32 C
Phnom Penh

ក្ដីបារម្ភ​​​ជំុវិញ​​​​​​ការ​​​​​​តែង​​​តាំង​​​លោក​​​ សុខ ផល​​​ ជា​​​អគ្គនាយក​​​នៃ​​​អគ្គនាយក​​​ដ្ឋាន​​​​​​អន្តោប្រវេសន៍​​​

ដោយ ឌឹ ខេមបូឌា ដេលី

បទវិភាគ

ការ​​​តែង​​​តាំង​​​​​​នាយ​​​ឧត្តម​​​សេនីយ៍ សុខ ផល​​​ ​​​ជា​​​អគ្គនាយក​​​នៃ​​​អគ្គ​​​នាយក​​​ដ្ឋាន​​​​​​មួយ​​​ទើប​​​បង្កើត​​​ឡើ​​​ង​​​ថ្មី​​​របស់​​​​​​ក្រសួង​​​មហាផ្ទៃ​​​ដើម្បី​​​ឃ្លាំមើល​​​​​​​​​​ពល​​​ករ​​​ចំណាក​​​ស្រុក​​​​​​​​​ បាន​​​បង្ក​​​ការ​​​ព្រួយ​​​បារម្ភ​​​យ៉ាង​​​ខ្លាំង​​​​​​ដោយ​​​សារ​​​​​​​​​ទំនាក់​​​ទំនង​​​​​​គ្រួសារ​​​​​​​​​​​​​​​ជិត​​​ស្និទ្ធ​​​​​​​​​របស់​​​លោក​​​​​​ទៅ​​​នឹង​​​​​​​​​អាជីវ​​​កម្ម​​​​​​ជ្រើស​​​រើស​​​ពល​​​ករ​​​ ដែល​​​​​​សម្បូរ​​​ដោយ​​​​​​ការ​​​បំពាន​​​សិទ្ធិ​​​មនុស្ស​​​។​

លោក​​​ស្រី​​​ អឹុង​​​ ស៊ាង​​​​​​រិទ្ធី​​​ ដែល​​​​​​ជា​​​បង​​​ប្អូន​​​​​​បង្កើ​​​ត​​​របស់​​​​​​​​​នាយ​​​ឧត្តម​​​សេនីយ៍ សុខ ផល គឺ​​​ជា​​​ម្ចាស់​​​ទីភ្នាក់ងារ​​​មួយ​​​ក្នុង​​​ចំណោម​​​ទីភ្នាក់ងារ​​​ជ្រើសរើស​​​ពល​​​ករ​​​​​​​​​ធំៗ​​​បំផុត​​​​​​ ដែល​​​​​​បញ្ជូន​​​​​​ពល​​​ករ​​​កម្ពុជា​​​ទៅ​​​បរទេស​​​។

លោក​​​ សក់ សេដ្ឋា រដ្ឋលេខាធិការ​​​​​​ក្រសួង​​​​​​មហាផ្ទៃ​​​​​​​​បាន​​​បញ្ជាក់​​​កាល​​​ពី​​​ថ្ងៃ​​​អង្គារ​​​ថា អគ្គ​​​នា​​​យក​​​​​​ដ្ឋាន​​​អន្តោប្រវេសន៍​​​មាន​​​ភារកិច្ច​​​​​​ដោះ​​​ស្រាយ​​​​​​បញ្ហា​​​ជន​​​ចំណាក​​​ស្រុក​​​ចូល​​​ និង​​​ចេញ​​​ពី​​​ប្រទេស​​​នេះ​​​។

លោក អ៊ុក​​​ សាវុធ អគ្គព្រះរាជ​​​អាជ្ញា​​​​​​នៃ​​​សាលា​​​ឧទ្ធរណ៍​​​បាន​​​បញ្ជាក់​​​ថា នាយ​​​ឧត្តម​​​សេនីយ៍​​​ សុខ​​​ ផល​​​ គឺ​​​ជា​​​បង​​​ប្អូន​​​បង្កើត​​​របស់​​​លោក​​​ស្រី​​​ ស៊ាង​​​រិទ្ធី​​​ ម្ចាស់​​​ក្រុម​​​ហ៊ុន​​​អឹុង​​​ រិទ្ធី​​​ គ្រុប ដែល​​​អង្គការ​​​សិទ្ធិមនុស្ស​​​​​​​​​នានា​​​​​​ចាត់​​​ទុក​​​ថា ជា​​​​​​ក្រុមហ៊ុន​​​​​​រំលោភ​​​បំពាន​​​ជា​​​បន្ត​​​បន្ទាប់​​​លើ​​​ពល​​​ករ​​​ចំណាក​​​ស្រុក​​​កម្ពុជា​​​។ លោក​​​ស្រី​​​​​​ ស៊ាងរិទ្ធី ក៏​​​​​​ជា​​​ប្រធាន​​​​​​សមាគម​​​ទីភ្នាក់ងារ​​​ជ្រើសរើស​​​​​​​​​ពល​​​ករ​​​​​​​​​ផង​​​ដែរ​​​​​​។

នាយ​​​ឧត្តម​​​សេនីយ៍ សុខ ផល​​​ ត្រូវ​​​ទទួល​​​​​​យក​​​ការ​​​​​​ទទួល​​​ខុស​​​ត្រូវ​​​របស់​​​ខ្លួន​​​ក្នុង​​​ឋានៈ​​​ជា​​​​​​អគ្គនាយក​​​នៃ​​​អគ្គ​​​នាយក​​​ដ្ឋាន​​​​​​អន្តោ​​​ប្រវេសន៍​​​​​​​​​ក្នុង​​​ពិធី​​​មួយ​​​នៅ​​​ថ្ងៃ​​​នេះ​​​​​​​​​នៅ​​​ក្រសួង​​​​​​មហា​​​ផ្ទៃ​​​។

លោក​​​ មឿន តុលា​​​ ប្រធាន​​​កម្មវិធី​​​​​​ការងារ​​​​​​នៃ​​​មជ្ឈមណ្ឌល​​​​​​អប​​​់​​​រំ​​​ច្បាប់​​​សម្រាប់​​​សហគមន៍​​​​​​បាន​​​ថ្លែង​​​ថា “នៅ​​​ពេល​​​ខ្ញុំ​​​ឮ​​​ដំណឹង​​​នេះ​​​ ខ្ញុំ​​​​​​មាន​​​ការ​​​ព្រួយ​​​បារម្ភ​​​ចំពោះ​​​ទំនាក់​​​ទំនង​​​​​​​​​ជិតស្និទ្ធ​​​រវាងអ្នក​​​ធំ​​​នៅ​​​ក្នុង​​​ជួរ​​​រដ្ឋាភិបាល​​​ និង​​​នៅ​​​តាម​​​បណ្ដា​​​ទីភ្នាក់ងារ​​​ជ្រើស​​​រើស​​​ពល​​​ករ​​​​​​”។

លោក​​​បាន​​​មាន​​​ប្រសាសន៍​​​ទៀត​​​ថា ​​​ “ដោយ​​​សារ​​​តែ​​​ក្រសួងការ​​​ងារ​​​មិន​​​​​​អាច​​​​​​​​​គ្រប់គ្រង​​​និង​​​ឃ្លាំ​​​មើល​​​ [ពលករ​​​ចំណាក​​​ស្រុក​​​​​​] ឲ្យ​​​បាន​​​ត្រឹម​​​ត្រូវ​​​ ការ​​​ជ្រើសរើស​​​​​​ពល​​​ករ​​​​​​​​​បាន​​​ក្លាយ​​​ជា​​​​​​កា​​​រ​​​ជួញ​​​ដូរ​​​មនុស្ស​​​”។

លោក​​​​​​បាន​​​មាន​​​ប្រសាសន៍​​​បន្ថែម​​​ទៀត​​​ថា “ពេល​​​នេះ​​​ក្រសួង​​​មហាផ្ទៃ​​​​​​នឹង​​​មាន​​​​​​ការ​​​ងារ​​​កាន់​​​តែ​​​ច្រើន​​​​​​​​​ ធ្វើ​​​ឲ្យ​​​លោក​​​ សុខ ផល​​​ កាន់​​​តែ​​​មាន​​​​​​ឥទ្ធិពល​​​ខ្លាំង​​​ជា​​​ង​​​មុន​​​”។

ក្រុម​​​ហ៊ុន​​​ អឹុង​​​ រិទ្ធី​​​ គ្រុប​​​ បាន​​​រង​​​​​​ការ​​​រិះ​​​គន់​​​យ៉ាង​​​ខ្លាំង​​​​​​ចំពោះ​​​ការ​​​អនុវត្តជ្រើស​​​រើស​​​​​​​​​ពល​​​ករ​​​និង​​​ការ​​​​​​បណ្ដុះបណ្ដាល​​​​​​របស់​​​ខ្លួន​​​​​​។​​​ ស្ត្រី​​​ជំនួយ​​​ការ​​​មេផ្ទះ​​​រាប់​​​សិប​​​នាក់​​​ដែល​​​​​​ត្រូវ​​​បាន​​​បញ្ជូន​​​ត្រឡប់​​​មក​​​ប្រទេសកម្ពុជា​​​វិញ​​​ បាន​​​ដាក់​​​ពាក្យ​​​បណ្ដឹងទៅ​​​​​​​​​អង្គការ​​​សិទ្ធិមនុស្ស​​​​​​រឿង​​​​​​រំលោភ​​​បំពាន​​​ធ្ងន​​​់ធ្ងរ​​​​​​ រួម​​​មាន​​​ការ​​​ជាប់​​​ជា​​​ទាស​​​ករ​​​បំណុល​​​ កា​​​រ​​​ចាប់​​​បង្ខាំង​​​​​​ និង​​​ការ​​​ជ្រើស​​​រើស​​​​​​​​​អនីតិជន​​​ឲ្យ​​​ចូល​​​ធ្វើ​​​ការ​​​ផង​​​ដែរ​​​។ ទោះ​​​បី​​​ជា​​​មាន​​​ពាក្យ​​​បណ្ដឹង​​​ជាច្រើន​​​បែប​​​នេះ​​​ក្ដី​​​​​​ ក៏​​​គ្មាន​​​នរណា​​​ម្នាក់​​​ត្រូវ​​​បាន​​​​​​ផ្ដន្ទាទោស​​​​​​ដោយ​​​សារ​​​​​​រឿង​​​នេះ​​​ទេ​​​។

លោក​​​ ហ្វីល​​​ រ៉ូបឺតសុន​​​ (Phil Robertson) អនុប្រធាន​​​​​​​​​អង្គការ​​​ឃ្លាំមើល​​​សិទ្ធិមនុស្ស​​​​​​ប្រចាំ​​​តំបន់​​​អាស៊ី​​​​​​បាន​​​មាន​​​ប្រសាសន៍​​​កាល​​​ពី​​​ម្សិលមិញ​​​ថា កង្វះ​​​ភាព​​​យុត្តិធម៌​​​សម្រាប់​​​​​​ស្ត្រី​​​ជំនួយ​​​ការ​​​មេផ្ទះ​​​ដែល​​​រង​​​​​​ការ​​​បំពាន​​​​​​ដោយ​​​សារ​​​តែ​​​​​​ទំនាក់ទំន​​​ង​​​រវាង​​​ទីភ្នាក់ងារ​​​ជ្រើស​​​រើស​​​ពល​​​ករ​​​​​​ និង​​​មន្ត្រី​​​មាន​​​អំណាច​​​ ហើយ​​​ថា តំណែង​​​ថ្មី​​​របស់​​​លោក​​​ សុខ ផល​​​ និង​​​​​​ធ្វើ​​​ឲ្យ​​​ទំនាក់​​​ទំនង​​​​​​នោះ​​​កាន់​​​តែ​​​រឹង​​​​​​មាំ​​​ថែម​​​ទៀត​​​។

លោក​​​មាន​​​ប្រសាសន៍​​​ទៀត​​​ថា “នេះ​​​គឺ​​​ជា​​​ការ​​​តែង​​​តាំង​​​​​​មួយ​​​​​​ដ៏​​​គួរ​​​ឲ្យ​​​អាម៉ាស់​​​ ដែល​​​លះបង់​​​​​​សុខុមាលភាព​​​របស់​​​​​​ពល​​​ករ​​​ចំណាក​​​ស្រុក​​​ ដោយ​​​សារ​​​តែ​​​​​​វា​​​​​​ទំនង​​​​​​ជា​​​​​​មិន​​​អាច​​​កែប្រែ​​​​​​និទណ្ឌភាព​​​របស់​​​​​​ទីភ្នាក់ងារ​​​ជ្រើសរើស​​​ពល​​​ករ​​​​​ក្នុង​​​ការ​​​​​​រំលោភបំពាន​​​​​​ពល​​​ករ​​​ចំណាក​​​ស្រុក​​​ ដោយ​​​គ្មាន​​​កា​​​រភ័យ​​​ខ្លាច​​​​​​ការ​​​ចាប់​​​ខ្លួន​​​​​​”។

លោក​​​បាន​​​​​​មាន​​​ប្រសាសន៍​​​ថា ក្រុមហ៊ុន​​​​​​របស់​​​លោក​​​ស្រី​​​ ស៊ាងរិទ្ធី​ “នៅ​​​តែ​​​ជា​​​​​​ក្រុម​​​ហ៊ុន​​​​​​ដែល​​​​​​ជាប់​​​ឈ្មោះ​​​​​​បោក​​​ប្រាស់​​​​​​និង​​​រំលោភ​​​បំពាន​​​​​​ស្ដ្រី​​​និង​​​​​​​​​ក្មេង​​​ស្រីៗ​​​អំឡុង​​​​​​ពេល​​​ជ្រើ​​​ស​​​រើស​​​ឲ្យ​​​ទៅ​​​ធ្វើ​​​ការ​​​​​​​​​​​​នៅ​​​ក្នុង​​​ប្រទេស​​​ម៉ាឡេស៊ី​​​”។

លោក​​​បាន​​​មាន​​​ប្រសាសន៍​​​ថា “ទីភ្នាក់ងារ​​​ជ្រើសរើស​​​​​​ពល​​​ករ​​​របស់​​​លោក​​​ស្រី អឹុង ស៊ាង​​​រិទ្ធី គឺ​​​តែង​​​តែ​​​ស្ថិត​​​ក្នុង​​​​​​ចំណោម​​​​​​ទីភ្នាក់ងារ​​​​​​ជ្រើស​​​រើស​​​ពលករ​​​ដែល​​​​​​អាក្រក់​​​បំផុត​​​ ដែល​​​ជ្រើស​​​រើស​​​​​​កុមារ​​​ឲ្យ​​​ធ្វើ​​​ការ​​​​​​ជា​​​ជំនួយ​​​ការ​​​មេ​​​ផ្ទះ ព្យាយាម​​​​​​ដណ្ដើម​​​ស្ត្រី​​​​​​នៅ​​​អាកាសយាន​​​ដ្ឋាន​​​ពី​​​​​​ការ​​​ការពារ​​​របស់​​​​​​អង្គការ​​​ក្រៅ​​​រដ្ឋាភិ​​​បាល​​​មួយ​​​ និង​​​បំភិត​​​បំភ័យ​​​ស្ត្រី​​​​​​ដែល​​​រង​​​ការ​​​​​​រំលោភ​​​បំពាន​​​នៅ​​​ក្នុង​​​ប្រទេស​​​ម៉ាឡេស៊ី”។

កាល​​​ពី​​​​​​ខែ​​​តុលា ឆ្នាំ​​​២០១១ នៅ​​​ពេល​​​​​​ចាប់​​​ផ្ដើម​​​​​​លេច​​​ចេញ​​​ពាក្យ​​​បណ្ដឹង​​​​​​របស់​​​ស្ត្រី​​​ជំនួយ​​​ការ​​​មេផ្ទះ​​​ដែល​​​រង​​​ការ​​​រំលោភ​​​បំពាន​​​ លោក​​​នាយក​​​រដ្ឋ​​​មន្ត្រី​​​ ហ៊ុន​​​ សែន​​​ បាន​​​បញ្ឈប់​​​ការ​​​បញ្ជូន​​​​​​​​​ពល​​​ករ​​​​​​បម្រើ​​​ការងារ​​​តាម​​​ផ្ទះ​​​ទៅ​​​ប្រទេស​​​ម៉ាឡេស៊ី។

ក្នុង​​​ឆ្នាំ​​​ដដែល​​​នោះ​​​ អង្គការ​​​ឃ្លាំ​​​មើល​​​សិទ្ធិ​​​មនុស្ស​​​បាន​​​ចេញ​​​របាយការណ៍​​​មួយ​​​កម្រាស់​​​១០៤​​​ទំព័រ​​​ឈ្មោះ​​​ “ពួក​​​គេ​​​បាន​​​​​​បោក​​​ប្រាស់​​​​​​យើង​​​គ្រប់​​​ជំហាន” ដែល​​​បាន​​​​​​កត់​​​ត្រា​​​​​​បណ្ដា​​​ទីភ្នាក់ងារ​​​ជ្រើសរើស​​​ពល​​​ករ​​​ ដែល​​​រំលោភ​​​បំពាន​​​ស្ត្រី​​​ជំនួយ​​​ការ​​​មេផ្ទះ​​​ ព្រម​​​ទាំង​​​ការ​​​​​​បំពាន​​​​​​​​​លើ​​​រាង​​​កាយ​​​ និង​​​ផ្លូវ​​​ភេទ ពី​​​​​​សំណាក់​​​ថៅកែ​​​ផង​​​ដែរ​​​។

របាយការណ៍​​​នេះ​​​​​​ចោទ​​​ប្រកាន់​​​ថា ការ​​​រំលោភ​​​បំពាន​​​​​​​​​​​​​​​ចេះ​​​តែ​​​​​​កើតមាន​​​គ្មាន​​​អ្នក​​​ត្រួត​​​ពិនិត្យ​​​ដោយ​​​សារ​​​តែ​​​ទំនាក់ទំនង​​​​​​រវាង​​​​​​​​​ទីភ្នាក់​​​ងារ​​​ជ្រើសរើស​​​ពលករ​​​ និង​​​មន្ត្រី​​​​​​ជាន់​​​ខ្ពស់​​​។

របាយការណ៍​​​នេះ​​​បន្ត​​​ទៀត​​​ថា “ទីភ្នាក់​​​ងារ​​​មួយ​​​ចំនួន​​​​​​ចូល​​​ចិត្ត​​​គាំទ្រ​​​មន្ត្រី​​​រដ្ឋាភិបាល​​​មាន​​​អំណាច​​​។​​​ អង្គការ​​​ក្រៅ​​​រដ្ឋាភិបាល​​​មួយ​​​ចំនួន​​​បាន​​​សម្ដែង​​​ការ​​​ព្រួយ​​​បារម្ភ​​​ថា នគរបាល​​​​​​គ្មាន​​​​​​ឆន្ទៈ​​​ធ្វើ​​​ការ​​​ស៊ើប​​​អង្កេត​​​លើ​​​ទី​​​ភ្នាក់ងារ​​​ជ្រើសរើស​​​ពល​​​ករ​​​ ដែល​​​​​​ជា​​​របស់​​​មន្ត្រី​​​ជាន់​​​ខ្ពស់​​​ឬ​​​ដែល​​​មាន​​​ទំនាក់​​​ទំនង​​​ជាមួយ​​​​​​មន្ត្រី​​​ជាន់​​​ខ្ពស់​​​ឡើយ​​​”។

បច្ចុប្បន្ន​ ក្រសួង​ការ​ងារ​កំពុង​បញ្ចប់​សេច​ក្តី​ព្រាង​នៃ​អនុ​ស្សរណៈ​នៃ​ការ​យោគយល់​គ្នា​ដែល​នឹង​អនុញ្ញាត​ឲ្យ​ស្ត្រី​ជំនួយ​ការ​មេផ្ទះ​​ អាច​មាន​ឱកាស​ទៅ​ធ្វើ​ការ​​​នៅ​ក្នុង​ប្រទេស​ម៉ាឡេ​​​ស៊ី​ម្តង​ទៀត​។

លោក​ រ៉ូបឺត​សុន បាន​លើក​ឡើង​ថា អនុស្ស​​​រណៈ​នៃ​ការ​យោគយល់​គ្នា​ គឺ​ជា​ជំហាន​មួយ​ដ៏​មាន​សារៈសំខាន់​ វា​នឹង​មាន​ប្រយោជន៍​តិច​តួច​ប្រសិន​បើ​មិន​ត្រូវ​អនុវត្ត​ឲ្យ​បាន​ត្រឹម​ត្រូវ​។

លោក​បាន​មាន​ប្រសាសន៍​ថា​ “ការ​តែង​តាំង​លោក សុខ​ ផល​ ជា​អគ្គនាយក​នៃ​អគ្គ​​​នាយក​ដ្ឋាន​អន្តោប្រវេសន៍​ បង្ហាញ​ឲ្យ​ឃើញ​ថា កម្ពុជា​​​មាន​​​ឆន្ទៈ​​​តិច​​​តួច​​​ក្នុង​​​ការ​​​ធ្វើ​​​កំណែ​​​ទម្រង់​​​គោរពសិទ្ធិ​​​មនុស្ស​​​​​​ដែល​​​អាចផ្ដល់​​​​​​​​​ផល​​​​​​ប្រយោជន​​​៍​​​ដល់​​​​​​ពល​​​ករ​​​ចំណាក​​​ស្រុក​​​។

ពេល​ទាក់​ទង​ កាល​ពី​ថ្ងៃ​អង្គារ​ នាយ​ឧត្តម​សេនីយ៍​ សុខ​ ផល​ បាន​លើក​ឡើងថា លោក​នៅ​មិន​ទាន់​ដឹង​អំពី​អាណត្តិ​ជា​ផ្លូវ​ការ​របស់​លោក​នៅ​ក្នុង​នាយក​ដ្ឋាន​ថ្មី​នៅ​ឡើយ​ទេ​ ហើយ​បាន​បដិសេធ​មិន​ឆ្លើយ​សំណួរ​ទាក់​ទិន​នឹង​ជម្លោះ​ផល​ប្រយោជន៍​ដែល​អាច​កើត​មាន​ណាមួយ​ ដោយ​សារ​ការ​រក​ស៊ី​របស់​បង​ប្អូនបង្កើត​របស់​លោក​ នៅ​ក្នុង​​​អាជីវកម្ម​​​ជ្រើស​រើស​ពលករ​។ លោក​បាន​មាន​ប្រសាសន៍​ថា “ កុំ​សួរខ្ញុំ​អំពី​បញ្ហា​នេះ​។​ វា​ជា​រឿង​ឯក​ជន។ ​​​​ខ្ញុំ​ធ្វើ​ការ​ឲ្យ​រដ្ឋ​”៕ សុខុម

(រាយការណ៍​បន្ថែម​ដោយ​ សាំង សុឥន្ទរិទ្ធ)

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស