30 C
Phnom Penh

នគរ​បាល​ខេត្ត​កំពង់​ចាម​​ចាប់ខ្លួន​បុរស​អាយុ៣៥​ឆ្នាំ​ម្នាក់​ពីបទ​កាប់​ប្រពន្ធ​របស់ខ្លួន​រហូត​​ដល់ស្លាប់​

ដោយ ឌឹ ខេមបូឌា ដេលី

បទវិភាគ

នគរ​បាល​ខេត្ត​កំពង់​ចាម​បាន​ចាប់​ខ្លួន​កសិ​ករ​​អាយុ​៣៥ឆ្នាំម្នាក់​កាល​ពី​ថ្ងៃច័ន្ទ​ ដោយ​លើក​ឡើង​ថា បុរស​រូប​នេះ​បាន​​យក​កាំបិត​ប៉័ង​តោ​កាប់​ប្រពន្ធ​របស់​ខ្លួន​រហូត​ដល់​ស្លាប់​បន្ទាប់​ពី​​បាន​ចោទ​ថា ប្រពន្ធ​របស់​ខ្លួនមាន​សាហាយ។

នគរបាល​បាននិយាយ​ថា ពួក​គេ​បាន​ចាប់​ខ្លួន សេង សុធា បន្ទាប់​ពី​បាន​កាប់​ប្រពន្ធ​របស់​ខ្លួន​ឈ្មោះ​ ថន​ សុគា​ ​ប្រាំមួយ​កាំបិត​​​ ដោយ​សារ​​​មាន​កំហឹង​ពេល​​ស្រវឹង​ស្រា។

លោក ម៉ា ចិន្តា អធិការ​នគរបាល​ស្រុក​កោះ​សូទិន បានមាន​ប្រសាសន៍​ថា “បុរ​សរូប​នេះ​បាន​កាប់​ប្រពន្ធ​របស់​ខ្លួន​បួន​កាំបិត​ត្រង់​ក្បាល​ និង​ពីរ​កាំបិត​ទៀត​ចំដៃ​ខាង​​ឆ្វេង​។ អធិការ​នគរបាល​រូប​នេះ​បាន​បន្ថែម​ថា “បើ​ទោះ​ជា​យើង​បាន​ព្យាយាម​បញ្ជូន​ជន​រង​គ្រោះ​​​ទៅមន្ទី​រពេទ្យ​ក៏​ដោយ​​ ក៏​គាត់បាន​ស្លាប់​នៅ​តាម​ផ្លូវ​ដោយសារ​របួស​ធ្ងន់​ធ្ងរ​ពេក​”។

លោក​បានមាន​ប្រសាសន៍​ថា “ជន​សង្ស័យ​បាន​​សារភាព​ថា ខ្លួន​​ស្រវឹង​ស្រា​ ហើយ​បាន​ចោទ​ប្រពន្ធ​របស់ខ្លួន​ថា មាន​​សាហាយ​ជា​មួយ​ប្រុស​ផ្សេង​ បន្ទាប់​មក​​ស្ត្រី​ជា​ប្រពន្ធ​ស្តី​បន្ទោស​យ៉ាង​ខ្លាំង​។ ហេតុ​ដូច្នេះ​ហើយ​ បុរស​រូប​នេះ​ខឹង​យ៉ាង​​ខ្លាំង​ និង​​បាន​ឈ្លោះ​ប្រកែក​​​គ្នា​ជាមួយ​ប្រពន្ធ​ ហើ​យបាន​​កាប់​ស្ត្រី​ជា​ប្រពន្ធ​ជាច្រើន​កាំបិត​”។ បុរស​ឈ្មោះ សុធា កំពុង​ត្រូវ​ឃុំ​ខ្លួន​​បណ្តោះ​​​​​អាសន្ន​ ហើយ​​នឹង​ត្រូវ​បញ្ជូន​ទៅ​​សាលា​ដំបូង​ខេត្ត​​ដើម្បី​ប្រឈម​នឹ​ង​ការ​ចោទ​ប្រកាន់​នៅថ្ងៃ​នេះ​៕សារុន

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស