32.9 C
Phnom Penh

អគ្គិ​ភ័យ​បំផ្លាញ​ផ្ទះ​ប្រ​ជា​ពល​រដ្ឋ​ចំនួន​២២​ខ្នង​នៅ​ក្នុង​ខណ្ឌ​មាន​ជ័យ​ក្រុង​ភ្នំពេញ​

ដោយ ឌឹ ខេមបូឌា ដេលី

បទវិភាគ

អគ្គិភ័យ​ដ៏ខ្លាំងមួយ​​​នៅក្នុងខណ្ឌមាន​ជ័យ​ រាជធានីភ្នំពេញ​​បាន​បំផ្លាញ​ផ្ទះ​ចំនួន​២២ខ្នង​​កាល​​ពី​​រំលង​អធ្រាត្រ​ម្សិល​មិញ​​ ខណៈ​​ដែល​​អ្នក​ភូមិ​​​បាននាំគ្នាពុះពារពន្លត់​អណ្តាត​ភ្លើង​ ហើយ​ក្រុម​អ្នក​ពន្លត់​អគ្គិភ័យ​​ប្រញាយគ្នា​​ពន្លត់​​ដែរ។

អគ្គិភ័យ​បាន​បំផ្លាញ​ផ្ទះ​ប្រ​ជា​ពល​រដ្ឋ​អស់​​២២ខ្នង​ក្នុង​ខណ្ឌ​មាន​ជ័យ​ រាជ​ធានីភ្នំពេញកាល​ពី​ម្សិល​មិញ​។​ Alex Consiglio
អគ្គិភ័យ​បាន​បំផ្លាញ​ផ្ទះ​ប្រ​ជា​ពល​រដ្ឋ​អស់​​២២ខ្នង​ក្នុង​ខណ្ឌ​មាន​ជ័យ​ រាជ​ធានីភ្នំពេញកាល​ពី​ម្សិល​មិញ​។​ Alex Consiglio

លោក នេត វ៉ាន់ថា ប្រធានការិយាល័យ​​​បង្ការនិង​​​​ពន្លត់​អគ្គិភ័យ​រាជធានីភ្នំពេញ​​ បានមាន​ប្រសាសន៍ថា នៅ​វេលាម៉ោង​ប្រហែល​១​រំលង​អធ្រាត្រ ខ្សែភ្លើងមួយបាន​ដាច់​ និង​ទុស្សេ​​​។ ភ្លើងរាលដាលយ៉ាង​លឿន​ បើទោះ​ជា​អ្នក​ភូមិ​ប្រើ​ទុយោទឹក​ គប់​ដុំទឹក​កក​ និង​ប្រើ​ដំបងឈើ​ ដើម្បី​ពន្លត់​​​អគ្គិភ័យ ខណៈ​ដែល​ក្រុម​ពន្លត់​អគ្គិភ័យ​មកដល់​កន្លែង​កើត​ហេតុយឺត​​ក្នុង​សង្កាត់​ច្បារអំពៅ២។

លោក វ៉ាន់ថា បាន​ឲ្យ​ដឹង​ថា វា​មាន​ការ​លំបាក​ចូល​ដល់ទីនោះ ពីព្រោះផ្លូវ​តូច​ពេក​។ យើង​យឺត​យ៉ាវ​ ពីព្រោះ​ប្រជាពល​រដ្ឋ​គ្មាន​លេខទូរស័ព្ទ​របស់​យើង​ ហើយ​មន្ត្រីមូល​ដ្ឋាន​មិន​បានរាយការណ៍​។ ​នោះ​ហើយ​ធ្វើ​ឲ្យ​យើងមាន​ការ​យឺត​យ៉ាវ​ក្នុ​ង​ការ​ពន្លត់​អគ្គិភ័យ​

នៅពេល​ទៅដល់ទីកន្លែង​ ដែល​យ៉ាង​ហោច​ណាស់​រយៈ​ពេល​១៥​នាទី​ ក្នុង​ការ​ពន្លត់​អគ្គិភ័យ​ ក្រុម​ពន្លត់​អគ្គិភ័យ​បាន​ជួយ​សង្គ្រោះវត្ត​នៅ​ក្បែរនោះ​មួយ​កន្លែង​ពីកន្លែង​កើត​មាន​អគ្គិភ័យ ប៉ុន្តែ​ផ្ទះ​២២​ខ្នង និង​ហាង​លក់​គ្រឿង​សង្ហារិម​មួយ​កន្លែង​ត្រូវ​បាន​បំផ្លាញ​ទាំង​ស្រុង​។ គ្មាន​នរណា​ម្នាក់​រង​របួស​ក្នុង​អណ្ដាត​ភ្លើង​នោះ​ឡើយ​។ លោក វ៉ាន់ថា បានមាន​ប្រសាសន៍​ថា យើង​បាន​ប្រើ​រថយន្ត​ពន្លត់​អគ្គិភ័យ​ចំនួន​១២​គ្រឿង ដើម្បីពន្លត់​អគ្គិភ័យ​ ពីព្រោះ​ភ្លើង​ឆេះ​ខ្លាំង​ណាស់​

លោក គឹម ហ៊ាន អាយុ​៤៤​ឆ្នាំ​ជាម្ចាស់​ហាង​លក់​គ្រឿង​សង្ហារិម បាន​កកាយ​​​រក​​​​ឈើ​ដែល​​ឆេះ​រោល​កាលពី​រសៀល​ម្សិល​មិញ ដោយ​គ្រវីក្បាល​ហួស​ចិត្ត​។ លោក​បាន​ឲ្យ​ដឹង​ថា ឈើ​ទាំង​អស់​របស់​ខ្ញុំ​ត្រូវ​បាន​បំផ្លាញ​។ ខ្ញុំ​ខាត​បង់​ប្រាក់​ច្រើ​ន​ណាស់​

អ្នក​ភូមិ​ដែល​ពោរពេញ​ដោយ​ទឹក​មុខ​ក្រៀម​កំ្រ កំពុង​តែ​ប្រមែប្រមូលរបស់​របរ​នៅ​សេស​សល់​ពីអគ្គិភ័យ​កាលពី​រសៀល​ម្សិលមិញ ដោយ​ស្ដីបន្ទោស​ក្រុម​យុវជន​ដែល​ប្រើ​គ្រឿង​ញៀន​ថា ជា​​​អ្នក​​​បង្ក​អគ្គិភ័យ​។

ក៏ប៉ុន្តែ​លោកចៅសង្កាត់​ យិន វុធ ​បាន​អះអាង​ថា អគ្គិភ័យ​នេះ​បង្ក​ឡើង​​​​ដោយ​ការ​​ទុស្សេ​​​ខ្សែ​ភ្លើង​។ លោក​ វុធ បានឲ្យ​ដឹង​ថា ប្រសិន​បើ​គេ​ជឿ​ថា អគ្គិភ័យ​នេះ​ផ្ដើម​ឡើង​ពីក្មេង​គ្រឿង​ញៀន សូម​ប្រាប់​យើង​ដើម្បី​ឲ្យ​យើង​អាច​ចាប់​ខ្លួនពួកគេ​ប៊ុននី

(រាយការណ៍​បន្ថែម​ដោយ Alex Consiglio)​​​​​​

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស