29 C
Phnom Penh

អ្នក​​​បើក​​​បរ​​​រថយន្ត​​​ក្រុង​​​​​​ដែល​​​នាំគ្នា​​​តវ៉ា​ ​​​​​​​​ប្រឈម​​​​​​​​​​​​ការ​​​តវ៉ា​​​តប​​​វិញ​​​ពី​​​សំណាក់​​​​​​អតីត​​​មិត្ត​​​រួម​​​ការងារ​​​

ដោយ ឌឹ ខេមបូឌា ដេលី

បទវិភាគ

កាល​​​ពី​​​ម្សិលមិញ​​​ អ្នក​​​បើក​​​បរ​​​រថយន្ត​​​ក្រុង​​​​​​ចំនួន​​​១៨​​​នាក់​​​ដែល​​​​​​ត្រូវ​​​បាន​​​បណ្ដេញ​​​ចេញ​​​ពី​​​ការ​​​ងារ និង​​​ដែល​​​កំពុង​​​តវ៉ា​​​​​​ទាមទារ​​​​​​ឲ្យ​​​ក្រុម​​​ហ៊ុន​​​​​​ដឹក​​​ជញ្ជូន​​​សុរិយា យក​​​ពួក​​​គេ​​​​​​ចូល​​​​​​ធ្វើ​​​​​​ការ​​​ងារ​​​វិញ​​​នោះ​​​​​​ បាន​​​ប្រឈម​​​​​​មុខ​​​​​​ដាក់​​​គ្នា​​​​​​ជាមួយ​​​នឹង​​​​​​​​​បុគ្គលិក​​​ក្រុម​​​ហ៊ុន​​​ ដែល​​​ធ្វើ​​​ការ​​​តវ៉ា​​​​​​តប​​​ទៅ​​​វិញ​​​​​​ ទាមទារ​​​​​​​​​ឲ្យ​​​អ្នក​​​បើក​​​បរ​​​ដែល​​​ត្រូវ​​​បាន​​​បណ្ដេញ​​​ចេញ​​​ទាំង​​​នេះ​​​​​​ឈប់​​​រំខាន​​​​​​ការងារ​​​​​​​​​របស់ពួក​​​គេ​​​។

អ្នក​​​បើក​​​បរ​​​រថយន្ត​​​ក្រុម​​​ហ៊ុន​​​​​​ដឹក​​​ជញ្ជូន​​​សុរិយា ​​​ដែល​​​​​​ត្រូវ​​​បាន​​​បណ្ដេញ​​​ចេញ​​​ពី​​​ការ​​​ងារ ត្រូវបាន​​​ក្រុម​​​​​​​​​បុគ្គលិក​​​ដែល​​​ធ្វើ​​​ការ​​​តវ៉ា​​​​​​តប​​​ទៅ​​​វិញ​​​​​​កាលពីម្សិលមិញ។​​​ ស៊ីវ​​​ ចាន់ណា​​​
អ្នក​​​បើក​​​បរ​​​រថយន្ត​​​ក្រុម​​​ហ៊ុន​​​​​​ដឹក​​​ជញ្ជូន​​​សុរិយា ​​​ដែល​​​​​​ត្រូវ​​​បាន​​​បណ្ដេញ​​​ចេញ​​​ពី​​​ការ​​​ងារ ត្រូវ​​​ក្រុម​​​​​​​​​បុគ្គលិក​​​ដែលកំ​ពុង​​​ធ្វើ​​​ការនោះបាន​​​តវ៉ា​​​​​​តប​​​​​​វិញ​​​​​​កាលពីម្សិលមិញ។​​​ ស៊ីវ​​​ ចាន់ណា​​​

អ្នក​​​បើក​​​បរ​​​​​​ទាំង​​​នេះ​​​​​​ដែល​​​អះអាង​​​ថា ខ្លួន​​​ត្រូវ​​​បាន​​​បណ្ដេញ​​​ចេញ​​​ពី​​​ការងារ​​​កាល​​​ពី​​​ដើម​​​ខែ​​​នេះ​​​ ដោយសារ​​​តែ​​​ពួកគេ​​​ព្យាយាម​​​បង្កើត​​​សហជីព​​​នោះ​​​ បាន​​​ធ្វើ​​​ការ​​​តវ៉ា​​​ជា​​​ច្រើន​​​លើក​​​ក្នុង​​​ខែ​​​នេះ​​​ ​​​ទាម​​​ទារ​​​ឲ្យ​​​ក្រុមហ៊ុន​​​​​​​​​ទទួល​​​យក​​​ពួក​​​គេ​​​ចូល​​​ធ្វើការ​​​វិញ​​​ និង​​​​​លក្ខខណ្ឌ​​​ការ​​​ងារ​​​ល្អប្រសើរ​​​​​​​​​ ប៉ុន្តែ​​​កាល​​​ពី​​​ម្សិលមិញ​​​​​​បាន​​​ប្រឈម​​​មុខ​​​នឹង​​​​​​អតីត​​​មិត្ត​​​រួម​​​ការងារ​​​ប្រហែល​​​៤០​​​នាក់​​​ ដែល​​​​​​ធ្វើការ​​​តវ៉ា​​​​​​តបត​​​ទៅ​​​វិញ​​​។

អ្នក​​​លក់សំបុត្រ​​​រថយន្ត​​​ក្រុង​​​ម្នាក់​​​​​​​​​ ឈ្មោះ​​​​​​ ពៅ ពឿន​​​ អាយុ​​​៣០​​​ឆ្នាំ​​​​​​ និយាយ​​​ថា “នេះ​​​ជា​​​លើក​​​ទី​​​១​​​ ហើយ​​​​​​ ដែល​​​ខ្ញុំ​​​ចូល​​​រួម​​​ការ​​​តវ៉ា​​​។​​​ ខ្ញុំ​​​តវ៉ា​​​​​​ប្រឆាំង​​​នឹង​​​អតីត​​​អ្នក​​​បើកបរ​​​រថយន្ត​​​ក្រុង​​​ ហើយ​​​ប្រសិន​​​បើ​​​ពួក​​​គាត់​​​នៅ​​​តែ​​​បន្ត​​​តវ៉ា​​​ទៀត​​​​​​ ពួក​​​គាត់​​​​​​នឹង​​​ខាត​​​បង់​​​​​​ប្រាក់​​​សម្រាប់​​​​​​​​​គ្រួសារ​​​​​​របស់​​​ពួក​​​គាត់​កាន់​​​តែ​​​ច្រើន​​​​​ទៅ​​​វិញ​​​ទេ​​​”។

ភាគ​​​ី​​​ទាំង​​​ពី​​​រ​​​បាន​​​ឈរ​​​សង​​​ខាង​​​ផ្លូវ​​ ប្រើ​​​ពាក្យ​​​ប្រមាថ​​​ដាក់​​​គ្នា​​​ទៅ​​​វិញ​​​ទៅ​​​មក​​​​​​តាម​​​​​​ឧគ្ឃោសនសព្ទ​​​​​​ចាប់​​​ពី​​​​​​ម៉ោង​​​៨ព្រឹក​​​​​​ដល់​​​ថ្ងៃ​​​ត្រង់​​​​​​ នៅ​​​ពេល​​​នោះ​​​អ្នក​​​បើក​​​បរ​​​​​​ដែល​​​ត្រូវ​​​បាន​​​បណ្ដេញ​​​ចេញ​​​ពី​​​ការងារ​​​​​​ក៏​​​បាន​​​ចាក​​​ចេញ​​​​​​​​​ទៅ​​​ទទួល​​​ទាន​​​អាហារ​​​ថ្ងៃ​​​ត្រង់​​​​​​។

ពេល​​​ទាក់​​​ទង​​​​​​តាម​​​ក្រោយ​​​ក្នុង​​​ថ្ងៃ​​​ដដែល​​​នោះ​​​ លោក​​​ ផាន​​​ សុផល​​​ អ្នក​​​គ្រប់គ្រង​​​​​​ប្រតិ​​​បត្តិការ​​​​​​នៅ​​​ក្រុមហ៊ុន​​​ដឹកជញ្ជូន​​​ភ្នំពេញ​​​-សុរិ​​​យា​​​ បាន​​​ថ្លែង​​​ថា ការ​​​រំខាន​​​​​​មិន​​​ឈប់​​​​​​នៅ​​​ចំណត​​​រថយន្ត​​​ក្រុង​​​នៅ​​​កណ្ដាល​​​រាជធានី​​​ភ្នំពេញ​​​នេះ​​​​​​ កំពុង​​​ធ្វើ​​​ឲ្យ​​​ក្រុមហ៊ុន​​​ខាត​​​បង់​​​។

លោក​​​ក៏​​​បាន​​​លើក​​​ឡើង​​​​​​ដែរ​​​​​​ថា អ្នក​​​បើក​​​បរ​​​ទាំង​​​១៨​​​នាក់​​​នេះ​​​ នឹ​​​ង​​​មិន​​​​​​ទទួល​​​បាន​​​ការ​​​ងារ​​​វិញ​​​ឡើយ​​​ ដរាប​​​ណា​​​​​​ពួក​​​គាត់​​​​​​នៅ​​​តែ​​​បន្ត​​​សកម្មភាព​​​សហជីព​​​របស់​​​ខ្លួន​​​។​​​

លោក​​​បាន​​​បញ្ជាក់​​​ថា “ចាប់​​​តាំង​​​ពី​​​កូដកម្ម​​​កាល​​​ពី​​​​​​ថ្ងៃ​​​ទី​​​៣ ខែ​​​មេសា​​​ មក​​​ ក្រុមហុ៊ន​​​បាន​​​ខាត​​​បង់​​​​​​រាប់​​​មឺុន​​​ដុល្លារ​​​។​​​ យើង​​​មិន​​​អាច​​​ទទួល​​​យក​​​បុគ្គលិក​​​ទាំង​​​នោះ​​​ឲ្យ​​​ចូល​​​ធ្វើ​​​ការ​​​វិញ​​​បាន​​​ទេ​​​។ ពួក​​​គាត់តែង​​​តែ​​​ធ្វើ​​​កូដកម្ម ធ្វើ​​​ការ​​​តវ៉ា​​​ និង​​​​​​បង្ក​​​​​​បញ្ហា​​​​​​ដល់​​​​​​ក្រុមហ៊ុន​​​របស់​​​​​​យើង​​​​​​។ យើង​​​មិន​​​រើសអើង​​​នឹង​​​​​​សហជីព​​​ទេ ប៉ុន្តែ​​​យើង​​​មិន​​​ចង់​​​ឲ្យ​​​​​​មាន​​​សហជីព​​​នៅ​​​ក្នុង​​​ក្រុម​​​ហ៊ុន​​​របស់​​​យើង​​​ឡើយ​​​”។

លោក​​​ អៀន គឹម​​​ហ៊ុន​​​ មន្ត្រី​​​មួយ​​​​​​រូប​​​នៅ​​​សហភាព​​​ការងារ​​​កម្ពុជា ដែល​​​តំណាង​​​ឲ្យ​​​​​​អ្នក​​​បើក​​​បរ​​​​​​ ដែល​​​ត្រូវ​​​បាន​​​បណ្ដេញ​​​ចេញ​​​ពី​​​ការ​​​ងារ​​​ទាំង​​​នេះ​​​ បាន​​​​​​​​​បញ្ជាក់​​​ថា ថៅកែ​​​ក្រុមហ៊ុន​​​​​​សុរិយា ជា​​​អ្នក​​​​​​រៀប​​​ចំ​​​ការ​​​តវ៉ា​​​តប​​​​​​នេះ​​​។​​​ លោក​​​មាន​​​ប្រសាសន៍​​​ថា “ខ្ញុំ​​​គិត​​​ថា ក្រុម​​​ហ៊ុន​​​បាន​​​បង្ខំ​​​ឲ្យ​​​បុគ្គលិក​​​ធ្វើ​​​ការ​​​​​​តវ៉ា​​​ដោយ​​​ខុស​​​ច្បាប់​​​”។​​​

គូស​​​​​​បញ្ជាក់​​​ជា​​​​​​ថ្មី​​​ម្ដង​​​ទៀត​​​អំពី​​​កា​​​រទាម​​​ទារ​​​ឲ្យ​​​ក្រុមហ៊ុន​​​​​​ទទួល​​​យក​​​អ្នក​​​បើក​​​បរ​​​ទាំង​​​១៨​​​នាក់​​​នេះ​​​ឲ្យ​​​ចូល​​​ធ្វើ​​​ការ​​​វិញ​​​ និង​​​​​​ការ​​​ទាម​​​ទារ​​​ឲ្យ​​​​​​អនុញ្ញាត​​​​​​ឲ្យ​​​សហជីព​​​​​​ដំណើរការ​​​ដោយ​​​សេរី​​​​​​នៅ​​​​​​ក្នុង​​​ក្រុមហុ៊ន​​​នេះ​​​ លោក​​​មាន​​​ប្រសា​​​សន៍​​​បន្ថែម​​​ទៀត​​​ថា “ពួក​​​គេ​​​កំពុង​​​ប្រើ​​​អ្នក​​​ទាំង​​​នោះ​​​​​ ដើម្បី​​​បង្ហាញ​​​ថា ខ្លួន​​​​​​មាន​​​អ្នក​​​គាំទ្រ​​​ច្រើន​​​​​​​​​ជាង​​​​​​អ្នក​​​ដែល​​​​​​គាំទ្រ​​​កូដកម្ម​​​ ដើម្បី​​​បំភាន​​​់​​​មតិ​​​សាធា​​​រណជន​​​”។

លោក​​​ វ៉ន សម្បត្តិ ម្នាក់​​​ក្នុង​​​ចំណោម​​​អ្នក​​​បើក​​​ប​​​រ​​​ទាំង​​​១៨​​​នាក់​​​នេះ​​​​​​និយាយ​​​ថា អ្នក​​​បើក​​​​​​បរ​​​ទាំង​​​នេះ​​​​​​នឹង​​​ទទួល​​​បាន​​​​​​ការងារ​​​របស់​​​ខ្លួន​​​វិញ​​​នៅ​​​​​​ពេល​​​​​​ធ្វើ​​​ការ​​​តវ៉ា​​​ម្ដង​​​ទៀត​​​នៅ​​​ថ្ងៃ​​​នេះ​​​។​​​​​​ លោក​​​ វ៉ន សម្បត្តិ បាន​​​និយាយ​​​ទៀត​​​ថា “យើង​​​នឹង​​​​​​មក​​​ទី​​​នេះ​​​​​​ធ្វើ​​​ការ​​​តវ៉ា​​​ម្ដង​​​ទៀត​​​នៅ​​​ថ្ងៃ​​​ស្អែក​​​ ពីព្រោះ​​​​​​មាន​​​​​​មនុស្ស​​​ច្រើន​​​ណាស់​​​នៅ​​​ទី​​​នេះ ហើយ​​​នោះ​​​ជា​​​ឱកាស​​​តែ​​​មួយ​​​គត់​​​របស់​​​ពួក​​​យើង​​​ក្នុង​​​ការ​​​ទទួល​​​បាន​​​ដំណោះ​​​ស្រាយ”៕ សុខុម​​​

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស