37 C
Phnom Penh

នគរបាល​ហៅអ្នកបើក​បុកហើយរត់ ដើម្បីដោះស្រាយសំណង​ដល់គ្រួសារ​​រង​គ្រោះ

ដោយ ឌឹ ខេមបូឌា ដេលី

បទវិភាគ

នគរបាល​បានឲ្យដឹងកាលពីម្សិលមិញថា​មន្ត្រីនគរបាលម្នាក់​ដែល​​​ជាប់ពាក់​ព័ន្ធក្នុង​ការបើក​រថយន្ត​បុកមនុស្ស​ស្លាប់​​ហើយរត់ ត្រូវ​បាន​នគរបាល​មូល​ដ្ឋាននៅក្នុង​ខេត្ត​កណ្តាល​​ស្នើ​ឲ្យ​ចូល​ខ្លួន​នៅប៉ុស្តិ៍​របស់​ពួកគេ​​និង​​ចរចា​រកដំណោះស្រាយ​ជាមួយ​គ្រួសារជនរង​គ្រោះ។

ឈ្មោះ ឯក សុវណា្ណរ៉ា ដែលជា​​កូនប្រុស​​របស់លោក ឯក ក្រិត អតីតស្នងការ​នគរ​បាល​ខេត្ត​កណ្តាល​ ដែល​ពេលនេះ​​ជាទីប្រឹក្សា​របស់​លោក ស ខេង រដ្ឋមន្ត្រី​ក្រសួង​មហា​ផ្ទៃ​​បាន​បើក​រថយន្តម៉ាក ឡិចស៊ុសមួយគ្រឿង​គេចខ្លួន​​ពី​កន្លែងកើតហេតុ​ដោយ​ខុសច្បាប់​នៅក្នុង​ស្រុកខ្សាច់កណ្តាល​កាល​ពី​ថ្ងៃ​ទី​១១​ខែ​មេសា​។ បុរសម្នាក់បានស្លាប់​ក្នុងការ​បុក​នេះ និងពីរនាក់ទៀត​​បាន​រងរបួស​ ដោយ​ជើង​ឆ្វេង​របស់​​ពួកគេ​ត្រូវកាត់​។

លោក ម៉ែន សុខឿន អធិការ​នគរ​បាល​ស្រុក​បាន​ឲ្យដឹងថា​កាលពីម្សិលមិញ នគរ​បាល​ខេត្ត​ខ្សាច់​កណ្តាល​​បានឲ្យដឹងថា ខ្លួន​បាន​​សរសេរ​លិខិត​ទៅលោក សុវណ្ណារ៉ា ដោយអញ្ជើញគាត់​ឲ្យចូល​ខ្លួន​នៅ​ការិ​យា​ល័យរបស់​​ពួកគេនៅថ្ងៃ​​ពុធ​ និង​ចូលមក​ចរចា​​ពីសំណង​​ដល់​​ជន​រងគ្រោះ​និងក្រុមគ្រួសារ​​​របស់​ពួកគេ។ប្រសិនបើ​ជនរងគ្រោះ​រីករាយ​នឹង​ដំណោះស្រាយនេះ​ ករណីនេះនឹងមិន​បញ្ជូនទៅ​តុលាការ​​ទេ​។

លោក សុខឿន បានមានប្រសាសន៍ថា​ “យើងបាន​ផ្ញើ​លិខិតមួយ​ច្បាប់​​​ទៅ​ឲ្យ​លោក​សុវណា្ណរ៉ា ​ដើម្បី​​អញ្ជើញគាត់​​មកដោះ​ស្រាយ​​​បញ្ហានេះ​នៅឯការិយាល័យ​​​របស់​យើង​នៅ​ថ្ងៃ​​ពុធ​ដើម្បី​រកយុត្តិធម៌​ជូន​ជន​រង​គ្រោះ” ។

លោក សុខឿន ​បាន​​បន្ថែមថា បើទោះ​ជា​​មានការអញ្ជើញ​មកចរចាក៏ដោយ ក៏នគរ​បាលនៅតែគិតថា លោក សុវណា្ណរ៉ា អាច​​ប្រើ​​​អំណាច​​របស់ខ្លួន​បញ្ចុះ​បញ្ចូល​នគរបាល​​នៅកន្លែង​​កើតហេតុ​ឲ្យធ្វើតាម​គាត់​និងមិត្ត​ភក្តិ​របស់ខ្លួន​​ដើម្បី​ប៉ះកង់ឡាន​​​​របស់​​ខ្លួន​។ នៅពេលនគរបាល​ប្រហែសបន្តិច ក្រុម​នេះ​បាន​បើក​រថយន្តរត់​​​បាត់។

លោក សុវណ្ណារ៉ា ដែលខ្លួនឯងជាមន្ត្រី​នគរបាល​​នៅនាយក​ដ្ឋាន​​អន្តោប្រវេសន៍​​​របស់ក្រសួងមហាផ្ទៃ​ដែរនោះ បាន​ឲ្យដឹង​កាលពី​ម្សិលមិញថា លោកនឹងចូល​​ខ្លួន​​នៅ​ថ្ងៃ​ពុធ ប៉ុន្តែ​មិនទទួល​ដឹង​និងទទួល​​ខុស​ចំពោះ​គ្រោះថ្នាក់​នេះទេ។

លោកបាន​និយាយថា “ខ្ញុំមិនទាន់បាន​ទទួល​លិខិត​​ពីអាជ្ញាធរទេ ប៉ុន្តែ​ខ្ញុំនឹង​ពន្យល់​អំពី​ហេតុការណ៍នេះ ពីព្រោះ​​ខ្ញុំមិនពាក់​ព័ន្ធ​ក្នុងករណី​​នេះឡើយ​”។

លោកបាន​បន្ថែមទៀត​ថា ​លោក​គ្រាន់​តែ​​​​​នៅក្នុងទីកន្លែង​​​បុកហើយ​រត់​​​នេះ​​ទេ ​ព្រោះ​​​មិត្ត​ភក្តិរបស់​​គាត់​បាន​​បាន​​ទូរស័ព្ទ​ហៅ​​គាត់​ឲ្យជួយ បន្ទាប់​​ពី​​ពួកគេ​បុកគ្នា។ លោក​បាន​ឲ្យ​ដឹងថា គាត់មិនអាច​ប្រាប់​ឈ្មោះ​​មិត្ត​ភក្តិ​របស់​​គាត់បាន​ទេ ​ពីព្រោះ​​​ពួក​គាត់​ទើបតែ​ស្គាល់គ្នា​ គឺគ្រាន់​​តែ​​ជួបគ្នា​​នៅ​ក្នុង​​ពិធី​ជប់​លៀង​​មួយ​​ប៉ុណ្ណោះ។ លោក បន្តទៀតថា “ ខ្ញុំមិន​​ពាក់​​​ព័ន្ធ​ក្នុង​ហេតុការណ៍​​នេះទេ ប៉ុន្តែ​ខ្ញុំ​​ទៅ​ទីនោះ​ដើម្បី​សម្របសម្រួលប៉ុណ្ណោះ៕ ប៊ុននី

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស