31 C
Phnom Penh

ខៀវ​​​ សំផន ​​​ចូល​​​ព្យាបាល​​​ជំងឺ​​​នៅ​​​មន្ទីរ​​​ពេទ្យ​​​ ហើយ​​​ប្តឹង​​​ជំទាស់​​​នឹង​​​វិសាល​​​ភាព​​​នៃ​​​សវនាការ

ដោយ ឌឹ ខេមបូឌា ដេលី

បទវិភាគ

មេធាវី​របស់​​​ ខៀវ សំផន បាននិយាយ​កាលពីម្សិលមិញ​ថា អតីតប្រធាន​រដ្ឋ​ខ្មែរ​ក្រហម​ដែល​កំពុង​ឡើង​សវនាការ​ពីបទ​ឧក្រិដ្ឋប្រឆាំង​មនុស្ស​ជាតិ​រូប​នេះ​ត្រូវ​បាន​នាំ​ទៅ​ព្យាបាល​ជំងឺ​នៅ​​មន្ទីរ​ពេទ្យ​ម្ដង​ទៀត​​​ហើយ។

យោងតាម​លោក​ គង់ សំអុន មេធាវីជាតិ​របស់​គាត់​បាន​ឲ្យ​ដឹង​ថា ចុង​ចោទ​អាយុ​៨២​ឆ្នាំ​រូប​នេះ​ក៏កំពុង​ប្ដឹង​ជំទាស់​នឹង​​​វិសាល​​​ភាព​​​នៃ​សវនាការ​ដំណាក់​កាល​បន្ទាប់​​​ប្រឆាំង​​​រូបគាត់​ផង​ដែរ​។ លោក គង់ សំអុន បាន​មាន​ប្រសាសន៍​ថា កូន​ក្ដី​របស់​លោក​ធ្លាក់​​ខ្លួន​ឈឺកាលពី​ពីរ​បីថ្ងៃមុន ហើយ​ត្រូវបាន​បញ្ជូន​ទៅ​មន្ទីរពេទ្យ​មិត្តភាព​ខ្មែរ​-សូវៀត។ លោក​បានមាន​ប្រសាសន៍​ថា “គាត់​កំពុង​ស្ថិត​ក្នុង​មន្ទីរពេទ្យ​។ ជាទូទៅ​គាត់​មាន​សុខភាព​ល្អ ប៉ុន្តែ​ឥឡូវ​នេះ​គាត់​ផ្ដាសាយ​ និង​គ្រុន”។ លោក សំអុន បាន​មាន​ប្រសាសន៍​ថា ក្រុម​មេធាវី​របស់​ ខៀវ សំផន ដែល​មាន​ការ​ព្រួយ​បារម្ភអំពី​សិទ្ធិ​ទទួល​បាន​សវនាការ​លឿន​​​​បា

ន​ប្ដឹង​ជំទាស់​​​នឹង​អង្គជំនុំជម្រះ​តុលាការ​កំពូល​នៃ​សាលាក្ដីខ្មែរ​ក្រហម​ ដើម្បី​​​ស្នើ​សុំឲ្យ​ចៅក្រម​កំណត់ពេល​ដែល​អតីត​មេដឹកនាំ​ខ្មែរ​ក្រហម​រូប​នេះ​ត្រូវ​ប្រឈម​នឹង​បទ​ចោទ​ប្រកាន់​ជាច្រើន​ រួម​ទាំង​បទ​ចោទ​ប្រកាន់​នៅ​ក្នុង​សំណុំរឿង​០០២​ផង​ដែរ បន្ទាប់ពី​មាន​សេចក្ដី​សម្រេច​របស់​អង្គបុរេជំនុំជម្រះ​ឲ្យ​ជ្រើស​រើស​តែ​បទ​ឧក្រិដ្ឋ​មួយ​ចំនួន​យក​មក​ជំនុំជម្រះ​នៅ​ដំណាក់​កាលទី២​នៃ​​​សំណុំ​រឿង​នេះ​។

លោក​បានមាន​ប្រសាសន៍​ថា “រហូត​មក​ទល់​ពេល​នេះ​ ពួកគាត់​​បាន​សម្រេច​​​តែ​លើ​វិសាល​ភាព​នៃ​បទ​ចោទ​ប្រកាន់​ដែលត្រូវយក​មក​ជំនុំជម្រះ​សម្រាប់​សំណុំរឿង​​០០២​/០២​​​​ប៉ុណ្ណោះ ប៉ុន្តែ​យើង​មិន​ដឹង​ថា ពួកគាត់​នឹង​ដោះ​ស្រាយ​ដូច​ម្ដេច​ចំពោះ​បទ​ចោទ​ប្រកាន់​ផ្សេង​ទៀត​ទេ។ ពួកគាត់​នៅ​ស្ងៀម​អំពី​រឿង​នេះ​”។ លោក​បាន​ឲ្យ​ដឹង​ទៀត​ថា “នេះគឺ​ជា​ការ​បំពាន​សិទ្ធិ​របស់​លោក ខៀវ សំផន។ គាត់​មាន​សិទ្ធិ​ដឹង​ពីពេល​វេលា​​​​នៃ​​​ការ​​​ជំនុំជម្រះ​គាត់​ចំពោះ​បទ​ចោទ​ប្រកាន់​ទាំង​នេះ​”៕ គឹមហឿន​​

 

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស