35 C
Phnom Penh

សហជីព​នៅ​តែ​ប្រឆាំង​នឹង​បម្រាម ហើយ​រៀប​ចំ​ផែន​ការ​ជួបជុំគ្នា​នៅ​មុខ​រដ្ឋ​សភា​វិញ

ដោយ ឌឹ ខេមបូឌា ដេលី

បទវិភាគ

កាល​​​ពី​​​ម្សិល​មិញ​​​ មន្ត្រី​​​សហជីព​​បាន​​​បន្ត​គម្រោង​​​​ជួប​​​ជុំ​​​គ្នា​​​នៅ​​​ទិវា​​​ពល​​​កម្ម​​​អន្តរជាតិ​​​នៅ​​​ថ្ងៃ​​​នេះ​​​ ប៉ុន្តែ​​​បាន​​​លើក​​​ឡើង​​​ថា ពួក​​​គេ​​​​​​នឹង​​​មិន​​​ជួប​​​ជុំ​គ្នា​​​នៅ​ទី​លាន​​​ប្រជាធិបតេយ្យ​​​ក្នុង​​​រាជ​​​ធានី​ភ្នំពេញ​​​ទេ បន្ទាប់ពី​​​អាជ្ញាធរ​បាន​​​រាយ​​​​​​លួស​​​បន្លា​​​នៅ​​​ជុំ​​​វិញ​​​កន្លែង​​​តវ៉ា​​​នោះ​​​​​កាលពី​ម្សិល​មិញ​។

បដា​មួយ​បាន​សរ​សេរ​ថា​មិន​ចូលរួម​បាតុ​កម្ម​ហិង្សា​ខុស​ច្បាប់​​ដែល​​បាន​ចង​កាត់ទទឹង​បណ្តោយ​មហា​វីថី​ព្រះ​នរោត្តម​ក្នុង​ទី​ក្រុង​ភ្នំកាល​ពីម្សិល​មិញ​់។​ Lauren Crothers
បដា​មួយ​បាន​សរ​សេរ​ថា​មិន​ចូលរួម​បាតុ​កម្ម​ហិង្សា​ខុស​ច្បាប់​​ដែល​​បាន​ចង​កាត់ទទឹង​បណ្តោយ​មហា​វីថី​ព្រះ​នរោត្តម​ក្នុង​ទី​ក្រុង​ភ្នំពេញកាល​ពីម្សិល​មិញ។​ Lauren Crothers

ទោះ​ជា​យ៉ាង​​​ណា ​​​មន្ត្រី​​​សាលា​​​រាជធានី​​​បាន​​​​​​បញ្ជាក់​​​ឡើង​​​​​​វិញ​​​កាល​​​ពី​​​ម្សិលមិញ​​​ថា បម្រាម​​​មិន​​​ឲ្យ​​​មាន​​​​​​ការ​​​​​​ជួប​​​ជុំ​​​គ្នា​​​ជា​​​សាធារណៈ​​​​នេះ​នៅ​អនុវត្ត​យ៉ាង​តឹង​រុឹង​ដដែល​​​។

លោក​​​ ឯក​​​ សុខ​ភក្ដី អគ្គ​​​លេខាធិការ​​​សម្ព័ន្ធ​​​សហជីព​​​ប្រជាធិបតេយ្យ​​​កម្ម​​​ករ​​​កាត់​​​ដេរ​​​កម្ពុជា​​​បាន​​​មាន​​​ប្រសាសន៍​​​ថា ពួកគេ​បាន​សម្រេច​ទៅ​​​​ជួប​​​ជុំ​​​គ្នា​​​នៅ​​​ខាង​​​មុខ​​​រដ្ឋ​​​សភា​​​​​​វិញ ​​​​​ ហើយ​​​​គេ​រំពឹង​ថា កម្មករ​មក​​​ពី​​​តាម​​​បណ្ដា​​​ខេត្ត​នឹង​​​មក​​​ជួប​​​ជុំ​​​គ្នា​​​នៅ​​​ក្នុង​​​រាជ​ធានី​ដដែល​​​​ ទោះ​​​ជា​មាន​​​​​​បម្រាម​​​នេះ​ក៏​​​ដោយ​​​។​

កម្មករ​​​នឹង​ទាម​​​ទារ​​​​​​ដំឡើង​​​ប្រាក់​​​ខែ​​​គោល​​​​​​ និង​ទាម​​​ទារ​ឲ្យ​​​ដោះ​លែង​​​​​​កម្មករ​​​រោង​ចក្រ​កាត់​ដេរ​​​និង​​​សកម្ម​​​ជន​​​ ដែល​​​ត្រូវ​​​បាន​​​ឃុំ​​​ខ្លួន​​​ពាក់ព័ន្ធ​​ការ​​​ធ្វើ​​​កូដកម្ម​​​កាល​​​ពី​​​ខែ​​​មករា។

លោក​​​ សុខភក្ដី​​​ បាន​​មាន​​​ប្រសាសន៍​​​ថា កម្មករ​​​​​​នឹង​​ទៅ​​​ជួប​​​ជុំ​​​គ្នា​​​នៅ​​​ទីនោះ​​​នៅ​ម៉ោង​៨ព្រឹក។​យើង​នឹង​​​ហែក្បួន​​​ទៅ​​​កាន់​​​ការិយាល័យ​​​គណបក្ស​​​ប្រជាជន​​​កម្ពុជា​​​ និង​​​គណបក្ស​​​សង្គ្រោះ​​​ជាតិ​​​ ដើម្បី​​​ដាក់​​​ញត្តិ​​​ទាម​​​ទារ​​​ឲ្យ​​​រដ្ឋាភិបាល​​​​​​ដោះលែង​អ្នកជាប់ឃុំ​​​​២១​​​នាក់​​​ និង​​​​​​លើក​លែង​​​ការ​​​ចោទ​​​ប្រកាន់​​លើ​​​មនុស្ស​ទាំង​​​២៣​​​នាក់​​​ ព្រម​ទាំង​ឲ្យ​​​ពិភាក្សា​​​ឡើង​​​វិញ​​​អំពី​​​ប្រាក់​ខែ​​​គោល​​​១៦០​​​ដុល្លារ​​​

លោក​​​បានមាន​​​ប្រសាសន៍​​​ថា កម្មក​​​រប្រហែល​​​៥.០០០​​​នាក់​​​មក​​​ពី​​​ខេត្ត​​​កំពង់​​​ចាម​​​ ព្រៃ​វែង​​​ កំពង់​​​ស្ពឺ និង​​​ខេត្ត​​​កំពង់ឆ្នាំង​​​នឹង​​​មក​​​ចូល​​​រួម​​​ ​ដែល​ជា​​​ការ​​បំពាន​​បម្រាម​​​​​​មិន​​​ឲ្យ​​​មាន​​​ការ​​​ជួប​ជុំ​​​គ្នា​​​ជា​​​សាធារណៈ​​​ ដែល​​​បាន​​​ដាក់​​​ចាប់​​​តាំង​​​ពី​​​ខែ​​​​​​មករា​​​មក​​​។

លោក ប៉ាវ ស៊ីណា ប្រធាន​​​សម្ព័ន្ធ​​​សហជីព​​​​ចលនា​កម្ពុជា​​​​​​បាន​មាន​​​ប្រសាសន៍​​​ថា សហ​ជីព​​​និង​​​​​​សមាគម​ចំនួន​​​១៧​​​ កំពុង​កៀង​​​គរ​​​កម្មករ​​​ឲ្យ​​​មក​​​ជួប​​​ជុំគ្នា​​​។

មេដឹកនាំ​​​សហជីព​​​រូប​​​នេះ​​​បាន​​​មាន​​​ប្រសាសន៍​​​ថា យើង​​​មិន​​​បារម្ភ​​​អំពី​​​ការ​​​បង្ក្រាប​​​ទេ​​​ ពីព្រោះ​​​យើ​​​ង​​​ធ្វើ​​​ការ​​​តវ៉ា​​​ដោយ​​​សន្ដិវិធី​​​ និង​​​អហិង្សា​​​

ចាប់​​​តាំង​​​ពី​​​ខែ​​​វិច្ឆិកា​​​មក​​​​ អាជ្ញាធរ​​​បាន​​​បង្ក្រាប​​​​​​ការ​​​តវ៉ា​ក្នុង​​​​​វិស័យ​​​កាត់​​​ដេរ​​​​​​ពី​​​រលើ​​​ក​​​ដោយ​​​ហិង្សា​​​ បណ្តាល​ឲ្យ​មានការ​បាញ់សម្លាប់មនុស្ស​​​​យ៉ាង​​​ហោច​​​ណាស់​​​ក៏​​​ប្រាំមួយ​​​នាក់​​​ដែរ​​​។

អាជ្ញាធរ​​​មិន​​​បាន​​​ចាប់​​​ខ្លួន​​​ជន​​​ណា​​​ម្នាក់​​​ឡើយ​​​ ប៉ុន្តែ​​​មន្ត្រី​​សហជីព​​​ និង​​​សកម្មជន​​​ការងារ​​​២៣​​​នាក់​ត្រូវ​បាន​យក​មក​ជំនុំ​​​ជម្រះ​​​ពាក់ព័ន្ធ​​​នឹង​​​ការ​​​ធ្វើ​​​កូដកម្ម​​​កាល​​​ពី​​​ខែ​​​មករា។ ក្មេង​​​ជំទង់​​​ពី​​​រ​​​នាក់​​​ក៏​​​ត្រូវ​​​បាន​​​ផ្ដន្ទាទោស​​​​​​ចំពោះ​​​ការ​ជាប់​​​ពាក់ព័ន្ធ​​​នឹង​​​ការ​​​តវ៉ា​​​កាល​​​ពី​​​ខែ​​​វិច្ឆិកា​​​ផងដែរ។

កាល​​​ពី​​​ម្សិលមិញ​​​ លោក​​​ ឃួង ស្រេង​​​ អភិបាល​​​រង​​​រាជធានីភ្នំពេញ​​​បាន​​​ចេញ​​​សេចក្តី​ជូន​ដំណឹង​មួយ​បញ្ជាក់​ថា ការ​​​ជួបជុំគ្នា​​តាម​​​ការ​​​គ្រោង​​​ទុក​​​នៅ​​​ថ្ងៃ​​​នេះ​​ក៏​​​​​​មិន​​​ត្រូវ​​​បាន​​​អនុញ្ញាត​​​ដែរ។

ដោយ​​​សំដៅដល់​​​កន្លែង​មួយក្នុង​ចំណោម​កន្លែង​ដែលមាន​ការ​​​បង្ក្រាប​​​ទៅ​​​លើ​​​ការ​​​​​​តវ៉ា​​​កាល​​​ពី​​​ខែ​​​មករា បទ​​​បញ្ជា​​​នោះ​​​លើក​​​ឡើ​​​ង​​​ថា សាលា​​​រាជធានី​​​ នឹង“​​​មិន​​​អនុញ្ញាត​​​ឲ្យ​​​សហជីព​​​ធ្វើ​​​ការ​​​តវ៉ា​​​នៅ​​​ថ្ងៃ​​​នេះ​​​នៅ​​​ទីលាន​​​ប្រជា​​​ធិបតេយ្យ​​​ ឬ​​​នៅ​​​ទី​​​សាធារណៈ​​​ផ្សេង​​​ទៀត​​​ឡើយ​​​ ពីព្រោះ​​​ទីលាន​​​ប្រជាធិបតេយ្យ​​​កំពុង​ស្ថិត​​​ក្រោម​​​ការ​​​ស៊ើប​​​អង្កេត​​​របស់​​​គណៈកម្មការ​​​មួយ​​​​​ពាក់ព័ន្ធ​​​នឹង​​​ការ​​​ប្រើ​​​អំពើ​​​ហិង្សា​​​នៅ​​​ផ្លូវ​​វេងស្រេង​​​

លោក​​​ឧត្តមសេនីយ៍​​​ត្រី​​​ ខេង​​​ ទីតូ អ្នក​​​នាំពាក្យ​​​កង​​​រាជ​​​អាវុធ​​​ហត្ថ​​​លើ​​​ផ្ទៃ​​​ប្រទេស​​​បាន​​​មាន​​​ប្រសាសន៍​​​ថា អាជ្ញាធរ​​​របស់លោក​ត្រៀម​​​​​​អនុវត្ត​​​បទ​​​បញ្ជា​។

លោក​​​បាន​​​មាន​​​ប្រសាសន៍​​​ថា យើង​​​នឹង​​​រារាំង​​​​​​ពួក​​​គេ​​​មិន​​​ឲ្យ​​​ធ្វើ​​​ការ​​​តវ៉ា​​​ទេ​​​ ពីព្រោះ​​​អាជ្ញាធរ​​​មិន​​​អនុញ្ញាត​​​ឲ្យ​​​ពួក​​​គេ​​​ធ្វើ​​​ឡើយ​​​។ ប្រសិន​​​បើ​​​មាន​​​បទ​​​ល្មើស​​​កើត​​​ឡើង​​​​​​ យើង​​​នឹង​​​ចាប់​​​ខ្លួន​​​

ខណៈ​​​ដែល​​​មាន​​​ការ​​​រាយ​​​លួស​​​បន្លា​​​ព័ទ្ធ​​​ជុំវិញ​​​ទីលាន​​​ប្រជាធិបតេយ្យ​​​កាល​​​ពី​​​ព្រឹកម្សិល​​​មិញ​​​ ដើម្បី​​​រារាំង​​​មិន​​​ឲ្យ​​​មាន​​​ការ​​​​​​ជួបជុំគ្នា​​​នៅ​​ទិវា​​​ពល​​​កម្ម​​​អន្តរ​ជាតិ​​​នៅ​​​ថ្ងៃ​​​នេះ​​​ រដ្ឋាភិ​​​បាល​​​​​​ក៏​​​បាន​រៀប​ចំពិធី​នេះ​តាម​វិធី​របស់​ខ្លួន​​ផង​​​ដែរ​​​។

មាន​​​ការ​​​ចង​​​បដា​​​​​​​​​ជាច្រើន​នៅ​​​តាម​​​មហាវិថី​​​ព្រះ​​​នរោត្តម​​​និង​​​មហាវិថី​​​សហព័ន្ធ​​​រុស្ស៊ី​​​ក្នុង​​​រាជ​​​ធានី​​​ភ្នំពេញ​​​ អំពាវនាវ​​​ឲ្យ​​​​​​ប្រជាពលរដ្ឋ​​​ កុំ​​​ចូល​​​រួម​​​បាតុកម្ម​​​ហិង្សា​​​ខុស​​​ច្បាប់​​​” “រួម​​​គ្នា​​​ទប់​​​ស្កាត់​​​ករណី​​​​​​គ្រោះថ្នាក់​​​ការងារ​​​ ការ​ដួល​​​សន្លប់​​​ និង​​​គ្រោះ​​​ថ្នាក់​​​ចរាចរណ៍” ហើយ​​​ គោរព​​​ច្បាប់​​​ស្ដីពី​​​ការងារ​​​ ដើម្បី​​​ធានាសិទ្ធិ​​​​​​ និង​​​​​​ផល​​​ប្រយោជន៍​​​រួម​​​របស់​​​កម្មករ​​​និង​​​និយោជក​​​

នៅ​​​ក្នុង​​​សុន្ទរកថាដែល​​​​​​បាន​​​ចេញ​​​ផ្សាយ​​​ដោយ​​​អង្គភាព​​​ព័ត៌មាន​​​ និង​​​ប្រតិកម្ម​​​រហ័ស​​​របស់​​​ទីស្ដី​​​ការ​​​គណៈរដ្ឋ​​មន្ត្រី​​​នៅ​​​ព្រឹក​​​នេះ​​​ លោក​​​ អិុត​​​ សំហេង​​​ រដ្ឋ​​​មន្ត្រី​​​ក្រសួង​​​ការងារ​​​ក៏​​​បាន​​​កោត​​​សរសើរ​​​អំពី​ការ​រីក​ចម្រើន​នៃ​វិស័យ​​​សេដ្ឋកិច្ច​​​ដ៏​​​ធំ​​​បំផុត​​​នៅ​​​ក្នុង​​​ប្រទេស​​​កម្ពុជា​​​ ប៉ុន្តែ​​​បាន​​​ព្រមាន​​​ថា ការ​​​ប្រារព្ធ​​​ទិវា​ពល​​​កម្ម​​​អន្តរជាតិ​​​គួរ​តែ​​​បង្អន់​​​។

លោក​​​បាន​​​មាន​​​ប្រសាសន៍​​​ថា យើង​​​ត្រូវ​​​ប្រារព្ធ​​​ទិវា​​​ពល​​​កម្ម​​​អន្តរជាតិ​​​នៅ​​​ថ្ងៃ​​​ទី​​​១ ខែ​​​ឧសភា​​​ ក្នុង​​​បរិកាស​​​សប្បាយរីករាយ​​​ និង​​​រាក់ទាក់​​​ ហើយ​​​ចៀសវាង​​​​​​ការ​​​យក​​​ឱកាស​​​នេះ​​​ ដើម្បី​​​ជំរុញ​​​ ឬ​​​ញុះញង់​​​សាធារណជន​​​ឲ្យ​​​ប្រព្រឹត្ត​បទ​​​ល្មើស ​​​អំពើ​​​មនុស្ស​​​ឃាត​​​ ឬ​​​ការ​​​តវ៉ា​​​ដែល​​ធ្វើ​ឲ្យ​ប៉ះ​ពាល់​​​ដល់​​​សន្ដិសុខ​​​សង្គម​​​

សុន្ទរកថា​នេះ​​​អម​​​ដោយ​ចម្រៀង​អរគុណ​​​លោក​​​នាយក​​​រដ្ឋ​​​មន្ត្រី​​​ ហ៊ុន សែន​​​ និង​​​​​​លោក​​​ស្រី​​​ ប៊ុន​​​ រ៉ានី ជា​​​ភរិយា​​​របស់​​​លោក​​​ដែល​​​បាន​​​​​​ធ្វើ​​​ការ​​​អភិវឌ្ឍ​​សេដ្ឋកិច្ច​​​ដល់​​​ប្រទេស​​​ជាតិ​​​តាម​​​រយៈ​​​ការ​​​ជីក​​​ប្រឡាយ​​​ ការ​​​បង្កើត​​​ការងារ​​​ និង​​​រោងចក្រ​​​ជាដើម។

សុន្ទរកថា​នេះ​​​មាន​​​ខ្លឹម​​​សារ​​​ថា យើង​​​បាន​​​បញ្ចប់​​​ការ​​​សិក្សា​​​ហើយ​ទទួល​​​បាន​​​ការងារ​​​ល្អ​​​​​​ ឥឡូវ​​​នេះយើ​​​ងមាន​​​ជីវភាព​​​រស់នៅ​​​សមរម្យ​​​​​ ហើយ​​​យើង​​​កំពុង​ដើរ​តាម​ផ្លូវ​ត្រូវ​​​​៕ សារុន 

(រាយការណ៍បន្ថែម​​​​​​ដោយ​​​ Lauren Crothers)

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស