28.4 C
Phnom Penh

ជន​​​ជាតិ​​​កូរ៉េ​​​ខាង​​​ត្បូង​​​១៥​​​នាក់​​​នៅ​​​ក្នុង​​​ក្រុម​​​ភ្នាល់​​​ល្បែង​​​តាមអុីនធើណិត​​​ត្រូវ​​​​​​ចាប់​​​ខ្លួន​​​នៅ​​​ភ្នំពេញ​​​

ដោយ ឌឹ ខេមបូឌា ដេលី

បទវិភាគ

នគរ​​​បាលនិយាយ​​​ថា កាលពីម្សិលមិញ​​​​​​ជន​​​ជាតិ​​​កូរ៉េ​​​ខាង​​ត្បូង​​​ចំនួន​​​១៥​​​នាក់​​​ត្រូ​​​វ​​​បាន​​​ចាប់​​​ខ្លួន​​​ពីបទ​​​គ្រប់​​​គ្រង​​​ប្រតិបត្តិការ​​​ល្បែង​​​ភ្នាល់​​​ខុស​​​ច្បាប់​​​តាមអុីនធើណិត​​​នៅ​​​​​​ក្នុងខណ្ឌ​​​​​​ទួលគោក រាជធានីភ្នំពេញ។

លោក គៀត ច័ន្ទថារិទ្ធ អ្នក​​​នាំពាក្យ​​​អគ្គ​​​ស្នង​​​ការ​​​នគរ​​​បាល​​​ជាតិ​​​ បានមាន​​​ប្រសាសន៍​​​ថា ការ​​​ចាប់​​​ខ្លួននេះ​​​ធ្វើ​​​ឡើង​​​ក្រោយ​​​ពី​​​មាន​​​ការ​​​ស៊ើប​​​អង្កេត​​​រយៈពេល​​​មួយ​​​សប្ដាហ៍​​​លើ​​​ប្រតិបត្តិការ​​​ខុស​​​ច្បាប់​​​នេះ​​​។

លោក​​​​​​មាន​​​ប្រសាសន៍​​​ថា “ក្រុម​​​នេះ​​​ត្រូវ​​​បាន​​​តាម​​​ដាន​​​ជាង​​​មួយ​​​សប្ដាហ៍មក​​​ហើយ ។ ពួកគេ​​​​​​បាន​​​គ្រប់​​​គ្រង​​​ប្រតិបត្តិការ​​​មួយ​​​ចេញ​​​ពី​​​ផ្ទះវីឡា​​​ជួល​​​មួយ​​​កន្លែង​​​” មុន​​​ពេល​​​លោក​​​បដិ​​​សេធ​​​មិន​​​ផ្ដល់​​​ព័ត៌មានលម្អិត​​​បន្ថែម​​​ទៀត​​​ស្ដីពី​​​ការ​​​ស៊ើប​​​អង្កេត​​​ ឬការ​​​ចាប់​​​ខ្លួននេះ​​​។

ឧត្តម​​​សេនីយ៍ឯក គៀត ច័ន្ទថារិទ្ធ បាន​​​មាន​​​ប្រសាសន៍​​​ថា មនុស្ស​​​ទាំង​​​១៥​​​នាក់​​​នេះ​​​ត្រូវ​​​បាន​​​​​​​​​​​​​​​ឃុំខ្លួន​​​ និង​​​សាក​​​សួរ​​​នៅអគ្គស្នង​​​ការ​​​នគរ​​​បាល​​​ជាតិ ហើយ​​​ទំនង​​​ជា​​​ត្រូវ​​​បញ្ជូន​​​ខ្លួន​​​​​​ទៅ​​​កាន់​​​សាលា​​​ដំបូង​​​រាជ​​​ធានីភ្នំពេញ​​​​​​នៅ​​​ថ្ងៃ​​​នេះ​​​។ លោក​​​​​​បាន​​​មាន​​​ប្រសាសន៍​​​បន្ថែម​​​ទៀត​​​ថា “ យើង​​​ប្រហែល​​​​​​ជា​​​​​​ត្រូវ​​​បញ្ជូនខ្លួន​​​ពួកគេ​​​នៅ​​​ថ្ងៃ​​​ស្អែក​​​”​​​។ ចំណែក​​​ឯនគរ​​​បាល​​​រាជ​​​ធានីភ្នំពេញ បាន​​​បដិសេធមិនឆ្លើយ​​​បំភ្លឺទេ​​​ពាក់​​​ព័ន្ធ​​​​​​បញ្ហា​​​នេះ​​​។

កាលពីឆ្នាំមុន ជន​​​ជាតិ​​​កូរ៉េ​​​ខាង​​​ត្បូង​​​ប្រាំ​​​បួន​​​នាក់​​​ត្រូវ​​​បាន​​​ចាប់​​​ខ្លួនរួមជា​​​មួយ​​​ជនជាតិ​​​ខ្មែរ​​​បួន​​​នាក់​​​ ពីបទ​​​ចូល​​​រួម​​​នៅ​​​ក្នុង​​​ក្រុម​​​ភ្នាល​​​់​​​ល្បែង​​​តាម​​​អុីនធើណិត​​​។ នៅ​​​ក្នុង​​​ករណី​​​នោះ ក្រុម​​​នេះបាន​​​ដំឡើងតុល្បែង​​​​​​នៅ​​​ក្នុង​​​សណ្ឋា​​​គារ​​​មួយ​​​ក្នុង​​​ខេត្ត​​​សៀម​​​រាប ហើយ​​​បាន​​​ប្រើ​​​ប្រាស់​​​វីដេអូលីង​​​ដើម្បី​​​ភ្ជាប់ទៅអ្នក​​​លែង​​​នៅ​​​ឯបរទេស​​​៕ សុខុម​​​

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស