នគរបាលមូលដ្ឋានបានឲ្យដឹងកាលពីម្សិលមិញថា បុរសអាយុ៤៩ឆ្នាំម្នាក់ត្រូវអ្នកជិតខាងខ្លួនដែលជាក្មេងជំទង់កាប់៦ពូថៅរហូតដល់ស្លាប់កាលពីថ្ងៃពុធ ដោយសារជម្លោះរឿងព្រំដីនៅក្នុងស្រុកភ្នំស្រួច ខេត្តកំពង់ស្ពឺ។
យោងតាមលោក ប្រាក់ ប៊ុនឡៃ នាយប៉ុស្តិ៍ឃុំត្រែងត្រយឹងបានឲ្យដឹងថា ជនសង្ស័យឈ្មោះ មាស វន អាយុ១៩ឆ្នាំ បច្ចុប្បន្ននេះកំពុងរត់គេចខ្លួនបន្ទាប់ពីកាប់លោក លាង វណ្ណឈាង បីពូថៅចំកញ្ចឹងក។
លោក ប៊ុនឡៃ បានមានប្រសាសន៍ថា “មូលហេតុនៅពីក្រោយការសម្លាប់នេះគឺដោយសារ…ជនរងគ្រោះបានដាំចេកនៅលើដីមួយក្បាលតូចស្ថិតនៅតាមព្រំប្រទល់ដីរបស់បុរសទាំងពីរ ដែលបានបណ្តាលឲ្យមានវិវាទដីធ្លីកើតឡើង ពីព្រោះជនសង្ស័យអះអាងថា ដីនេះជាកម្មសិទ្ធិរបស់ខ្លួនច”។
នាយប៉ុស្តិ៍រូបនេះបានបន្ថែមថា នៅពេលបុរសទាំងពីរនាក់នេះឈ្លោះគ្នារឿងដីធ្លីនោះ ឈ្មោះ វន បានយកពូថៅកាប់ជនរងគ្រោះតែម្តង។ ក្រុមគ្រួសារលោក លាង វណ្ណឈាង បានប្រញាប់ប្រញាល់បញ្ជូនគាត់ទៅមន្ទីរពេទ្យព្រះកុសុមៈក្នុងរាជធានីភ្នំពេញ ហើយគាត់បានស្លាប់នៅតាមផ្លូវតែម្តង។លោកបានមានប្រសាសន៍ថា “ជនសង្ស័យបានរត់គេចខ្លួនបន្ទាប់ពីកាប់អ្នកជិតខាងរបស់ខ្លួនឲ្យរងរបួសធ្ងន់។ បច្ចុប្បន្ននេះ យើងកំពុងស្វែងរកចាប់ខ្លួនជននេះច”៕សារុន