31 C
Phnom Penh

លោក​ សម រង្ស៊ី​ លើកឡើង​​ថា គណបក្ស​លោកនឹង​បន្ត​ធ្វើ​មហា​បាតុកម្ម​តាម​ការ​គ្រោង​ទុក​ដដែល

ដោយ ឌឹ ខេមបូឌា ដេលី

បទវិភាគ

បន្ទាប់ពី​ការ​ចរចា​រវាង​គណបក្ស​និង​គណ​បក្ស​បរាជ័យ​កាលពី​ពេល​ថ្មីៗ​នេះ លោក សម រង្ស៊ី ប្រធាន​គណបក្ស​សង្គ្រោះ​ជាតិ​​បាន​មាន​ប្រសាសន៍​កាលពី​ម្សិល​មិញថា គណបក្ស​របស់​លោក​នឹង​បន្ត​ធ្វើ​មហា​បាតុកម្ម​នៅ​ថ្ងៃ​សុក្រ។

លោក សម រង្ស៊ី ដែល​គ្រោង​វិល​ត្រឡប់​ពីការ​ធ្វើដំណើរទៅ​​តំបន់​អឺរ៉ុប​វិញ​នៅ​ថ្ងៃ​ពុធ បាន​មាន​ប្រសាសន៍ថា ការ​​​មិន​អាច​​ឈាន​ដល់​កិច្ច​ព្រម​ព្រៀង​ក្នុង​ការ​ជួប​ចរ​ចា​​ជាមួយ​លោក​​​​​​នាយក​រដ្ឋ​មន្ត្រី ហ៊ុន សែន កាល​​ពី​ដើម​ខែ​នេះ មាន​ន័យ​ថា ការ​ត​វ៉ា​ប្រឆាំ​ង​រដ្ឋា​ភិបាល​​នឹង​បន្ត​ធ្វើ​​ដូច​​ការ​គ្រោង​ទុក។ លោក សម រង្ស៊ី ​លើកឡើង​តាម​អុី​ម៉េល​ថា “អ្វីៗ​នឹង​ធ្វើ​តាម​ការ​គ្រោង​ទុក​ដដែល…​ព្រោះ​​​​​​​មិន​មាន​កិច្ច​ព្រម​ព្រៀង​​ណា​មួយ​​ទេ”។

លោក​បាន​មាន​ប្រសាសន៍ថា គណ​បក្ស​សង្គ្រោះ​ជាតិ​ក៏នឹង​ចូលរួម​ការ​ហែ​ក្បួន​នៅ​ទិវា​​ពលកម្ម​នៅ​ថ្ងៃ​ព្រហស្បតិ៍​ដែរ​។ កាល​ពី​ថ្ងៃ​ទី​៣១ ខែ​មីនា លោក​ សម រង្ស៊ី ​​បាន​មាន​ប្រសា​សន៍​ថា គណបក្ស​សង្គ្រោះ​ជាតិ​នឹង​ប្រើ​ប្រាស់​យុទ្ធនាការ​ឃោស​នា​រយៈពេល​ពីរ​សប្តាហ៍​សម្រាប់​ការ​បោះ​ឆ្នោត​ជ្រើស​រើស​សមាជិក​ក្រុម​ប្រឹក្សា​រាជ​ធានី ខេត្ត​ ក្រុង ស្រុក​ ​ខណ្ឌ​នៅ​ថ្ងៃទី​១៨​ខែ​ឧសភា ​ដើម្បី​ប្រឆាំង​នឹង​បម្រាម​មិន​ឲ្យ​ធ្វើការ​ត​វ៉ា​ដែល​បាន​ដាក់​កាលពី​ខែ​មករា​​នេះ​។

ទោះ​យ៉ាង​ណា កាលពី​ថ្ងៃទី​៩ ខែ​មេសា លោក​បាន​មាន​ប្រសាសន៍ថា លោក​ជិត​​ឈាន​​ដល់​កិច្ច​ព្រម​ព្រៀងនៅ​​ក្នុង​កា​រចរចា​ជាមួយ​លោក​ ហ៊ុន សែន សម្រាប់​​ឲ្យ​គណបក្ស​ប្រឆាំង​​ចូលរួមក្នុង​រដ្ឋសភា​ហើយ។ កិច្ច​ព្រមព្រៀង​នេះ​បាន​បរាជ័យ​វិញ​នៅ​ថ្ងៃ​បន្ទាប់។ គណៈកម្មាធិការ​ជាតិ​រៀប​ចំការ​បោះ​ឆ្នោត​លើក​ឡើង​ថា គណ​បក្ស​សង្គ្រោះ​ជាតិ​នឹង​មិនត្រូវ​បាន​អនុញ្ញាត​ឲ្យ​ប្រើប្រាស់​យុទ្ធនាការ​នេះ​ដើម្បី​ធ្វើការ​តវ៉ា​ឡើយ៕សារុន

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស