមសាន នាយ​នគរ​បាល​ចរាចរ​ខេត្ត​បាន​ឲ្យ​ដឹង​ថា គោយន្ត​​​ដែល​​​មាន​​​មនុស្ស​​​ជិះ​​​១៣នាក់​​​ពេល​​​ត្រឡប់​​​មក​​​​​​ពី​​​ចូលរួមពិធីមង្គលការ​​​​​​មួយ​​​​​​នៅក្នុង​​​ឃុំ​​​ជ្រៃនោះ បាន​​​ព្យាយាម​​​បើក​​​កាត់​​​ស្ពាន​​​ទ្រុឌ​ទ្រោម​​​មួយ ប៉ុន្តែ​​​បាន​​​រេចង្កូត​​​ធ្លាក់​​​ចូល​​​ទៅ​​​ក្នុង​​​ស្ទឹង​​​តែម្តង។

លោក​​​បាន​​​មាន​​​ប្រសាសន៍ថា គោយន្ត​នោះ​រអិល​ ហើយ​ជ្រុល​ទៅបុក​បង្កាន់ដៃ​ស្ពាន ហើយ​ធ្លាក់​ចូល​ក្នុងស្ទឹង​តែម្ដង​។ លោក​បាន​បន្ថែម​ថា “ មនុស្ស​ពីរ​នាក់​បាន​ស្លាប់​ភ្លាម​ៗ​នៅ​កន្លែង​កើត​ហេតុ​ ហើយ​បី​នាក់​​​ទៀត​ស្លាប់​នៅ​មន្ទីរពេទ្យ​”។

លោក​បាន​មាន​ប្រសាសន៍​ថា អ្នក​ដំណើរ​ដែល​នៅ​សេស​សល់​ត្រូវ​បាន​ជួយ​សង្គ្រោះ​ រួម​ទាំង​អ្នក​បើក​ប​រ​គោយន្ត​ផង។ លោក​​បន្ថែម​ថា ស្ទឹង​ដែល​គោយន្ត​ធ្លាក់​ចូល​នោះ​មាន​ជម្រៅ​ប្រហែល​១០​​ម៉ែត្រ​​​។​​​​​ គ្រោះ​ថ្នាក​​​់​​​​នេះកើត​ឡើង​ដោយ​សារ​គោយន្ត​​​​ដឹក​អ្នក​ដំណើរ​លើស​ទម្ងន់​​មិនមែន​ជារឿង​ចម្លែកទេ​​នៅ​តាម​ផ្លូវ​ក្នុង​ប្រទេស​កម្ពុជា។

កាលពីសប្ដាហ៍​មុន មនុស្ស​បួន​នាក់​ស្លាប់​នៅ​ក្នុង​គ្រោះថ្នាក់​ចរាចរណ៍​រថយន្ត​ក្នុង​ខេត្ត​ក្រចេះ និង​ខេត្ត​មណ្ឌល​គិរី៕ សារុន

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស