33 C
Phnom Penh

មនុស្ស​ពីរនាក់ស្លាប់ដោយសាររន្ទះ​បាញ់​នៅ​ខេត្ត​ពីរ​ផ្សេង​គ្នា​ខណៈរដ្ឋាភិបាល​ជូ​នដំណឹង​ពី​ព្យុះភ្លៀង​

ដោយ ឌឹ ខេមបូឌា ដេលី

បទវិភាគ

ក្រុម​មន្ត្រី​បាន​និយាយ​ថា មនុស្ស​ពី​រ​នាក់​​បាន​ស្លាប់​ដោយ​សារ​រន្ទះបាញ់​ដាច់​ដោយ​​​ឡែក​​​​ពីគ្នា​កាល​​ពីថ្ងៃ​អង្គារ​​ក្នុង​ខេត្ត​ប៉ៃលិន និ​ង​​​​ ខេត្ត​កំពង់ចាម​ ខណៈ​ដែល​ក្រសួង​ធនធាន​​​ទឹក​ និង​ឧតុនិយម​បាន​ជម្រាប​​ជូន​ដំណឹង​អំពី​ព្យុះ​ភ្លៀង​នៅ​ទូ​ទាំង​ប្រទេស​។

សីតុណ្ហភាព​កើន​ឡើង​ និង​រដូវ​វស្សា​ខិត​ជិត​​​​​​​​​​មក​ដល់​ បង​្កឲ្យ​​មាន​ភ្លៀងផ្គរ​រន្ទះ​ធំៗ​​លើក​ដំបូង​បណ្តាល​ឲ្យមាន​មនុស្ស​រង​របួស​ និង​ខូច​​ខាត​ទ្រព្យ​សម្បត្តិ​ក្នុង​ខេត្ត​ចំនួន​ប្រាំ​​នៅ​ភាគ​​​​ពាយព្យកាល​ពីថ្ងៃ​អង្គារ។​ នៅចុង​សប្តាហ៍​ នេះ ស្ថានភាព​ទាំង​នេះ​ត្រូវ​​គេ​រំពឹង​ថា នឹង​កើត​មាន​​​ទូ​ទាំង​ប្រទេស​រួម​ទាំង​រាជធានី​ភ្នំពេញ​ផង​ដែរ​។

សេចក្តី​ជូន​ដំណឹង​របស់​ក្រសួងមាន​ខ្លឹម​សារថា “ព្រះរាជាណា​ចក្រកម្ពុជា​នឹង​ទទួល​រង​ឥទ្ធិពល​ពី​កម្រិត​សម្ពាធ​ទាប​ដែល​អាច​បង្ក​ឲ្យមាន​ភ្លៀង​កក់​ខែ លាយ​ឡំជា​មួយ​ផ្គរ ​រន្ទះ​និង​ខ្យល់​កន្ត្រាក់”។ក្រសួង​សូមអំពាវនាវ​ដល់​ប្រជា​ពល​រដ្ឋ​បង្កើន​ការ​យក​ចិត្តទ​ុក​ដាក់​ប្រុង​​​ប្រយ័ត្ន​ខ្ពស់​​អំឡុង​ពេល​មាន​ព្យុះ​ភ្លៀង​។

លោក កែវ វី នាយខុទ្ទ​កាល័យ​គណៈ​កម្មា​ធិ​ការ​ជាតិ​គ្រប់​គ្រង​គ្រោះ​មហន្តរាយ​បាន​មាន​ប្រសាសន៍​ថា នៅក្នុង​ខេត្ត​ប៉ៃលិន​កាល​ពីថ្ងៃ​អង្គារ​ ប្រុស វុទ្ធី អាយុ​៣៦​ឆ្នាំ​ត្រូវ​រន្ទះ​បាញ់​ស្លាប់​ក្នុង​ស្រុក​សាលា​ក្រៅ​ ពេល​គាត់​និយាយ​​​ទូរស័ព្ទអំឡុង​​ពេល​មាន​ភ្លៀង​រលឹម​។

ហើយ​នៅក្នុង​ស្រុក​កោះសូទិន ខេត្ត​កំពង់​ចាម​ឯណោះវិញ ចាន់​ ហេង​ អាយុ​៥៦​ឆ្នាំ​ត្រូវ​រន្ទះ​បាញ​់ស្លាប់ ហើយ​កូន​ប្រុស​អាយុ​​២៧​ឆ្នាំ​របស់​គាត់​ ឈ្មោះ ហេង​ ធារី បាន​​រង​របួស​នៅ​ពេល​ពួកគាត់​ទាំង​ពីរ​នាក់​ជិះ​ម៉ូតូ​អំឡុង​ពេល​មាន​ព្យុះ​ភ្លៀង​។

លោក​​​ កែវ​​​ វី​​​ បានមាន​ប្រសាសន៍​ថា “ ​​​[រន្ទះ] គឺជា​គ្រោះ​មហន្តរាយ​ធម្មជាតិ ហើយ​យើង​តែង​តែ​អប់រំប្រជា​ពល​រដ្ឋ​រស់​នៅ​តំបន់​ជន​បទ​ឲ្យ​មានការ​ប្រុង​ប្រយ័ត្ន​ខ្ពស់ជាពិសេស​អំឡុង​​ពេល​មាន​ភ្លៀង”។ លោក​បាន​បន្ថែម​ថា កាល​ពីដើមខែ​នេះ នៅក្នុង​ខេត្ត​បាត់​ដំបង ​បុរស​ម្នាក់​ទៀត​​ត្រូវ​រន្ទះ​បាញ់ស្លាប់​ផង​ដែរ​។

ផ្ទះ​២៥​ខ្នង​ត្រូវ​បានបំផ្លាញ​​ កាល​ពី​យប់​​ថ្ងៃ​អង្គារ​​​​ ហើយ​ផ្ទះ​១២៥​ខ្នង​ទៀត​បាន​រង​​​ការ​​​ខូច​ខាត​អំឡុង​ព្យុះ​ភ្លៀងដែល​បាន​​កើត​​​ឡើង​​ក្នុងស្រុក​ចំនួន​ប្រាំមួយ​ក្នុង​ចំណោម​ស្រុក​​​​ចំនួន​ប្រាំបួន​ក្នុងខេត្ត​បន្ទាយ​មាន​ជ័យ​។

នៅពេល​ដូចគ្នា​នេះដែរ​ មនុស្ស​បីនាក់​បាន​​​រង​របួស​ និង​ផ្ទះ​៤៨​ខ្នង​ត្រូវ​បាន​បំផ្លាញ​នៅ​​ខេត្ត​កំពង់​ចាម។ ខេត្ត​ឧត្តរ​មានជ័យ​ និង​ខេត្ត​បាត់​ដំបង​ក៏​មាន​សេចក្ត​ី​រាយការណ៍​ថា មាន​ការ​ខូច​ខាត ទ្រពសម្បត្តិ​​បន្តិច​បន្តួច​ផងដែរ​។

លោ​ក កែវ វី បានក្រើន​រំឭក​ថា អាកាស​ធាតុមិន​ល្អ​ទំនង​ជា​នឹង​បណ្តាល​ឲ្យមាន​​ការ​ខូច​ខាត​ច្រើន​ទៀត​នៅក្នុង​រយៈពេល​​ប៉ុន្មាន​សប្តាហ៍​ខាង​មុខ​នេះ​។

ប្រទេស​កម្ពុជា​ជាប្រទេសមួយនៅ​​​​ក្នុង​ចំណោមប្រទេស​ដែល​មាន​អត្រា​អ្នក​ស្លាប់​ដោយសារ​រន្ទះបាញ់​ខ្ពស់​បំផុត​នៅក្នុង​ពិភព​លោក​។យោង​តា​ម​គណៈកម្មាធិការ​ជាតិ​គ្រប់ ​គ្រង​គ្រោះ​មហន្តរាយ​ឲ្យ​ដឹង​ថា មាន​​​អាត្រា​​​អ្នក​ស្លាប់​ដោយសារ​រន្ទះ​បាញ់​៧,៨​នាក់​ក្នុង​ចំណោម​មនុស្ស​១លាន​នាក់​។

កាល​ពីឆ្នាំ​មុន​មនុស្ស​១០៣​នាក់​បាន​ស្លាប់​ដោយសារ​រន្ទះបាញ់​ដែល​ភាគ​ច្រើន​រស់​នៅ​តំបន់​ជន​បទ​ដែលជា​រឿយ​ៗ​កសិករ​ទៅ​ធ្វើ​ស្រែ​ចម្ការ​​កណ្តាល​វាល​គ្មាន​កន្លែង​ជ្រក​។ ប្រជា​ពល​រដ្ឋ​ខ្មែរ​ភាគ​ច្រើន​រង​របួស​ធ្ងន់ធ្ង​រ​ដោយសារ​រន្ទះបាញ់​ក្នុង​មួយ​ឆ្នាំ​ៗ​ ប៉ុន្តែ មិន​​​មាន​ទិន្នន័យ​ច្បាស់​លាស់​ពីរដ្ឋាភិបាល​ស្តី​ពីអ្នក​រង​របួស​ដោយ​សារ​រន្ទះ​បាញ់​​ទេ​។

របាយការណ៍​ថ្មី​មួយ​ស្តីពីការ​ប្រែ​ប្រួល​អាកាស​ធាតុ​របស់​ក្រុម​​អន្តរ​រដ្ឋាភិ​បាល​របស់​អង្គការ​សហប្រជាជាតិ​ស្តីពីការ​ប្រែប្រួល​អាកាសធាតុព្យាករ​ថា នឹង​មាន​រលក​កម្តៅ​​​ញ្ឹកញាប់​និង​ក្តៅ​ខ្លាំង​ ភ្លៀង​ធ្លាក់​ច្រើន​ និង​សីតុ​ណ្ហ​ភាព​ខ្ពស់​ផង​ដែរ​។

យោង​តាម​របាយការណ៍​ដំបូង​របស់​ក្រុម​​នេះ​ឲ្យដឹង​ថា កាល​ពីឆ្នាំ​២០០៧​រន្ទះបាញ់​​កើនឡើង​ទូទាំង​ពិភព​លោក​ដោយ​សារ​​សីតុ​ណ្ហភា​ព​កើន​ឡើង​នេះ​។

របាយការណ៍​ថ្មី​មួយ​ពី​បណ្តាញ​ផ្សព្វ​ផ្សាយ​​​ព័ត៌មាន BBC លើក​ឡើង​ថា តាមពិត​​ចំនួន​អ្នក​ស្លាប់​សរុបដោយ​សារ​រន្ទះបាញ់​អាច​ខ្ពស់​ជាង​គ្រោះ​មហន្តរាយ​ផ្សេង​ៗ​ទៀត​ទាក់​ទង​នឹង​អាកាស​ធាតុ​ដូចជា​គ្រោះ​ទឹក​ជំនន់​​ ការ​រអិល​បាក់​ដី និង​គ្រោះ​រាំង​ស្ងួត​ជា​ដើម។ ផល​ប៉ះពាល់​ដោយ​សារ​រន្ទះបាញ់​​គឺ​មាន​តិចតួច​ទេ ហើយ​តាម​អបិយ​​ជំនឿ​យល់​ឃើញ​ថា ជន​រងគ្រោះ​ត្រូវមាន​​គ្រោះថ្នាក់​។

លោក Arun Kulshrestha ប្រធាន​មជ្ឈ​មណ្ឌល​វិទ្យាសាស្ត្រនិង​​បចេ្ចកវិទ្យា​នៃ​ប្រទេស​​​​មិន​ចូល​បក្សសម្ព័ន្ធ​និង​ប្រទេស​កំពុង​អភិ​វឌ្ឍន៍​ផ្សេងៗ​ទៀត​បាន​ប្រាប់​បណ្តាញ​​​ផ្សព្វ​​​ផ្សាយ​ព័ត៌មាន ​BBC ថា អ្នក​នយោបាយ​ “ត្រូវ​ឆ្លើយ​តប​​​​ជា​បន្ទាន់​ចំពោះ​គ្រោះ​មហន្តរាយ​ដែល​ប៉ះ​ពាល់​ដល់​មនុស្ស​ជាច្រើន​នៅពេល​ដំណាល​គ្នា​នេះ”។ លោក​បាន​បន្ថែម​ទៀត​​​ថា “តួលេខ​អ្នក​​ស្លាប់​សរុប​ដោយសារ​រន្ទះបាញ់​ប្រហែល​ជា​ខ្ពស់​​​ជាង​​តួលេខអ្នកស្លាប់​ដោយ​សារ​គ្រោះ​មហន្ត​​​រាយ​ផ្សេង​ៗ​ទៀត​៕សារុន​

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស