នៅក្នុងតុលាការ អ្នកចាត់ការនៅធនាគារ​​​កាណាឌីយ៉ា​​​​​​​​​ទទួលស្គាល់ថាមាន​​​គម្រោង​​​លួចបន្លំយកប្រាក់

មេគំនិត​​​នៅពីក្រោយ​​​គម្រោង​​​លួចបន្លំ​​​ប្រាក់​​​ចំនួន​​​២,៣លាន​​​ដុល្លារ​​​នៅធនាគារ​​​កាណា​​​ឌីយ៉ា​​​​​​បា​​​ន​​​​​​​​​បក​​​ស្រាយលម្អិតប្រាប់​​​សាលាដំបូង​​​រាជធានីភ្នំពេញ​​​កាលពីម្សិលមិញ​​​​​​​​​អំ​​​ពីរបៀប​​​​​​ដែល​​​ខ្លួនបានលួចយកប្រាក់​​​​​​អំឡុងពេល​​​ប្រាំមួយខែ​​​កាលពីឆ្នាំមុន​​​ ក្នុងការ​​​លួច​​​​​​​​​បន្លំដ៏ធំ​​​បំផុត​​​​​មិន​​​ដែល​​​មា​​​នពីមុន​​​មក​​​។

អ្នកនាង យ៉េត សុភក្ត្រា អាយុ៣០ឆ្នាំបាន​​​ប្រាប់តុលាការ​​​ថា “​​​ខ្ញុំបាន​​​ដកប្រាក់ចំនួន​​​២,៣​​​លានដុល្លារ​​​ពីធនាគារកាណាឌីយ៉ា​​​ ដោយ​​​ប្រើ​​​ប័ណ្ណឥណទាន​​​សម្រាប់មនុស្ស​​​ពីរនាក់​​​…។ លើក​​​ទី១ ខ្ញុំបាន​​​ដកប្រាក់​​​ពី​​​១០.០០០ដុល្លារ​​​ទៅ​​​២០.០០០ដុល្លារ​​​ពីម៉ាស៊ីនដកប្រាក់ស្វ័យប្រវត្តិ​​​​​​ ហើយ​​​ខ្ញុំ​​​ដឹងថា ខ្ញុំ​​​បានដកប្រាក់ចំ​​​នួន​​​ជាង​​​២,៣​​​លានដុល្លារ​​​នៅចន្លោះ​​​ខែមីនា និងខែ​​​តុលា​​​ឆ្នាំ២០១៣”។

អ្នកនាង សុភក្ត្រា ដែលជាអ្នក​​​គ្រប់គ្រង​​​ជាន់​​​ខ្ពស់ម្នាក់នៅ​​​ក្នុង​​​ផ្នែកប័ណ្ណឥណទាន​​​​​​​​​​​​របស់​​​ធនាគារ​​​​​​កាណា​​​​​​ឌីយ៉ា បានចូលខ្លួន​​​​​ក្នុង​​​តុលាការ​​​កាលពីម្សិលមិញ​​​ ជាមួយ​​​អ្នក​​​​​​​​​រួមគំនិត​​​​​​​​​ពីរនាក់​​​ទៀត​​​ឈ្មោះ ឡេង ស៊ុនទ្រី អាយុ  ៣៤ឆ្នាំ​​​ ដែល​​​ជាប្រធាន​​​ផ្នែកប័ណ្ណឥណទាន​​​​​​របស់ធនាគារ​​​​​​នេះ​​​និងឈ្មោះ ស៊ុន សៅនីន អាយុ៤៣ឆ្នាំ​​​ ​​​ជា​​​មិត្តប្រុស​​​​​​របស់ខ្លួន​​​។ អ្នកទំាង​​​បី​​​ត្រូវបា​​​នចាប់​​​ខ្លួន​​​និង​​​ចោទប្រកាន់​​​ពីបទ​​​​​​លួចបន្លំ​​​ ​​​និង​​​ចោរកម្ម​​​​​​កាល ពីក្នុងខែតុលា។

ម្តាយរបស់ សុភក្ត្រា ឈ្មោះ ចក់ គឹមហេង​​​ អាយុ​​​៥៩ឆ្នាំ​​​ ក៏ត្រូវបា​​​ន​​​ចាប់ខ្លួន​​​ ​​​និងត្រូវបាន​​​ចោទប្រកាន់ផងដែរ ​​​ប៉ុន្តែ​​​ត្រូវបា​​​ន​​​ដោះលែង​​ឲ្យនៅ​ក្រៅឃុំជាបណ្តោះ​​​អាសន្ន​​​។

អ្នកនាង  សុភក្ត្រា ​​​បានឲ្យដឹងថា ខ្លួន​​​ជាអ្នក​​​ទទួលខុសត្រូវតែម្នាក់​​ឯងគត់​​​ចំពោះការ​​​លួច​​​បន្លំនេះ​​។ អ្នកនាង បា​​​ន​​​ឲ្យដឹងថា ​​​ “មិត្តប្រុស​​​របស់ខ្ញុំ​​​និង​​​អ្នកឯទៀត​​​មិនទាក់ទង​​​ជាមួយ​​​ការ​​​​​​លួចបន្លំយកប្រាក់​​​​​​​​​ពីធនាគារ​​​កាណាឌីយ៉ានៅក្នុងឆ្នាំ២០១៣ទេ”។

អ្នកនាង សុភក្ត្រា បាន​​​បន្ថែមថា​​​​​​ នៅពេល​​​រៀបចំគម្រោងនោះ នាង​​​​​​ទទួលបន្ទុក​​ធ្វើប័ណ្ណ​​​ឥណទាន​​​​​​​​​នៅធនាគារ​​​នេះ ហើយនាង​​​​​​បា​​​ន​​​​​​សុំ​​​​​ឲ្យម្តាយរបស់​​​នាង​​​និង​​​មិត្តភក្តិ​​​ម្តាយ​​​​​​របស់នាង​​​នូវ​​​អត្តស ញ្ញាណប័ណ្ណរបស់ខ្លួន​​​ និង​​​ឯកសារ​​​ផ្សេង​​​ទៀត​​​ដើម្បីធ្វើប័ណ្ណ​​​នេះ។

អ្នក​​​នាង សុភក្ត្រា​​​ ​​​​​​បា​​​នឲ្យដឹងថា “ខ្ញុំបាន​​​ក្លែង​​​បន្លំឯកសារ​​​ទាំងអស់ដើម្បីធ្វើប័ណ្ណឥណទាន​​​​​​ចំនួនប្រាំ​​​ ហើយខ្ញុំ​​​​​​បានដកប្រាក់​​​ពីធនាគារ​​​ផ្សេង​​​ទៀត[ ATMs] ។ ខ្ញុំចាំបានថា មានអតិថិជន​​​​​​ម្នាក់​​​មានប្រាក់ប្រហែល២លាន​​​ដុល្លារ​​​នៅ​​​ក្នុងគណ​​​នីមួយ​​​ ហើយខ្ញុំបាន​​​ក្លែង​​​បន្លំ​​​ឯកសារ​​​ដើម្បីផ្ទេរ​​​​​​​​​​​​ប្រាក់​​​ចូ​​​ល​​​ទៅគណនីរបស់ខ្ញុំ​​​ៗ”។

លោក សៅនីន ​​​​​​បាន​​​ឲ្យដឹងថា គាត់បាន​​​ដឹង​​​ថា សុភក្ត្រាបាន​​​ដកប្រាក់​​​១០.០០០ដុល្លារ​​​ក្នុង​​​​​​​​​​មួ​​​យ​​​លើក​​​ ​​​ហើយ​​​បុរសរុបនេះ​​​​​​​​​បា​​​ន​​​​​​​​​បន្ថែម​​​ថា ​​​​​​នាង​​​បាន​​​សារភាពថា ខ្លួនពិត​​​​​​ជាបាន​​​ប្រព្រឹត​បទល្មើស​​​​​​​​​នេះប្រាកដ​​​មែន​​​ មុនពេល​​​​​​នាង​​​ត្រូវ​​​បា​​​ន​​​ចាប់​​​​​​ខ្លួ​​​ន​​​។ គាត់​​​បា​​​ន​​​ឲ្យដឹងថា “មុនពេល​​​​​​ខ្ញុំត្រូវបា​​​ន​​​ចាប់ខ្លួន​​​​​​ នាង​​​បា​​​ន​​​ទូរស័ព្ទរកខ្ញុំ  និង​​​បាន​​​និយាយ​​​​​​ថា អ្វីៗទាំ​​​ង​​​​​​អស់ដែលនាងបានធ្វើ​​​ជាមួយ​​​ធនា​​​គារ​​​កាណាឌីយ៉ា​​​​​​ គឺដើម្បី​​​ឲ្យខ្ញុំរត់​​​​​​គេច​​​ពី​​​ការ​​​ចាប់ខ្លួន​​​”។

អ្នកនាង សុភក្ត្រា ​​​​​​និយាយថា​​​ ខ្លួន​​​​​​​​បាន​​​ទូរ​​​ស័ព្ទ​​​ទៅ​​​ សៅនីន ដើម្បីប្រាប់​​​គាត់ឲ្យដឹង​​​ និង​​​បា​​​ន​​​ប្រាប់​​​គាត់ថា នាងមិនបានប្រើ​​​ប្រាក់​​​នេះ​​​ដើម្បី​​​​​​ទិញដីនៅក្នុង​​​ខេត្ត​​​កំពង់ឆ្នាំង​​​ និង​​​ខេត្ត​​​​​​​​​ពោធិ៍សាត់​​​ ពីព្រោះ​​​នាង​​​មានផែនការ​​​មុន​​​។

លោក ស៊ុនទ្រី ដែល​​​លាចុះ​​​​​​ពីការងារ​​​របស់ខ្លួន​​​​​​នៅឯធនាគារកាណា​​​​​​ឌី​​​យ៉ា មុន​​​​​​ពេល​​​​​​គាត់​​​ត្រូ​​​វបា​​​នចាប់​​​ខ្លួន​​​ បាន​​​ឲ្យដឹងថា​​​ ខ្លួន​​​មិន​​​បាន​​​​​​ដឹង​​​អំពី​​​គម្រោងនេះទេ​​​។ លោកបាន​ឲ្យដឹងថា “ខ្ញុំមិនបានដឹង​​​ថាអ្នក​​​នាង​​​ សុភក្ត្រា​​​ ដកប្រាក់ចំនួន​​​២,៣លានដុល្លារ​​​នៅ​​​ពេល​​​ណា​​​​​​ទេ។ ខ្ញុំមិនបា​​​ន​​​សមគំនិត​​​ជាមួយ​​​​​​​​​នាង​​​​​​ទេ”។​​​

ក្រុមអ្នកជំ​​​នាញ​​​​​​​​​ខាង​​​ធនាគារ​​​កើតក្តី​​​សង្ស័យ​​​អំពី​​​គណនី​​​របស់អ្នកនាង សុភក្ត្រា​​​ ដោយកត់​​​សម្គាល់​​​ថា វាមិនអាច​​​ដកប្រាក់​​​រាប់​​​មឺុន​​​ដុល្លារ​​​ពី​​​ម៉ាស៊ីនដកប្រាក់ (ATM) ​​នៅ​​​ក្នុង​​​​​​ប្រតិបត្តិការ​​​​​​សាច់ប្រាក់មួយ​​​​​​​​​នោះ​​​ទេ។

កាលពីក្នុង​​​ខែតុលា មន្ត្រីធនាគារ​​​កាណា​​​ឌីយ៉ាបាន​​​ឲ្យដឹងថា​​​ ការលួចបន្លំនេះ​​​បាន​​​បន្ត​​​អស់​​​រយៈពេល​​​​​​ជាច្រើន​​​ខែ ពីព្រោះ​​​មនុស្ស​​​ដដែល​​​នេះដែលទទួលបន្ទុក​​​ត្រួតពិនិត្យ​​​​​​ប្រតិ​​​បត្តិការប័ណ្ណឥណទាន បាន​​​អនុវត្តការលួច​​​បន្លំនេះ។

លោក ឆាលេស វ៉ាន់​​​ អនុប្រធាន​​​ប្រតិបត្តិ​​​នៃធនាគារកាណាឌីយ៉ា បា​នមានប្រសាសន៍​​​កាលពី​​​ម្សិលមិញ​​​នៅ​​​តុលាការ​​​ថា​​​ អ្នកជំនាញ​​​​​​ព័ត៌មានវិទ្យា​​​បា​​​ន​​​​​​ធ្វើការ​​​ស៊ើប​​​អង្កេត​​​សេចក្តី​​​អត្ថាធិប្បាយ​​​មិន​​​​​​​​​ពិត​​​នេះ និង​​​បា​​​ន​​​រកឃើញថា ​​​លោក ស៊ុនទ្រ​​​ី ពិត​​​ជា​​​មនុស្ស​​​​​​សំខាន់​​​ក្នុង​​​គម្រោង​​​លួចបន្លំ​​​យក​​​​​​ប្រាក់​​​នេះ​​​ ពីព្រោះ​​​​​​គាត់​​​បាន​​​សម្រេច​​​ឲ្យ​​​ដកប្រាក់​​​​​​​​​ទាំង​​​​​​អស់​​​។

លោកបាន​​​​​​​​​បន្ថែម​​​ទៀត​​​ថា​​​ “ប្រសិន​​​ជា​​​លោក​​​ ស៊ុនទ្រី មិនបាន​​​សមគំនិត​​​​​​​​​ជាមួយ​​​អ្នក​​​​​​នាង​​​ ​​​សុភក្ត្រា ​​​ទេ ​​​ធនាគារ​​​នឹង​​​​​​​​​មិន​​​​​​​​​បាត់​​​ប្រាក់​​​ចំនួន​​​២,៣លាន​​​ដុល្លារ​​​​​​​​​ទេ​​​​​​​​​”។ លោកចៅក្រម កោ វណ្ណឌី បា​​​ន​​​មាន​​​ប្រសាសន៍ថា ការបើក​​​សវនាការ​​​ជំនុំ​​​​​​ជម្រះ​​​គ្រោង​​​នឹង​​​បន្ត​​​​​​​​​ទៀត​​​នៅ​​​​​​ថ្ងៃទី​​​២៥ ខែ​​​មេសា​​​៕ប៊ុននី​​​