27.5 C
Phnom Penh

របាយការណ៍​៖ វិស័យ​កាត់​ដេរ​មិន​ឆ្លើយ​តប​ទៅ​នឹង​ស្តង់​ដារ​កំណត់​ដោយ​​​អង្គការ​សហប្រជាជាតិ​

ដោយ ឌឹ ខេមបូឌា ដេលី

បទវិភាគ

សហព័ន្ធ​សិទ្ធិ​មនុស្ស​អន្តរជាតិ​ (Interna-tional Federation for Human Rights) ហៅកាត់​ថា FIDH បាន​ឲ្យ​ដឹង​ថា រោង​ចក្រ​​កាត់​ដេរ​សម្លៀក​​បំពាក់​កាត់​ដេរ​កម្ពុជា​ និង​សមាគម​ដែល​គ្រប់​គ្រង​រោង​ចក្រ​ទាំង​នោះ​មិន​បាន​ឆ្លើយ​តប​ទៅ​នឹង​ស្តង់​ដារ​កំណត់​ដោយ​គោល​ការណ៍​ណែនាំ​អំពី​អាជីវកម្ម​ និង​សិទ្ធិមនុស្ស​របស់​អង្គការ​សហ​ប្រជាជាតិ​ទេ​ ដូច​បង្ហាញ​យ៉ាង​ច្បាស់​តាម​រយៈ​អំពើ​ហិង្សា​យ៉ាង​សាហាវ​ទៅ​លើ​កម្មករ​អំឡុង​សកម្មភាព​កូដកម្ម​កាលពី​ខែ​មករា ជាហេតុ​បណ្តាល​ឲ្យ​មនុស្ស​ប្រាំ​នាក់​បាត់​បង់​ជីវិត​ និង​ជា​ច្រើន​នាក់​ទៀត​រង​របួស​ដោយ​សារ​កម្លាំង​ប្រដាប់​អាវុធ​រដ្ឋ​។

របាយកាណ៍​សង្ខេប​​ដែល​សហព័ន្ធ FIDH ​បាន​ចេញ​ផ្សាយ​កាលពី​ល្ងាច​ថ្ងៃ​ពុធ បាន​បង្ហាញ​ថា វិស័យ​កាត់​ដេរ​នៅ​ប្រទេស​កម្ពុជា​ “មាន​បញ្ហា​រំលោភ​សិទ្ធិមនុស្ស​យ៉ាង​ច្រើន​” ហើយ​សមាគម​រោង​ចក្រ​កាត់​ដេរ​នៅ​កម្ពុជា​ (GMAC)​បាន “បដិសេធ​មិន​ថ្កោល​ទោ​ស​ការ​ប្រើ​កម្លាំង​យ៉ាង​សាហាវ​ទៅ​លើ​កម្មករ​ធ្វើ​កូដកម្ម​”។

របាយការណ៍​ដដែល​ក៏​បាន​បង្ហាញ​ផង​ដែរ​ទាក់​ទង​នឹង​គោល​ការណ៍​ណែនាំ​របស់​អង្គការ​សហ​ប្រជាជាតិ​ថា “ រោង​ចក្រ​កាត់​ដេរ​កម្ពុជា​ និង​សមាគម​ GMAC ពិត​ជា​មិន​បាន​គោរពសិទ្ធិ​មនុស្ស​ទេ”។

របាយការណ៍​នេះ​មាន​ខ្លឹម​សារ​បន្ត​ទៀត​ថា “ក្រុម​ហ៊ុន​នានា​មិន​បាន​ទប់​ស្កាត់​ និង​កាត់​បន្ថយ​ផល​ប៉ះ​ពាល់​ដ៏ធ្ងន់​ធ្ងរ​ដោយ​សារ​ការ​រំលោភ​​សិទ្ធិមនុស្ស​ពី​សំណាក់​ដៃ​គូ​ពាណិជ្ជកម្ម​របស់​ខ្លួន​ទេ​ និង​មិន​បាន​ដាក់​កំហិត​លើ​អ្នក​ផ្គត់​ផ្គង់​ និង​សមាគម​អាជីវកម្ម​​នៅ​ក្នុង​ប្រទេស​​កម្ពុជា​ ដើម្បី​ទប់​ស្កាត់​សកម្មភាព​រំលោភ​បំពាន​បែប​នេះ​ឡើយ​”។

លើស​ពី​នេះ​ទៅ​ទៀត​ របាយការណ៍​នេះ បាន​បង្ហាញ​កំណត់​សម្គាល់​ថា រោង​ចក្រ​ជាង​១០០​ដែល​ពាក់​ព័ន្ធ​ជា​មួយ​សមាគម GMAC​ បាន​ប្តឹង​សហជីព​ចំនួន​ប្រាំ​មួយ​ដែល​ជាប់​ពាក់​ព័ន្ធ​ក្នុង​ការ​រៀប​ចំ​​​កូដកម្ម​​កាលពី​ខែ​ធ្នូ។

ទោះ​បី​ជាយ៉ាង​ណា សហព័ន្ធ FIDH បាន​លើក​ឡើង​ថា “ជន​រង​គ្រោះ​ដោយ​សារ​តែ​ប្រតិបត្តិការ​បង្ក្រាប​ និង​ប្រតិកម្ម​តប​បែប​សង​​សឹក​​​របស់​រោង​ចក្រ​ បន្ទាប់​ពី​កម្មករ​រោង​ចក្រ​កាត់​ដេរ​បាន​អនុវត្ត​សិទ្ធិ​ធ្វើ​កូដកម្ម​របស់​ខ្លួន​ដោយ​ស្រប​ច្បាប់​” មិន​ទំនង​ជា​ទទួល​បាន​សំណង​សម​រម្យ​ ឬ​យុត្តិធម៌​តាម​រយៈ​តុលាការ​ឡើយ​។

លោក ​​វ៉ាន់ ស៊ូ​​អៀង ប្រធា​នសមាគម​ GMAC ​​បា​ន​លើកឡើង​ថា​ ​​កា​រ​​​ចោទ​​ប្រ​កាន់​​សមា​​​គ​ម​នេះ​ ​មិ​ន​​​សម​​​​ហេតុ​​ផល​​​ទេ។

លោក ស៊ូ​​​អៀង បា​ន​មាន​ប្រសាសន៍ថា “ខ្ញុំ​​​​សូ​ម​​​ជំ​​ទាស់​​នឹ​ង​​​​សេចក្តី​​អត្ថា​​ធិប្បាយ​​​នេះ​។ ខ្ញុំ​​​​ចង់​ឲ្យ​ពួ​ក​​គេ​​ប​ង្ហាញ​​​មូលដ្ឋាន​គាំទ្រ​សេចក្តី​​​​​​​​ថ្លែ​ងកា​រ​​​ណ៍​​​​របស់​​ខ្លួន​…​​ពួ​ក​​គេ​មិន​​​គួរ​​ប្រើ​​​ឈ្មោះ​​សិទ្ធិ​មនុស្ស​​ដើ​ម្បី​​ចោទ​មនុស្ស​​​​​ដោយ​​គ្មាន​​​ភស្តុ​​តា​ង​​នោះទេ​​”។

លោក​​បា​ន​​​មានប្រសាសន៍​បន្ថែមទៀត​​ថា “នៅ​​ក្នុ​ង​​​នី​តិ​រដ្ឋ​ ​និ​ង​សង្គម​​ប្រជា​​​ធិប​​តេយ្យ​​ ​​ពួ​ក​គេ​​​អាចត្រូវ​បាន​​​​ប្តឹង​​​​​​​ពី​​បទ​មួ​ល​​​បង្កាច់​​​ តាម​រយៈ​​សេចក្តី​​​ថ្លែ​ង​កា​រ​​ណ៍​បែ​ប​នេះ”។ របា​យ​ការណ៍​នេះ​​​ក៏​​​បា​ន​ឲ្យ​ដឹង​ទៀត​ថា ​វិ​​ស័យ​​កាត់​​​ដេរ​​​ជា​​​ទូ​ទៅ “ពាក់​​​ព័ន្ធ​​​នឹង​កា​រ​​​រំ​លោភ​​សិទ្ធិមនុស្ស​​ដែល​កំ​​​ពុ​ង​កើតមា​ន​ ​រាប់​​ទាំ​ង​​​ពល​កម្ម​កុ​មា​រ ​និ​ង​​កា​រ​​​អនុ​​វត្ត​​​​​មិន​គ្រប់​គ្រាន់​លើ​បញ្ញត្តិ​​ផ្នែ​ក​​សុខ​​ភាព​​និង​​​​សុ​វត្ថិ​ភាព​​​​របស់​​កម្ម​ករ”។

​ឆ្លើយ​ត​ប​នឹង​​​ចំ​ណុច​​​ចុ​ង​ក្រោ​យ​​​អំ​ពី​​​សុ​ខ​ភាព​​​ និ​ង​​​សុ​វត្ថិភាព​ លោក​​ ស៊ូ​​​អៀង ​​បា​ន​​​លើក​ឡើង​ថា ​​ចំណុច​កត់​សម្គាល់​នេះ “ជា​ទូ​​ទៅ​​មិ​ន​ពិត​​ទេ​​”ហើយ​ថា​ ​​ភស្តុតា​ង​​បញ្ជាក់ស្រប​តាម​កម្មវិធី​រោង​ចក្រ​​កាន់តែប្រ​សើរ​​​​ឡើង​នៅ​កម្ពុជា​ ​​របស់​​អង្គការ​​​ពល​កម្ម​​​អន្តរជា​តិ​ ​​(ILO) ដែល “បា​ន​សន្និដ្ឋាន​​​ថា រាល់​ឆ្នាំ​​​អស់​​​រយៈ​ពេល​១២ឆ្នាំ​​មកហើយ​ថា រោ​ង​​​ចក្រ​៨៥​​ភាគ​​​រយ​​ក្នុងចំ​ណោម​​​រោ​ង​ចក្រ​​​ទាំ​ង​​អស់​ដែល​ត្រូ​វ​​​បា​ន​​ត្រួ​ត​​​ពិ​និត្យ​ កំ​ពុងតែ​​​អ​នុ​វត្ត​​តា​ម​​ច្បាប់​កា​រ​​​ងារ​ និ​ង​និ​យា​ម​​ការ​​ងារ​​​អន្តរ​ជាតិ”។ លោក​បា​ន​​ស្នើ​ឲ្យ​​​​អ្នក​​​​និពន្ធ​​​​របស់​ FIDH ​​​បង្ហាញ​ពី​​​កម្រិត​ខ្ពស់​នៃ​កា​​រ​​អ​នុ​វត្ត​​​​បែប​​​​នេះ​នៅ​ប្រទេស​ណាមួយ​ផ្សេង​ទៀត​​៕ ​​ប៊ុននី

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស