35 C
Phnom Penh

នគរបាល៖ កសិករសម្លាប់ជនសង្ស័យជាចោប្លន់ អ្នកសមគំនិតត្រូវ​បា​នចាប់ខ្លួន នៅខេត្តតាកែវ

ដោយ ឌឹ ខេមបូឌា ដេលី

បទវិភាគ

អ្នកភូមិមានកំហឹងមួយក្រុម​នៅក្នុងខេត្ត​តាកែវ​​បានសម្លាប់​បុរសម្នាក់​ ដែលត្រូវបា​ន​សង្ស័យថា​បានយកកាំភ្លើងភ្ជង់ប្លន់​សិស្ស​វិទ្យា​ល័យម្នាក់​។ អ្នកសមគំនិត​​​​របស់​ជនសង្ស័យ​ថាចោរនេះ​ក្រោយមក​ត្រូវបាន​ចាប់ខ្លួន​នៅ​ក្នុងឃុំមួយទៀត​ ក្នុងស្រុកបាទី។

លោក ង៉ាន់ សារី អធិការនគរបាល​ស្រុក​បាទី បានឲ្យដឹងថា អ្នកភូមិនិងកសិករបាន​​នាំ​គ្នា​​ទៅ​​ជួយ​​ជន​រង​គ្រោះ​ ដែលឈ្មោះ ដេ តាម​​​ពីក្រោយ បន្ទាប់ពី​​ជននេះនិងដៃគូ​របស់​ខ្លួន​ឈ្មោះ ថុល បញ្ញា អាយុ​២៥ឆ្នាំ តាម​ចោទ​ថា​បា​ន​ប្លន់ម៉ូតូមួយគ្រឿងនៅខាងក្រៅ​សាលា​រៀនក្នុងស្រុកស្អាង ខេត្តតាកែវ​។

បុរសទាំងពីរនាក់នេះបានជិះម៉ូតូតាម​សិស្សឈ្មោះ ជុំ ​គឹមហ៊ុយ​ អាយុ១៧ឆ្នាំ​ ខណៈ​​ដែល​សិស្សនេះជិះ​ម៉ូតូ​​របស់ខ្លួន និង​​បាន​ដណ្តើមយកម៉ូតូពីគេ(សិស្ស) និង​យក​កាំភ្លើងភ្ជង់បង្ខំសិស្សរូបនេះប្រគល់ម៉ូតូឲ្យពួកគេ។ ជនល្មើស បញ្ញា បានជិះម៉ូតូរបស់​សិស្សនេះគេចចេញទៅ ឯ ឈ្មោះ ដេ ជិះ​ម៉ូតូខ្លួនឯង។

បុរសទាំងពីរនាក់នេះ​បានជិះ​ម៉ូតូសំដៅ​ទៅកាន់ស្រុកបាទី​ ​ជាទីដែល​ពួកគេបាន​បំបែក​ផ្លូវគ្នាបន្ទាប់ពី នគរបាលស្រុក ត្រូវបា​ន​ឲ្យការណ៍ ​និងដេញតាម​​ពួកគេ។

ឈ្មោះ ដេ បាន​រត់គេចទៅកាន់ឃុំចំប៉ី និងប៉ុនប៉ង​រត់គេចខ្លួន ដោយទុកម៉ូតូ​របស់​ខ្លួនចោល ហើយគេចខ្លួនតាម ថ្មើរ ជើង​កាត់​វាលស្រែ។ ចម្ងាយប្រហែល​ប្រាំពីរ​គីឡូ​ម៉ែត្រ​​ក្រោយ អ្នកភូមិសហការជាមួយនគរ​បាលដេញតាមជន សង្ស័យចាប់បានឈ្មោះ ដេ និងវាយជននេះដល់ស្លាប់នឹងដំបង​ឈើ។

លោក សែម សុជាតិ នាយការិយាល័យ​នគរបាលព្រហ្មទណ្ឌខេត្ត​បានមាន​ប្រសាសន៍​​ថា “សោកស្តាយណាស់ ដែលមិន​អាចជួូយ​​ជីវិត​ជននេះ​បាន។ នៅក្នុងដៃនគរបាលវិញ​ ចោររូបនេះមិនស្លាប់ទេ ប៉ុន្តែចំពោះក្រុម​អ្នកមាន កំហឹងវិញ គេមិនអាច​​រស់​បានទេ​”។

លោក សុជាតិ ​បានបន្តថា “យើងមិន​អាច​ចាប់ខ្លួន​ក្រុមអ្នកមានកំហឹង​បា​នទេ ពី​ព្រោះ​អ្នកភូមិទាំងអស់​បានភៀស ចេញពី​កន្លែង​កើតហេតុអស់”។​ លោកបានឲ្យ​ដឹង​ថា ឈ្មោះ​ បញ្ញា ត្រូវបាននគរបាល​ចាប់ខ្លួន​នៅ​ក្នុង​ឃុំ​ក្រាំងធ្នង់។ ជននេះបានសារភាព​​ថា ខ្លួន​ពិត​ជាបានប្លន់ម៉ូតូ​នេះមែន ប៉ុន្តែថា ខ្លួន​មិន​បាន​ប្រើកាំភ្លើងទេ៕ប៊ុននី

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស