យោងតាមតួលេខបឋមរបស់ក្រសួងទេសចរណ៍ចេញកាលពីម្សិលមិញបានឲ្យដឹងថា ភ្ញៀវទេសចរមកដល់ប្រទេសកម្ពុជាបានកើនឡើង១០ភាគរយ គឺចំនួនប្រហែល១,២លាននាក់ អំឡុងត្រីមាសដំបូងនៃឆ្នាំនេះ បើធៀបនឹងរយៈពេលដូចគ្នាកាលពីឆ្នាំទៅ។
បើទោះជាមានការវិភាគតួលេខមិនទាន់ទទួលបានភ្លាមៗក៏ដោយ ក៏លោក គង់ សុភារៈ ប្រធាននាយកដ្ឋានស្ថិតិរបស់ក្រសួងទេសចរណ៍បានលើកឡើងថា ចំនួនភ្ញៀវទេសចរភាគច្រើនមកពីប្រទេសកូរ៉េ និងប្រទេសវៀតណាម។
លោកបានមានប្រសាសន៍ថា “ប្រជាជនកូរ៉េធ្វើជំនួញច្រើននៅក្នុងប្រទេសនេះ ដូច្នេះពួកគេមកទស្សនានិងធ្វើវិនិយោគ។ចំនួនភ្ញៀវទេសចរអន្តរជាតិនឹងបន្តកើនឡើង”។ លោក សុភារៈ បានថ្លែងថា បន្ទាប់ភ្ញៀវទេសចរកូរ៉េនិងវៀតណាម គឺភ្ញៀវទេសចរចិននិងជប៉ុន៕ ប៊ុននី