29 C
Phnom Penh

តុលាការ​ចោទ​ប្រកាន់​បុរស​ម្នាក់ពី​បទ​ឆបោក​ដោយប្រើប្រាស់ក្រដាស​ប្រាក់​១លានដុល្លារ

ដោយ ឌឹ ខេមបូឌា ដេលី

បទវិភាគ

យោង​​តាម​ចៅក្រម​ម្នាក់នៅ​សាលាដំបូង​រាជធានី​បាន​ឲ្យ​ដឹង​ថា កាលពី​ថ្ងៃច័ន្ទ សាលាដំបូង​រាជធានី​ភ្នំពេញ​បាន​ចោទ​ប្រកាន់​បុរស​អាយុ​៥៥ឆ្នាំម្នាក់​ពីបទ​ឆបោក​​បន្ទាប់ពី​​​មាន​​​ការ​អះ​អាង​ថា មាន​ក្រដាសប្រាក់​១លាន​ដុល្លារ​​​មួយ​​​សន្លឹក​​​​ ដែល​គាត់​បាន​សន្យា​ដោះ​ដូរ​ជាមួយ​បុរស​ម្នាក់ទៀត​មុនពេល​ប្លន់គាត​់យក​វត្ថុមាន​​​តម្លៃ​​​រាប់​ពាន់ដុល្លារ​នៅ​​​ពេល​​​មាន​​​ការ​ដោះ​ដូរ​នៅកោះ​​​ពេជ្រក្នុង​រាជ​ធានី​ភ្នំពេញ។

យោង​​តាម​លោក​ គឹម រ័ត្នណារិន ចៅក្រម​ស៊ើបសួរ​​បាន​ឲ្យ​ដឹង​ថា ជន​រងគ្រោះ​ឈ្មោះ យឹម ឈុត​​ បាន​មក​​​ជា​​​មួយ​​​ទឹក​ប្រាក់​​​ចំនួន​​​២.០០០ដុល្លារ​ ម៉ូតូ​មួយ​គ្រឿង និង​ក្រវិល​មាស​មួយ​គូ ដោយ​រំពឹង​ថា​នឹង​ទទួលបាន​ក្រដាសប្រាក់​១លាន​ដុល្លារ​ជាថ្នូរ។

ទោះ​ជា​​​យ៉ាង​ណា ជន​ឆបោក​ឈ្មោះ តូ សុវង្ស បាន​ជិះ​​​រថយន្ត​ទៅ​​​ជា​​​មួយ​បុរស​​​បីនាក់​​​ទៀត ហើយ​បាន​ប្រគល់​​​​ប្រអប់​​​ទៅ​ឲ្យ​លោក ឈុត មុនពេល​ជិះ​មូ៉ូត​​ូ​ជន​រងគ្រោះចាកចេញយ៉ាង​លឿន​ជាមួយ​ប្រាក់​និង​​គ្រឿង​អលង្ការ​។ប្រអប់​​​នោះ​មាន​ក្រដាស​​​ប្រាក់​១០០​​​រៀល​​​មួយ​​​សន្លឹក​​​​ប៉ុណ្ណោះ។​

លោក រ័ត្នណារិន បាន​មាន​ប្រសាសន៍ថា “​ខ្ញុំបានសាកសួរ​ចប់សព្វគ្រប់​​​ហើយ ហើយដឹងថា បុរសឈ្មោះ​សុវង្ស នោះ​បាន​បោក​ប្រាស់​ជន​រងគ្រោះ។ ត​ុលាការ​បាន​ចោ​ទប្រកាន់​បុរ​សរូបនេះ​ពី​បទឆបោក ហើយ​ជន​នេះ​ត្រូ​វបាន​បញ្ជូនទៅ​ឃុំខ្លួន​បណ្តោះ​អាសន្ន​ក្នុង​ពន្ធនាគារ​រង់ចំាការ​កាត​់ក្តី”។

លោក​​​ចៅ​​​ក្រម​រូប​​​នេះបានបន្ថែមថា “នគរបាល​កំពុង​ស្វែង​រក​បុរស​បីនាក់​ដែលបាន​មក​ជាមួយ​ជន​ឆបោករូបនេះ។បុរសឈ្មោះ​ សុវង្ស ដែល​កំពុងត្រូវ​​ឃុំខ្លួនបណ្តោះ​​​អាសន្ន​​នៅពន្ធនាគារ​ព្រៃស​រង់​ចាំ​ការ​កាត​់​ក្តីនោះ​ ប្រឈម​នឹង​ការ​ជាប់​ពន្ធនាគារ​រហូត​ដល់​បីឆ្នាំ​ និង​ពិន​័យជា​​ប្រាក់​​១.៥០០ដុល្លារ​​ប្រសិន​បើ​ត្រូវ​បាន​រក​ឃើញ​ពិរុទ្ធភាព៕សារុន

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស