31 C
Phnom Penh

នគរ​បាល​រាជ​ធានីភ្នំពេញ​ចុះបិទ​​សង្វៀន​ជល់​មាន់​ខុស​ច្បាប់​ និង​ចាប់​អ្នក​ភ្នាល់

ដោយ ឌឹ ខេមបូឌា ដេលី

បទវិភាគ

មន្ត្រី​នគរបាល​មួយរូបបា​ន​ឲ្យដឹងថា កាល​​ពីថ្ងៃច័ន្ទ​​ នគរបាល​​បាន​ចុះ​បិទ​​សង្វៀន​​ជល់​មាន់​ខុស​ច្បាប់​មួយ​កន្លែង​នៅ​​​ក្នុង​ខណ្ឌ​ដូន​ពេញ រាជ​ធានី​ភ្នំពេញ និង​បាន​ចាប់​ខ្លួន​អ្នក​ភ្នាល់​​​ជាង​១៥​នាក់​ដែលភាគ​ច្រើន​លេង​ភ្នាល់​ដោយ​គាំទ្រមាន់ដែល​ទទួល​ជ័យ​ជម្នះ​ក្នុង​សកម្ម​ភាព​​ជល់​បង្ហូរ​ឈាម​គ្នា​រវាងសត្វ​​​មាន់​និង​សត្វមាន់។

លោក ប៊ុន សត្យា ប្រធាន​ការិយាល័យ​ព្រហ្មទណ្ឌ​កម្រិត​ស្រាល​រាជ​ធានី​បាន​ឲ្យ​ដឹង​ថា នគរ​បាល​រាជធានីភ្នំពេញ​​បាន​និង​កំពុង​តែស៊ើប​អង្កេត​តំបន់​នេះ​រយៈពេល​មួយ​សប្ដាហ៍​​ មុន​ពេល​អនុវត្ត​ប្រតិបត្តិ​ការ​បង្ក្រាប​នេះ​បន្ទាប់ពី​មានគេរាយការណ៍​ថា កម្មវិធី​ជល់​មាន់​នេះ​ត្រូវ​បាន​គេ​រៀបចំ​ចេញ​ជា​​ផែន​ ​ការ​នៅ​ក្នុង​សង្កាត់​ស្រះចក​។

លោក​បាន​មាន​ប្រសាសន៍​ថា “មាន​មនុស្ស​​ជាច្រើន​ដែ​ល​ទស្សនា​ការ​ជល់​មាន់​នេះ​ ហើយ​​​បើ​ទោះជា​យើង​ចាប់​ខ្លួនមនុស្ស​​បាន​ច្រើន​ជាង​មុន​ក៏ដោយ ក៏មាន​តែ​មនុស្ស​១០​នាក់​ទេ​​រក​ឃើញ​ថា បាន​ភ្នាល់​ការ​ជល់​មាន់​នេះ​”។

ម្ចាស់​ផ្ទះដែល​ត្រូវ​បាន​យក​ធ្វើ​ជា​កន្លែង​​ជល់​មាន់​នេះមាន​ឈ្មោះ ង្វៀន យ៉ាង​ខា និង​មេភ្នាល់​​ឈ្មោះ ឡេ យ៉ាងដាង ដែល​ទទួល​ ​ខុស​ត្រូវ​លើ​ការ​ភ្នាល់​ការជល់​មាន់​នេះ​ក៏​ត្រូវ​បាន​ចាប់​ខ្លួន​ផង​ដែរ ហើយ​នឹង​ត្រូវ​បញ្ជូន​​​ ទៅតុលាការ​នៅថ្ងៃស្អែកនេះ​ ​ដើម្បី​ធ្វើ​ការ​​ចោទ​ប្រកាន់​។

លោក ប៊ុន សត្យា ​​ បាន​​​មាន​​​ប្រសាសន៍ឲ្យ​ ដឹង​ថា អ្នក​ទស្សនា​​បាន​ភ្នាល់​ការ​ជល់មាន់ ដោយដាក់​ប្រាក់​ប្រហែល​១០០.០០០​រៀល ស្មើ​និង​២៥​ដុល្លារ។ នគរ​បាល​កំពុង​តែ​សាក​សួរ​ជន​សង្ស័យ​​ដើម្បី​កំណត់​អ្នក​ដែល​ភ្នាល់​ និង​អ្នក​ដែល​​ទស្សនា​ធម្មតា​។ ក្រុម​អ្នក​លេង​ល្បែង​ភ្នាល់​​នេះ​នឹង​ត្រូវ​ពិន័យ​ ហើយ​អ្នក​ទស្សនា​នឹង​ត្រូវ​​​យក​ទៅអប់រំ​។

លោកបាន​មានប្រសាសន៍ថា “ប្រសិន​បើ​យើង​រក​ឃើញ​ទីកន្លែង​ដែល​មាន​ការ​ជល់​មាន់​ យើង​នឹង​បង្ក្រាប​ ពីព្រោះ​ការ​ជល់​មាន់​នេះជា​អំពើ​ខុស​ច្បាប់​”។ លោក​បាន​លើកឡើង​បន្ថែម​ថា លោក​​​មិន​ដឹង​ថា មាន​អ្វីកើត​ឡើង​ចំពោះ​បក្សី​ដែល​ពាក់​ព័ន្ធ​នឹង​ការជល់​គ្នា​ទេ​។

បើទោះ​ជា​មាន​ភាព​ព្រៃផ្សៃ​នៃ​កីឡា​បង្ហូ​រ​​ឈាម​រាប់​សតវត្សរ៍ក៏ដោយ ក៏វា​ជា​ល្បែង​ភ្នាល់ចុង​ក្រោយ​ដែល​ខុស​ច្បាប់​នៅ​ប្រទេស​កម្ពុជា​ដែរ​។ ក្នុង​ការ​ជល់​មាន់​នេះ​ជាពិសេស​មាន់​គក​ពីរ​ក្បាល​ជល់​គ្នា​រហូត​ដល់​មាន​មាន់​មួយ​បាក់ស្បាត។

ក្នុង​ឆ្នាំ​២០០៩​ លោក​នាយក​រដ្ឋ​មន្ត្រី ហ៊ុន សែន បាន​បញ្ជា​ឲ្យ​បិទ​សង្វៀន​ជល់​​មាន់​​​ទាំង​អស់​ ហើយ​ថា ការ​ជល់​នេះជាអំពើ​ខុស​ច្បាប់​។ លោក​នាយក​​​រដ្ឋ​​​មន្ត្រី​​​បាន​រិះគន់​លោក​ឧបនាយក​រដ្ឋ​មន្ត្រី សុខ អាន ដែល​បង្កើត​ល្បែង​ជល់​មាន់​នេះ​ឡើង​ ដែល​មាន​សង្វៀន​ជល់​មាន់​ជា​ច្រើន​​រាប់​ទាំង​សង្វៀន​មួយ​នៅ​គេហដ្ឋាន​របស់​លោក​ក្នុង​ស្រុក​បាទី ខេត្ត​តាកែវផងដែរ៕ ប៊ុននី

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស