​​​បុរស​​​ម្នាក់និង​​​ក្មេង​​​ប្រុស​​​ម្នាក់​​​ស្លាប់​​​ ហើយ​​​ក្មេង​​​ដទៃទៀត​​​បាន​​​រង​​​របួស​​​ដោយសារ​​​រន្ទះបាញ់​​​

នគ​រ​​​បាល​​​បាន​​​និយាយ​​​ថា បុរស​​​ម្នាក់​​​និង​​​ក្មេង​​​ប្រុស​​​ម្នាក់​​​បាន​​​ស្លាប់​​​ដោយ​​​សារ​​​រន្ទះបាញ់ និង​​​ក្មេង​​​បួន​​​នាក់​​​ទៀត​​​បាន​​​រង​​​របួស​​​នៅ​​​ក្នុង​​​ឧបទ្ទវហេតុពីរ​​​ដាច់​​​ដោយ​​​​​​ឡែក​​​ពីគ្នា​​​​​​ក្នុង​​​ខេត្ត​​​បាត់​​​ដំបង កាលពីម្សិលមិញ។

លោក វ៉ែន សាវណ្ណ ប្រធាន​​​ផ្នែក​​​សន្តិសុខ​​​​នៃអធិការដ្ឋាន​នគរ​​​បាល​​​ស្រុក​​​បាណន់ បាន​​​មាន​​​ប្រសាសន៍​​​ថា នៅ​​​ក្នុង​​​ករណីទី១​​​ លោក ម៉ោង វិឆ័យ អាយុ​​​៣១​​​ឆ្នាំ​​​បាន​​​ស្លាប់​​​ភ្លាមៗ​​​ដោយ​​​សារ​​​រន្ទះបាញ់​​​ ពេល​​​លោក​​​កំពុង​​​ជិះគោយន្ត​​​ជាមួយ​​​បុរស​​​ម្នាក់​​​ទៀតអំឡុង​​​​ពេល​​​ភ្លៀង​​​រលឹម។

យោងតាម​​​លោក អឿម ទិត្យ អធិការ​​​នគរបាល​​​ស្រុក​​​បាន​​​ឲ្យ​​​ដឹង​​​ថា នៅក្នុង​​​ករណីមួយ​​​ទៀត​​​ នឿម ពន្លក អាយុ​​​១២​​​ឆ្នាំ បាន​​​ស្លាប់​​​ដោយសារ​​​រន្ទះ​​​បាញ់​​​ ខណៈ​​​ពេល​​​ពួកគេ​​​បាន​​​ចេញពី​​​រៀន​​​នៅ​​​ម៉ោង​​​ប្រហែល​​​៤និង​​​៣០​​​នាទី​​​ល្ងាច​​​ក្នុង​​​ឃុំបឹង​​​ប្រាំ​​​ ស្រុក​​​បវេល។

លោក អឿម ទិត្យ​​​ បាន​​​ពន្យល់​​ប្រាប់​​ថា នឿម ពន្លក បាន​​​ស្លាប់​​​ភ្លាមៗ​​​ដោយសារ​​​រន្ទះ​បាញ់​​​នៅ​​​ក្នុង​​​បរិវេណ​​​សាលា​​​បឋម​​​សិក្សា​​​បឹង​​​ធុង។ ក្មេងបួន​​​នាក់​​​ទៀត​​​ ឈ្មោះ ប៉ែត ពី អាយុ​​​៩​​​ឆ្នាំ ហេង ស្រីស្រស់ អាយុ​​​១១​​​ឆ្នាំ ណុំ ស្រីឃួន អាយុ​​​១៣​​​ឆ្នាំ និង​​​ កឹម យ៉ា អាយុ​​​១២​​​ឆ្នាំ បាន​​​ឈរ​​​ក្បែរ​​​ នឿម ពន្លក ហើយ​​​បានរង​​​របួស​​​៕ សារុន​​​