29 C
Phnom Penh

សកម្មជន​​​ប្រារព្ធ​ពិធី​​​​​​អបអរបុណ្យចូលឆ្នាំប្រពៃណីជាតិខ្មែរ​​​ដើម្បីនាំសំណាង​​​ដល់​​​ទណ្ឌិត​​​២៣​​​នាក់

ដោយ ឌឹ ខេមបូឌា ដេលី

បទវិភាគ

សកម្មជនប្រឆាំងការបណ្តេញចេញបាន​លោត​រំលងភ្លើងនិង​មើល​ព្រះសង្ឃ​បោក​ក្អម​​ទឹក​នៅក្នុងពិធីមួយ​មុន​ពេល​​ចូលឆ្នាំ​ថ្មី​ក្នុង​រាជធានីភ្នំពេញ​កាល​​ពីម្សិុល​មិញ​ ដោយ​សង្សឹមថា ​​នឹង​បណ្តេញ​ឧបទ្រព​ចង្រៃ​ចេញពី​​​​ បុរស​ចំនួន​២៣នាក់​​ ដែល​ប្រឈម​នឹង​ការ​​ផ្តន្ទា​​ទោស​នៅចុងខែនេះពីបទ​​​ពាក់ព័ន្ធ​​​​​របស់​ខ្លួន​ក្នុងសកម្មភាព​តវ៉ា​​​របស់​​​កម្ម​​​ករ​​​រោង​ចក្រ​​​កាត់​ដេរនា​​​ពេលកន្លង​​​មក​​​។

សមាជិក​សហជីព​ សកម្មជន និងកម្មករ​រោងចក្រកាត់​ដេរ​ចំនួន​២៣នាក់​ត្រូវបាន​ចាប់​​ខ្លួន​កាល​ពីថ្ងៃ​​ទី២និង​​ទី៣ ខែ​មករា អំឡុង​ការតវ៉ា​​​ដែល​បាន​បញ្ចប់ភ្លាមៗ នៅ​​​ពេល​​​​​​កងរាជអា​​វុធហត្ថ​​​បានបាញ់​ប្រហារ​​ទៅ​​​លើ​មនុស្ស​មួយក្រុម​ ដោយ​ធ្វើឲ្យ​មនុស្ស​ចំនួន​​​​ ប្រាំនាក់​ស្លាប់ ​និង​​ជា​ច្រើននាក់​រងរបួស​។

គួរ​​​បញ្ជាក់​​​ថា ​​​សកម្មភាព​​​តវ៉ា​​​នោះ​​​មាន​​​គោល​​​បំណង​​​ទាម​​​ទារ​​​ឲ្យមាន​ការ​ដំឡើង​ប្រាក់​ឈ្នួល​អប្បបរមា​​​​សម្រាប់​កម្មករកាត់ដេរ។​​ បុរស​ចំនួន​២៣នាក់​ ​ដែលក្នុងនោះ​​ពីរនាក់​ត្រូវ​បាន​ដោះ​​លែង​ឲ្យនៅក្រៅឃុំ​​ជាបណ្តោះ​អាសន្ន​ ត្រូវបាន​ចោទប្រកាន់​​​ពីបទ​​ញុះ​ញង់​ឲ្យមា​ន​ការ​​ប្រើ​​អំពើ​​ហិង្សា និងបំផ្លាញ​ទ្រព្យ​សម្បត្តិ​សា​ធា​រណៈ​ ហើយគ្រោងនឹង​ត្រូវ​​​បាន​​​​ផ្តន្ទាទោស​​​នៅ​ថ្ងៃ​​ទី​២៥ខែ​មេសា។​

អ្នកស្រី ទេព វន្នី ​ជា​សកម្មជនម្នាក់​ក្នុង​ចំណោម​សកម្មជន​​ទាំង​នោះ​មាន​ប្រសា​សន៍​ថា “ក្រោយចូលឆ្នាំខ្មែរ​ យើង​ចង់​ឲ្យរដ្ឋា​ភិបាល​​​​ដឹកនាំប្រទេសប្រកបដោយ​គុណ​សម្បត្តិ​​និងយុត្តិធម៌​ដើម្បីបម្រើ​ប្រទេស​ជាតិ​និងគោរព​សិទ្ធិមនុស្ស។យើងចង់​ឲ្យ​​មាន​​ការដោះលែង​មនុស្ស​​ចំនួ​ន​២១នាក់​​”។

អ្នកចូលរួម​ពិធីនេះ​​​បាន​លោត​រំលង​​​បីដង​លើក្អម​មាន​ភ្លើង​តូចមួយ​។​បន្ទាប់មក ព្រះ​សង្ឃ​២៣អង្គ​បានបោក​ក្អមទឹក​ចំនួន២៣​​ ទៅនឹងដី​ ដែល​តំណាង​ឲ្យ​ឧបទ្រព​ចង្រៃ​ពី​​​ជន​​​ជាប់​ចោទ​​ទាំងនេះ។

​ព្រះ​តេជគុណ កែវ សុម៉ាលី ជាសង្ឃ​មួយ​អង្គ​ក្នុងចំណោម​សង្ឃ​​ទាំង​នោះ​ បានមាន​សង្ឃ​​ដិកាថា “យើងចាត់ទុក​ថា ក្អម​មាន​ទឹក​​តំណាង​ឲ្យ​ឧបទ្រពចង្រៃ​ ​ហើយនៅ​ពេលដែល​យើង​​​​​បំបែក​វា ឧបទ្រពចង្រៃ​​នឹង​ជៀស​ឆ្ងាយ។​

ព្រះសង្ឃ​២៥អង្គ ជាសមាជិក​បណ្តាញ​​​​ព្រះ​សង្ឃ​ឯករាជ្យ​សម្រាប់​​យុត្តិ​ធម៌​សង្គម ជា​សង្ឃ​សកម្មមួយក្រុមប្រឆាំង​ដាច់​ខាត​នឹង​នយោបាយនិង​សកម្មភាព​​របស់​រដ្ឋា​ភិបាល​។

​អង្គការ​សិទ្ធិមនុស្ស​បាន​ចាត់ទុក​ការ​ចោទ​ប្រកាន់​​បុរស​ទាំង​២៣នាក់នេះ​​ថា ​ជារឿង​នយោបាយ​ និង​បាន​ចោទ​រដ្ឋាភិបាល​​ថា ​​មិន​ទទួល​ខុសត្រូវ​ចំពោះ​​​បញ្ហាគ្រប់គ្រង​​​មន្ត្រី​​​កងរាជ​​អាវុធហត្ថ​​ដែល​បានបាញ់​សម្លាប់​ក្រុម​​អ្នកតវ៉ា​កាលពីថ្ងៃ​​ទី៣​ខែមករា។ ​រដ្ឋាភិបាល​បានអះអាង​​​ថា មាន​​​ការ​ស៊ើប​អង្កេត​ក្នុង​​​ឧប​​​ទ្ទវហេតុ​​នេះ ប៉ុន្តែ​មិនទាន់​ចេញ​លទ្ធផល​​​របស់​​ខ្លួន​នៅឡើយទេ៕​ប៊ុននី​

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស