38 C
Phnom Penh

សាលា​ក្តីខ្មែរក្រហម​តែង​តាំង​មេធាវី​ជនជាតិអង់គ្លេស​ឲ្យ​ធ្វើ​ជាតំណាង​របស់​​ ជនសង្ស័យ ​អុឹម ជឿម

ដោយ ឌឹ ខេមបូឌា ដេលី

បទវិភាគ

មេធាវីជន​ជាតិ​​អង់គ្លេស​ម្នាក់ត្រូវបាន​តែងតាំង​ឲ្យធ្វើ​ជាតំណាងជន​សង្ស័យឈ្មោះ​ អុឹម ជឿម​ ក្នុង​សំណុំរឿង​០០៤នៅ​សា​លាក្តី​ខ្មែរ​ក្រហម។

នៅក្នុងសេចក្តីប្រកាស​មួយ​ចេញ​ផ្សាយ​ដោយតុលាការនេះកាល​​ពីម្សិុលមិញ លោក​ចន ចូន (John R.W.D.Jones)​ ត្រូវ​បា​ន​តែង តាំង​ជា​មេធាវី​បរទេស​មួយ​រូប​ដែល​នឹង​សហ ការ​ជាមួយ​លោក ប៊ិត ស៊ាង​លីម មេធាវី​​កម្ពុជា ​ដែលជន​សង្ស័យ​ អុឹម ជឿម រក្សា​កាលពីខែ​ធ្នូឆ្នាំមុន។

សេចក្តីប្រកាស​ដដែលនេះ​មានខ្លឹម​សារ​ថា “លោក ចូន គឺជា​មេធាវីមាន​មូល​ដ្ឋាន​នៅ​ក្រុង​ឡុងដ៍​មា​ន​​ជំនាញ​ផ្នែក​បត្យា​​ប័ន ​ប្រឆាំង​​ភេរវកម្ម​ និង​ឧក្រិដ្ឋ​កម្ម​សង្គ្រាម”។

អុឹម ជឿម ដែល​ស្ថិត​ក្នុង​ចំណោមជ​ន​សង្ស័យបីនាក់​ក្នុង​សំណុំ​រឿង​០០៤​ ត្រូវបាន​ព្រះរាជ​អាជ្ញា​ចោទប្រកាន់​ពី​បទ​សម្រប​សម្រួល​សកម្មភាពជម្រុះចោលនៅ​តំបន់​ភាព​​ពាយព្យ​ អំ​ឡុ​ង​​របប​ខ្មែរ​ក្រហម។

លោក ឡុង បញ្ញាវុធមន្ត្រី​ត្រួតពិនិត្យ​តុលា​ការ​ប្រចាំ​​អង្គការ​គំនិត​ផ្តួច​ផ្តើម​យុត្តិធម៌​កម្ពុជា​ ​(Cambodia Justice Initiative) បា​ន​លើកឡើង​ថា លោកស្វាគមន៍​ដំណឹង​​​នេះ ក៏ប៉ុន្តែ​ លោកបានអំពាវ​ឲ្យ​ជនសង្ស័យ​ទទួល​បាន​លទ្ធភាព​ពិនិត្យឯកសារ​សំណុំរឿ​ង ដែល​បង្ហាញបទ​ចោទ​ប្រកាន់ខ្លួន។

នៅក្នុងសេចក្តីថ្លែងការណ៍​ដោយឡែក​មួយ​ តុលាការ​នេះ​បា​ន​លើកឡើងថា រដ្ឋា​ភិបាល​​ ​ណ័វ៉េ ​បានសន្យា​​​ផ្តល់ប្រាក់​មួយលាន​ដុល្លារ​ដល់​តុលាការ​​នេះ​៕​ប៊ុននី​

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស