29 C
Phnom Penh

ជន​ជន​ជាតិដើមភាគតិច​អំពាវនាវ​ឲ្យមានការពន្លឿនផ្តល់​ប័ណ្ណ​​កម្មសិទ្ធិដី​

ដោយ ឌឹ ខេមបូឌា ដេលី

បទវិភាគ

ជនជាតិដើមភាគតិច​​បានជួបគ្នា​​នៅ​ក្នុង​រាជធានីភ្នំពេញ​ដើម្បី​អំពាវនាវ​ឲ្យរដ្ឋា​ភិបាល​​​បង្កើនដំណើរការ​​ចុះ​​ប័ណ្ណ​កម្មសិទ្ធិ​ដី​សហគមន៍ អំឡុងពេលលោក ហ្លាវីយ៉ា ប៉ាន់​ស៊ារី ​(Flavia Pansieri)​ អនុឧត្តម​ស្នងការ​ជាន់​ខ្ពស់​​​របស់​អង្គការសហប្រជាជាតិ​​​ទទួល​បន្ទុក​សិទ្ធិ​មនុស្ស​ ដែល​កំពុង​​បំពេញ​​ទស្សនកិច្ច​​បាន​លើកឡើងថា ​ជា​​​បញ្ហា​មួយ​ក្នុងចំណោម​​​បញ្ហា​​បន្ទាន់​បំផុត​ដែល​ជនជាតិ​ដើមភាគ​តិច​កំពុងប្រឈម។

តំណាង​ជនជាតិ​ដើមភាគតិច​​ចំនួន​​២៤​ក្រុម​បាន​​​លើកឡើង​នៅ​ឯ​សិក្ខាសាលារបស់​អង្គការ​ ​NGO Forum មួយស្តីពី​​​នីតិ​​វិធី​ចុះ​បញ្ជី​ប័ណ្ណកម្មសិទ្ធិ​ដី​ដែល​មិន​សូវមាន​សកម្មភាព​​ ការបាត់បង់​ដី​​និងព្រៃ​ដូនតា ​​និងការ​មើល​ឃើញ​ការ​បំពេញចិត្ត​​ចំពោះ​បណ្តាក្រុម​ហ៊ុន​​​អភិវឌ្ឍន៍។

លោក សំ នឿយ ​តំណាង​​​ក្រុម​ជន​​ជាតិ​ដើម​​​​​​ភាគ​តិច ​ដែល​​បាន​ធ្វើដំណើរ​​ពី​​ខេត្ត​រតនគិរី ​បានមាន​ប្រសាសន៍ថា “អាជ្ញាធរ​​​បាន​​បដិ​​​សេធ​​​​មិនផ្តល់​​​ការ​​ចុះ​​ប័ណ្ណ​កម្មសិទ្ធិ​ដី​សហគមន៍​​ដល់​​ជនជាតិដើមភាគ​តិច​កាចាក​”។ លោកបានឲ្យដឹងថា “ចំណោម​​ដី​៥.០០០​​ហិកតា​ ដែលត្រូ​វបានស្នើសុំប័ណ្ណកម្មសិទ្ធិ​ដី​សហគមន៍​ រដ្ឋាភិបាល​​បាន​ផ្តល់​​ប័ណ្ណ​កម្មសិទ្ធិ​ដីសម្បទាន​​​​ដល់ក្រុម​​ហ៊ុនវៀតណាម​មួយ​​​”។ លោកបានបន្ថែម ទៀតថា ពេល​នេះ​ក្រុម​នេះ​​​នៅសល់​ដីតែ​២.០០០ហិកតា​​ប៉ុណ្ណោះ​ ​ហើយ​ថា ​​ជីវភាព​​​​​​របស់​​ពួកគាត់​​​ពឹង​ផ្អែក​លើ​ព្រៃ​ឈើ​។

​ប័ណ្ណ​កម្មសិទ្ធិ​​ដែលមាន​តិចតួចប៉ុណ្ណោះ​ត្រូវបាន​ផ្តល់​ឲ្យ ​តាំងពី​​ដាក់​បញ្ចូល​ក្នុង​ច្បាប់​​​​ជាង​មួយទស​វត្សរ៍​មកហើយ ​ត្រូវបាន​បង្កើត​ឡើង​​ជា​​វិធីមួយ​​ដើម្បី​​ការពារ​​ដីសហគមន៍​​របស់​​​ជនជាតិ​ដើមភាគតិច​ និង​ទប់​ស្កាត់​ក្រុម​ហ៊ុនអភិវឌ្ឍន៍ ដែល​​មិនទៀង​ត្រង់​មិន​ឲ្យទិញ​ចំណែក​​ប័ណ្ណ​កម្មសិទ្ធិ​​​ពីសហគមន៍​​នេះ។

លោក ​តេក វណ្ណារ៉ា នាយក​ប្រតិបត្តិ​​របស់ NGO Forum ​​បានមានប្រសាសន៍ថា ខណៈ​​ដែល​សហគមន៍​ចំនួន​៩៥​ត្រូវបាន​កំណត់អត្ត​សញ្ញាណ​​ដោយ​ក្រុម​ហ៊ុនអភិវឌ្ឍន៍​​ជន​បទ​​​​​ជា​តម្រូវការ​ចាំបាច់​ប័ណ្ណកម្មសិទ្ធិបែបនេះ​ ក្រសួង​​រៀបចំ​ដែនដី​នគរូបនីយកម្ម​​បាន​ផ្តល់​ឲ្យ​បានតែ​ចំនួន​ប្រាំបីប៉ុណ្ណោះ​។

លោក វណ្ណារ៉ា ​មាន​ប្រសាសន៍​​ថា​ “ប្រសិន​បើ​ដំណើរ​​ការ​​រដ្ឋា​​ភិបាលយឺតយ៉ាវ​​​ក្នុងការ​ផ្តល់ប័ណ្ណកម្មសិទ្ធិ​ដី​សហគមន៍ យើង​បារម្ភថា សហគមន៍ទាំងនោះ​នឹងប្រឈមនឹង​​ការ​ប្រឈម​​​​ថែមទៀត​ ដូចជា​សម្បទាន​​ដី​សេដ្ឋ​កិច្ច​ ជម្លោះ​​ដី​​ដែល​កាន់តែ​កើន​ឡើង​ និងការ​កាប់​​ឈើ​ខុស​ច្បាប់​​​”។

លោកស្រី សៅ វ៉ារី ប្រធាន​ការិយា​ល័យ​​ដែល​​ធ្វើជាតំណាង​​ឲ្យក្រសួង​រៀបចំ​​ដែន​ដី​នគរ​រូបនីយកម្ម និងសំណង់បាន​លើក​ឡើង​ថា មានការ​លំបាក​​ក្នុង​ការ​កំណត់ព្រំដី កើត​ចេញ​​ពីបញ្ហា​រដ្ឋបាល​ ឬ​ការ​អះអាង​​ទាមទារ​​​ដោយសហ គមន៍​ផ្សេង​ទៀត​។

ក្នុងសុន្ទរកថា​មួយ លោកស្រី ប៉ាន់​ស៊ារី ដែល​ថិត​ក្នុង​ប្រទេស​កម្ពុជា​ក្នុងបេសកកម្ម​រយៈ​ពេល​ប្រាំថ្ងៃ​​ បានឲ្យដឹងថា សិក្ខា​សាលា​​ នេះ​​​​មានតម្រូវការយ៉ាងច្រើន​​ ដោយសារតែ​ដំណើរ​​ ការយឺតៗ​ក្នុងការ​ផ្តល់​ប័ណ្ណ​កម្មសិទ្ធិ​។

សំដៅដល់ការ​សន្យា​​មួយ​ថានឹងបង្កើន​អត្រានេះ​​​ដល់១០ក្នុងមួយឆ្នាំ​ លោកស្រី ប៉ាន់ស៊ារី ​បាន​បង្ហាញថា “​អត្រា​នោះ​​នៅតែ​មាន​​ន័យថា អត្រា​នោះ​នៅតែមាន​ន័យថា ត្រូវការ​ពេល​ច្រើនទស​វត្សរ៍​ទៀត មុន​ពេល​ការផ្តល់ប័ណ្ណ​​កម្មសិទ្ធិ​​​នឹងត្រូវ​ដោះ​ស្រាយ។ ខ្ញុំ​​បានស្នើ​​អ្នក​ថា គោល​​បំណង​​នេះ​​គួរតែ​​ជាមហិច្ឆតាច្បាស់លាស់​ជាង​នេះ​​”៕​ប៊ុននី

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស