29 C
Phnom Penh

កម្ពុជា​ចូល​រួម​ការ​រុក​រក​យន្ត​ហោះ​បាត់​ដំណឹង​ ខណៈ​ពលរដ្ឋ​បួង​សួង​សុំ​សេចក្តី​សុខ​​ដល់ជន​រង​គ្រោះ​

ដោយ ឌឹ ខេមបូឌា ដេលី

បទវិភាគ

យោង​តាម​សេចក្តី​រាយ​ការណ៍​មួយ​ដែល​ចុះ​ផ្សាយ​កាល​ពី​ម្សិល​មិញ​បាន​ឲ្យដឹង​ថា ក្រ​សួង​​​​ការ​ពារ​ជាតិ​បាន​បញ្ជូន​ឧទ្ធម្ភាគចក្រ​​ប្រភេទ ​Z-9 ​ផលិត​​នៅ​​ចិន​ដែល​ទើប​តែ​ទិញ​ក្នុង​ពេល​ថ្មី​ៗ​ចំនួន​បួន​គ្រឿង ​និង​នាវា​កង​ទ័ព​ជើង​ទឹក​កម្ពុជា​ចំនួន​ពីរ​គ្រឿង​​ទៅ​ព្រំដែន​ទឹក​កម្ពុជា​-​វៀត​ណាម​ ដើម្បី​ជួយ​​រុក​រក​យន្ត​ហោះ​​ស្ថិត​នៅ​លើ​ជើង​ហោះ​ហើរ​ HM 370  ដែលបាត់​ដំណឹង​របស់​ក្រុមហ៊ុន​អាកាសចរណ៍​ម៉ាឡេស៊ី​ ​។

ប្រ​ជា​ពល​រ​ដ្ខ​​ស​ហ​គម​ន៍​បឹង​កក់​ធ្វើការ​បួង​សួង​ក្នុងទីក្រុងភ្នំពេញកាសពីល្ងាចថ្ងៃចន្ទដល់​ជន​រងគ្រោះ​​ដែល​​បាត់​​ខ្លួន​ក្នុង​​ឧបទ្ទវ​ហេតុ​បាត់​យន្ត​នៅ​ប្រទេស​ម៉ាឡេស៊ី​កាស​ពី​​សបា្តាហ៍​មុន។​​​​Reuteres
ប្រ​ជា​ពល​រ​ដ្ខ​​ស​ហ​គម​ន៍​បឹង​កក់​ធ្វើការ​បួង​សួង​ក្នុងទីក្រុងភ្នំពេញកាសពីល្ងាចថ្ងៃចន្ទដល់​ជន​រងគ្រោះ​​ដែល​​បាត់​​ខ្លួន​ក្នុង​​ឧបទ្ទវ​ហេតុ​បាត់​យន្ត​នៅ​ប្រទេស​ម៉ាឡេស៊ី​កាស​ពី​​សបា្តាហ៍​មុន។​​​​Reuteres

សេចក្តី​រាយការណ៍​​នេះ​បាន​បង្ហាញ​ឲ្យ​ឃើញ​ពី​ការ​ផ្លាស់​ប្តូរ​គំនិត​របស់​រដ្ឋាភិបាល​ដែល​កាល​ពី​​លើក​មុន​អះ​អាង​ថា ខ្លួន​ខ្វះ​សមត្ថ​​​​ភាព​​នៅ​ក្នុង​ការ​ចូល​រួម​ការ​រុក​រក​យន្ត​ហោះ​​​​ដឹក​អ្នក​ដំណើរ​ចំនួន​២៣៩​នាក់​ ដែល​បាត់​​​ដំណឹ ងកាល​ពី​ល្ងាច​ថ្ងៃ​សៅរ៍ ខណៈ​​​​ហោះ​ហើរ​​​​​ពី​ទី​ក្រុង​ គូឡាឡាំពួទៅ​ទី​ក្រុង​ ប៉េកាំង​ ។

សេចក្តី​រាយការណ៍​នេះ​​បាន​ចុះ​ផ្សាយ​ដូច្នេះ​ថា “ក្រសួង​ការ​ពារ​ជាតិ​បាន​ចេញ​បទ​បញ្ជា​ឲ្យ​គ្រប់​អង្គភាព​ដែល​ស្ថិត​នៅ​ក្រោម​បញ្ជា​របស់​កង​ទ័ព​ថ្មើរ​ជើង​ កង​ទ័ព​ជើង​ទឹក​ កង​ទ័ព​អាកាស ព្រម​ទាំង​អង្គភាព​ផ្សេងៗ​ទៀត​ ដែល​មាន​មូលដ្ឋាន​នៅ​លើ​កោះ​និង​នាវា​ស៊ើប​​​ការ​ដែល​ល្បាត​នៅ​តាម​តំបន់​ដែន​ទឹក​របស់​ប្រទេស​កម្ពុជា​ឲ្យ​ចូល​រួម​យ៉ាង​សកម្ម​   ជា​មួយ​អ្នក​នេសាទ​ ដើម្បី​រុក​រក​​សញ្ញា​ណា​មួយ​នៃ​យន្ត​ហោះ​ដែល​បាត់​ដំណឹង​នេះ​”។

គេ​មិន​ច្បាស់​ទេ​ ថា​តើ​ប្រទេស​កម្ពុជា​នឹង​ជួយ​បាន​ប៉ុណ្ណា​​ ឬ​ក៏​ថាតើ​នឹង​ត្រូវ​សហ​ការ​​​នៅ​ក្នុង​ការ​រុក​រក​ជា​អន្តរជាតិ​​ដែល​មាន​ប្រទេស​ចំនួន​២៦​បាន​ចូល​រួម ឬ​យ៉ាង​ណា​។

​ដំបូង​ឡើយប្រទេស​វៀត​ណាម​បាន​ដឹក​នាំ​ប្រតិបត្តិការ​រុក​រក​នៅ​ក្នុង​ឈូង​សមុទ្រ​ថៃ​ក្នុង​ដែន​ទឹក​ជាប់​ប្រទេស​កម្ពុជា​ ប៉ុន្តែ​បាន​ផ្អាក​ប្រតិ​បត្តិការបស់​ខ្លួន​ពីរ​ថ្ងៃ​កន្លង​មក​ហើយ​ នៅ​ពេល​យោធា​​និង​ទិន្នន័យ​ពី​ផ្កាយ​រណប​ទំនង​ជា​បង្ហាញ​ថា យន្ត​ហោះ​ដែល​បាត់​​​ដំណឹង​នេះ​ បានហោះ​ទៅ​ភាគ​ខាង​លិច​ចេញ​​​ពី​សមុទ្រ​ចិន​ខាង​ត្បូង​ ប្រហែល​ប៉ុន្មាន​ម៉ោង​ឆ្ពោះ​ទៅ​កាន់​មហា​សមុទ្រ​ឥណ្ឌា​។

លោក​ ហុី​សាម​មូដឌិន ហូ៊សសេន (Hish​a​m​​​​​muddin Hussein) រដ្ឋ​មន្ត្រី​ស្តីទី​ក្រសួង​ដឹក​ជញ្ជូន​របស់​ប្រទេស​ម៉ាឡេស៊ី​ បាន​ឲ្យ​ដឹង​ការ​ពី​ម្សិល​​​មិញ​ថា ការ​រុក​រក​ដែលមិន​ធ្លាប់​មាន​ពី​មុ​ន​មក​ ឥឡូវ​នេះ​បាន​ផ្តោត​ទៅ​លើ​តំបន់​ដែល​មាន​ផ្ទៃ​សរុប​៧,៦៨លាន​គីឡូម៉ែត្រ​ក្រឡា​ ពោល​គឺ​ចាប់​ពី​ភាគ​កណ្តាល​នៃ​តំបន់​អាស៊ី​ទៅ​កាន់​ភាគ​ខាង​ត្បូង​នៃ​មហា​សមុទ្រ​ឥណ្ឌា​។

ទាំង​នាយ​ឧត្តម​សេនីយ៍​ ទៀ បាញ់​ រដ្ឋ​មន្ត្រី​​​ក្រសួង​ការ​ពារ​ជាតិ​និងឧត្តម​នាវី​កង​ទ័ព​ជើង​ទឹក​ ទៀ វិញ មិន​អាច​ទាក់ទង​សុំ​ការ​ធ្វើ​អត្ថា​ធិ​ប្បា​យ​បានឡើយ​។

កាល​ពី​ថ្ងៃ​ច័ន្ទ​ ពលរដ្ឋ​ប្រហែល​១.០០០​នាក់​មក​ពី​សហគមន៍​ខ្មែរ​អុីស្លាម​ក្នុង​រាជ​ធានី​ភ្នំ​ពេញ​​​បាន​ប្រមូល​ផ្តុំ​គ្នា​នៅ​ព្រះ​វិហារ​​ Nurunnaim ក្នុង​ខណ្ឌ​ឫស្សី​កែវ​ ដើម្បី​បួង​សួង​សុំ​ឲ្យ​អ្នក​ដំណើរ​ទាំង​២៣៩នាក់​ ដែល​ជិះ​​​យន្ត​ហោះ​​បាត់​ដំណឹង​នេះ​ទទួល​បាន​សុវត្ថិភាព។​

លោក​​ អូស្មាន់ ហាសាន់​ អនុ​រដ្ឋ​លេខា​ធិ​ការ​​​ក្រសួង​ការ​ងារ​ និង​ជា​ប្រធាន​​មូលនិធិ​អភិវឌ្ឍ​ន៍​មូស្លីម​កម្ពុជា​ បាន​មាន​ប្រសាសន៍​ថា “យើង​បួង​សួង​សុំ​ឲ្យ​អ្ន​ក​ដំណើរ​ទាំង​អស់​ដែល​ជិះ​យន្ត​ហោះ​បាត់​ដំណឹង​នេះ​ឲ្យ​ត្រឡប់មក​វិញ​ដោយ​សុវត្ថិភាព​”។

លោក​បាន​មាន​ប្រសាសន៍​បន្ត​ថា “ដូច​ពល​រដ្ឋ​ផ្សេង​ៗ​ ដូចជា​គ្រិស្ត​សាសនិក​ និង​ពុទ្ធ​សាស​និក​ ដែល​ជឿជាក់​លើ​សាសនា​ដែរ​នោះ​​​ យើង​សូម​​​បួង​សួង​ដល់​ព្រះ​អាឡា​ឲ្យ​ជួយ​រក​ឃើញ​យន្ត​ហោះ​ដែល​បាត់​ដំណឹង​និង​អ្នក​ដំណើរ​ទាំង​អស់​”។ សកម្ម​ជន​មក​ពី​សហគមន៍​បឹង​កក់​និង​បុរី​កីឡា​ក៏​បាន​ធ្វើ​​ពិធី​មួយ​កាល​ពី​ថ្ងៃ​ច័ន្ទ​ ដើម្បី​បួង​សួង​សុំ​ឲ្យ​អ្នក​ដំណើរ​ទាំង​អស់​​ត្រឡប់​មក​វិញ​​ដោយ​សុវត្ថិភាព​ផង​ដែរ​។

សុង​ ស្រី​លាភ សកម្មជន​មក​ពី​សហ​គមន៍​បឹង​កក់​និយាយ​ថា “យើង​សុំ​បួង​សួង​ឲ្យ​ពួក​គាត់​ទាំង​អស់​ត្រឡប់​មក​វិញ​ដោយ​សុវត្ថិ​ភាព​។ សមាជិក​ក្រុម​គ្រួសារ​របស់​ពួក​គាត់កំពុង​រង់់​ចាំ​ពួក​គាត់​ត្រឡប់​មក​វិញ​”៕ស៊ុយឈាង

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស