34 C
Phnom Penh

បុរសជនជាតិអុីស្រាអែលទី១ ត្រូវបានបញ្ចុះ​នៅកន្លែង​​បញ្ចុះសព​ជនជាតិជ្វីហ្វលើក​ដំបូង​នៅកម្ពុជា​

ដោយ ឌឹ ខេមបូឌា ដេលី

បទវិភាគ

មជ្ឈមណ្ឌលជ្វីហ្វ​​ចាបាត​​នៅក្នុងរាជធានី​ភ្នំពេញកាលពីថ្ងៃសុក្រ​​បានប្រា​រព្ធពិធី​មួយ​​​នៅក្នុង​​ខេត្តកណ្តាល​​ដើម្បី​សម្ពោធទី​កន្លែង​បញ្ចុះ​សាកសព​​ជនជាតិ​ជ្វីហ្វ​លើក​ដំបូង​​នៅ​ក្នុង​ប្រទេស​កម្ពុជា។

បន្ទាប់ពី​ពិធីនេះ​ ក៏​មាន​ពិធី​​បញ្ចុះ​​​សព​មួយ​​សម្រាប់​​បុរស​​អុីស្រាអែល​អាយុ​៥៦ឆ្នាំម្នាក់​ ​ដែល​​ជាសពដំបូង​ត្រូវ​បានបញ្ចុះ​​​នៅ​​ទី​កន្លែង​ថ្មីនេះ​។

សមាជិក​រាប់​សិបនាក់​​​របស់​សហគមន៍​​ជ្វីហ្វ​មូល​ដ្ឋាន​​​បាន​មក​​ដល់​ស្រុក​​ពញាឮ ដើម្បី​​ចូលរួម​​ពិធី​សម្ពោធ​ និង​​​បញ្ចុះ​សាកសព​ឈ្មោះ សេកាលីម មូគ័រជី (Shekalim Mukerjee)​​ អាយុ​៥៦​ឆ្នាំ ​​​​ដឹកនាំ​​ដោយ​ប្រធាន​បុព្វជិត​​​នៅ​​​​ថៃ ឈ្មោះ ចូសិប កាន់ទ័រ​(Joseph Kantor)។

មជ្ឈមណ្ឌលជ្វីហ្វ ​ចាបាត នៅលើ​ផ្លូវ​២២៨​​គ្រប់គ្រងដោយបុព្វជិត​  បេនហ្វីអុន បាត់មែន (Bentzion Butman) ​បា​ន​ឧបត្ថម្ភ​ពិធី​បញ្ចុះ​សពនេះ ហើយ​​បុព្វជិត​វ័យ​​ក្មេង​​មក​​ពី ប្រ៊ូ​ឃ្លីន (Brooklyn) ​បា​ន​​ជួយ​ក្នុង​​ពិធី​​នេះ​​ផង​ដែរ​។

រស់នៅ​​ក្នុងប្រទេស​កម្ពុជា​រយៈ​ពេល​ប្រាំ​​ឆ្នាំចុងក្រោយនេះ បុព្វ​ជិត បាត់​មែន ​មិន​​ដែល​រៀបចំ​ពិធី​បញ្ចុះ​​សព​​ទេ​ ដូច្នេះ​លោក​​​បាន​​អញ្ជើញ​​​មេបុព្វ​​ជិត​នៅប្រទេស​ថៃ​​មក​​រាជ​ធានី​ភ្នំពេញ​ដើម្បី​ដឹកនាំពិធី​​នេះ ​ពីព្រោះ​​គាត់​​មិន​ចង់​និយាយតាម​​ទូស័ព្ទទេ។

បុព្វជិតរូបនេះ​​បា​ន​លើកឡើងថា “ខ្ញុំ​​គិត​​ថា វា​ស្រស់ស្អាត​ ​ដែល​​​ពួក​ជ្វីហ្វ​​នៅក្នុង​សហ​​គមន៍បា​ន​ចូលរួម​យ៉ាង​ច្រើន​កុះករកាល​​ពីថ្ងៃ​សុក្រ​ ក្នុង​ពិធីបញ្ចុះ​សពនេះ។ បុព្វជិត​រូប​នេះ​​បានបន្ត​ទៀត​ថា វាជា​ឱកាស​ក្រៀមក្រំមួយ​សម្រាប់​គាត់ ខណៈ​បុរសដែល​ស្លាប់ទៅ​​នេះ​​​បាន​​មកទស្សនា​​មជ្ឈ​​មណ្ឌលនេះ​ជា​រឿយៗ​មុន​​ពេល​​​គាត់​ស្លាប់កាល​​ពីសប្តាហ៍មុន។

បន្ទាប់ពីមាន​ករណីស្លាប់នេះ​ ស្ថានទូត​​អុីស្រាអែល​ប្រចាំ​​ទី​ក្រុងបាងកក ​បា​ន​ជូនដំ​ណឹង​បុព្វជិត​ ​បាត់​មែន ថា លោក សេកាលីម មូគ័រជី គ្មានសមាជិក​គ្រួសារ​ផ្ទាល់​ទេ​ ដោយ​ប្រកាស​​ហេតុការណ៍​បន្ទាន់​មួយ​ក្នុងពិធី​សម្ពោធទីបញ្ចុះសពថ្មីនេះ ទោះជា​ពិធី​នេះ​​មិន​ទាន់​បញ្ចប់ទាំងស្រុង​ក៏​ដោយ ​ព្រោះ​មណ្ឌលនេះ​ទទួល​បាន​ប័ណ្ណកម្ម​សិទ្ធិ​រយៈ​​ពេល​​បីឆ្នាំ​ហើយ។

បុព្វជិត​ បាត់មែន ​​បាន​លើកឡើងដូច្នេះ​ថា “លោក សេកាលីម គ្មាន​គ្រួសារ​ទេ ​ក៏ប៉ុន្តែ​​​​គាត់​​ជា​អ្នកតវាធ្វើដំណើរនៅទូទាំង​អាស៊ី​អាគ្នេយ៍​ ហើយត្រូវ​គេដឹងថា ​គាត់​​​ជា​បុព្វ​​ជិត​ក្នុងតំបន់​នេះ។ យើង​មិនរំពឹង​​​ថា​​ នឹង​អាច​​ប្រើ​កន្លែងបញ្ចុះ​សពនេះ​ឆាប់ៗ​ពេក​ទេ ប៉ុន្តែ​លោកមិនបាន​​ជ្រើស​រើសថា ​​ពេលណា​ត្រូវ​រៀបចំពិធីនេះទេ​”។

ច្បាប់ជ្វីហ្វហាមប្រាម​ការ​​បូជាសាក​សព​លើកលែងក្នុង​ករណី​​ចំណាយ​ច្រើន និង​គ្មាន​លទ្ធភាពបញ្ជូន​សាកសព​នៅក្រៅប្រទេស​​កម្ពុជា។ នេះ​មាន​ន័យថា បាត់មែន ត្រូវតែ​​ពិនិត្យ​មើលទី​បញ្ចុះសព​​ពីរកន្លែង​ ពេលរស់​នៅក្នុងប្រទេស​កម្ពុជា។

នៅ​​ពេល​​បុរស​​ជនជាតិ​ជ្វីហ្វម្នាក់​ស្លាប់​នៅទីនេះរយៈ​ពេល​​​​ជា​ច្រើន​​ឆ្នាំ​​នៅក្នុង​គ្រោះ​​​​ថ្នាក់​​គួរសោកនាដ​កម្ម​​​មួយ ក្តីរំពឹង​ថា​​​គ្មានជំនួយ​របស់បុព្វជិត បាត់​មែន ​​ក្នុងការ​ជួយ​គ្រួសារ​​នេះ ទីបំផុត​បាន​ជំរុញ​ឲ្យ​គាត់​ស្ថាបនា​ទី​​បញ្ចុះ​សពមួយ។ លោកថ្លែងថា “វាផ្ទុយនឹង​សាសនា​ជ្វីហ្វ ដែលត្រូវ​​​បូជា ក៏​ប៉ុន្តែ​ត្រូវ​ចំណាយប្រាក់​១៥.០០០ដុល្លារ ដើម្បី​​បញ្ជូនសាក​សព​ទៅ​សហ​រដ្ឋ​អា​​​មេរិក​”។

លោក  បាត់មែន ​​បានមាន​ប្រសាសន៍ថា សហគមន៍​​ជ្វីហ្វ នៅក្នុងរាជធា​​នីភ្នំពេញ​​​មាន​សមាជិក​​ប្រហែល​២៥០នាក់​ ហើយជា​​ទូទៅ​និយាយ​ថា ​​ពួក​​​គេ​​​ចង់​ឲ្យ​បញ្ចុះ​នៅក្នុង​ប្រទេស​​អុីស្រា​អែល ឬ​នៅស្រុក​កំណើត​​របស់​ខ្លួន​​មិន​មែន​ក្នុងរាជធា​នីភ្នំពេញ​ឡើយ។ ប៉ុន្តែ​​ជន​ជាតិ​​​ជ្វីហ្វខ្លះ​​ដែល​រស់​នៅ​​ក្នុង​មូលដ្ឋាន​​​បាន​លើក​ឡើង​​ពី​​ចំណាប់​​អារម្មណ៍ក្នុងការ​បញ្ចុះ​​នៅ​​ទី​នេះ​។ លោកបាន​បន្ថែមទៀតថា “តើ​ទី​បញ្ចុះ​សពមាន​សមត្ថ​ភាព​​អ្វី​ខ្លះ​?​លើស​ពី​គ្រប់​គ្រាន់​សម្រាប់រយៈ​ពេល​២០០ឆ្នាំ​ខាង​មុខ​”។

បុព្វជិតរូបនេះ​​​មាន​ប្រសាសន៍ថា “​​បើ​​ទោះជា​មាន​​អា​​រម្មណ៍មិន​ល្អ​ពីការ​​និយាយ​លា​ចំពោះ​​ជន​​ជាតិ​ ជ្វីហ្វក៏ដោយ ខ្ញុំ​មា​ន​​​អារម្មណ៍​​​អំពីការ​បង្កើត​សហគមន៍​នៅ​ប្រទេស​កម្ពុ​ជា ហើយអ្វីដែល​សំខាន់​ជាង​នេះ​ទៀត​គឺ ​ទី​បញ្ចុះ​សពថ្មីនេះអាច​ឲ្យ​យើងនៅទី​នេះ ហើយ​យើង​​​​នៅទីនេះដើម្បី​ស្នាក់​នៅ”៕​ប៊ុននី​

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស