35 C
Phnom Penh

អ្នកភូមិបិទ​​​ផ្លូវជាតិ​​​លេខ​​​៥ដើម្បី​​​តវ៉ា​​​នឹង​​​ក្រុមហ៊ុន​​​ផាន​​​អីុមិុចធ្វើ​​​ឲ្យ​​​កក​​​ស្ទះ​​​ចរាចរណ៍​​​រាប់​​​ម៉ោង​​​

ដោយ ឌឹ ខេមបូឌា ដេលី

បទវិភាគ

អ្នក​​​ភូមិ​​​ប្រមាណ​​​២០០​​​នាក់​​​​​​ បាន​​​លើក​​​​​​គ្នា​​​បិទ​​​កំណាត់​​​ផ្លូវ​​​ជាតិ​​​លេខ​​​៥ ក្នុង​​​ស្រុក​​​​​​ពញា​​​ឮ​​​ ខេត្ត​​​កណ្ដាល​​​ ប្រហែល​​​២ម៉ោង​​​កាល​​​ពី​​​ម្សិល​​​មិញ​​​ ហើយបាន​​​យក​​​​​​​​​​​​អុស​​​​​​​​​និង​​​កង់​​​​​​ឡាន​​​ដុត​​​លើ​​​​​​ផ្លូវ​​​​​​បង្ក​​​ការ​​​កកស្ទះ​​​ចរាចរ​​​ណ៍ ខណៈ​​​ពេល​​​ពួក​​​គេ​​​​​​​​​អំពាវនាវឲ្យ​​​អាជ្ញាធរ​​​អន្តរាគមន៍​​​នៅ​​​ក្នុង​​​វិវាទ​​​ដីធ្លី​​​របស់​​​ខ្លួន​​​ជា​​​មួយ​​​ក្រុមហ៊ុន​​​​​​ផាន​​​អីុមិុច​​​។

អ្នកស្រី​​​ ពៅ សែម អាយុ​​​៥៤​​​ឆ្នាំ​​​ ជា​​​អតីត​​​​​​យោធិន​​​​​​ពិកា​​​រ​​​ ដែល​​​​​​លើ​​​កឡើ​​​ង​​​ថា ក្រុមហ៊ុន​​​បាន​​​បោះ​​បង្គោល​​​ព្រំ​​​ដី​​​នៅ​​​លើ​​​ដី​​​របស់​​​គាត់​​​​​​បាន​​​និយាយ​​​ថា “ខ្ញុំ​​​មិន​​​ចង់​​​បិទ​​​ផ្លូវ​​​បង្ក​​​ការ​​​កក​​​ស្ទះ​​​ចរាចរណ៍​​​ទេ ប៉ុន្តែ​​​គ្មាន​​​ជម្រើស​​​”។​​​ ប្រសិន​​​បើ​​​ដី​​​ធ្លី​​​របស់​​​ពួក​​​យើ​​​ង​​​ត្រូវ​​​គេ​​​ចាប់​​​​​​យក​​​ តើ​​​យើង​​​អាច​​​ធ្វើ​​​អ្វីបាន​​​​​​? យើង​​​ដឹង​​​​​​ពី​​​បទ​​​ពិសោធន៍​​​របស់​​​​​​សហគមន៍​​​បុរី​​​កីឡា​​​​​​ នៅ​​​ពេល​​​​​​និយាយ​​​ដល់​​​ក្រុមហ៊ុន​​​ផាន​​​អីុមិុច​​​”។

យោង​​​តាម​​​អ្នក​​​ភូមិ​​​បាន​​​ឲ្យ​​​ដឹងថា ​​កាល​​​ពី​​​ម្សិល​​​មិញ​​​ បុគ្គលិក​​​ក្រុមហ៊ុន​​​បាន​​​បោះ​​​បង្គោល​​​​​​ព្រំ​​​ដី​​​ចំនួន​​​បួន​​​​​​ទន្ទ្រាន​​​ចូល​​​​​​ដី​​​សរុប​​​​​​៦៣​​​ហិក​​​តា​​​នៅ​​​ក្នុង​​​ភូមិ​​​​​​ចំនួន​​​ពីរ​​​​​​​​​​​​ក្នុង​​​ឃុំ​​​ពញាឮ។​​​

អ្នក​​​ស្រី​​​ ពៅ សែម​​​ បាន​​​លើក​​​ឡើង​​​ថា “អាជ្ញាធរ​​​ឃុំ​​​​​​បាន​​​បញ្ជាក់​​​ថា ខ្ញុំ​​​ជា​​​ម្ចាស់ដី​​​នេះ​​​។ [ប៉ុន្តែ​​​ ក្រុមហុ៊ន​​​បាន​​​ទូរស័ព្ទ​​​ហៅ​​​ពួក​​​​​​យើង​​​​ឲ្យ​​​ទៅ​សាលា​​​ស្រុក​​​កាល​​​ពី​​​ម្សិលមិញ​​​ ដើម្បី​​​ពិភាក្សា​​​គ្នា​​​​​​អំពី​​​​​​ដី​​​នេះ​​​​​​​​​ ហើយ​​​និយាយ​​​ថា ពួក​​​គេ​​​​​​បាន​​​​​​​​​បោះ​​​បង្គោល​​​ព្រំ​​​ដី​​​ដោយ​​​គ្មាន​​​ការ​​​អនុញ្ញាត​​​ពីអ្នក​​​ភូមិ​​​ទាំង​​​នេះ​​​ទៀត​​​ផង​​”។ អ្នកភូមិ​​​និយាយ​​​ថា ប្រជាពល​​​រដ្ឋជា​​​ច្រើន​​​ដែល​​​រស់​​​នៅ​​​លើ​​​ដី​​​មាន​​​វិវាទ​​​នេះ​​​ បាន​​​​​​​​​កាន់​​​កាប់​​​ដី​​​នេះ​​​​​​តាំង​​​ពី​​​​​​សម័យ​​​ខ្មែរ​​​ក្រហ​​​ម​​​ដួល​​​រលំ​​​ក្នុង​​​ឆ្នាំ​​​១៩៧៩មក​​​ម៉្លេះ​​​។

លោក​​​ តុង ស៊ីមី អភិបាល​​​ស្រុក​​​​​​បាន​​​មាន​​​ប្រសាសន៍​​​ថា មន្ត្រី​​​​​​មាន​​​សមត្ថកិច្ច​​​កំពុង​​​ខិត​​​ខំ​​​យ៉ាង​​​ខ្លាំង​​​​​​ដើម្បី​​​ដោះស្រាយ​​​បញ្ចប់​​​វិវាទ​​​នេះ។ លោក​​​ តុង ស៊ី​​​មី បាន​​​មាន​​​ប្រសាសន៍​​​បន្ថែម​​​ទៀត​​​​​​ថា “យើង​​​ជា​​​អាជ្ញាកណ្ដាល​​​ ហើយ​​​យើង​​​​​​នឹង​​​​​​ដោះស្រាយ​​​​​​ [បញ្ហា] របស់​​​ភាគី​​​ទាំង​​​សង​​​ខាង​​​។​​​ ប្រសិន​​​បើ​​​មាន​​​បញ្ហា​​​ជាមួយ​​​នឹង​​​ក្រុម​​​ហ៊ុន​​​​​​ដែល​​​បាន​​​ទិញ​​​ ឬ​​​លក់​​​ [ដី​​​នេះ​​​] ក្រុមហ៊ុន​​​ត្រូវ​​​បង្ហាញ​​​ឯកសារ”។

លោក​​​ សេង ស្រង់​​​ អធិការ​​​រង​​​​​​ស្រុក​​​​​​បាន​​​មាន​​​ប្រសាសន៍​​​ថា នគរបាល​​​​​​និង​​​កង​​​រាជ​​​អាវុធ​​​ហត្ថ​​​ប្រហែល​​​៥០នាក់​​​ត្រូវ​​​បាន​​​បញ្ជូន​​​ទៅ​​​កាន់​​​ចំណុច​​​បិទ​​​ផ្លូវ​​​ ហើយ​​​បាន​​​ចំណាយ​​​ពេល​​​ជិត​​​១​​​ម៉ោង​​​ដើម្បី​​​ចរចា​​​ជាមួយ​​​អ្នក​​​តវ៉ា​​​។

លោក​​​បាន​​​មាន​​​ប្រសាសន៍​​​ទៀត​​​ថា “ហេតុ​​​ផល​​​ដែល​​​នគរបាល​​​យ៉ាង​​​ច្រើន​​​ចុះ​​​ទៅ​​​ទីនោះ​​​ គឺ​​​ដើម្បី​​​គ្រប់គ្រង​​​ស្ថាន​​​ភាព​​​ចរចា​​​  ពីព្រោះ​​​យើង​​​ព្រួយ​​​បារម្ភ​​​អំពី​​​អ្នក​​​ជំងឺ​​​​​​នៅ​​​ក្នុង​​​រថយន្ត​​​សង្គ្រោះ​​​បន្ទាន់​​​​​​ព្រម​​​ទាំង​​​ការ​​​ធ្វើ​​​ដំណើរ​​​របស់​​​អ្នក​​​ធ្វើ​​​ដំណើរ​​​​​​ផង​​​ដែរ​​​ ជា​​​ពិសេស​​​ជន​​​បរទេស​​​ ពីព្រោះ​​​វា​​​ជា​​​ផ្លូវ​​​សេដ្ឋកិច្ច​​​”។ ដោយ​​​ឡែក​​​ខាង​​​ភាគី​​​ក្រុមហ៊ុន​​​ផាន​​​អីុ​​​មិុច​​​មិន​​​អាច​​​ទាក់ទង​​​សុំ​​​ការ​​​បំភ្លឺ​​​បាន​​​ទេ​​​ពាក់ព័ន្ធ​​​នឹង​​​រឿង​​​នេះ​​​៕ សុខុម​​​

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស