32 C
Phnom Penh

បុរស​នៅខេត្ត​​​ឧត្តរមានជ័យម្នាក់​​​​​​​​ជាន់​មីន​​​ផ្ទុះ​​​រង​​​របួស​​​ នៅ​​​​ពេល​ឆ្លង​ដែន​ទៅកាប់​ឈើ​ប្រណីត​ខុស​ច្បាប់​

ដោយ ឌឹ ខេមបូឌា ដេលី

បទវិភាគ

ក្រុម​មន្ត្រីមូល​ដ្ឋាន​បាន​ឲ្យ​ដឹង​ថា បុរស​ម្នាក់​រង​របួស​ធ្ងន់​កាលពីថ្ងៃ​សៅរ៍ ដោយ​សារ​​គាត់ជាន់​​​មីន​ប្រឆាំង​មនុស្ស ខណៈ​ដែលគាត់​ព្យាយាម​ឆ្លង​ព្រំដែនកម្ពុជា-ថៃ​ទៅ​កាប់ឈើ​ប្រណីត​ខុស​ច្បាប់​។

យោងតាម​លោកមេឃុំ ផាង សំអាត បាន​ឲ្យ​ដឹង​ថា លោក មាស ហ៊ុច អាយុ​៣៨​ឆ្នាំ​​​​កំពុង​​​ឆ្លង​ដែនពីឃុំអូរស្មាច់​ស្ថិត​ក្នុង​ស្រុក​សំរោង​ ខេត្ត​ឧត្តរមាន​ជ័យជាមួយ​បុរស​ពីរ​នាក់​ទៀត​ស្រាប់​តែ​​​​នៅ​​​ពេល​​​នោះ​​​គាត់​​​បាន​​​ជាន់មីន​ផ្ទុះតែម្ដង​។

លោក​បានមាន​ប្រសាសន៍​ថា “ជន​រង​គ្រោះ​​​​បាន​​​រង​របួសធ្ងន់​ត្រង់​ជើង​​ស្ដាំ ដែល​​​​តម្រូវ​​​ឲ្យ​​​​កាត់​​​​ចេញ​​​។ជន​រង​គ្រោះ​ត្រូវ​បាន​​​​​​​គេ​​​បញ្ជូន​​​​ទៅព្យាបាល​នៅ​មន្ទីរពេទ្យ​បង្អែក​ខេត្ត​ឧត្តរមាន​ជ័យ​ នៅ​​​ពេល​​​​ថ្ងៃ​ត្រង់​​​​កាល​​​ពី​​​ថ្ងៃ​សៅរ៍”។

លោក សំអាត ​មាន​ប្រសាសន៍​ថា តំបន់​ព្រំដែនដែល​បុរស​ទាំង​បីនាក់​បាន​ទៅរក​កាប់​ឈើ​នេះត្រូវ​បាន​គេដឹង​ថា ជា​តំបន់​​សម្បូរ​មីន ហើយ​ត្រូវ​គេ​ដាក់​សញ្ញា​ព្រមាន​ និង​មានព័ទ្ធ​របង​លួស​បន្លាទៀតផង​ ប៉ុន្តែ​ថា បុរស​ទាំង​បីនាក់​នេះ​ទំនង​ជា​មិនអើពើ​នឹង​ស្លាក​សញ្ញា​ព្រមាន​ទាំង​នេះទេ​​​​​​ដោយ​​​សារ​​​ចង់​​​​​​​​​​ឆ្លៀត​ឱកាស​ទៅ​​កាប់ឈើ​ប្រណីត​ដែលមាន​​​តម្លៃ​​​ខ្ពស់​​​។

​យោ​ងតាម​អង្គការ​សិទ្ធិមនុស្ស​អាដ​ហុក​​បាន​ឲ្យ​ដឹង​ថា ពល​រដ្ឋ​ខ្មែរ​៣៨​នាក់​បាន​រង​របួស​ ឬ​ស្លាប់​ដោយសារ​ទាហាន​ថៃ​បាញ់​​ពេល​​ឆ្លង​ដែន​​ទៅ​រក​កាប់​ឈើ​ប្រណីត​កាល​ពីឆ្នាំមុន​៕សារុន

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស