30 C
Phnom Penh

សមាគម GMAC សាទរ​រាជរដ្ឋាភិបាល​ដែល​សម្រេចទាម​ទារ​លិខិត​ថ្កោល​ទោស​​របស់​មេដឹកនាំ​​សហជីព

ដោយ ឌឹ ខេមបូឌា ដេលី

បទវិភាគ

សមាគម​រោង​ចក្រ​កាត់​ដេរ​នៅ​កម្ពុជា​​ (GMAC) បានចេញ​សេចក្តី​ថ្លែង​ការណ៍​មួយ​កាល​ពី​ថ្ងៃ​សុក្រ ដើម្បីអប​អរ​សាទរ​សេចក្តី​សម្រេច​របស់​ក្រសួង​ការងារ​ថ្មី នឹង​ចាប់​ផ្តើម​តម្រូវ​ឲ្យ​មេដឹក​នាំ​សហជីព​បង្ហាញ​ថា ពួកគេ​​​មានលិខិត​ថ្កោល​ទោស​​ មុន​ពេល​ពួកគេ​ចុះ​ឈ្មោះ​សាខា​ថ្មី​របស់​ខ្លួន។

សេចក្តី​ថ្លែង​ការណ៍​បង្ហោះ​តាម​គេ​ហ​ទំព័រ​របស់​សមាគម​ GMAC ឲ្យ​ដឹង​ថា “ GMAC សូម​សម្តែង​សេចក្តី​ពេញ​ចិត្ត​យ៉ាង​ខ្លាំង​ និង​គាំទ្រ​រាជរដ្ឋាភិបាល​ ជា​ពិសេស​ក្រសួង​បណ្តុះ​បណ្តាល​វិជ្ជាជីវៈ​ ដែល​បាន​ដាក់​ចេញ​​ចំណាត​់​ការ​វិជ្ជមាន​​សំដៅ​អនុវត្ត​ច្បាប់​ការងារ​នៅ​ប្រទេស​កម្ពុជា​ ពាក់​ព័ន្ធ​នឹង​ការ​ចុះ​បញ្ជី​សហ​ជីព​”។

សេចក្តី​ថ្លែងការណ៍​ដដែល​បាន​លើក​ឡើង​នូវ​មាត្រា​២៦៩​នៃ​ច្បាប់​ការងារ​ដែល​ត្រូវ​បាន​អនុម័ត​កាលពី​ឆ្នាំ​១៩៩៧​​​ ដោយ​ចែង​ថា មេដឹក​នាំ​អង្គការ​វិជ្ជាជីវៈ​ ដូចជា សហ​​ជីព​ជា​ដើមនោះ​​ មិន​ត្រូវ​មាន​ប្រវត្តិ​ជាប់​ទោស​ឡើយ​។ សេចក្តី​ថ្លែង​ការណ​៍របស់​សមាគម​ GMAC មាន​ខ្លឹម​សារ​បន្ត​ទៀត​ថា “ ការ​អនុវត្ត​យ៉ាង​តឹង​រឹុង​លើ​ច្បាប់​ដែល​មាន​ស្រាប់​ទាំង​ឡាយ​គឺ​ជា​ការ​លើក​ស្ទួយ​នីតិរដ្ឋ​​ដែល​ប្រជា​ជន​គ្រប់​រូប​ រួម​ទាំង​វិនិយោគិន​ក្នុង​ស្រុក​កំពុង​ទាម​ទារ​ និង​រង់​ចាំ​។

សេចក្តី​ថ្លែង​ការណ៍​នេះ​មាន​ខ្លឹម​សារ​បន្ត​ទៀត​ថា “ ចំណាត់ការ​វិជ្ជមាន​​ដែល​មាន​ចក្ខុ​វិស័យ​ច្បាស់​លាស់​នេះ​ នឹង​ជួយ​បង្កើត​បរិយា​កាស​សង្គម​ អាជីវកម្ម និង​វិនិយោគ​ ដែល​ប្រាកដ​ជា​ផ្តល់​ភាព​អំណោយ​ផល​ដល់​ដំណើរ​ការ​នៃ​ការ​អភិវឌ្ឍ”។

លោក ជា មុនី ប្រធាន​សហជីព​សេរី​កម្ម​ករ​ដែល​គាំទ្រ​គណបក្ស​ប្រឆាំង​ បានឲ្យ​ដឹង​កាល​ពី​សប្តាហ៍​មុន​ថា ក្រសូង​ការងារ​ និង​បណ្តុះ​បណ្តាល​វិជ្ជាជីវៈ​បាន​បដិសេធ​សំណើ​ចុះ​បញ្ជី​​សាខា​សហជីព​ថ្មី​ៗ​ ដោយ​ទាម​ទារ​ឲ្យ​មាន​លិខិត​បញ្ជាក់​ពី​ក្រសួង​យុត្តិធម៌​ ដែល​បង្ហាញ​ថា មេ​ដឹកនាំ​សហជីព​ពិត​ជាមិន​មាន​​លិខិត​ថ្កោល​ទោស​​មែន​។

លោក ជា មុនី ​បាន​លើក​ឡើង​កាលពី​ម្សិល​​មិញ​ថា បទ​បញ្ញត្តិ​ដែល​ត្រូវ​បាន​អនុវត្ត​នា​ពេល​ថ្មី​នេះ​ នឹង​បង្កើត​ឱកាស​សម្រាប់​អំពើ​ពុក​រលួយ​ និង​ការ​គំរាម​មេដឹក​នាំ​សហ​ជីពតែ​​​ប៉ុណ្ណោះ។ លោក ​ជា មុនី​ បាន​មាន​ប្រសា​សន៍​ថា “  នេះ​គឺ​​ជា​សកម្មភាព​រើស​អើង​ចំពោះសហ​​ជីព​”។

លោក ជា មុនី បាន​លើក​ឡើង​បន្ត​ទៀត​ថា សហជីព​នឹង​ទំនង​ជា​ត្រូវ​រង់​ចាំ​រយៈពេល​ជា​ច្រើន​ខែ​ដើម្បី​ទទួល​បាន​លិខិត​ថ្កោល​ទោស​ពី​ក្រសួង​យុត្តិ​ធម៌​ ឬ​ក៏​ត្រូវ​សូក​ប៉ាន់​​ក្រសួង​នេះ​ដើម្បី​ពន្លឿន​ដំណើរ​ការ​នេះ​។

លោកបាន​​លើក​ឡើង​បន្ថែម​ទៀត​ថា មេ​ដឹក​នាំ​សហជីព​​ដែល​ជាប់ពាក់​​ព័ន្ធ​ក្នុង​ជម្លោះ​ផ្លូវ​ច្បាប់​ក៏​នឹង​ជួប​ការ​លំបាក​ក្នុង​ការ​ចុះ​បញ្ជី​សហ​ជីពថ្មី​ៗ​ផ​ង​ដែរ។

ក្រសួង​ការ​ងារ​ និង​បណ្តុះ​បណ្តាល​វិជ្ជា​ជីវៈ​បាន​ចេញ​សេចក្តី​សម្រេច​ថ្មី​នេះ​ បន្ទាប់​ពី​ម្ចាស់​រោង​ចក្រ​កាត់​ដេរ​យ៉ាង​តិច​១៥០​​បាន​ដាក់​ពាក្យ​បណ្តឹង​ផ្លូវ​ច្បាប់​ដើម្បី​ប្តឹង​មេដឹក​នាំ​សហជីព​ប្រាំ​មួយ​ ​រួម​​មាន​ទាំង​សហជីព​សេរី​កម្មករ​​ដែល​បាន​​រៀប​ចំ​កូដកម្ម​ទូទាំង​ប្រទេស​កាលពី​ចុង​ខែ​ធ្នូ ជា​ហេតុ​នាំ​ឲ្យ​រោង​ចក្រ​ជា​ច្រើន​បិទ​ទ្វារ​បណ្តោះ​អាសន្ន​។

មន្ត្រី​​​ក្រសួង​ការងារ​ និង​បណ្តុះ​បណ្តាល​វិជ្ជាជីវៈ​​បដិសេធ​មិន​ធ្វើ​សេ​ចក្តី​អត្ថាធិ​ប្បាយ​​​ទាក់​ទង​នឹង​សេចក្តី​សម្រេច​របស់​ក្រសួង​នេះ​ ក្នុង​ការ​ចាប់​ផ្តើម​ទាម​ទារ​លិខិត​ថ្កោល​ទោស​ពី​មេដឹកនាំ​សហជីព​ តាំង​ពី​លោក ជា មុនី បាន​ត្អូ​ញ​ត្អែរ​អំពី​បទប​ញ្ញតិ្ត​ថ្មី​នេះ​កាលពី​ថ្ងៃ​ព្រហស្បតិ៍​សប្តាហ៍​មុន​៕ សុធា​

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស