35 C
Phnom Penh

គ្លី​​​និក​​​ថ្មី ​​​ជា​​​ចំណុច​របត់​មួយ​សម្រាប់​​​ការ​ធ្វើការ​​វះ​កាត់​​​មាត់​​​​​​ឆែប​​​នៅ​​​ក្នុង​​​ប្រ​​​ទេស​កម្ពុជា

ដោយ ឌឹ ខេមបូឌា ដេលី

បទវិភាគ

នៅក្នុង​បន្ទប់​សំ​ពត់​កៅ​ស៊ូមួយ​នៅ​ឯ​​មន្ទីរ​​ពេទ្យ​មិត្តភាព-ខ្មែរ​សូវៀត​ក្នុងរាជធានី​ភ្នំពេញ​វេជ្ជបណ្ឌិត​មកពី​ប្រទេស​ហ្វីលីពីន​ អាមេរិក​ និង​ប្រទេស​នីហ្សេរីយ៉ា​​ បាន​ប្រមូលផ្តុំគ្នា​កាលពី​ម្សិលមិញនៅ​ជុំវិញ​ក្មេង​ប្រុស​ម្នាក់​ អង្គុយ​នៅ​លើកៅអី​ជ័រ​​មួយ​ និង​​ឲ្យវាហាមាត់​។

ក្មេងប្រុសម្នាក់នេះត្រូវ​បាន​ពិនិត្យអំ​ឡុងថ្ងៃដំបូង​​ក្នុងការព្យាបាលមាត់និងកន្លើតឆែប ដោយអង្គការក្រៅរដ្ឋាភិបាល​Operation Smile នៅមន្ទីរពេទ្យមិត្តភាពខ្មែរ-សូវៀត ក្នុងរាជធានីភ្នំពេញ កាលពីម្សិល​មិញ​។ សីុវ  ចាន់​ណា​
ក្មេងប្រុសម្នាក់នេះត្រូវ​បាន​ពិនិត្យអំ​ឡុងថ្ងៃដំបូង​​ក្នុងការព្យាបាលមាត់និងក្រអូមមាត់ឆែប ដោយអង្គការក្រៅរដ្ឋាភិបាល​Operation Smile នៅមន្ទីរពេទ្យមិត្តភាពខ្មែរ-សូវៀត ក្នុងរាជធានីភ្នំពេញ កាលពីម្សិល​មិញ​។ សីុវ  ចាន់​ណា​

ក្មេងប្រុស​​រូ​ប​នេះ ជាមនុស្សម្នាក់ក្នុង​ចំណោម​មនុស្សជាង​១០០នាក់​ ដែល​នឹង​ត្រូវព្យាបាល​ដោយក្រុមជំនាញ​ក្នុងស្រុក​និង​អន្តរជាតិ​​មកពី​អង្គការក្រៅរដ្ឋាភិបាល​ផ្នែក​វះកាត់​ឈ្មោះ Operation Smile អំឡុងពេល​បេសកកម្មលើក​ទី៣៦​នៅក្នុងប្រទេស​នេះ។

ក៏ប៉ុន្តែ​បេសកកម្មនេះនឹង​​ខុសពីគ្នា។​​ នៅ​តាម​ជណ្តើរ​ក្នុងមន្ទីរ​ពេទ្យ​​នេះ មាន​គ្លីនិក​ព្យាបាលអ្នកបបូរមាត់ឆែបមួយ​ដែល​ត្រូ​វ​ចំណាយ​​ទឹក​ប្រាក់​ចំនួន​១០០.០០០ដុល្លារ​សាលវះកាត់​ចំនួនបួន​ បំពាក់ទៅ​ដោយ​ឧប​ករណ៍​បច្ចេកវិទ្យាទំនើប​ បើកជា​ផ្លូវ​ការ​​​នៅ​ថ្ងៃនេះហើយ។​ សាលមួយ​នឹងត្រូវប្រើ​ជា​អចិន្ត្រៃយ៍​សម្រាប់កែ​បបូរមាត់​ឆែប​ និងក្រអូមមាត់ឆែប សាលបីទៀត​នឹងត្រូវ​​ប្រើ នៅ​ពេល​មន្ទីរ​ពេទ្យ​ត្រូវការ​ការវះកាត់​ផ្សេងទៀត។​

ចំពោះ​​វេជ្ជ​បណ្ឌិត ម៉ុក ធាវី ប្រធាន​ផ្នែក​វេជ្ជសាស្ត្រ​ និងជាស្ថាបនិក​របស់​អង្គការ​ Operation Smile Cambodia បាន​ឲ្យ​ដឹង​ថា​ ការ​បើកគ្លីនិកព្យាបាលថ្មីនេះ​គឺជាចំណុច​របត់​មួយ​ទៀតក្នុងការព្យាបាល​ការខូចទ្រង់ទ្រាយ​មុខនៅក្នុងប្រទេស កម្ពុជា។ លោកបានមានប្រសាសន៍ថា​ “យើង​គ្មាន​​​ការស្រាវជ្រាវ​ការកើតមាន​បបូរមាត់ឆែប​ទេ…។ យើងគ្មានការ សិក្សាទេ​។ ប៉ុន្តែ​យើង​ដឹងនៅ​ក្នុងបណ្តាប្រទេស​កំពុង​​អភិវឌ្ឍន៍…​មានម្នាក់ចំណោម៥០០នាក់។​​

អត្រាមាត់ឆែបនិងក្រអូមមាត់ឆែបនៅក្នុង​ប្រទេស​កំពុង​អភិវឌ្ឍន៍​​មាន​ខ្ពស់ជាងក្នុ​ង​​ប្រទេសអភិវឌ្ឍន៍ និងបណ្តាលមកពី​បញ្ហា​ពន្ធុ(ពូជ) ឬដោយសារកត្តាខាងក្រៅ​អំឡុង​​ពេលមាន​គភ៌ ដូចជា​អាហារបំប៉ន​មិន​គ្រប់​គ្រាន់​​មុនពេលឆ្លងទន្លេ ឬ​ការ​បន្សាំនឹង​សារ​ធាតុមីគី។

លោកថ្លែងថា “ ហានិភ័យមិ​នមែន​តែ​ការកែសម្ផស្សប៉ុណ្ណោះទេ។វាប៉ះ​ពាល់​ធ្មេញ ដូច្នេះ​ពួកគេ​មិនអាចបិទមាត់​បាន។ ការបីបាច់ថែរក្សាផងដែរ ទារកភាគ​ច្រើន​បំផុត​ទាក់ទងនឹងកង្វះ​​អាហារូបត្ថម្ភ​ ពី​ព្រោះ​តាម​រយៈការ​ឆែបមាត់នេះ​ ពួកគេមិន​អាច​ជញ្ជក់បាន នៅពេល​បំបៅដោះ។​

លោកបានឲ្យដឹងបន្តទៀតថា បញ្ហា​ស្តាប់​ឮ​និង​និយាយ​​គឺកើតមាន​ជាទូទៅ​ផងដែរ និង​តម្រូវឲ្យ​មាន​ការព្យាបាលបន្ត ដូចជា​​ការ​ព្យា​បាល​​ការ​និយាយ​។ លោកបានថ្លែងថា​ “នៅ​ពេលយើង​មិន​ព្យាបាលអ្នកជំងឺដែល​មាន​បញ្ហាក្រអូមមាត់ឆែប ​​ក្រោយអាយុ៦ឆ្នាំ​ លទ្ធផល​មិន​ល្អឥត​ខ្ចោះ​ទេ”។

ដូច្នេះនេះជាអាទិភាពមួយ​ដើម្បីធ្វើការ​វះកាត់​ ពេលកុមារនៅតូច។ ជាទូទៅ​ ទារក​អាយុ៦ខែអាចទទួលការវះកាត់​មាត់ឆែប​បាន​ ប៉ុន្តែ​អ្នកជំងឺមានវ័យចាស់​​ជាងនេះ​​ក៏អាច​មកទទួល​​ការ​​វះកាត់បាន​ដែរ។ ការ​វះ​កាត់​មាត់ឆែបត្រូវប្រើ ពេលប្រហែល​មួយ​​ម៉ោង ចំណែក​ក្រអូមមាត់ឆែប​​ប្រើពេល​ពីរ​ម៉ោង។

វាជាទិដ្ឋភាព​គួរឲ្យខ្លាច​មួយ​សម្រាប់​មនុស្ស​​ជាច្រើន​ ​ជាពិសេសកុមារ។ ផល​ប្រយោជន៍​មួយ​ក្នុងចំណោមផលប្រយោជន៍​នៃគ្លីនិកថ្មីនេះ​ គឺគេឃើញមានផ្ទាំងរូបភាព​នៅលើ​​ជញ្ជាំង​ ​ជាទីដែល​ក្មេងៗ​អាច​សម្រួល​​អារម្មណ៍ និងមា​ន​ការពន្យល់ពួក គេទៅតាម​វិធីរាក់ទាក់របៀបកុមារ។

គ្លីនិកថ្មីនេះ គឺជាភ័ស្តុតាងមួយបង្ហាញ​ពី​​រយៈពេលនៃការព្យាបាលការខូចទ្រង់ទ្រាយបានកើត​ឡើង​ ចាប់តាំងពី​អង្គការ Operation Smile បានបំ​ពេញបេសកកម្មវះកាត់​​ជាលើក​ដំបូង​របស់ខ្លួន​នៅកម្ពុជា ក្នុងឆ្នាំ​២០០២។​​ចំពោះ​វេជ្ជបណ្ឌិត ​ធាវី លើកឡើងថា វាជា​ឱកាស​មួយ ​ដើម្បីអប់រំ​ប្រជាពលរដ្ឋ​ឲ្យ​ព្យាយាម​និងទប់​ស្កាត់វាមិនឲ្យ​កើតឡើង​ដល់​ទារក​​របស់​ខ្លួន។​

លោកបានមានប្រសាសន៍ថា “យើង​បានពិភាក្សាគ្នា​ច្រើនលើក​ហើយ​ថាតើ​យើង​​អាច​ធ្វើឲ្យការគាំពារ​ការឆែប​ឲ្យបាន​​ប្រសើរឡើង​របៀបណា។ ដូច្នេះ​​​ដំបូង​ យើង​នឹងព្យាយាមព្យាបាល​ការ​ឆែប​នេះ។​ទី២ យើងមាន​ផែនការ​សម្រាប់អនាគត​ដើម្បី​កាត់បន្ថយហានិភ័យ​ ដោយបង្ហាត់​បង្រៀន​ប្រជាពលរដ្ឋ​​ពីរបៀបការពារ​ការ​ឆែប និងសហការជាមួយ​ក្រសួង​សុខាភិបាល​ដែរ​ដើម្បីផ្តល់ព័ត៌មាន​ប្រាប់យើង​​អំពីចំនួន​​ករណីឆែប”។

នៅក្នុងបន្ទប់ជាន់ក្រោម​ វេជ្ជ បណ្ឌិត​អន្តរ ជាតិនិងក្នុងស្រុក​បាន​បន្តការងារ​​​របស់ខ្លួន​រហូតថ្ងៃរសៀល ជួបអ្នក​ពិគ្រោះ​ជាមួយ​អ្នក​ជំងឺ។ នៅចុង​បញ្ចប់​បេសកកម្ម​ក្នុងរយៈ​ពេលប្រហែល៩ថ្ងៃ អ្នក​​ជំងឺភាគ​ច្រើន​​គួរតែ​មាន​ភាព​ញញឹម​​​​បា​ន​៕ ប៊ុននី​

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស