34 C
Phnom Penh

អ្នកភូមិ​ ​​និង​ ព្រះសង្ឃ ចង់​ឲ្យ​លុបចោល​គម្រោង​សាងសង់​ទំនប់​វារី​អគ្គិសនី​ចិន​

ដោយ ឌឹ ខេមបូឌា ដេលី

បទវិភាគ

សមាជិក​សហគមន៍​ជន​ជាតិ​ភាគ​តិច​ដែល ប្រឈម​នឹង​ការ​បណ្តេញចេញ​ពី​ដីដូនតា​របស់ខ្លួន​ដើម្បី​បើក​ផ្លូវ​សម្រាប់​ក្រុមហ៊ុន​សាងសង់​ទំនប់​វារី​អគ្គិសនី​ចិន​ក្នុង​ខេត្ត​កោះ​កុង​ ព្រះសង្ឃ និង​អង្គការ​មិន​មែន​រដ្ឋាភិបាល​ដែលបាន​ជួយ​ពួកគាត់​នោះ ជាថ្មី​ម្តងទៀត កាលពី​ម្សិលមិញ​បាន​ជំរុញ​​ក្រុមហ៊ុន​នេះ​ និង​រដ្ឋាភិបាល​កុំឲ្យ​ដំណើរការ​គម្រោង​នេះ។

អ្នកភូមិ​ជន​ជាតិភាគតិច​ជង​រាប់រយ​គ្រួសារ​​ កំពុង​​ប្រឈម​នឹង​ការ​បណ្តេញ​ចេញ​ដោយ​សារ​ក្រុមហ៊ុន​ Sinohydro (Cambodia) United ជា​ក្រុមហ៊ុន​ចិន​ដែល​កាលពី​ពេល​ថ្មីៗនេះ​មាន​គម្រោង​សាង​សង់​ទំនប់​វារី​អគ្គិសនីកម្លាំង​១០៨មេហ្គាវ៉ា​ត់ក្នុង​​តំបន់​អារ៉ែងស្ថិត​ក្នុង​កណ្តាល​ព្រៃការ​ពារ​ភ្នំក្រវាញ។

ការ​សាងសង់​ដែលមិន​ទាន់​ចាប់​ផ្តើម​នៅ​ឡើយ​នោះរំពឹង​ថា នឹង​ធ្វើ​ឲ្យ​ជន់លិច​ផ្ទៃ ដីប្រហែល​២០.០០០ហិកតា​រួម​ទាំង​ព្រៃ​ពិសិដ្ឋ​​របស់​សហគមន៍​នេះ​ និង​​ជា​ជម្រក​ដ៏សំខាន់​សម្រាប់​សត្វ​ក្រពើ​សៀម​ដែល​ជិត​​ផុត​​ពូជ​ទៀត​ផង។

ថ្លែង​នៅ​សន្និសីទកាសែត​ដែលរៀប​ចំ​ដោយ​អង្គការ​មិន​មែន​រដ្ឋាភិបាល​ Mother Nature នៅក្នុង​រាជធានីភ្នំពេញ លោក ហាស់ ឡី បានមាន​ប្រសាសន៍ថា “ប្រសិន​បើ​ទំនប់វារី​អគ្គិសនី​នេះ​សាងសង់​មែននោះ វានឹង​ធ្វើ​ឲ្យ​​ប៉ះ​​​ពាល់​ដល់​ប្រពៃ​ណី​និង​ការប្រកប​របរ​ចិញ្ចឹមជីវិត​របស់​យើង​ដែលពឹង​ផ្អែក​លើ​ព្រៃឈើ”។

សមាជិក​បណ្តាញ​ព្រះសង្ឃឯក​រាជ្យ​ដើម្បី​យុត្តិធម៌សង្គម​ដែល​បាន​លើក​ឡើង​ពី​ករណី​នោះបាន​ឲ្យ​ដឹង​ថា ឆាប់ៗនេះ​ពួកគាត់​នឹង​រៀប ចំ​ការ​តវ៉ានៅមុខ​ស្ថាន​ទូត​ចិន​ និង​ការិ​​​យា ល័យ ​ក្រុមហ៊ុន​ Sinohydro ក្នុង​រាជ​ធានី​ភ្នំពេញ។

គ្រួសារ​អ្នកភូមិ ព្រះសង្ឃ និង​អង្គការ​មិន​មែន​រដ្ឋាភិបាល​ជឿថា ក្រុមហ៊ុន Sinohydro ប្រហែល​ជា​គ្មាន​បំណង​សាង​សង់​ទំនប់​​​វារី​​​អគ្គិសនី​​នេះទេ ហើយ​អាច​ប្រើ​ប្រាស់​គម្រោង​ នេះ​គ្រាន់តែដើម្បី​កាប់​ឈើ​ក្នុង​តំបន់​​នោះ និង​រុក​រ​ក​រ៉ែ​តែ​ប៉ុណ្ណោះ។ អ្នកភូមិ​មួយ​ចំនួន​អះ​អាង​ថា គម្រោង​នេះ​មិន​អាច​ទទួល​ជោគ​​​ជ័យ​ឡើយ ហើយ​ក្រុមហ៊ុន​ចិន​ពីរ​បាន​ដក​ខ្លួន​ចេញ​ហើយ​។

Alex Gonzalez-Davidson សហ​ស្ថាប​និក​អង្គការ​ Mother Nature បានមាន​ប្រសាសន៍ថា “វាមិន​មែន​ជា​ទំនប់​វារី​អគ្គិសនី​ពិត​​ប្រាកដ​​​ទេ។ វា​ជា​គម្រោង​ដែលមិន​មាន​ប្រយោជន៍ ប៉ុន្តែ​វា​នៅ​តែ​ដំណើរ​ការ​​ដដែល​​​ដោយ​សារ​តែ​អំពើ​ពុក​រលួយ​ និង​បញ្ហាផ្សេង​ៗ​ទៀត”។ “ហើយ​ដោយស្ថិត​​នៅ​កណ្តាលតំបន់​​ភ្នំ​​​ក្រវាញ នោះ ទីបំផុត​​ពួកគេ​អាច​ពង្រីក​ការ​រុក​រក​រ៉ែ និង​ការ​កាប់ឈើ​ក្នុង​តំបន់​ទាំង​មូល”។

មន្ត្រី​ក្រុមហ៊ុនSinohydro ដែល​ទទួល​បន្ទុក​​គម្រោង​សាងសង់​ទំនប់​វារីអគ្គិសនី​អារ៉ែង​មិន​អាច​ទាក់​ទង​សុំការ​អត្ថាធិប្បាយ​បាន​ទេ។ ក្រុមមន្ត្រី​នៅ​មន្ទីរ​រ៉ែ និង​ថាម​ពល​ខេត្ត​កោះ​កុង​ក៏មិន​អាច​ទាក់​ទង​បាន​ដែរ។

កាលពី​ខែមីនា លោក ពេជ្រ ស៊ីយុន ប្រធាន ​មន្ទីរនេះ​បានមាន​ប្រសាសន៍ថា ការ​សិក្សា​​ចាំបាច់សម្រាប់​គម្រោង​ទាំង​អស់​ត្រូវបាន​បញ្ចប់ ហើយ​ថា គ្រួសារ​ដែល​រង​ផល​ប៉ះ​​​ពាល់​​បាន​យល់ព្រម​តាំង​ទី​លំ​នៅថ្មី។

គ្រួសារ​អ្នកភូមិ​លើក​ឡើង​ថា ពួកគាត់​មិន​បាន​យល់ព្រម​ចាក​ចេញ​ទេ ហើយ​កាល​ពី​ប៉ុន្មានសប្តាហ៍មុន​បាន​ឃ្លាំមើល​ផ្លូវ​មួយ​ដែល​ចេញចូល​ក្នុង​​តំបន់​គម្រោង​នេះ បាន​ត្រៀម​បិទផ្លូវ​ ប្រសិនបើ​ក្រុមហ៊ុននេះ​ព្យាយាម​ចាប់​ផ្តើម​ការ​សាងសង់​នោះ៕សារុន

(រាយការ​ណ៍បន្ថែម​ដោយ Zsombor ​Peters)

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស