31 C
Phnom Penh

ខណៈ​​កូដកម្ម​​នៅ​រោង​​ចក្រផលិត​ស្បែក​​​ជើង​ ​វីងស្តារ ក្នុង​​ខេត្តកំ​ពង់ស្ពឺ ​​ចូល​​ដល់​​ថ្ងៃ​ទី​​៣ ​កម្មករ​​រោង​ចក្រ​​​បិទ​ផ្លូវ​

ដោយ ឌឹ ខេមបូឌា ដេលី

បទវិភាគ

កា​ល​​ពី​ម្សិល​មិញ កម្មករ​​រោង​ចក្រ​​​រាប់​​ពាន់​នា​ក់នៅ​រោង​ចក្រផលិត​ស្បែក​​​ជើង​ ​វី​​​ង​ស្តារ ​​បា​ន​​បិទ​ផ្លូ​វ​​​ទៅ​កាន់​​រោ​ង​ចក្រ​នៅក្នុ​ង​ខេត្ត​កំ​ពង់​​ស្ពឺ​​​អស់​រយៈពេល​​ពីរ​ម៉ោ​ង ។ ​ពួក​​គេ​ទាម​ទា​រឲ្យ​ក្រុ​ម​​ហ៊ុន​​​ដំ​ឡើង​​​ប្រាក់​​បន្ថែ​ម​ត្រឹម​​​ប្រាំ​ដុល្លារ និង​​​អ​នុវត្ត​​ច្បាប់​ការ​​ងារ​​​ឲ្យបា​​ន​ត្រឹម​ត្រូ​វ​  បន្ទាប់​​ពី​ការ​​ចរ​​ចាសម្រប​សម្រួ​ល​បា​នបរាជ័​យ​​​កា​ល​​ពី​ថ្ងៃ​អ​ង្គារ។

ក្រុម​មន្ត្រី​​​បា​ន​ឲ្យដឹង​ថា ​នេះជា​​ថ្ងៃ​ទី​៣​ហើយ​​នៅ​ក្នុ​ង​ជម្លោះ​មួ​យដែល​​​មា​ន​កម្មករ​​រាប់​​ពាន់នា​​ក់​​​បា​ន​ធ្វើ​ការ​តវ៉ានៅ​ខាង​ក្រៅ​​រោង​ចក្រ វី​ងស្តារ។

លោក ផន ផល អគ្គលេខា​​ធិ​ការ​រង​​នៅ​​​​សហ​​​ជី​ពសេរី​កម្មករ​ ​ដែល​​បា​ន​រៀប​ចំ​​​កូ​ដកម្ម​​នេះ​​​​បា​ន​មា​ន​ប្រ​សាស​ន៍​ថា “យើង​បា​ន​​បិទ​ផ្លូវ​​​ដើម្បី​​​ជំ​រុញ​ឲ្យ​​ក្រុ​ម​​ហ៊ុន​​ស្វែ​ង​​រក​ដំ​ណោះ​ស្រាយ​​មួ​យ​តា​ម​ការ​​​ទាម​​ទារ​​​​របស់​​កម្មករ។ ​​យើង​មិ​នចង់​តវ៉ា​ទេ​ ​ប៉ុន្តែ​​យើង​​​គ្មាន​​​ជម្រើស ដើម្បី​​​ទទួល​​​បា​ន​​ដំ​ណោះ​​​ស្រាយ​​សម​ស្រប​មួ​យ​​​ពីម្ចាស់​ក្រុ​ម​ហ៊ុន​​​” ​។ លោក​បា​ន​ឲ្យដឹងទៀត​ថា ​កម្មករ​​​បា​ន​​​ឈរ​​​​ត្រៀបត្រា​​នៅ​លើ​​ផ្លូ​វ​​​ជាតិ​លេខ​៣ ចាប់​​​​​ពី​​ម៉ោង​​ ៧ព្រឹក ​​ដល់​ម៉ោ​ង​​៩​ព្រឹក​។

លោក ផន ផល ​​​បា​ន​មា​ន​​ប្រសាសន៍ថា​ ការ​​​បិទ​ផ្លូ​វ​នេះ ​​បា​ន​បញ្ចប់​ ​នៅ​ពេល​​​អាជ្ញាធរ​​​ខេត្ត​​​បា​ន​ស្នើ​ឲ្យពួ​ក​គេ​ចេញ ​​និ​ងសន្យា​​ស្វែ​ង​រក​​ដំ​ណោះ​ស្រាយជូន​កម្មករ​​​។

ការ​​​​ទា​ម​​ទារ​​​របស់​កម្មកររោង​ចក្រ​​​​រួ​ម​មា​ន​​   កា​រ​​ដំ​ឡើង​ប្រាក់​បន្ថែម​​ចំនួន​ពី​១០ទៅ​​១៥​ដុល្លារ​​រាល់​ខែ​​​ដែលជួ​យ​​​ចំ​ណា​យ​ទៅ​លើ​  អា​​ហារ​បាយ​ថ្ងៃ​ត្រង់ ​និ​ង​​ការ​​​ដឹក​​​​​ជញ្ជូ​ន​។

​ពួ​ក​​​គេ​ក៏​​​ចង់​ឲ្យ​ក្រុមហ៊ុ​ន​នេះ​ឈប់​​​បង្ខំនិ​យោ​​ជិតឲ្យ​​​​ធ្វើ​កា​រ​​​ហួស​ម៉ោ​ង​ ​និ​ង​ដកកង​ សន្តិ​សុខបុ​រស​​ចេញ​ពី​ក្រៅ​​​បន្ទ​ប់​​​ទឹក​​ស្ត្រី​ ​​នៅ​ ក្នុ​ង​រោ​ង​ចក្រ​​​នេះ​។ កាល​​ពី​ថ្ងៃ​​​​អ​ង្គារ ​​តំ​ណា​ង​​​កម្មករ​​​បា​ន​ជួ​ប​​​ជា​​​មួ​យតំ​ណាង​មក​ពី​​​​ចក្រ​​ផលិត​ស្បែ​ក​ជើង​​​វី​ង​ស្តារ ​និង​រដ្ឋា​​ភិ​បាល។ ពួ​ក​​គេ​​​មិ​ន​​​​​ទទួល​​​បា​ន​កិច្ច​ព្រម​​​ព្រៀង​ឡើយ​។

លោក ​ប៉ែ​ន សម្បូរ ​​អភី​បា​ល​​​រងខេត្ត​កណ្តាល​​ ​​និ​ង​លោក​ ស៊ឹម ​រតនៈ ​ប្រធា​ន​​មន្ទីរ​​​ការងារ​​ខេត្ត​បា​ន​ចូ​ល​​រួ​ម​​​​​ការ​​​ប្រជុំ​​​មួ​យ​កា​ល  ​​ពី​ម្សិល​មិញ​​​ជាមួ​យ​បុគ្គលិក​រោ​ង​ចក្រផលិត​ស្បែក​ជើង​នេះ។ក្រោយ​នោះ​​ ពួ​ក​​គេនៅ​ តែ​មិន​​​ទទួល​​បា​ន​​កិច្ច​​ព្រម​ព្រៀង​​ដដែល​។

លោក ប្រធាន​មន្ទីរការងារ សឹុម រតនៈ​​ បា​ន​ឲ្យដឹង​ថា “ខ្ញុំ​និ​ង​​​​អភិ​បា​ល​​​រង​​​របស់​ខ្ញុំ ​​បា​ន​  ​​​ជួ​ប​ជាមួ​យ​​​តំ​ណា​ង​ក្រុម​ហ៊ុន​​ដើម្បី​ស្វែ​ង​រក  ​​ដំ​ណោះ​ស្រាយ​​​ឲ្យកម្មករ ប៉ុន្តែ​​ក្រុម​​ហ៊ុន​នេះ​នៅ​​​តែ​​​រក្សា​​​ជំ​ហរ​ដាច់​​​ខាត​របស់​​ខ្លួ​ន​​ ​និង​​មិន​បា​ន​សហ​ការ​​ជា​​មួ​យ​យើង​ដើម្បី​​ធ្វើ​ការ​ដោះ​ស្រាយ​បញ្ហា​ទេ​។ខ្ញុំ​​​នឹ​ង​​​ទាក់​​ទ​ង​ទៅ​ក្រុម​​ហ៊ុន  ​និ​ង​​​តំណា​ង​​​​កម្មករសម្រាប់​​ជំ​​នួប​​ប្រជុំ​​មួ​យ​​​នា​ថ្ងៃស្អែក​ ដើម្បី​​ចរចា​​​​ឡើង​វិញ​”។

លោក ម៉ៅ ​​ឈីវ​​ សុ​ង ​​ទីប្រឹក្សា​​​របស់​​រោ​ង​ចក្រ​ស្បែ​ក​​​ជើ​ង​​​ ​វី​ង​​ស្តារ ​​បា​ន​មា​ន​​ប្រ​សាស​ន៍​​​កា​ល​​ពី​ម្សិល​មិញ​ថា ​​ក្រុម​​ហ៊ុន​លោក​​ខាត​​បង់ ប្រាក់​​ប្រហែល​១៥០.០០០ដុល្លារ​​ក្នុ​ង​មួ​យ​ថ្ងៃ​ ​អំ​ឡុ​ង​​​ពេលកម្មករ​ធ្វើ​​​កូដកម្ម ។ ​លោក​​បានមាន​ប្រសាសន៍​បន្ថែមទៀត​​ថា ​លោក​​​មា​ន​​​ទុ​ទិដ្ឋិ​​និ​យម​​​អំពី​​ការទទួល​បា​នដំ​ណោះ​ស្រាយ​​​​នៅឯជំ​នួ​ប​​មួ​យដែល​​គ្រោង​​​នឹ​ង​​ធ្វើ​​ឡើង​​នាថ្ងៃ​​​សុក្រ។ លោក​ ម៉ៅ ឈីវសុង បា​ន​ឲ្យដឹង​ថា “យើង​​ មិ​ន​គិត​ថា​បញ្ហា​​នេះ​នឹង​ត្រូ​វ​បា​ន​ដោះ​ស្រាយ​​ទេពី​ព្រោ​ះ​​​ក្រុម​ហ៊ុន​នេះ​​​​​ខាត​បង់​​ប្រាក់​ច្រើន​​​ អំ​ឡុ​ង​​កូដកម្ម​”៕ ​ប៊ុននី​

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស