28 C
Phnom Penh

​ព័ត៌មាន​លម្អិត​បន្ថែម​ទៀត​ក្នុង​ករណីឃាត​កម្ម​លើ​ស្ត្រីជនជាតិ​ហូឡង់​

ដោយ ឌឹ ខេមបូឌា ដេលី

បទវិភាគ

ដំបូង​នគរ​បាល​បាន​រាយការណ៍​ថា ឈ្មោះ ជា ភិន អាយុ​៣៥​ឆ្នាំ​បាន​លួច​គាស់​ចូល​ក្នុង​ផ្ទះ​មួយ​នៅ​សង្កាត់​ទន្លេ​បាសាក់​ ​នៅពេល​ទៀប​ភ្លឺ​ឈាន​ចូល​ព្រឹក​ថ្ងៃ​ច័ន្ទ ហើយ​បាន​ចាក់​ឈ្មោះ ដាបណា បៀដសេន ( Daphna Beerdsen) រហូត​ដល់​ស្លាប់​ បន្ទាប់ពី​គាត់​បាន​ឃើញ​ជន​នេះ​កំពុង​តែ​ព្យាយាម​លួច​កង់​មួយ​គ្រឿង។

ក៏ប៉ុន្តែ​លោក គៀត ច័ន្ទថារិទ្ធ អ្នក​នាំពាក្យអគ្គស្នងការនគរ​បាល​ជាតិ​បាន​ឲ្យ​ដឹង​កាលពីម្សិលមិញ​ថា ជន​ដៃដល់​ពិត​ជា​បាន​ព្យាយាម​ប្រព្រឹត្ត​អំពើ​ប្លន់​យក​កង់​ទាំង​ថ្ងៃ​ ហើយ​បាន​សារភាព​ថា ខ្លួន​ពិត​ជាបាន​​ប្រព្រឹត្ត​ដូច្នោះ​មែន​។ លោកឧត្តម​សេនីយ៍​ឯក គៀត ច័ន្ទថារិទ្ធ បាន​មាន​ប្រសាសន៍​ថា យោង​តាម​ចម្លើយសារភាព​បាន​ឲ្យ​ដឹង​ថា បុរស​រូប​នេះ​បាន​ដើរ​កាត់​ផ្ទះរបស់​ជន​រង​គ្រោះ​​ឃើញ​មាត់​ច្រកចំហ​ ហើយ​ក៏​ចង់​លួច​យក​កង់​​”។ លោក​បាន​បន្ថែម​ថា ឧក្រិដ្ឋកម្ម​នេះ​ត្រូវ​បាន​ប្រព្រឹត្ត​នៅ​ម៉ោង​ប្រហែល​៣រសៀល មិន​មែន​ម៉ោង​៣ទៀប​ភ្លឺ​ដូច​ដែល​ត្រូវ​បាន​រាយការណ៍​ពីមុន​នោះទេ​។

លោក​បាន​មាន​ប្រសាសន៍​ថា យោង​តាម​ចម្លើយ​សារភាព​របស់​ជន​សង្ស័យ​បាន​ឲ្យ​ដឹង​ថា ឈ្មោះ​ ដាបណា បៀដសេន​ បាន​ប្រើ​ប្រដាប់​បោស​ធូលី​វាយ​ទៅលើ​ចោរ​ ហើយ​ចោរ​ក៏យក​ទួណឺវីស​ចាក់ទៅលើជន​រង​គ្រោះ​ត្រូវប្រាំមួយ​កន្លែង​។

កូនស្រីអាយុ​១៩​ខែ​ឈ្មោះ ដាណា (Dana) របស់​ ដាបណា បៀដសេន ក៏ត្រូវ​បាន​ជន​សង្ស័យ​ចាក់​ដែរ​ និង​ត្រូវ​​បាន​បញ្ជូន​ទៅ​មន្ទីរ​ពេទ្យ​ Bangkok General Hospital ជាមួយ​ឪពុក​របស់​នាង​គឺ​លោក ចូរីស អូឡេ (Joris Oele) ដែល​មិន​បាន​ស្ថិត​នៅ​ភ្នំពេញ​ទេ ​ពេល​​មាន​ឃា​ត​កម្ម​នេះកើត​ឡើង។ ដាណា​ ត្រូវបាន​ព្យាបាល​របួស​ដង​ខ្លួន​ និង​​ក្បាល​របស់​នាង​ស្ថិត​ក្នុង​ស្ថាន​ភាព​យ៉ាប​យ៉ឺន​នៅ​ក្នុង​បន្ទប់​សង្គ្រោះ​បន្ទាន់​កាលពីថ្ងៃពុធ។ មន្ទីរពេទ្យ​បាន​បដិសេធ​មិន​ផ្ដល់​ព័ត៌មាន​លម្អិត​អំពី​ស្ថាន​ភាព​របស់​នាង​ឡើយ​​កាលពីម្សិលមិញ​។

លោក គៀត ច័ន្ទថារិទ្ធ បាន​មាន​ប្រសាសន៍​ថា ជា ភិន បាន​សារភាព​ថា ខ្លួន​ពិត​ជាបាន​ចាក់​កុមារី​នេះ​មែន​។ លោក​បាន​ឲ្យ​ដឹង​ថា យោងតាម​ចម្លើយ​សារភាព​ [ជា ភិន] គ្មាន​បំណង​ចាក់​កុមារី​នេះ​ទេ ក៏ប៉ុន្តែ​ជន​រងគ្រោះ​ប្រហែល​ជា​កំពុង​តែ​បីកូន​ នៅពេល​មាន​ការ​ប្រវាយ​ប្រតប់​គ្នា​”​

លោក​ក៏បាន​ឲ្យ​ដឹង​ដែរ​ថា អ្នក​ឲ្យ​ការណ៍ម្នាក់​បាន​នាំ​ឲ្យ​ប៉ូលិស​ទៅដល់​វត្ត​បទុម​ ជាទីដែល​ ជា ភិន ត្រូវ​បាន​គេ​ឃើញ​មាន​កាបូប​ដៃ អត្តសញ្ញាណ​ប័ណ្ណ និង​កុំព្យូទ័រយួរដៃរបស់​ ដាបណា បៀដសេន។ លោក​បានមាន​ប្រសាសន៍​ថា មនុស្ស​ទាំង​នេះ​បាន​ឃើញ​បុរស​រូប​នេះ​មាន​របស់​ទាំង​នេះនៅ​ជាប់​នឹង​ខ្លួន​ដែល​រូប​គេ​​មិន​ដែល​មាន​ពីមុនមក​ ដូច្នេះ​ពួកគេ​ក៏មាន​ការ​សង្ស័យ​​​”

លោក អេង សុភា នាយការិយាល័យ​នគ​រ​បាល​ព្រហ្មទណ្ឌ​រាជ​ធានីភ្នំពេញ ដែល​បាន​សន្យា​ថា ធ្វើ​សន្និសីទ​សារ​ព័ត៌មាន​​​កាលពីម្សិលមិញ​អំពីការ​ចាប់​ខ្លួន​នេះ​បាន​មាន​ប្រសាសន៍​តា​ម​ទូរស័ព្ទ​ថា ​នគ​របាល​​ដឹង​​ថា ជា ភិន ជា​ឧក្រិដ្ឋជន​កំប៉ិក​កំប៉ុក​ ហើយត្រូវ​បាន​ដោះលែង​ពីពន្ធនាគារ​​ថ្មីៗ​នេះ​។ លោក​បាន​មាន​ប្រសាសន៍​ថា ជន​សង្ស័យ​ជា​ជន​​កំព្រា​ ហើយ​គ្មាន​កន្លែង​ពិត​ប្រាកដ​រស់​នៅ​នោះទេ​”

ជន​នេះ​ជាប់ពន្ធនាគារ​ក្នុង​ឆ្នាំ​១៩៩៧​ ពីបទ​ចោរកម្ម​ ហើយ​ក្នុង​ឆ្នាំ២០០៧​ ជន​នេះ​ជាប់ពន្ធនាគារ​រយៈពេល​ប្រាំពីរ​ឆ្នាំ​ពីបទ​ប្លន់​ ហើយ​ទើប​តែ​ចេញពីគុក​។ បន្ថែម​​​ពី​​​លើ​​​នេះ​​​ ជន​នេះ​ជា​អ្នក​ប្រើ​គ្រឿង​ញៀន​។ លោក​​​បាន​​​មាន​ប្រសាសន៍​ថា ជា ភិន ត្រូវ​បាន​ចាប់​ខ្លួន​នៅមុខ​វត្ត​បទុម កាល​​​ពីយប់​ថ្ងៃ​អង្គារ ប៉ុន្តែ​លោក​បាន​បដិសេធ​មិន​ផ្ដល់​សេចក្ដីលម្អិត​​ថា តើ​នគរ​បាល​តាម​ដាន​ជន​នេះ​របៀប​ណា​​​នោះ​​​ទេ។ លោក​ឧត្តមសេនីយ៍ឯក គៀត ច័ន្ទថារិទ្ធ បាន​ឲ្យ​ដឹង​ថា ជន​សង្ស័យ​ត្រូវ​​​បាន​ចាប់​ខ្លួន និង​រស់​នៅ​ក្នុង​វត្ត​​បទុម​។

ឧបាសក​និង​ព្រះសង្ឃ​​មួយ​ចំនួន​នៅ​ក្នុង​វត្ត​នេះ​បាន​ឲ្យ​ដឹង​កាល​​​ពី​​​ម្សិលមិញ​ថា ពួកគាត់​និង​ព្រះសង្ឃ​មិន​​ស្គាល់ ​​ជា ភិន ហេតុការណ៍​​​ជុំវិញ​​​ការ​ចាប់​ខ្លួន​ ឬ​​​ឃាតកម្ម​នោះ​​​ទេ​។

លោក ជួន ណារិន ស្នង​ការ​​​រង​នគរ​បាល​​រាជ​ធានី​​​ភ្នំពេញ​បាន​មាន​ប្រសាសន៍​ថា ជា ភិន នឹង​ត្រូវ​​នាំ​ខ្លួន​ទៅ​សាកសួរ​នៅ​សាលា​ដំបូង​រាជធានី​​​ភ្នំពេញ​នៅ​​​ថ្ងៃ​នេះ​៕ ប៊ុននី

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស