28 C
Phnom Penh

អំឡុងពេល​ឃោសនា​បោះឆ្នោត គណបក្ស​សង្គ្រោះ​ជាតិ​នឹង​ចៀស​វាង​ការវាយ​ប្រហារគណបក្ស​ប្រជាជន

ដោយ ឌឹ ខេមបូឌា ដេលី

បទវិភាគ

​​​​​​​​​​​​​​លោក សម រង្ស៊ី និង ​​​លោក​​​ កឹម សុខា មេដឹក​​​នាំ​​​គណ​បក្ស​​​ប្រឆាំង​​​បាន​​​ប្រកាស​​​កាល​​ ​ពី​​​ម្សិល​​​មិញ​​​ថា គណ​បក្ស​​​សង្គ្រោះ​​​ជាតិ​​​នឹង​​​គោរព​​​តាម​​​ សេចក្តី​​​សម្រេច​​​ដែល​​​បាន​​​សម្រេច​​​កាល​​​ពី​​​ខែ​​​មុន​​​ហាម​​​ឃាត់ ​​​គណ​បក្ស​​​នយោ​បាយ​​​ទាំង​​​អស់​​​មិន​​​​​​ឲ្យរិះគន់​​​គ្នា​​​អំឡុង​​​ ពេល​​​​ធ្វើ​​យុទ្ធនា​​​ការ​​​ឃោស​​​នា​​​បោះ​​​ឆ្នោត​​​ជ្រើ​​​សរើស​សមា​ជិក​ ​​​ក្រុម​​​ប្រឹក្សា​​​រាជ​ធានី​​​ ខេត្ត ក្រុង ស្រុក ខណ្ឌ នៅថ្ងៃ​​​ទី​​​១៨ ​​​ ខែ​​​ឧសភា  ដែល​មានរយៈ​ពេល​​​ពីរ​​​សប្តាហ៍​​​​​​ចាប់​ផ្តើម​​​នៅថ្ងៃ​​​នេះ​​​។

កាល​​​ពីថ្ងៃទី​​​១២​​​ខែ​​​មេសា ​​​គណៈកម្មាធិការ​​​ជាតិ​​​រៀប​​​ចំ​​​ការ​​​បោះឆ្នោត (...) បាន​​​ចេញ​​​សេចក្តីសម្រេច​​​​​​​​​​​ហាម​​​ឃាត់​​​គណបក្ស​​​នយោបាយ​​​ទាំ​​ងអស់​​​មិន​​​​​​ឲ្យជេ​​​រ​​​ប្រមាថ​​​គ្នា​​​ ឬ​​​លើក​​​ឡើង​​​ អំពីហេតុ​​​ការណ៍​​​ដែល​​​គួរ​​​ឲ្យតក់​​​ស្លុត​​​ក្នុង​​​អតីត​​​កាល​​​​​​” អំឡុង​​​យុទ្ធនាការ​​​ឃោសនា​​​បោះ​​​ឆ្នោត​​​ឡើយ។ គ...ក៏បាន​​​សម្រេច​​​ថា គណបក្ស​​​ទាំង​​​អស់​​​នឹង​​​ត្រូវ​​​ហាម​​​ឃាត់​​​មិន​​​ឲ្យ​​​បោះ​​​ទី​​​តាំង​​​អចិន្ត្រៃយ៍​​​ដើម្បី​​​ធ្វើការ​ឃោស​​​នា​​ផងដែរ​​​​​​។

ថ្លែង​​​​នៅ​​​ទីស្នាក់​​​ការ​​​កណ្តាល​​​គណបក្សសង្គ្រោះ​​​ជាតិ​​​ក្នុង​​​រាជធានី​​​ភ្នំពេញ​​​ បន្ទាប់​​​ពី​​​ចំណាយ​​​ពេល​​​មួយ​​​ព្រឹក​​​ដឹក​​​នាំ​​​កម្មករ​​​ និង​​​អ្នកគាំទ្រ​​​ហែ​​​ក្បួន​​​នោះ​​​ លោក កឹម សុខា បាន​​​ថ្កោល​​​ទោស​​​សេចក្តី​​​សម្រេច​​​នេះ​​​ ប៉ុន្តែ លោក​​​បាន​​​​​​មាន​​​ប្រសាសន៍​​​ថា ពួកគាត់​​​នឹង​​​អនុវត្ត​​​តាម​​​សេចក្តី​​​សម្រេចនេះ​​​ក្នុង​​ការ​​​ធ្វើ​​​យុទ្ធនាការ​​​ឃោស​​នា​​​បោះ​​​ឆ្នោត​​​។

លោក សម រង្ស៊ី បានមាន​​​ប្រសាសន៍​​​ថា នៅក្នុង​​​យុទ្ធ​​​នាការ​​​នេះ​​​ យើង​​​នឹង​​​មិន​​​វាយ​​​ប្រហារ​​​គ្នា​​​ទេ​​​។​​​ យើង​​​ចង់​​​ឲ្យ​​​ប្រជាពល​​​រដ្ឋ​​​ខ្មែរ​​​ភ្ញាក់ខ្លួន​ឡើង​​​ ហើយ​រួម​​​គ្នា​​​ជា​​​ជាតិ​​​មួយ​​​ដើម្បី​​​ដោះ​​​ស្រាយ​​​បញ្ហា​​​មួយ​​​ចំនួន​​​ពាក់​​​ព័ន្ធ​​​នឹង​​​ស្ថាន​​​ការណ៍​​​នៅ​​​ក្នុង​​​ប្រទេសជាតិ​​​​​​”

លោក​​​ សម រង្ស៊ី បាន​​​បន្ថែម​​​ថា នេះ​​​មិន​​​មែន​​​ជា​​​ការ​​​តវ៉ា​​​ទាម​​​ទារ​​​ឲ្យ​​​លោក​​​ ហ៊ុន សែន​​​ ចុះ​​​ចេញ​​​ទេ​​​ យើង​គ្រាន់​តែ​​​ចង់​​​បង្ហាញ​​​អំពីគោល​​​នយោបាយ​​​របស់​​​យើង​​​​​ប៉ុណ្ណោះ​​​។ យើង​​​មិន​​​មាន​​​បញ្ហា​​​រវាង​​​គណបក្ស​​​ឡើយ។ យុទ្ធនាការ​​​នេះគឺ​​​និយាយ​​​អំពី​​​បញ្ហា​​​ប្រទេស​​​ជាតិ​​​តែ​​​ប៉ុណ្ណោះ​​​​​​”

សេចក្តីស​​​ម្រេច​​​កាល​​​ពីថ្ងៃ​​​ទី​​​១២​​​ ខែ​​​មេសា របស់​​​ គ..ធ្វើ​​​ឡើង​​​ភ្លាម​​​ៗ​​​បន្ទាប់​​​ពី​​​សេចក្តី​​​ប្រកាស​​​របស់​​​លោក​​​ សម រង្ស៊ី​​​ កាល​​​ពី​​​ចុង​​​ខែ​​​មីនា​​​ថា គណបក្ស​​​សង្គ្រោះ​​​ជាតិ​​​នឹង​​​ប្រើ​​​ប្រាស់​​​រយៈ​​​ពេល​​ធ្វើ​​​យុទ្ធនាការ​​​ឃោស​​​នា​​​ផ្លូវការ​​​ពីរ​​​សប្តាហ៍​​​ ដែល​​​បញ្ចប់​​​នៅថ្ងៃ​​​ទី​​​១៦​​​ខែ​​​ឧសភាដើម្បី​​​ធ្វើ​​មហា​​​បាតុកម្ម​​​ទាម​​​ទារ​​​ឲ្យ​​​លោក​​​នាយក​​​​​​រដ្ឋ​​​មន្ត្រី ហ៊ុន សែន ចុះ​​​ចេញ ឬ​​​អំពាវ​​​នាវ​​​ឲ្យ​មាន​​​ការ​​​បោះឆ្នោត​​​ឡើង​​​វិញ។

ការ​​​តវ៉ាទាំង​អស់​​​​ត្រូវ​​​បាន​​​ហាម​​​ឃាត់​​​ចាប់​​​តាំង​​​ពីខែ​​​មករា​​​មក​​​ បន្ទាប់ពី​​​​រដ្ឋាភិបាល​​​បាន​​​បង្ក្រាប​​​បាតុកម្មលើក​​​ចុង​​​ក្រោយ​​របស់​​​គណបក្ស​​​សង្គ្រោះ​​​ជាតិ​​​ដែល​​​មាន​​​អ្ន​​​កគាំទ្រ​​​កើន​​​ឡើង​​​រហូត​​​ដល់ប្រហែល​​​​៥០.០០០នាក់ហែក្បួន​​​ទាមទារ​​​ឲ្យលោក​​​ ហ៊ុន សែន ចុះ​​​ចេញ​​​ពីតំណែង​​​។

នៅ​​​សន្និសីទ​​​សារព័ត៌មាន​​​នោះ  លោក​​​ កឹម សុខា បាន​​​មាន​​​ប្រសាសន៍​​​ថា គណបក្ស​​​នឹង​​​បោះ​​​បង់​​​ផែនការ​​​របស់​​​ខ្លួន​​​ក្នុង​ការ​​​​ចូល​​​ទៅ​​​កាន់​​​កាប់​​​ទីលាន​​​ប្រជាធិបតេយ្យ​​​។

លោក​​​ កឹម សុខា បាន​​​ពន្យល់​​​ថា ព្រឹក​​​នេះ​​​ខ្ញុំ​​​បាន​​​​​​ទៅ​​​មើល​​​​ទីលាន​​​ប្រជាធិបតេយ្យ​​​ ហើយ​​​ទិដ្ឋ​​​ភាព​​​នៅទីនោះដូច​​​គុក​​​អ៊ីចឹង​​​។ គណបក្ស​​​ប្រជាជនកម្ពុជា​​​បាន​​​កែប្រែ​​​ទីលាន​​​ប្រជាធិបតេយ្យ​​​ឲ្យទៅ​​​ជា​​​គុក​​​ងងឹត​​​ ដែល​​​តឹង​​​រឹុង​​​ជាង​​​​​​ពន្ធនាគារ​​​ព្រៃស​​​ទៅ​​​ទៀត​​​។ គណបក្ស​​​សង្គ្រោះ​​​ជាតិនឹង​​​កសាង​​​ទីលាន​​​ប្រជាធិ​​​បតេយ្យ​​​មួយ​​​ទៀត​​​នៅក្បែរ​​​នោះ​​​ជំនួស​​​វិញ​​​។ យើង​​​ត្រូវ​​​ការ​​​ទីលាន​​​ប្រជាធិប​​​តេយ្យ​​​មួយ​​​ទៀត​​​​​​”

ការ​​​បោះឆ្នោត​​​​​នៅ​​​​ថ្ងៃទី​​​១៨​​​ ខែ​​​ឧសភា សមាជិក​​​ក្រុម​​​ប្រឹក្សា​​​ឃុំ​​​សង្កាត់​​​ទូទាំ​​​ងប្រទេស​​​នឹង​​​ទៅ​​​បោះឆ្នោត​​​ជ្រើស​​​រើស​​​ក្រុម​​​ប្រឹក្សា​​​​ស្រុ​​​កខណ្ឌ​​​​​​នៅ​​​តាម​​​ស្រុក​​​ខណ្ឌ​​​និង​​ខេត្ត​​​ក្រុង​​​របស់​​​ខ្លួន​​​។

ក្រុម​​​មន្ត្រី​​​ជាន់​​​ខ្ពស់​​​គណបក្ស​​​ប្រជាជន​​​កម្ពុជា​​​មិន​​​អាច​​​ទាក់​​​ទង​​​សាក​​​សួរ​​​ព័ត៌មាន​​​អំពី​​​ផែនការ​​​របស់គណបក្ស​​​ប្រជាជន​​​កម្ពុជា​​​សម្រាប់​​​យុទ្ធនាការ​​​ឃោសនាបោះឆ្នោត​​​បាន​​​ទេ​​​កាល​​​ពី​​​ម្សិល​​​មិញ​​​។

ថ្ងៃ​​​នេះ​​​លោក សម រង្ស៊ី និង​​​លោក កឹម សុខា នឹង​​​ធ្វើ​​​ដំណើរ​​​ទៅ​​​ស្រុក​​​កោះធំ ខេត្ត​​​កណ្តាល​​​ដែល​​​នៅ​​​ជាប់​​​ព្រំដែន​​​វៀតណាម​​​មុន​​​ពេល​​​ត្រឡប់​​​មក​​​រាជធានី​​​ភ្នំពេញ​​​វិញ​​​នៅ​​​ម៉ោង​​​ប្រហែល​​​៤​​​ល្ងាច​​​ដើម្បី​​​ដឹក​​​នាំការ​​​ហែក្បួន​​​​​​ធ្វើ​​​យុទ្ធនាការ​​​ដំបូង​​​របស់​​​ខ្លួន​​​។

លោកស្រី មូរ សុខហួរ សមាជិក​​​សភា​​​ជាប់ឆ្នោត​​​គណបក្ស​​​សង្គ្រោះ​​​ជាតិ​​​បាន​​​មាន​​​​​​ប្រសា​សន៍​​​ថា​​​លោក​​​ស្រី​​​ទទួល​​​បាន​​​​​​ព័ត៌មាន​​​ថា អ្នក​​​គាំទ្រ​​​គណបក្ស​​​ប្រជាជន​​​កម្ពុជា​​​បាន​​​​​​រុះ​​​​​​ស្ពាន​​​តូច​​​ៗ​តាម​​​ផ្លូវ​​​ទៅកាន់ស្រុក​​​កោះធំ​​​។

លោក​​​ ផន សារឿន អធិការ​​​នគរបាល​​​ស្រុក​​​កោះធំ​​​បាន​​​មាន​​​ប្រសាសន៍ថា​​​ គិត​មក​​​ដល់​​​យប់​​​មិញ​​​នេះស្ពាន​​​ទាំង​​​នោះ​​មិន​​​ខូច​ទេ ប៉ុន្តែ​​​ថា លោ​​​ក​​​មិន​​​ដឹង​​​ពី​​​ផែនការ​​​របស់​​​គណបក្ស​​​សង្គ្រោះ​​​ជាតិ​​ទេ។

លោក សារឿន បានមាន​​​ប្រសាសន៍ថា ឥឡូវ​​​នេះ​​​​​​ស្ពាន​​​នោះ​​​មិន​​​ត្រូវ​​​បាន​​​យកចេញ​ឬ​បិទ​​​ទេ​​​។ គឺនៅ​​​បើក​​​ដំណើរការដដែល​​​។ នគរបាល​​​ប្រហែលជា​​​ត្រូវ​​​បញ្ជូន​​​ទៅ​​​ឈរ​​​ជើង​​​នៅ​​​ទី​​​នោះ​​​​​​”

នៅពីរ​​​បីថ្ងៃ​​​ក្រោយ​​​នេះ​​​ លោក សម រង្ស៊ី និង​​​លោក កឹម សុខា ក៏នឹង​​​​ធ្វើ​​​ដំណើរ​​​ទៅ​​​ខេត្ត​​​ព្រៃ​​​វែង​​​ កំពង់​​​ចាម ត្បូង​​​ឃ្មុំ និង​​​ខេត្ត​​​ក្រចេះ​​​ផង​​​ដែរ​​​។ ​​​និយាយ​​​រួម​​​ ពួក​​​គាត់​​​​​​​​​​​​​នឹង​​ធ្វើ​​​យុទ្ធនាការ​​​ឃោស​​​នា​​​ក្នុង​​​រាជធានី​​​ភ្នំពេញ​​​ និង​​​តាម​បណ្តាខេត្ត​ក្រុង​​​​​ចំនួន​​​១៥​​​ក្នុង​​​ចំណោម​​​២៤​​​ខេត្ត​​​ក្រុង​​​ទូទាំង​​​ប្រទេស​​​។

លោក សម រង្ស៊ី បានមាន​​​ប្រសាសន៍​​​កាល​​​ពីម្សិល​​​មិញថា វាជាការ​​​បោះឆ្នោត​​​គ្មាន​​​ន័យ​​​ប្រសិន​​​​​​បើ​​​យើង​​​មិន​​​អាច​​​ផ្សព្វ​​​ផ្សាយ​​​សាររបស់​​​យើង​​​បាន​ទេ​​​នោះ​​​”៕ សារុន 

(រាយការណ៍​​​បន្ថែម​​​ដោយ​​​ Alex Willemyns )​​​

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស